華嫂冰室 (杜智臺)

營業中

休息中

今朝忽然想食湯麵早餐，於是就誤入了華嫂。很奇怪他們沒有早餐Set。而只有麵食套餐，即是若果你點了一碗粉麵，就可以優惠價加配飲品。我其實沒來過華嫂， 於是就點了招牌的蕃茄濃湯豬扒雞翼通粉，配凍檸茶走甜。通粉上桌時我真有點驚訝！首先通粉很大碗，蕃茄湯底很濃稠， 然後發現弓豬扒超大塊，舖蓋了整個碗，但廚房還是細心地把豬扒切成了三塊，更十容易食。雞翼有兩隻。雞翼是以醬汁調味煎過，很香口，但不會咸。豬扒肉質唔錯，實在但不乾不柴。蕃茄湯底不重味。整體味道很好，很用心的樣子。配了走甜的凍檸茶，剛好解膩。不過吃完這麽一大碗，中午不用吃了吧。

近期吃的西餐比较多回归了一下平民食堂😋今天跟着同事去吃茶餐厅，我能说很久很久都没吃过华嫂了吗😂第一次吃还是在天水围很偏僻的村屋附近😮‍💨原来湾仔就有一个离公司走路几分钟就到的。我们大约是12点20分到的已经座无虚席，但是排队也就几分钟🤪可以扫码下单也支持支付宝/微信支付等不担心没有现金的问题。——✅推荐槟城喇沙汤米线 $56 Laksa Soup Noodles with Pork Chop 看了网上都非常的推荐这个米线😃真的没踩雷喇沙味道虽然不是我吃过最浓郁的但是完全不会感觉很油腻，而且搭配三块惊人分量的猪扒，😍煎得刚刚好肥瘦也很均匀基本上肥肉很少，轻轻咬下一口还有一些juicy的口感不过连了一些骨头需要用刀稍微切一下☺️——✅推荐猪扒鸡翼番茄汤通粉 $56 Pork Chop & Chicken Wings with Macaroni in Tomato Soup 番茄汤底不用说了番茄味道超级浓郁的😋而且带着一点点番茄的酸甜口感，鸡翅给的不多size一般般，还是猪扒口感一流。——✅推荐鲜奶油多 $18 Toasted with Slice of Butter and Condense

經過見唔多人排隊，即刻買個外賣，叫左雞翼豬扒蕃茄湯底，佢個盒係分湯，不過一開可能d餸太重，上層已經跌咗落下層，雞翼同豬扒都好入味，豬扒唔夠淋，湯底好濃味，整體係ok. 題外話係個收銀阿姐態度真係要改善。

行開灣仔又唔想食咁貴，有時醒起華嫂個湯底，於是就行入去，之前食過其他分店，灣仔第一次試，一於睇下有冇其他新野，店內QR code落單,男朋友好鐘意佢個芫荽湯底，我就不嬲鍾意食冬陰功，但見到有新野喇沙湯底，即刻😍😍眼，今次試左1-香煎豬扒HKD 39.00豆卜 改出前一丁+$3 HKD 19.002-皮蛋芫茜湯底＋$8檳城喇沙湯 HKD 56.00豬扒 改出前一丁+＄3 HKD12.00凍-奶茶HKD 9.00

久仰大名，路過一試。乾淨企理，座位舒適。QR code 落單，八達通付款。叉燒蛋飯，超級無敵厚切叉燒，味道正常，沒有太大驚喜。芝士鹹牛肉蛋多士，呢個配搭無得輸，鹹香味十足。可惜多士揀咗大火但唔覺得有特別烘得特別香脆。芝麻醬秋葵，原條秋葵，份量足夠，清爽健康，好評！飯或粉可以半價加配飲品 ，i.e. 加11蚊就飲到奶茶紅豆冰！抵！而且可以選擇走甜，非常難得。紅豆粒粒都好完整大粒，甜度滿分，推薦！價錢親民，送餐速度快，味道不俗，整體上性價比極高

大廚坐鎮，出名就是炒滑蛋，一如茶記特色，食物選擇包羅萬有，早餐、下午茶餐、常餐、是日快餐、湯粉麵、炒粉麵、秘製咖喱、家常小菜、招牌蔥花滑蛋飯系列、懷舊鐵板餐、煲仔飯……等等。 餐廳環境都頗大而闊落，一室木系裝修襯木地板，天花又加「綠化」，裝修摩登得來帶點小清新。窗口邊的卡位就特別寬敞，雖然外面只是街景，沒甚好看，但勝在感覺開揚。雖然裝修沒有大玩懷舊元素，但門口傳統造型的霓虹招牌，舊式鐵皮拉閘，都是茶記的標誌。「招牌蔥花滑蛋三拼飯」有齊蝦仁、叉燒、牛肉，加上炒滑蛋，夠豐富，份量十足，絕無欺場；而「美國肉眼牛扒鐵板餐」亦是誠意之作，大大件肉眼牛扒，伴以芝士扒蕃茄、脆炸薯角，更奉送特色忌廉湯，真是性價比高。招呼又到位，，值得回訪。

早排好友提議就去咗喺銅鑼灣嘅餐廳食嘢😊望到Instagram都有好多人介紹呢一間餐廳係抵食之選，所以一於要去獎勵自己！我幾鍾意呢一度嘅氣氛。😋西多士呢個真係不得了，炸得啱啱好，超厚身，咬下去好有滿足感，味道都幾好👍🏻

估唔到茶餐廳入面竟然有叉燒飯食膽粗粗咁 叫左黎試下估唔到叉燒質素唔錯 份量亦好足片片叉燒師傅都切到勁厚絕對拍得住專門食燒味既餐廳隻蛋亦煎得靚 一督即流蛋汁用黎撈飯一流

有一個好姊妹要移民啦，於是同佢食一餐豐富嘅，可以一齊聚會下😙一於揀左呢一間餐廳食野，喺OpenRice度見到呢度嘅裝修都好好，非常之舒適可以俾我哋放鬆吓都幾唔錯😙真係好喜歡咖喱牛腩飯上到黎已經覺得好吸引，有咬口又有肉香，好juicy，入味好香，絕對要嗌呢一個❤️

約左朋友食lunch, 由灣仔地鐵站行過黎，一路俾個太陽直射住，真係熱到出晒汗🥵 呢度出面有維修棚架擋住，唔行近睇真係見佢鋪頭唔到囉😅坐左係近門口處，當時未夠1點，所以仲未駛等位，跟手1點鐘開始就人流湧現，拎飛等位都大概要10min左右。出面熱到焗爐咁，鋪頭入面冷氣開到唔駛錢咁😅真係人肉冰火兩重天🥶🥵🥶🥵(個friend行出行入食煙都幾大落差😅)呢度冇套餐就緊架啦，但估唔到有飯食喎～仲係叉蛋飯之類，不過行完果段路，胃口都熱到冇晒😅所以我叫左包食。我要左熱檸茶同奶油多D餡醬夠重手，如果塊多士烘得再乾脆d會仲perfect朋友每次必點豬扒菠蘿包，佢話好正喎～另外男朋友就叫左芫茜牛肉米粉，一如既往，好正佢好like我都食左少少，真心足料，湯底好正呢度如果搭地鐵黎真係行得多兩頭唔到岸，會展站定灣仔站行都差唔多，咁我就會鐘意去尖沙咀果間多d地點易揾又勁近地鐵站口，仲要位置都比較疏落

回帶返到大約五年前, 觀塘華嫂開業, 當時門口已經拉哂龍, 日夜都有客排隊, 食客大部份似90後同00後, 以為什麼驚天動地美食, 睇睇份 menu 都係得小貓3~4隻選擇唔多, 感覺奇怪點解咁多人幫襯.今次終於有機會試吓佢有幾巴閉.望望份 Menu 仍然係無咩選擇, 就點個暗然銷魂飯吧.𠵱! 係 Menu 圖中見到暗然銷魂飯有蔥蓉喎, 當然多蔥啦!Menu 講明係厚切叉燒, 上枱嘅都係厚切, 實物與圖無出入.但係...... 叉燒有根喎, 最大問題係厚切, 變成厚根, 咬開有點難度喎! 令到口感不佳.叉燒味道淡咗少少, 我愛重味, 所以感覺唔夠甜, 再加上無燶邊, 叉燒又無點占上叉燒汁, 家燕姐會話..... out!太陽蛋嘅蛋黃汁流入白飯上, 係簡單之極嘅美食, 再加上味道帶甜嘅豉油汁, 好唔好味你睇家燕姐流哂眼淚個樣已知!最後主角係蔥蓉, 一個字, 正! 蔥粒青綠新鮮味道適中唔會過咸, 入口爽脆又有蔥油香, 簡直將舊叉燒比下去, 可以掉去餵野豬.俾滿分全因為蔥蓉咋！

我最鐘意食叉燒，要食半肥瘦，貪佢唔鞋又夠冧，黎到華嫂冰室就食到，面層有少少蜜汁加上有少少焦香，如果喜歡食太陽蛋，仲可以蛋汁撈飯，豉油唔太咸但足夠令成碗飯有味唔會只食白飯。

午餐冇嘢好揀！超難食😣一次就夠以為都唔去，諗住快食個午餐跟住返工，啲同事叫我去試吓….因為啲食物嚟得快，點知一食兩啖成碗放低飲完杯野即刻買單俾錢走！之後去第二度買嘢返公司食，簡直浪費我啲錢😭

最近就去咗食叉燒煎蛋飯，就覺得一般冇話特別出眾但係都還好。 叉燒方面就覺得有少少肥咗啲，肉質就不過不失☺️飯方面就覺得有一種油炒嘅時候過高溫嘅味道，呢個位有少少扣分🥲不過服務態度方面就覺得好抵讚,啲夥計好有禮貌, 雖然當時都幾多人，但係佢冇話特別好急。上餐嘅時候都會叫食客小心啲🤍都幾貼心！有一種覺得自己唔係食緊茶記嘅感覺😂基本上啲嘢食不過不失，服務態度方面就好好嘅。雖然本身見好多人排，但係安排都好好，用膠板將啲枱分隔，令到食客可以盡快入座！

透過戶戶送落自取訂單，order左雞翼肉眼筋煎蛋冬陰公米線，雞翼大隻滷得非常入味，冬陰公湯底亦很出色味道濃郁，整體食味水準唔錯，但取餐過程不順利，明明講左數次正確既取餐編號，服務人員反過來話我講錯編號，態度仲要十分惡劣質疑我，無論食物水準多好但如此服務態度實在令人大打折扣