華星冰室 (西洋菜南街)

營業中

休息中

老外套餐姐係all day breakfast 嘅朋友😂 我自己都幾中意食，可能因為掛住以前係英國嘅生活，逢星期日就會有all day breakfast ，姐係brunch 😂 可以瞓晏啲，所以見到呢個特別嘅餐，就叫咗你試吓，雖然佢一啲都唔英式，但都幾特別😂但係食咗之後就覺得佢一啲都唔特別😂 會覺得係ABC餐溝埋一齊嘅感覺，除咗個麵包同埋太陽蛋之外，其他都真係唔係幾好食，我寧願叫返普通早餐，因為呢個餐跟埋杯嘢飲都要$48😅

送馬騮返學，考試期間好快就放學，去邊度打發時間好呢🤔🤔食個早餐先❤ 好耐冇食華星呀😁經過見到華星梗係入去啦😋😋好快有位呀咁我就叫個老外早餐同埋一個華星早餐水準之作， 咁耐冇食都一樣係咁好味呀 同以前一樣冇變最鍾意佢啲蛋夠滑同軟淋淋又夠大分yummy 佢個通粉水準一樣咁正啲湯差幾乎飲曬咁濟呀😅好好味😍仲有嗰啲麵包軟林林脆卜卜又厚切喎簡直係最正嘅用嚟呢擺啲滑滑嘅雞蛋上去一大啖咬落去好滿足呀 老外早餐薯餅就細咗少少啦因為實在太好味唔夠食呀😅我呢都係鍾意食經典嘅話華星早餐下次等🐵放早帶佢泥食啦#KatkatFoodies#katkatfoodie

今次已經係第n次嚟呢間冰室，平時都係嚟食早餐🥣但今日遲咗少少就叫咗茶餐。叉燒通粉湯底濃郁，通粉粒粒分明，唔會爛到一patpat or黐埋一舊，又唔會太硬。叉燒淋得嚟好入味，似係半肥瘦。份量大概三四塊，你夠好似手指尾咁大🥰炒蛋好滑，但今日偏油少少，蛋嘅周圍見到油漆。多士好硊卜卜，咬落去又鬆化，而且微暖，又香牛油味😋飲品永遠係佢嘅靈魂，幾次嚟食試過，啡走，茶走，鴦走，全部都好濃味又好滑😋😋

好耐無幫襯過，心血來潮，又見唔洗等位。坐低睇下有咩好食，因為成疊餐牌太多選擇，好啦諗到落單，想叫炒意粉，話要兩點後（唔係下午茶餐牌黎架），咁是旦叫兩個麵餐啦（一個$60多兩條腸仔$47無腸仔） 落左單，比張單黎一睇，收我兩個$60（我都唔食腸） 就侍應改啦，第二個侍應（女仔）先話我知$47個係早餐頭先二叔又無講，因為同一張餐牌，一邊係全日都叫得，另一邊就係早餐，個限定時間顯示又唔清晰，成壘擺哂係度，真係要張張都睇哂d細字先見到，算，係我無細心睇清楚。野食到，個出前一丁牛麵，咪粉分開試自己落，有好有唔好，不過湯係凍既，都唔夠熱整溶d咪粉食到，多士同炒旦又係凍哂，多士唔脆，奶茶做唔返以前茶香奶滑，又係唔夠熱。野食唔夠熱，好味指數已經扣左好多分，加上真係keep唔到水準，餐牌睇到我好亂😖

之前成日見好多遊客去食，次次經過都排長龍，心思思終於趁咧排少人去試下我叫左個黑椒雞扒餐。黑椒汁分開上，另外比一碟。其他茶餐廳都係淋少少，我經常要求比多碗汁，華星哩方面就好大方啦黑椒汁夠濃味之餘仲有少少辣口，like it。雞扒足料，有四舊，而且味道唔錯。值得一讚既係杯奶茶好濃，好滑，口感好純厚。必須試！！！！！朋友既餐（好似係校長全餐）該有既料都有，牛角包幾大個其他配料都比一般餐廳多，睇落唔錯。價錢亦唔貴，性價比好高推介之選

一有大清早，諗唔到食咩好，見到呢間野就諗「華星喎！係明星開架喎！」,諗住試下啦！一入去，有個樓面就對住我黑口黑面，好似唔想做我生意咁！之後我係理佢，之後叫咗個火腿通食啦！野又唔係好食都算！食完之後就起身埋單走人，跟住我睇到佢係咁狂抹我坐個張枱！咁即係點呀？做得服務業，你唔鍾意個客，你就可以黑口黑面架啦！我又無做過影響衛生既野！真係以為自己高人一等咁喎！咁對客，食完一次之後真係唔駛指意我會返轉頭！！

見好耐無黎食，行過又唔洗排隊，就係咁就入左黎啦，每次都食茶餐，今日都唔例如嗌番嗰先，叉燒意粉，火腿炒蛋，多士，凍檸茶☕️☕️☕️勁hea既茶餐，炒蛋好hea🥺尤其係茶餐嘅炒蛋，份量勁少，仲要啲蛋炒到勁碎，唔好食！又無蛋味！多士唔熱！又唔脆！叉燒意粉🍝又係勁碎既叉燒！！豬扒炒蛋飯啲豬扒原本pat埋一邊，所以一上抬感覺勁唔好，真係忍唔住幫手擺番埋一邊🥺🥺🥺豬扒食落太多鬆肉粉，一啲豬味都無😌 影相真係可以呃到人！

這間明星冰室位於旺角西洋菜南街 107號地下，A1出口步行4分鐘就到。聽朋友講呢度常餐出名好食，平日都要排長龍，星期六日就特別多大陸人。可能係明星效應，餐廳其中一個老闆就是E02成員，所以周圍都放了明星的合照和簽名。不過始終係傳統茶記，你就要預咗要快點快食快走，所以亦都唔需要等好耐就有位。我點了火腿湯粉，雞湯濃，煎雙蛋夠熱辣辣，牛油多士大火，夠厚加埋少少燶底。可以轉叉燒和意粉，不過始終環境比較窄，食意粉的動作會比食通粉用匙羹較大。值得一讚凍檸茶是用凍鐵杯裝，夏天會有種清涼透心的感覺，很好。有機會一定會再去。

只要你喺香港人，都冇一個人唔會唔識華星冰室！ 抗疫嘅日子有好多醫護人員走在最前線為香港人服務， 真係好感激華星冰室可以有呢個醫護人員半價優惠嘅計劃，全日任何嘅時間都有半價！ 的確幫我哋可以打打氣！ 奶茶香滑奶味香濃係茶餐廳嘅必飲之選！ 叉燒炒蛋味道都唔錯，聽說佢哋嘅叉燒係自己製造嘅！Yummy！ 呢個雞髀滑蛋飯再配咖哩汁嘅lunch，如果冇半價我都覺得好抵食， 更何況半價呢！ 雞髀夠曬熱，生炸雞髀唔係度度都有得食， 再配上佢哋嘅咖哩汁，加上薯仔好入味，正！ 全部員工都有戴上口罩，而且環境非常清潔，令你食得安心又放心！

It was Sunday noon and this is our cafeteria for sometime now. This time was requested by a 4 years-old who voiced several time previous day to meet up this friend who liked to "hi-5" at the restaurant. Of course he was referring to one of the servers who always welcomed him and cheered with this type of greeting. Friendly staffs and detailed services scored point, especially toward small children and babies scored bonus. Cashier was nice, talkative, and professional as nowadays lots of method

早前同啲團友仔落咗太子西洋菜南街嘅「將軍麵館」食晏，見到斜對面有家「華星冰室」，點解無啦啦會提，因為同行嘅友人喺「獅子銀行」度做，晌「華星冰室」食嘢有八折，咁抵就異口同聲都話梗喺要幫襯啦。話時話，點解只有呢間「華星冰室」嘅英名名稱叫「Chrisly Café」，而其他嘅「華星冰室」嘅就叫「Capital Café」呢？我哋好彩嚟得早，所以，一入去就有位，但轉頭就好快坐滿晒。不過，嚟得茶記都快上快落，所以，就算得等位都唔需要等得好耐。而餐廳環境，就如茶記傳統，夠逼，左右兩邊卡位，喺4人位就緊緊坐到4個人，肥少少就坐到突晒出嚟；中間就坐到6個人，完全前前後後背貼背。然而，裝修上就帶有好多本土色彩。至於有啲咩食，晌餐枱面就貼晒出嚟，都喺慣常晌茶記見到嘅乜餐物餐、本土小食、丁麵、三文治……等等。咁嚟得食晏嘅，就自不然提供埋午餐啦。常餐 $47友人就簡簡單單揀咗茶記極具代性之一嘅常餐，包括叉燒意粉、火腿煎蛋、牛油多士及餐飲。賣相就唔好點期望啦，但份量十足，尤其啲叉燒大大片，都俾到4、5件半肥瘦，而湯底普普通通啦，都只不過喺啲清雞湯而已；友人話啲煎蛋仲有啲蛋漿，無煎得太老，而火腿又唔似大陸嚟嘅平價

久違了的華星早餐去到不同的國家，對於早餐還是有種期待。一日的開始還是會想肚子是飽飽的。要問香港最熱門的早餐一定是典型茶餐廳的常餐：通粉、炒蛋、奶茶、多士。華星的味道是叫人偶爾就會想起，不像某間有名佐敦餐廳，這裡會少了一份急速。還是一份常餐最好接近一年才再度光臨，驚見有老外套餐，即是all day breakfast。華星對於外國人的如意算盤打得甚好，但是叫一份常餐最好。友人還一杯好立克多士炒蛋火腿的溫度剛剛好。對於麵包甚有要求的筆者，明白把一塊麵包烘得剛剛好，而沒有太燶太過軟糯。要明白好的多士，如果過了十分鐘就鬆軟而失去烘多士的意義。華星在多士的處理上恰到好處，多士配合炒蛋的蛋汁，反而是火腿通粉是令人失望，雞湯明顯滲入味精，吃完之後整個口腔是口乾，通粉亦為過熟的處理，失去了口感。

早幾日放假去咗華星食下午茶，因為好又人都推介常餐，就姑且叫黎試下。首先講個通粉，個湯超重味精味，啲通粉食落好粉，口感有啲怪，唔知係邊度返嘅貨🤢個幾塊火腿就正常嘅，不過不失啦。跟住就黎到我最期待嘅炒蛋，因為華星最出名就係炒蛋。點知，我竟然食到蛋殼，仲要都幾大塊下，真係好無奈。蛋係滑嘅，但味道有啲淡，似係加咗水去整👎🏻塊薄多士都係中上水準，個皮係夠脆☺️總括黎講，街邊茶餐廳水準比佢還好，仲要平啲😞

香港有咁多間冰室冰廳， 多數都唔記得邊間打邊間！ 今次到旺角的華星冰室，之前向九龍灣都食過， 餐廳選擇嘅種類唔係好多， 來來去去都係常餐或者碟頭飯， 今次試下西式的老外套餐$48（ 煙肉＋炒蛋＋粟米＋茄汁豆＋多士＋薯餅＋茶走）， 然後又點少得常餐$47（叉燒通粉＋ 火腿炒蛋＋ 牛油多士＋ 凍啡少甜$3）。老外套餐～其實同all day breakfast 差唔多，有煙肉＋炒蛋＋粟米＋茄汁豆＋多士＋薯餅， 煙肉係幾好食，因為唔太肥膩， 淋淋哋唔會太硬身， 仲有牛油多士烘得夠香。常餐～叉燒通粉＋ 火腿炒蛋＋ 牛油多士， 叉燒大約有五塊， 湯底唔夠燶， 其他嗰方面普通。凍咖啡～ 味道沒有特別， 咖啡味不算濃郁。茶走～ 茶味帶苦澀，不太好飲。

I had the scrambled eggs on toast, with a tiny bit of black truffle, like suggested after doing some research about a great place to have a local breakfast, and I was not dissapointed. It was as it says, nothing fancier, but very well done.The place feels very local (which is great), but as a tourist I felt just as welcome.I would definitely return if I come back to Hong Kong.