華記士多 (已結業)

天氣開始轉涼，我地終於可以lunch果時去食華記士多嘅蛋包飯啦！去到發現華記士多座位原來唔多，大部分嘅座位都擺放係後巷度，日曬雨淋，如果天氣熱時食得冇咁舒服。華記士多嘅lunch只有3款食物可以選擇：芝士咖哩蛋包飯，咖哩蛋包飯同台式滷肉飯。同事每次黎都係食芝士咖哩蛋包飯配凍奶茶，佢推介我都一齊咁叫，同事食開好野跟佢叫一定冇錯~ 首先黎左餐飲，凍奶茶茶味夠濃，係大排檔式奶茶口味。芝士咖哩蛋包飯唔會太辣，拉絲芝士配上雞肉，lunch食呢個咖哩蛋包飯非常滿足，而且只係$43份，凍飲仲唔洗加錢，性價比超高！

每到午飯時間，又係同同事四出搵食嘅時候喇。今日就同同事去試一間好有香港特色嘅華記士多。我哋用餐嘅地方就係係一條後巷入面。嘩！真係好有感覺，好地踎呀！即刻二話不說點佢哋出名嘅芝士咖喱蛋包飯。咖喱味濃郁，面嗰層蛋亦都煮得十分嫩滑可口非常。

最近都過嚟食咗幾次蛋包飯，但係其實我從來都冇試過蛋包飯加芝士嘅味道，今日再嚟呢度終於試吓呢個芝士蛋包飯啊其實大部份嘅嘢同平時食蛋包飯都係差唔多，只係佢個蛋嗰度多咗芝士喺度，咁本身呢度個蛋包飯已經好好食啦，不過再加埋個芝士其實我覺得有啲畫蛇添足，加芝士要比多$5 㗎，唔可以話佢難食，不過下次再嚟食嘅時候我都係會唔加芝士囉

西灣河CP值高的蛋包飯😍👍🏼👍🏼👍🏼Lunch time 時間黎都見到好多學生叫外賣走，可見呢間餐廳嘅蛋包飯有一定人氣😁外層嘅蛋好滑！好水嫩！時間煮得岩岩好！!內層係醬油飯加雞醬油飯唔會太鹹，但又有醬油嘅香味🤤雞肉就不過不失，正常la😁咖喱汁好多😁正碟都係呀！yummy !!!!蛋包飯份量都算大，食唔晒嘅女士可以叫少飯。🙈🙈店員都好有禮貌👍🏼👍🏼CP值又高！值得一試😊😊

隱世咖喱蛋包飯🍛 座於一條後巷既華記士多，襯天氣轉凍左，唔洗流住汗咁食，lunchtime就去食下先🤤🤤咖喱芝士蛋包飯🥢日式嘅咖喱醬汁帶甜而不辣，蛋炒得非常滑嫩。入裡係嘅咖喱雞肉炒飯，飯同蛋中間夾左一層芝士，每一啖都食到芝士嘅味道，令味道提升咗唔少。連埋嘢飲都係$45，真係好抵食🤤🤤🤤味道指數：🌝🌝🌝🌝抵食指數：🌝🌝🌝🌝回頭指數：🌝🌝🌝🌝⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️💡是日嗌咗： （免加一）日式咖喱芝士蛋包飯 $45💡餐廳資料：📍華記士多 (西灣河)西灣河筲箕灣道48號地下3B號

今日有一啲事令我嚟到平時絕對唔會嚟嘅西灣河，上OpenRice睇吓見到呢間得一個喊樣就即管試下。士多位於後巷，有唔少學生哥係到食lunch，佢個Menu真係寫住是日頹飯，得三個飯揀，我揀咗咖喱芝士蛋包飯，每個飯仲要跟嘢飲冷熱都包。有芝士呢個買$43，如果唔使芝士就只係$38。蛋包飯嘅滑蛋真係好滑，咖喱汁就只係正常，個飯係有調過味，入面仲有炒左既肉絲，飯量勁大，我出盡全力都只不過食咗三份之二，凍檸茶正常。呢個價錢的確性價比非常之高，如果我係街坊會再翻返嚟幫襯。

同朋友係IG見到有推介呢個蛋包飯睇落實在係太邪惡!!!!太吸引!!!!就等我黎TRYTRY佢!!!佢係係條巷仔到既一去到完全係以前中學放飯食附近街坊鋪既感覺D枱仔同椅子就咁放晒係出面就咁同店員口講落單好似係得3個菜式揀不過我見個個都係叫呢個芝士咖哩蛋包飯~~~$43包埋一杯飲品冷熱同價既我就叫左呢杯檸汁特飲不過我見好多人都叫凍奶茶飲咁佢既奶茶應該都係出色既而呢杯特飲固名思義檸檬味重既酸酸甜甜既感覺 好清爽個飯一上既時候我係心諗:好大!同埋勁多汁完全係岩晒重口味人士佢D汁唔會係好水 但又未去到醬咁杰個蛋就係視覺上睇都覺得好滑嫩~~~入面既飯係炒底既係用醬油炒 係每一粒都有汁 完美既染晒色!佢D芝士係好濃味~~ 蛋又香又滑!芝士、蛋、咖哩呢個組合配合得天依無縫~~入面仲會有D雞肉又係滿滿既油味真係大滿足啊佢份量都幾多 男仔黎食都可以食得飽飽!果然冇令我失望

三十幾蚊 包野飲 CP 值超高 蛋滑 多蛋汁 飯夠乾身 夠哂鑊氣 有肉粒 滋味 再配熱咖哩 冬天食 暖胃 飯 就用隔夜的米飯，吃來口感最軟Q鬆軟。色澤較黑 咖哩通常都不辣，而且甜甜的，很適合一家人享用。只要用咖哩磚，就熱騰騰一大鍋，超滿足！咖哩汁超下飯，食材塞滿蛋𥚃 肉絲也很夾蛋汁 香角四溢、香氣馥郁 環境雖然係後巷 但衛生尚算可以 仲有一點微風 上菜速度也很快啊 飲品已包 可揀選的飲料也很多 凍檸茶也不錯 稍後會買呢個肉躁飯 肉躁飯 好有油脂味 十分惹味

全部共有3款但在場所見大家都係為蛋包飯而黎不過位置唔多 轉角位 一條巷仔見好多人都係叫定外賣芝士蛋包飯 仲送野飲凍熱同價 個蛋好嫩滑入面有芝士混埋一齊個咖哩係日式咁嘅質素真係好抵食

華記士多食咗好多年，夏天因為天氣熱會放暑假!今日一食已經唔咪以前嘅味道...店舖及食物外表一樣，內涵已經唔同哂!以前叔叔整，好食好多...可能材料無用以前咁好啦!

今日經過西灣河，又正值食飯時間，甘啱我又肚餓，就諗起好耐好耐都冇食過嘅蛋包飯，之前暑假佢放左好耐架，搞到我好耐都冇得食，一場嚟到就睇吓有冇得食啦因為其實係星期日，我都驚佢唔開門，不過好彩去到嘅時候見到佢有開門，今晚門口仲有個位可以泊車喎，正啦！我好少喺其他地方食蛋包飯，食過嘅都覺得唔係特別好食，有時覺得啲蛋太乾，但係呢一度嘅咖喱蛋包飯，係我食完再食食完再食食完再食都覺得好好食，除咗啲蛋唔會太過乾身之外，佢連個飯本身都好好食，有一啲雞樓係入面，雖然我唔知道佢個飯係點炒，但係真係好好食除此之外佢應價錢都係一個好吸引嘅地方，如果你吳家芝士淨係食咖喱蛋包飯，價錢都只不過係$38 ，冷熱飲品仲要同價，呢個價錢可以食到個飯，而家香港仲喺邊度搵呀

1. 芝士咖哩蛋飯2. 咖哩蛋飯3. 台式滷肉飯以上就係呢間士多餐單，沒有其他！專注只做三樣食，果然樣樣都好滋味⋯⋯咖哩係港式咖哩咁微辣微甜，而個蛋煎得好有誠意，起碼用2-3粒蛋先做到咁效果，豐厚滑嫰用匙羹劃開蛋面，裡頭嘅飯更加不得了！除左啖啖咬到肉，仲有飯粒鮮明唔黏。至於跟餐送野飲，冷熱同價，叫杯檸汁特飲，可以解解咖哩重口味，同場叫了杯奶茶，又真如食評咁講，好夾個咖哩飯黎食呢日正是周日假期，客似雲來，好多人等叫外賣。

朋友成日話西灣河有間蛋包飯超好食🤨🤨今日佢就帶咗我試吓食。。。環境方面就麻麻地 因為佢係喺後巷度開枱俾你🤨🤨隔離就係水渠等等 ...不過撇除環境佢嘅蛋包飯真係世界級！！！無得輸！！😋我叫咗個咖喱芝士蛋包飯 ..佢啲蛋超級滑 🤩🤩加埋芝士係入邊超級正！！🤩🤩咖哩係偏向日式甜甜地嘅咖喱啲飯入邊總會有啲雞肉tim..份量啱啱好！呢個真係隱世高質平價蛋包飯唔怪之得我朋友成日讚不絕口‼️我一定會再返嚟🤩🤩

一說到西灣河找吃的，大家最先會想到的應該是太安棲吧?!但其實走遠少少，有一間吃蛋包飯~也不錯喔！雖然是在巷弄裡，而且桌椅都放在街上～但來吃的人仍不少！餐牌中就只有三款，所以既然是來吃蛋包飯就不用再多想。芝士咖喱蛋包飯 ($43)好大的一份！！用湯匙輕輕弄開，香味更為撲鼻內裡的飯不是普通的白飯，而是用豉油炒過~還有嫩滑的雞肉咖喱是日式咖喱，吃起來不會辣~加上芝士就更惹味~而且也夠將整個飯吃完還有那蛋也是滑蛋~嫩滑的口感很討喜！$43這個價錢除了蛋包飯外，還包一杯飲品 (冷熱同價)奶茶、鴛鴦那些都有~ 還有橙汁，不過阿華田的話就沒有了

碩果僅存的後巷街坊茶檔，西灣河太富街近警署“華記士多”。本來想去筲箕灣道“忠記”, 剛好停車在華記門前，無意中發現這後巷小店很有兒時茶檔或“飛髮鋪”風味，早上秋意已濃不怕坐室外，於是二話不說選擇坐下，小店食物選擇不多，但一碗餐蛋麵吃得出慢工出細貨的誠意。