華記士多 (已結業)

今時今日，要食到40蚊以下午餐已經唔易，仲要係蛋包飯，平時出去食都要70-80，但呢到平而且好好食好Juicy既蛋下面係雞粒炒飯，一啲都唔亼覺得dryBtw, 呢個價錢仲要包飲品

馳名已久嘅華記士多，今日終於有機會同同事試下啦! 我今日試咗咖哩蛋包飯，再加杯COT😋😋華記士多雖然係後巷位置，但平時午餐時間都有好多學生幫襯， 襯今日星期日冇咁多人唔使排隊，特登同同事試下。😃咖哩唔算太辣，非常之好味😋

西灣河係我心目中一直係一個美食天堂,除咗有太安樓之外,一定要推介呢間十分地道嘅咖喱蛋包飯。雖然我寫係士多，但其實佢又稱唔上係，因為基本上佢只得三樣野賣: 咖喱蛋包飯，芝士咖喱蛋包飯，肉燥飯。呢度最出名食蛋包飯，不過我怕漏，所以點無加芝士嘅蛋包包飯。一上枱賣相巳經好吸引，隻蛋軟綿綿咁，唔會覺得太生亦唔會太熟而導致太乾同硬身，食落十分嫩滑。咖喱汁唔係日本嗰隻，所以相對無咁甜，雖然我無加芝士，但因為蛋包飯入面都有d芝士喺度所以味道都比較濃厚。最有誠意係蛋包飯入面，個飯用左頭油炒過，所以好夠味，仲加埋雞肉，無肉不歡嘅我當然十分喜愛！不過最好加返杯野飯，因為個味道都算幾重。不過最後要講一講個環境，好地道，有大排擋嘅感覺，所以都會有烏蠅飛黎飛去，所以如果有潔癖嘅朋友就唔太推薦。

真心 初初見到個門面覺得好污糟覺得有少少唔係好開胃因為佢成個餐廳都係坐街邊後行嘅而且成間餐廳都剩係得三個飯俾你揀冇乜選擇睇冇乜選擇嘅情況下我叫咗個芝士咖喱蛋包飯出乎意料之外真係好好味裏便係有豉油炒底嘅雞絲炒飯再有一啲半生熟嘅蛋包住成個飯都好好開胃我平時食好少嘢都食晒成個飯而且$43真係好抵 不得不提 隨餐附餐附送一杯檸汁特飲好好飲 個酸度剛剛好 唔會太甜feel到有好多檸檬係入面 必飲雖然佢個環境真係麻麻但係佢依個飯同嘢飲 真係好值得再去食依家$43咁嘅價錢有咁嘅質素 真係好難搵推介俾大家

與其說它是餐廳，不要說他是大排檔更為貼切，因為座位差不多全集中在旁邊的後巷。天氣涼的時間來吃是沒有問題的，夏天就視乎你對咖喱飯的熱情。這裏餐牌很簡單只有兩款，咖喱蛋包飯（可以加芝士)和台式滷肉飯。對不起，我來了多次也未曾見到有人叫滷肉飯，所以不能告訴你是否好吃。大家都是衝着咖喱蛋包飯來的。蛋是香滑無比的，咖喱汁是帶甜的日式咖喱，配方就是大家在超市都常見的那一隻咖喱磚做的。但我想為何這裏有那麼多人幫襯，最主要是他很有心思的將飯和咖哩汁是去燴一燴，所以吃的時間整體味道會更加突出，雞肉亦做得嫰口。這麼有心思的咖喱飯和凍飲都不過$40，真的忍不住常來。

西灣河好出色既一間小店。雖然坐得唔係好舒服，但係人客非常多。琴日lunch去左食佢既咖哩蛋包飯，佢既咖哩汁多到滿，滑蛋炒得剛剛好，有dd蛋汁之餘又可以包到飯，炒到生熟既狀態好好！d咖哩好好食，佢係有dd既辣，唔太辣，再有少少甜味既咖哩。重點係，唔貴！性價比好高😍

朋友話帶我去食好嘢，但點估到位於後巷嘅港式士多最出名嘅會係日式蛋包飯呢！餐廳飯餐選擇不多，當日午餐有蛋包飯和另外兩款碟頭飯。這裡坐位比較少，午飯時候都要等位，所以不少人都選擇外賣。芝士咖哩蛋包飯 ($43)作為芝士迷的我，當然要試下加了芝士嘅蛋包飯。飯面的咖哩汁是那種味道偏甜、不辣的日式咖哩，蛋皮整得非常滑溜，完全唔鞋口。有別於一般的蕃茄飯底，蛋皮包着的卻是褐色的豉油雞肉炒飯，撈埋咖哩汁一齊食完全沒有違和感。可能比咖哩味蓋過左，蛋包飯的芝士味唔算太出，但芝士份量都落得好足，同朋友食到三分二已開始覺得有飽。大大碟嘅蛋包飯連凍飲都只係$43，如果係大商場入面食的話，同一份量嘅蛋包飯連嘢飲起碼都要6、70蚊，所以華記性價比非常之高。見到大部分食客嚟到都叫蛋包飯，可想而知已經成為左西灣河街坊嘅名物。

餐牌得三個飯 主打芝士咖哩蛋包飯或者無芝士芝士咖哩蛋包飯($43) +招牌檸汁(免費)飯方面 咖哩係港式既咖哩少少辣少少甜味蛋煎得唔錯 十分嫩滑 飯方面本身已經用左豉油去炒過 有雞肉同芝士係入面 但味道上偏咸 無野飲頂唔順-野飲方面 飲完杯野完全可以中和口入面既咸味同辣味 唔錯-但環境方面真係要彈下 堂食係後巷位 唔乾淨都不在話下 仲好多蚊 我同女朋友食左半粒鐘都無 閒閒地都比人針左廿幾粒 食完要狗衝過隔離街watsons買無比膏唉 如果你地唔怕死想試既 記住著長褲噴蚊怕水綜合咁多樣因素既話 個飯唔差但環境方面堂食既話會比較惡劣不過本身間野都係主打外賣既 都冇理由要求佢堂食鋪面幾咁乾淨、high class嫁喇不過係唔係真係咁值得特登去到西灣河食既 就見仁見智啦

平靚正應該係最貼切的形容詞，38仲要包凍或熱飲。哩個當然未必係最好食或完美嘅蛋包飯，但哩個價錢，哩個質素先係重點。本來以為38蚊嘅蛋包飯應該真係得蛋，咖哩汁同白飯，但估唔到入面嘅飯係有撈淡淡嘅醬油汁仲有雞柳片。飯煮得剛好，不太乾或濕。滑蛋份量超多，除底部薄薄一層係有煎過嘅質感，其他都係嫩滑的。咖哩汁咸度足夠，沒有像其他的日式咖哩偏甜。另外的肉燥飯，大大的一碗，加上經滷煮大量的五花肉塊，仲要唔會乾柴，很快就食哂一碗了。

幾年都唔黎一次西灣河，難得出黎就梗係處理一下口袋名單，揀左華記士多。華記士多都算近太安樓，小店一間，有瓦遮頭嘅只有幾個位，其餘喺後巷開枱仔，有心理準備環境就一般，但比起我去過一啲有坑渠嘅後欄，比下有餘。週日下午茶時間坐滿人，搭枱係基本。姐姐們幾好笑容，由於已經食左野先黎，我地兩人分享一個飯，都冇任何不悅，用餐愉快。餐牌只有三款飯：芝士咖喱蛋包飯、咖喱蛋包飯、台式滷肉飯，定價$38/43，附送茶/啡/菜蜜，凍飲同價，去邊度搵。如果唔係後巷，一般茶記都收4、50蚊啦。9成9人都點咖喱飯，廚房不停製作，上菜速度快。咖喱蛋包飯 $38蛋包飯賣相讚，一啲都唔頹，滑蛋緊緊包裹飯粒，淋上滿滿咖喱汁，見到都流哂口水蛋奄列薄身、好滑溜，完全唔老，油就點都有架喇。揭開奄列，裡面有滿滿熱辣辣嘅豉油飯粒，好似有少少豬油咁；仲有雞肉，有誠意。配典型盒裝嗰種日式咖喱塊開成嘅汁，醬汁稀身，想像得到嘅，唔會好辣，少少甜，好好送飯，講真自己一個都輕鬆食得哂可能我食得多頹頹茶餐，真係唔會太harsh，我覺得值得一試，性價比高；當然如果對環境、後巷呢啲好反感嘅，就唔建議啦

今日去開港島東行山，所以朝早來這裏吃個brunch，哈哈！11點來到的時候剛好沒早餐了，唯有試一試這裏最出名的咖喱芝士蛋包飯吧！華記的菜單選項比較少，只有三四個選擇，可能是對自己的蛋包飯非常有信心吧！果然，這裏客似雲來，大多都是點蛋包飯的。首先一看見這個蛋包飯，其外表不是十分吸引，而且咖喱汁看起來太多水了，不過當界開鷄蛋後，裏面的飯竟然是豉油飯！著實令人驚喜！吃起來鷄蛋滑溜，不過略嫌欠缺蛋香。飯粒稍微硬了一點，不過尚可接受。飯底本來比較乾身，可是配上咖喱汁又恰到好處。飯和蛋中間夾著了一層芝士，雖然不足以拉絲，但芝士味十足，非常香。至於裏面的鷄肉則帶點雪藏味，而且有點肥膏。跟餐的檸檬水味道也有點怪，可算是美中不足。總括而言，這裏的蛋包飯有點名過其實，加上環境比較惡劣，坐在冷巷看著員工在洗碗和處理鷄肉，似乎有點倒胃口。

倖存者成日以為港島野食唔係貴就係份量少。今日倖存者完全180度態度大反轉，因為呢間隱世小店賣嘅飯又大碟又平，仲要好食到不得了！講緊既就係華記士多！所有位置都係係後巷，食嘅除咗馳名咖哩蛋包飯之外，完全食港式風情。呢度雖然無裝飾，但人龍仍然不斷，為嘅只係食咖哩蛋包飯。華記只係賣3樣野，芝士咖哩蛋包飯、咖哩蛋包飯同肉燥飯熱辣辣送到枱上! 金黃色嘅軟滑蛋被滿滿咖哩汁包圍，內𥚃飯粒更混合咖哩汁炒，令咖哩香味芳香四起！

所有西灣河人都知道嘅好西！華記得三款食物：芝士咖哩蛋包飯、咖哩蛋包飯同台式滷肉飯同埋多數都要坐係巷仔，有時夏天食都幾辛苦，但都係值得嘅！首先，個蛋好滑同仲有蛋汁，所以入口好香蛋味，撈埋咖哩汁就啱啱好，而且咖哩係偏日式，唔會話太甜或者太辣有時食咖哩會覺得食食吓好悶，但呢個蛋包飯入面係豉油雞脾炒飯，所以食食吓有雞脾肉好正！蛋、咖哩加埋豉油雞脾炒飯，啱哂重口味人士！而且份量好大，同行女仔都食唔哂

出面食蛋包飯閒閒地70蚊起跳，有時仲要唔好食☹️但呢間華記士多，每次幫襯都保持到高水準，蛋包飯不只好食仲超實惠，真係街坊價高質貨😍雖然店面好細，客人要坐在後巷食飯，但見佢客似雲來，就知佢的招牌蛋包飯有幾正啦！——————————🔹咖喱蛋包飯 $38📍9.5/10呢度嘅咖喱蛋包飯，係經過改良的港式咖喱炒飯，事關佢入面個飯唔係白飯，而係加入大量雞肉同用醬油炒過的超香炒飯！外面嘅蛋非常嫩滑，旁邊圍著勁量的日式咖喱醬汁🍛，睇落簡直係沐浴在咖喱中的蛋包飯😱日式咖喱汁甜甜地唔會辣，味道完全不似一般港式餐廳一樣稀稀淡淡，反而濃郁又偏稠。醬油雞肉炒飯足料有鑊氣，份量多到連一個大食的男士都未必食得曬，真係超誇張！將炒飯、半熟蛋皮及咖喱拌勻，日式揉合香港本色，真係好夾好好食呀❤️可惜嘢飲方面就差啲喇～每個飯均奉送餐飲，我叫咗凍奶茶，茶味較重，可惜偏淡，最後飲唔晒🤢

住係西灣河既我，有乜理由會唔試依間，華記士多呢，雖然佢門面噏噏揼揼，但以佢既出名程度，又係附近又近又平，點都要試下。佢餐牌上得三款比你揀，唔洗心大心細食乜好。招牌野-咖喱蛋包飯$38 佢裡面個飯係炒飯底，而且炒得好香，又唔乾，炒到岩岩好👍🏻正到爆佢個賣相好，色香味俱全，又上鏡唔講真係睇佢唔出只係賣$38跟餐加左杯飲品，杯野飲都係心機之作，係平價餐中另一種享受，平都可以食得好滋味，絕對會再黎食嫁！