華輝小食 (已搬遷) 新店位置

(手撕雞腸粉 $30，手撕雞撈麵 $30 )3 月就正式結業啦，好可惜呀！大家係執之前都食多兩次啦。手撕雞腸粉同手撕雞撈麵都係必叫既野！有人好食，有人覺得唔好食，對我黎講係好夾好中意食。中意食雞絲粉皮既人就中意食呢個，因為麻醬同雞同腸粉都好夾。另外仲有得揀唔同既麻辣度，撈埋食真係覺得幾正。如果唔食腸粉，手撕雞撈麵都好正，個石磨芝麻醬真係好香好正，最緊要多醬。咁好味既都要執！

食過咁多次，一於寫過食評先🤗麻醬好香唔會太傑，腸粉靚，係可以慢慢攤開嚟食個啲，反而雞絲只係襯托個腸粉😂😂😂😂但辣度一定要提，一定要加辣呀😍😍😍😍😍我就叫咗中辣。如果唔加辣應該會失色!

深夜發毒今晚老公返屋企既時候專登經過大圍，就係為左買呢傳說中既手撕雞腸粉！！！話說呢個手撕雞係需要排好耐隊，就算日頭定夜晚都好受歡迎㗎😋我地就買左兩份，一份係唔辣既，另一份係小辣🌶每一份$32，分量都幾足，都算大份。醬料除左有豉油同麻油外，仲有芝麻。腸粉反而有驚喜，幾彈牙，唔似街外買返黎既批發腸粉。但係手撕雞就有少少失望，雞肉比較鞋口，應該係雞胸肉。總括黎講都係食味道，所以小辣嗰份會比較吸引，而且都唔算好辣，下次可以試下再辣少少先😋

正所謂:「為何夜深時份總是餓」諗多無謂，搵食至上。去左大圍【華輝】買手撕雞腸粉(辣味隨你揀)，我自己就食開中辣既，唔食開既辣朋友可能會覺得好辣的。腸粉非常細滑不特止，人手手撕雞連皮食就最滋味不過，麻油夠香夠惹味，還有芝麻灑滿手撕雞面，條條大小均一，加上熱辣辣，寒冬既天氣之下，一啖一口夠晒暖胃最心。重點係真係會食上癮的，因為件事實在係太夾喇。如果有朋友由海外而來，真心要帶佢黎食下，話比佢知，香港真係美食之都，好西吃不停。

其實幾年前曾經被呢個手撕雞腸粉吸引不過因為係大圍，唔太就腳🤣所以一直未試，三年之後又三年早排搭火車特登落一落大圍站食下呢個腸粉🙆🏻‍♀️睇下係咪真係咁好味先！手撕雞腸粉 $32名副其實，手撕雞加腸粉手撕雞整得尚算幾好食😅腸粉就普通嘢嚟加埋豉油甜醬花生醬，都仲係十分普通真心個句，冇好驚喜，冇要回頭再食嘅點如果佢用手撕雞嘅汁撈晒成個腸粉仲吸引🙄而家要我比呢個價錢食兩樣咁普通嘅嘢就覺得有啲唔抵啦🤨！好味指數：

買盒飯，一直等左半個鐘，期間成日話1-2分鐘就得。原來買個陣先煲飯，d飯仲要煮唔熟，硬繃繃。真係唔明點解飯係生既都可以照賣，結果只係得d雞係食得既。 真係食大家樂都唔洗咁難受。

完全無味既油浸雞絲粉腸。。。一直住大圍 見間店子晚晚都好多人幫襯 終於今晚試下 點知中哂伏 34蚊一盒 得個幾條雞絲 我點小辣 的確有辣椒味 但真係得辣椒味囉 明明成盒粉腸係有麻醬既顏色 但我撈混哂成盒野 都嗅唔到麻醬香 亦食唔到麻醬味 成盒野 淡某某 一浸油味擺入口only救命。。。

.喺大圍有間小食曾經風靡一時，出名到啲人要揸車入嚟排隊買。雖然熱潮過左，但係店員都算係做唔停手。.手撕雞腸粉 • 腸粉要求皮薄同滑，可以將卷狀嘅腸粉用叉分開打平，佢做得到。正常嘅腸粉係會加甜醬、辣醬、花生醬、豉油 — 簡稱「混醬」。手撕雞用嘅醬汁係好相似嘅，所以我覺得呢個組合好夾。佢有分好多種辣，我就揀咗小麻辣。雞肉係紮實但係一啲都唔鞋，份量都算多。雖然雞味唔係特別濃，但係點埋麻辣嘅醬汁，灑埋芝麻去食，令我有種食上癮嘅感覺。.其實上網睇過OpenRice嘅食評，有啲人話名過於實又有啲人話服務態度差，而我就唔覺啦。.餐名: 手撕雞腸粉價錢: $28評分: 9.5/10餐廳: 華輝小食 (大圍)地址: 大圍大圍道71號富嘉花園地下28號舖IG ： hkfoodpoint

今日行過見到大圍有好多間小食店，見到有瑞士汁雞脾，所以買左一隻黎食。（$20） 要等10分鐘左右😰小食黎講，有d耐。但其實都多人排隊，但見到好多人都系叫手撕雞。唔知系咪好好食呢。佢好好，有手套準備埋，好貼心。見到個盒甘大，一定系好大隻😍😍😍😍瑞士汁雞脾係真係幾大隻，但食落去。。。冇乜瑞士汁，又好似唔多似瑞士汁。。。。同埋肉質好‘鞋‘，唔夠嫩滑😔 見店內職員好似得一個人，如果多加人手應該會快好多。

大圍手絲雞 聽就聽過好出名，但食就琴晚終於試第一次喇。夜晚十點半去到，唔算多人排隊，等左五分鐘已經有得拎。今次我地就試左手絲雞腸粉加粢飯。先講個腸粉，係滑既，但食腸粉連最基本既甜醬都無，就算唔加入個盒到，都起碼可以提供埋。。而手絲雞，味道一般囉，份量適中，係一打開有麻醬味傳出覺得好吸引但當你食落後發現其實只係 兩樣野放埋一齊，無特別之處。而個粢飯，飯就大大舊，料就中間一撮仔。唔似七三比例，似八二比例喎。。仲以為成舊肥咕碌，點知係咁。最後，有人提過既態度問題。。本身都唔奢求會有咩服務可言，但打開舖頭做生意，收得客人錢就要有好少少既態度，黑口黑面，十問九唔應咁，點叫我地係個銀包到比錢你地小店呀？食個腸粉姐，唔洗受埋氣既。

呢間喺大圍火車站對出嘅華輝小食相信無乜人唔識，次次經過都要排隊食！今次好好彩淨係排咗五分鐘就有得食，雖然食腸粉嚟講佢價錢係貴少少，但如果計手撕雞同腸粉嘅份量佢簡直係抵到爛😝。手撕雞腸粉（$33）手撕雞一如以往地滑同香口，令人忍唔住食完又食；雞皮好爽唔會好肥膩。另外佢地嘅腸粉整得滑得嚟亦唔會一夾就散開哂，呢點真係好讚🤩🤩！有腸粉又點少得混醬，撈埋麻醬、甜醬同芝麻嘅腸粉原來同手撕雞十分之夾🤤❤️

手撕雞就咁食就食得多，如果撈埋落腸粉度究竟夾唔夾呢？大圍火車站一出行唔係好遠就見到有好多人聚係呢間鋪前面，原來係等緊外賣。由於我唔係住大圍附近，真係好心大心細買唔買黎試下呢？又見唔到有人企係鋪前面食喎，四周圍行下之際，俾我發現左附近有個公園可以坐低，好喇，一於向羊群出發喇！手撕雞腸粉BB辣一打開已經聞到好香，好夠汁，汁係可以cover哂d腸粉。腸粉好滑好夠熱，汁好夠麻醬味，平時腸粉要有埋甜醬先好味，但係佢嘅麻醬已經夠味到可以唔需要甜醬。雞有雞味，而且都算滑，將雞同腸粉一齊食真係幾夾，好有驚喜。粢飯比較失色，飯嘅份量太多，餸嘅份量太少，唔平衡，好多啖都淨係食到飯。而且餸嘅味道唔濃，肉鬆唔夠甜，炸菜唔夠咸，麻麻地。

熱潮雖然過左好耐，但每日番屋企經過都總係會有一條人龍係鋪頭前面。手撕雞我就成日買啦，真係好食既，雞肉嫩滑，即叫即製，仲有d芝麻係上面，飯都食多幾碗但手撕雞腸粉又係咩一回事呢？今晚，佢好奇心驅使之下買咗一盒黎try try都算幾足料！手撕雞依然係一貫既水準，但加埋腸粉又好似怪怪地。（識食腸粉一定要有大量甜醬）無加甜醬就已經唔係腸粉！所以建議大家分開食，手撕雞還手撕雞，腸粉還腸粉😂搞埋一齊個人就認為唔係太夾！

雖然大圍租單車貴，地方又遠，不過每次踩單車都必定揀大圍出發，原因好簡單因爲要食華輝手撕雞腸粉😂。哩到嘅腸粉好滑軟身口感超好🤤。雞肉有雞味肉質嫩滑，冇雪藏味，手撕雞撕得粗幼適中，同腸粉隔住隔住食冇違和感。不過令人食過返尋味嘅必定喺佢個醬汁，佢有大中小辣揀，唔喺好食得辣嘅我揀開小辣。小辣其實都頗辣，不過就辣得適可而止，岩岩到嘴邊就辣味即消，愈食愈過癮。粢飯好大個，料唔夠多，油炸鬼有少少淋。味道較淡，加埋手撕雞啲辣醬汁一齊食會更好。

好多人都話手撕雞腸粉呢個配合唔係好特別，又或者唔係好新奇，仲有啲直頭話難食。係，呢個配合實在唔係太驚奇。腸粉周街都有， 但呢度嘅又真係薄同滑過人喎。手撕雞都周街係，不過又真係得呢度放手撕雞響腸粉度。雞肉係紮實嘅口感， 但係一啲都唔會鞋，雞皮下嘅油脂都唔會太多。叫咗小辣但都有小小勁，建議真係唔食得辣嘅朋友可以叫bb辣了。豉油嘅咸度唔會太勁，浸多少少都唔會太咸。 但反而店家又香又濃郁嘅麻醬， 食得多就會膩，食到差唔多¾盒就開始膩，建議大家可以叫店員落少啲麻醬。