華香雞 (已結業)

今日同老媽子去銅鑼灣行街，順便上網搜尋下結果見到細個好鍾意食嘅華香雞竟然喺銅鑼灣附近開咗分店，於是一於帶媽咪去試吓啦！一人豪華套餐一個餐就可以食到華香雞和茶香雞，認真超值，剛巧雞腎賣晒，所以職員好貼心咁俾我揀要豬耳定豬手，毫無懸念下要咗豬手。豬手好入味，而且口感夠Q彈。不論是華香雞抑或是茶香雞，其雞味極濃，肉質鮮嫩，而且餐廳標榜着唔落味精，完全令人食得放心又健康。黃薑飯黃薑飯冇雞油飯咁肥膩，因為飯係落薑黃煮，而唔係用雞油，健康得來，完全滿足食雞油飯嘅慾望。潮式沙茶牛腩煲牛腩放在熱騰騰的砂煲內，全程keep住個溫度👍🏻。牛腩炆得入味，肉質軟嫩，配搭沙茶醬味道份外香濃。估唔到除咗雞之外，華香雞仲有牛腩、鱸魚、白鱔等美食，下次再來的話一定會試下。

招牌華香雞配雞湯河雞湯味有小小淡·河粉太碎·轉粗身小小既應該比較好🫣不過老老實實隻雞真係幾唔錯·唔駛好濃調味因為雞味夠·切雞唔會太大太細舊·雞胸入口都唔會太乾身豉汁醬蒸煮白鱔魚肉每舊切得薄身·可能熟得制太淋無咬口·但個味道係幾好食·豉汁醬好特別唔同出面啲豉汁蒸膳好味指數(7級最佳)▁ ▂ ▃ ▄ ▅ 📍總結:依間會想再黎試下～食雞都有好幾種仲有唔同小菜👍

上完堂跟同學們去吃飯，同學都好熟識灣仔區，帶了我們去一間食雞專門店。主打雞，當然要吃啦！點了雙拼：招牌華香雞+ 烏龍茶香雞華香雞採用白滷水浸，令雞味更香濃。雞肉非常嫩滑。烏龍茶香雞就採用了秘製醬油和烏龍茶煙燻製成，入口充滿著茶味煙熏味，極之濃郁，齒頰留香。最喜歡的係雞皮下脂肪不多，沒有肥膩感，還好脆口。套餐可跟白飯，薑黃飯，米粉或河粉。跟餐有老火湯，今曰係眉豆雞腳湯。另外叫了一杯香濃奶茶，茶味濃厚，滑溜。

琴晚試咗間老字號中菜館，真係好唔錯～😋😋🌟 招牌華香雞拼烏龍茶香雞(半隻)招牌華香雞係用招牌白滷水浸製而成，鹹鹹香香，特別突出到雞肉嘅鮮味🥰至於烏龍茶香雞就煙燻味比較濃郁，茶香都突出。兩款雞嘅肉質都非常嫩滑，個皮都爽脆😌另外，佢哋個蔥油都好正，超級惹味呀！🌟 濃雞湯枝竹菜煲雞湯非常清甜，菜蔬同枝竹吸收曬啲湯汁好好味😍除咗雞之外，其實佢哋仲有提供好多唔同嘅健康菜式，包括鹵水、牛腩、蒸魚等等，好有住家feel！超想全部試曬佢呀！😆

有多年歷史嘅華香雞曾經喺唔同地區都有分店～而加得返灣仔同荃灣店 佢地嘅雞飯遠近馳名🐤今次就試試呢間老字號嘅手勢—- ʕ•ﻌ•ʔฅ —-♡ 招牌華香雞｜烏龍茶香雞雞肉經低溫慢煮 果然好嫩 無咩肥膏～華香雞味道比較簡單 但雞味濃郁茶香雞就有陣煙燻嘅香氣🫖茶味就唔算突出配上薑黃飯 有淡淡薑味 同一般嘅雞油飯有分別.♡ 仁棯醬蒸魚雲份量驚人🍲抵食飽肚 魚肉不腥不嚡 味道鮮甜 有少量幼骨秘製醬汁好濃味 比一般豉汁鮮甜 酸味味好開胃 撈飯一流🐟—- ʕ•ﻌ•ʔฅ —-雖然環境唔係特別華麗～但店員叔叔好友善🥰係好有人情味嘅小店 (＾◡＾)

今日行經灣仔見到呢間「華香雞」諗左好耐唔知係唔係細個係旺角花園街食個間，見到招牌好似，即刻上網search下，原來真係呢間老字號「華香雞」。唔知咩原因之前執左好多間無做😢但呢種雞確實係第二度食唔返了。.今日咁難得俾我遇到，當然要叫返半隻「招牌華香雞$108」，老闆話啲雞全部係新鮮雞，唔係冰鮮，雞味夠嫩滑又重雞味，鍾意佢唔會太咸得黎食到本身雞既鮮味。.飯餐就叫左「豉汁醬蒸煮白鱔 配黃薑飯 $73」火候岩岩好，食起黎爽口，偏腍身，索晒個豉汁醬，餸飯一流。.值得一講既仲有佢既「無味精老火湯」咁足料，飲完唔口乾既老火湯只係$15，好值得加配👌🏻.食得返幾十年前既味道，真係好開心😃我細個成日覺得佢係全香港最好食既雞，今次食完，又有返呢種感覺❤️

A new restaurant opened in Wanchai called 華香雞. I noticed it while taking the tram out from my home. It seemed like a roast meat shop but upon closer inspection they only served various types of chicken. They also had magazine articles posted on the windows explaining that the owner once owned a chicken farm and 12 restaurants all focusted on chicken. But the avian flu came one year, forcing him to close his farm along with almost all his restaurants. I guess this is the latest branch to open. Th

華香雞係灣仔做完野當然係睇下有咩好食，聽朋友請有間賣茶香味既雞，中意食燒味既我當然要試下原來仲可以雙拼既，今次點了個招牌同茶香華香雞，雞都好嫩滑，招牌就係白滷水做成的，食到雞既鮮味，茶香就香味好濃，仲有煙燒味，仲可以加錢博玩薑玩飯，食落又幾好味，健康又有口感配上一杯凍檸茶，簡直是完美演繹咩叫好食既白切雞👍🏻👍🏻👍🏻👍🏻👍🏻下次去開都要試下唔同味既雞😂😂絕對係雞既尊家😅😅😅😅

位於灣仔的老字號招牌雞餐廳，門口窗邊掛滿一隻一隻雞。店內不大，只有幾張長方形枱，中式簡潔的裝潢。主打鎮店的招牌華香雞，除了雞之外，還有牛腩、鱸魚、白鱔魚。套餐：無味精老火湯套餐附送一杯熱飲或一碗老火湯。老火湯是滋補雞湯，較有特色，湯頭多料，有雞腳、雞肉等。調味不重，也嚐得出沒有添加味精，健康又滋潤的湯水。鎮店名雞：烏龍茶香雞（配雞湯米）雞皮滿滿油光，深茶啡色，爽口且帶茶燻香，雞皮及雞肉之間有層薄薄的啫喱。雞肉嫩滑，有豉油味，茶香相對上不太強烈。帶骨部分依然是鮮紅血色。還可以蘸上旁邊的薑蓉，味道更頓時提鮮。配菜還有幾條白菜。套餐還可以配米飯、黃薑飯或是麵條。

同事發現，灣仔銅鑼灣交界開咗新餐廳，仲要冇味精添加，一於一齊去試吓😎見到餐廳入面，都有唔少傳媒介紹過，睇嚟係整雞嘅專家🤔🤔〈清補涼煲雞腳〉點左一個飯，包埋冇味精老火湯或者熱飲啱晒打工仔😎😎冇味精老火湯喎，咁我梗係揀啦清清地，下火，雞腳已經煲到爛晒，啲湯水更加有營養！仁棯醬蒸煮鱸魚 配白飯仁棯醬平時好少見，好適合夏天！微酸中帶甜同果味，可少減低腥味👍🏼同鱸魚都幾夾魚雲位置好滑除咗魚之外，仲有啲洋蔥同芹菜，同啲汁一齊食，好好餸飯👍🏼同事叫既烏龍茶香雞 配黃薑飯賣相都幾吸引依間餐廳嘅特別之處係飯餐可以揀白飯或者黃薑飯下次再嚟試過先😁😁

茶香味濃華香雞老字號華香雞位於灣仔，歷史悠久！lunch set 都好抵食！叫左個烏龍茶香雞配白飯只需要$55，套餐仲有熱飲/老火湯！一上菜，係雞髀同雞翼呢，雞肉好嫩，有陣陣茶香味，咬落去好爽口，又大件抵食。老火湯都係雞湯煲成的，好滋補入味，飲完好暖胃。雞肉係好食，覺得似有特制醬汁煮成的！出面比較少有。另外叫多個豆豉鯪魚煮菜心，菜新鮮，豆豉鯪魚送飯一流！好開胃，好好送飯呢！見menu仲有其他雞的做法，好豐富！值得一試的餐廳！

位於灣仔與銅鑼灣之間的交界，座落於駱克道的一家老字號香港經典燒味餐廳"華香雞" 開將冇耐，每次經過都十分熱鬧，不乏上班族光顧，甫進餐廳，留意到食客最常點最常講的就是"華香雞"三字，就知道華香雞出名的是雞，今天我偏偏不選，我要與眾不同。除了鎮店之寶的華香雞外，還有海鱸魚、牛腩、白鱔蒸飯等美食，每款肉類都有五種不同的烹調醬汁配上，有辣有唔辣任君選擇，十分貼心，而且秋天到了，為食的我需要食一些蛇鰻鱔之類的食物滋補一下，而華香雞的菜單上正好有蒸白鱔俾我去揀。我點左個麻辣醬汁蒸白鱔，配黃薑飯同例湯。例湯係大大碗的西洋菜湯，內裡有豐富的湯料，正如店鋪招牌寫住"健康的國度"，例湯沒有放味精材料，而吃飯前飲啖靚湯，不知幾滋補。蒸白鱔係以一個不鏽鋼盤仔盛載，然後疊在一個類似木桶型的器皿上菜。鱔肉香味撲鼻，食指大動。鱔肉大約有7-9件，肉質肥美而不膩，加上麻辣醬汁，實在醒胃，而麻辣醬汁並非北方那一種口味，估計應該係自家配制的醬料，內含有面豉醬，所以唔算係真係好麻辣的。配角如洋蔥、芹菜、薑片經過醬汁的沐浴下，有如出水芙蓉，都好出色，特別係當你一邊扒飯，一啖鱔肉，然後一啖芹菜洋蔥，咁樣的咀嚼配搭，真係渾然天成

今日同屋企人去食飯 去左呢間老字號嘅華香雞呢度啲食物質素高 碟碟都好大份係屋企人嘅favourite 最近出親灣仔都去食-🧡🤎🐥鴛鴦雞 半隻 $108🐥招牌華香雞 MIX ☕️烏龍茶香雞兩隻雞都好嫩滑😚唔會好多膏 但個雞皮都好香🤤我本人比較鍾意佢地最招牌嘅華香雞😋都好入味同埋完全冇味精非常健康😙茶香雞就非常濃郁🤤送飯一流！仲配左三款醬：秘製辣醬、豉油蒜醬、蔥油醬-🥘🐮泰式咖哩牛腩 淨餸 $88上菜嗰陣仲滾緊冒緊泡泡架😳😳啲牛腩炆得好淋👍🏻咖哩味又好入味覺得係成餐飯最意想不到最好食嘅野😌-🫒🐟仁棯醬蒸煮白鱔 淨餸 $108店員介紹話仁棯醬係佢地老闆娘自己炒嘅一個酸酸甜甜嘅醬～推介我地就叫左黎食～食落原來係類似梅子醬咁樣嘅少少酸 特別開胃👍🏻啲魚都超級新鮮😍😍😍鍾意食魚一定要試下不過就要留意返佢係有骨嘅啦😌-🥓🥩滷肉拼盤 $68另外店員推介左呢個今日先新出嘅滷肉拼盤比我地入面有豬腩肉、豬頭肉、豬踭、豬耳、豬脷🐷🐷滷水超級入味 鹹鹹甜甜咁😍重口味人士必食呀-🐣🥬濃雞湯煮菜心 $58菜心都好新鮮顏色好靚😚仲好甜添🍲老火湯 $15超級大碗！同埋真係同媽咪煲嘅老火湯一樣多料又冇味精 可以兩個人一碗s

近著銅鑼灣鵝頸橋新開一間港式燒味店，價錢非常親民划算，是附近一眾街坊和上班一族的不錯之選。 烏龍茶香雞配黃薑飯 - $58招牌之一的烏龍茶香雞，油亮的雞肉好上色，薄薄的雞皮滲透著醇厚的茶香，好鮮爽不膩；雪白的雞肉好肥美，新鮮得嫩滑多汁，更配少許白菜平衡肉膩感；金黃的黃薑飯粒粒分明好乾爽。 原味清湯牛腩配牛湯米 - $60簡單清香的清湯牛腩，軟腍的牛腩好清甜，清澈的牛肉湯好鮮味，更有少少菜心平衡膳食健康，幼細滑嫩的米線好掛湯。 豆豉魚煮白菜 - $65鹹香鮮味的豆豉鯪魚連魚骨也變軟，連鮮嫩白菜也被染上豆豉香。 香濃奶茶 & 檸檬紅茶 +$3或可跟配無味精老火湯。

懷舊的味道🐔這間餐廳去食之前做了一點資料搜集，原來曾經係90年代開了幾間分店，中間經歷失敗，最後而家有荃灣和灣仔分店。店舖內亦見到有不少以前的報導。店舖主要售賣4款食物：雞，牛，爐魚和白膳，亦主打無味精的健康飲食。烏龍茶香雞配黃薑飯🫖用低溫慢煮的雞，肉質嫩滑和結實，喺一隻健康的雞😆。外皮有淡淡的茶香味，幾特別。鮮黃色的黃薑飯十分搶眼，放心～不是油飯來的！煮得比較乾身，所以是粒粒分明。仁棯醬蒸煮白鱔仁棯醬係一個比較傳統的醬。係一叫仁棯的果實加上豆豉所整成，味道略帶酸味。我都係第一次食仁棯醬，我覺得個醬令人覺得好開胃，其實有點像酸梅豆鼓，但沒有梅味。白鱔都非常鮮味，我真的很喜歡白鱔。飯餐包老火湯/熱飲。