華香雞 (已結業)

#灣仔地膽 今次去食一隻40年老字號嘅華香雞！地點喺車來車往嘅駱克道！餐牌主打招牌華香雞同烏龍茶燻雞！烹調時仲唔會添加味精！價錢十分親民！難怪咁多人黎食！裝潢以中色風格，小店滿滿人情味！🍗華＋茶雙拼雞 $118 招牌菜華香雞加烏龍茶燻雞，店員話採用新鮮雞，半隻價錢，但份量十足！華香雞用秘製白滷水製，雞脾肉香軟嫩，滑溜無比！而茶香雞就用烏龍茶及秘製醬油煙燻～香氣撲鼻！雞胸部份啖啖肉，非常軟滑！送嘅花生眉豆雞腳湯清潤仲好好飲！老火湯嘅火喉一試愛上！潮式沙茶牛腩飯 $60 同事點了沙茶牛腩，可揀淨餸或飯餐，分別在餸嘅份量，我地都係飯筒，揀左跟飯餐轉黃薑飯，顏色鮮艷嘅黃薑飯味道香濃，飯粒分明，食完都完全唔會油膩！主角沙茶牛腩用左坑腩黎炆！勁淋勁入味！上枱時用中式小鍋盛住，飄出淡淡沙茶味！配料有洋蔥、香芹菜等，食完暖笠笠！華香雞地址 📍：灣仔駱克道368-374號百齡大廈地下G2號舖

朋友難得回香港， 想試試地道風味， 在時代廣場逛街後， 行前少少就嚟到 吃中式靚雞的餐廳， 幾十年的老字號現在 新派傳承。一人豪華餐招牌華香雞＋烏龍茶香雞＋ 鮮雞腎＋雞湯白菜＋ 老火湯或者飲品很抵吃的套餐一次過可以試曬兩款招牌， 招牌華香雞， 肉質嫩滑肥美， 雞皮夠爽口， 最重要記得點新鮮薑蓉， 而家唔係咁多舖頭每日都會整新鮮薑蓉， 夾埋一齊食雞味即時提升。 烏龍茶香雞， 煙燻味和茶味十足， 鹹香十足 肉質嫩滑， 雞皮沒有半點多餘油脂。 鮮雞腎調味 辣辣地， 雞腎非常爽口又乾淨。另外都試咗 沙茶牛腩煲＋紹興醉豬手， 熱辣辣原煲上的牛腩煲， 加埋香芹和沙茶醬非常惹味。 醉豬手份量也不少， 滲著淡淡的酒香。 檸檬菜蜜一冷一熱， 檸檬 好夠鮮味， 非常滋潤。

今日黎到灣仔一間小店，平日夜晚都好多人，甚至要排少少隊tim! 原來啲野抵食又大份，分量好足，仲有好多類型嘅煲仔餸選擇，熱辣辣非常岩呢啲天氣食.一人豪華套餐有華香拼茶香雞+鮮雞腎+雞湯白菜仲有白飯同老火湯，都只係88蚊，無論女仔定男仔都一定夠食！華香雞係佢地嘅招牌，比起出面嘅雞味更濃郁，有好香嘅熏味，骨亦都唔多係啖啖肉！至於茶香雞應該係用左醬油同烏龍茶醃製，茶香味都濃第一次試呢種雞非常有驚喜，對於我甘中意茶嘅人黎講一定會無限再去！❤️ 雞腎一啲都唔腥好爽口，老火湯飲完唔會口渴~菜都好大份雞湯唔敷衍（飲得出唔係雞精）🫣.再黎係沙茶牛腩煲，好大一煲，牛肉又厚又軟腍冇騷味，沙茶味都好香唔會淡而無味，落足料😳朋友平時食唔到太多肉都食曬所有野，非常高質！

我由細到大都超鍾意食雞🐣無論油雞切雞焗雞烏雞，我通通都咁鍾意😻😻今次就食下呢間位於灣仔同銅鑼灣之間嘅華香雞！門面已經大大隻字寫明始創於1988年😆有返咁上下歷史仲依然屹立不倒，相信一定有返咁上下水準！😋😋鋪頭俾我感覺比較家庭式，坐滿都應該係大概20人左右，但門口就不乏排隊堂食同等外賣嘅人😳😳睇黎附近D街坊都幾鍾意呢間餐廳! 排左一陣就到我地，我地今次就叫左個１人豪華套餐$88🍽🍽同個梅菜白鱔🐠煲$73，另外就加左份滷水醬豬耳$18🐷💜一人豪華套餐呢個套餐真係性價比超高🤩🤩一個餐就包左份華香雞拼茶香雞飯🐣鮮雞腎，雞湯白菜🥬🥬白飯🍚🍚同碗老火湯🍲🍲華香雞其實就係用佢地秘製招牌白滷水浸製而成有少少鹹香同埋佢個雞味係好濃郁🤤🤤茶香雞就係用秘製醬油🈴同埋烏龍茶☕️煙燻而成，食落去好smoky同埋個烏龍茶味好香濃🥰🥰2款雞D雞肉都好滑，如果食完唔會肥的話，我一定會不斷encore😆😆雞腎都好入味而且夠哂爽口😋老火湯係花生🥜眉豆雞腳湯☺️煲到 D肉都離哂骨勁淋，成個湯好足料，啖啖都食到湯料真係好正‼️‼️💚梅菜白鱔煲我地本身諗住食佢個招牌仁棯☹️但係賣哂所以就簡左梅菜！我下次一定要食到仁棯丫🔥🔥另外我加左$3

細個果陣係荃灣都成日幫襯華香雞...佢果隻茶香雞同例湯真係食極都唔嫌...點知佢突然執左...好彩最近係灣仔開返...重開冇理由唔去幫襯下...重拾舊時既味道...同老公叫左2個餐...一人豪華套餐(華香雞及茶香雞、雞腎，配白飯、雞湯白菜及老火湯)同特色四寶套餐(華香雞及茶香雞、滷豬耳、滷腩片配白飯及老火湯)茶香雞依然係我最愛...香濃的茶香煙燻味...華香雞就比白切雞多咗滷水味...雞肉嫩滑...當日老火湯係霸王花湯...好清甜~!

🟡華茶香雞半隻 (雙拼) $118 一次過食曬兩款招牌雞😎😎華香雞比普通嘅白切雞多咗滷水味 雞肉嫩滑茶香雞就濃味好多 有少少煙燻味🤩🤩 皮有少少焦香半隻雞兩個人食 食得好爽😎🟡滷水鮮雞腎 $23呢度滷水勁抵食 全部都係廿蚊度呢個雞腎大推 好易咬 唔乾 入味🟡鹵水腩肉片 $1818蚊但勁大份🤭豬皮煙煙靭靭肥瘦相間 適中最高質係秘製蒜蓉醬汁 點肉食好惹味🟡原味清湯牛腩 配黃薑飯 $60+5叫餐牛腩份量會細啲 但都唔少 有7-8舊大大舊肉上枱仲起緊泡 熱辣辣 有大量菜心墊底唔使再另外叫菜黃薑飯硬咗少少本身仲想叫河粉點知已經賣曬🤥好抵食又啖啖肉既餐廳👍

烏龍茶香雞配黃薑飯試過會覺得真係色、香、味俱全，上枱已經聞到好香煙燻味，食落帶煙壎味嘅滷水非常香，雞皮薄，脂肪唔會太多，入口雞肉嫩滑，就連雞胸位都好滑完全唔鞋。豉汁醬白鱔煲配白飯白鱔肥美，新鮮肉質爽口豆豉的份量拿捏準確，味道不會過咸，肥美既白鱔片配埋豉汁既味道，就連豆豉都好好味，用黎送飯一流。潮式沙茶牛腩煲配米粉牛腩入口柔軟，肥瘦均勻，煮到勁腍，索晒啲汁好惹味，沙茶味好香濃，有丁點既辣味，屬bb級，香口又岩食唔到太辣既朋友。

某日同朋友黎左呢間食雞肉既老字號店舖,叫左一隻原味白切雞肉,雞肉係軟熟入味既,另外叫左一碟係烏龍茶雞,呢一款雞肉朋友食落就話無乜特別,食唔到烏龍茶既味道唔夠濃郁,希望餐廳改良下呢款雞肉令佢入味D,另外叫左一盤蒸鱔魚,鱔魚整得好惹味,可見師傅落左幾多功夫去整呢味菜,值得一試,不過餐廳座位就比較窄同坐得唔太舒服,如果D椅可以有椅背靠住可能就更好坐。

老字號小店始創於1988年 最近晌灣仔開新店主打賣廣東靚雞 仲有牛腩、魚、滷水、花雕小食小店更標榜不添加味精絕對係好食又健康之選！.💠一人豪華大套餐（$88）🔸鴛鴦雞飯（華香雞＋茶香雞）🔸鮮雞腎🔸雞湯白菜🔸老火湯🔸+花雕醉雞蛋（$12）.非常豐富！由於我鍾意食豉油雞所以揀咗全部要茶香雞，佢係用咗滷水汁加烏龍茶嚟煮，味道好香，雞好嫩滑，皮同肉中間仲有層啫喱，雞皮又好爽彈，好正！鮮雞腎都滷香咗，夠入味，筋位唔會硬。花雕醉雞蛋充滿咗酒香，浸得夠透，連個蛋黃都入哂味，而且個黃都好滑。整體嚟講真係幾好食，性價比高。

之前正係lunch黎買過takeaway，今日終於有機會同同事黎堂食。聽同事講番原來佢之前有黎堂食，但我地都係正係食過華香雞，所以今次黎到我地share左個華香雞拼茶香雞飯同豉汁蒸白鱔淨餸，可以試到更多唔同既菜式~華香雞雞肉一如既往咁嫩滑，反而茶香雞既味道更驚豔到我。茶香雞既煙燻味十分突出，雞皮香濃入味，配上黃薑飯，滋味十足。估唔到呢到除左雞之外，白鱔味道都相當高質。白鱔口感非常爽滑，食落唔會話太多骨，而且份量十分慷慨，唔洗驚唔夠食。

2022年最後一日工作日收工去左駱克道華香雞食晚飯。華香雞係老字號，始創於1988年。餐牌有更新喎，當然有雞，仲有牛腩，滷水，魚類如白鱔鱸魚，蠔仔煲，蔬菜，配餸，小食同飲品。另外都有飯餐套餐。今晚決定唔食雞，叫左鱸魚煲同牛腩煲。潮式沙茶牛腩煲 $98牛腩煲有6款口味，今晚又揀咗有推介既潮式沙茶口味。潮式沙茶牛腩係用木桶形既熱煲滾住上枱，冬天食好啱。牛腩牛味唔錯，有半肥瘦有瘦，無全肥，健康d。牛筋都淋。其他配料有洋蔥絲同大量蔥，西芹，同少少芫荽。個潮式沙茶汁味道唔辣，好惹味。薑蔥鱸魚煲 $98薑蔥鱸魚煲有大大個魚頭連上身肉砍件，魚肉非常滑溜，新鮮魚先可以咁滑，魚皮薄而滑。只係有魚鱗同細骨，小心d食就得。薑好足料，冬天食正，個湯味道好清。蔬菜基本上同牛腩煲一樣。食完個胃好暖。

最近上完堂 行下附近有咩食 就見到呢間鋪頭👀見到佢係主打食雞而且價錢又合理就入去試下一人豪華套餐 $88見到佢專食雞又甘豐盛 當然要叫一個啦☺️個套餐係華茶雞飯（華香雞拼茶香雞）＋鮮雞腎＋雞湯白菜+白飯(黃薑飯加$3）同老火湯🤩睇到都覺得好豪華 好多野食 首先兩款雞既雞肉都好滑嫩 而且佢地食採用新鮮雞🐓華香雞好似係話用秘製既白滷水而整成 而茶香雞係用烏龍茶同秘製醬汁煙燻而成 味道幾特別👍🏼由於好少地方有黃薑飯食所以加錢加埋 佢d黃薑飯粒粒分明 乾身得黎又有黃薑味😉 雞腎同秘製滷汁滷得入味 而白菜🥬就吸哂雞湯既味道 豉汁白鱔飯 $73估唔到專賣雞既鋪頭居然有白鱔食 K小編都好中意食白鱔所以又即刻叫左個黎試試😙居然又唔差wor~都有成6大舊白鱔 而且食得出係用新鮮既白鱔黎整滷水腩肉片(份) $18冇諗過佢一份都幾多🫣腩肉層次分明而且滷得入味又唔會膩滷水醬豬耳(份）$18$18黎講佢既份量都真係多 食落好爽口同埋好過癮🤣

呢間餐廳係40年老字號小店 店主一路堅持要整一隻好雞 店內裝修古色古香 店員都好熱情 服務好好 d菜式冇添加味精 雞精 糖精嘅添加劑 所以好天然但都好好食-🐣 華茶雙拼雞 半隻 $118華茶鴛鴦雞有招牌華香雞同烏龍茶香雞 用新鮮雞 雞肉好嫩滑 雞皮好薄 華香雞用秘製白滷水整 而茶香雞用秘製醬油mix烏龍茶製成 非常入味 味道好特別 其他餐廳都唔會食到 再蘸上自家炒製辣醬 好惹味-🐟薑蔥醬鱸魚 $63用木桶裝 熱辣辣嘅魚肉肉質肥美 薑蔥醬好惹味 撈飯啱曬 黃薑飯口感乾身粒粒分明 跟餐送嘅老火湯 好足料 -🐔滷水鮮雞腎 $23雞腎口感好爽口 好新鮮 滷水好入味 味道有層次 -📍華香雞（灣仔）灣仔駱克道368-374號百齡大廈地下G2號舖

以新鮮做賣點的華香雞有一天晚上下班經過灣仔,見到有一間主打雞的小店,既然秋風陣陣,不如入內一試,整體是一間食材非常新鮮的中式小店,價錢公道~華茶鴛鴦雞(華香雞+烏龍茶香雞配米粉)兩款嫩滑的雞肉都是選用新鮮雞，華香雞以白滷水制成，而茶香雞則以濃醬油混合烏龍茶煙燻,非常推介的名菜~原味清湯牛腩飯此店的賣點就是新鮮,要吃到新鮮的牛腩,這種價位應該好難,加上清湯和小白菜,牛腩的份量未必好多,但足夠,好滿足的清湯牛腩飯~豉汁白鱔飯好意外完全沒有魚腥味的白鱔,有6大片,配上豉汁從來都是最佳組合,撈飯一流,好好食,食得出是新鮮的食材~飲品:凍檸蜜+熱檸水華香雞灣仔駱克道368-374號百齡大廈地下G2號舖#華香雞 #灣仔 chicken #wanchai #hongkong #白鱔 #牛腩 #beef #白鱔 #豉汁 #清湯牛腩飯 #烏龍茶 #煙燻 #凍檸蜜 #三傻 #熊本熊 #kumamon #傻鴨 #晚餐

呢間超過四十年既老字號，係灣仔開番多一間分店啦🤡吾好以為佢只係得雞食，其實佢仲有魚，牛腩同埋小食🤤假日食飯時間都比我想像中既多人，坐滿哂，仲有吾小外賣🤫.👁‍🗨華茶雙拼雞飯(7.5/10)💲60.➰叫呢個係可以滿足哂兩個慾望😂有招牌既華香雞同埋都出名有特式既烏龍茶香雞🐔前者其實係白滷水浸製而成既雞，雞味濃郁，帶點咸香，後者就係用左秘製醬油同埋用烏龍茶煙燻製成，食落真係有淡淡既煙燻烏龍茶香味，好特別🤩個人比較鍾意後者多啲🤣而且兩款既雞肉都好嫩滑，白飯加左$3升級做黃薑飯，冇諗過呢啲地方竟然有黃薑飯呀🫣飯粒乾身，粒粒分明，陣陣黃薑味，比起白飯更吸引.👁‍🗨潮式沙茶牛腩飯 (7.5/10) 💲55.➰除左食雞之外，個人推介呢個沙茶牛腩😎未食都聞倒陣陣沙茶香味，牛腩份量吾少，每舊都腍身，重點係入面有啲牛筋位，索哂啲沙茶湯底，真係好惹味🤭牛筋位又夠煙韌，好有骨膠骨既感覺，不過如果有埋蘿蔔就仲正🥲蘿蔔可以吸哂沙茶湯底既精華，撈飯一流😇.👁‍🗨滷水醬豬耳(7/10) 💲18.➰份量好多既豬耳，冇諗過$18會有咁多，最後都食吾哂呀🥲豬耳既滷水味好夠，幾入味，但係食得多就會覺得有啲啲咸😬.🔛 整體評分（