萬發海鮮火鍋菜館

營業中

休息中

我哋Book 咗枱7:15，到咗佢話冇枱，話訂枱唔係留枱，訂咗枱代表我有等嘅機會，仲話我哋白痴，呢間噤嘅嘢唔再幫襯，嘢又唔係特別好食，大家真係要諗下係咪要受氣食飯

一早電話Book好左兩枱，到最後坐低只比到一枱，然後要另一半嘅人企係到等其他枱食完先有，老實嗰句，你無枱咪出聲囉！又要食左個booking，但又比唔到位出嚟，16個人點坐到同一張枱？到我地等左大半個鐘，終於有張分開遠啲啲嘅枱有人交枱，但係無計都係要照坐，都已經安排到咁，唔食又唔得，叫小菜連半隻燒鵝都無要分開兩碟上庄出，出菜又慢，大聲叫左經理，明明聽到有反應都唔翻翻嚟幫手落單，座位安排同服務態度嚟講真係算好差，大時大節真係唔會再考慮食呢間餐廳。

2022年接近尾聲，一班老友出尼食個晚飯聚下舊，友人揀左大角咀哩間小菜館，數年前食過，都覺得唔錯，而且價錢唔貴。今次再次光臨仍然保持到水準，是日星期五，全場滿座，睇睇餐牌，食物都有好多選擇，有海鮮，有小炒，有飯有麵，最後各人都揀左一款。不過啫啫通菜煲味道就偏咸，最好就係叫多碗白飯。

📍萬發海鮮火鍋菜館大角咀詩歌舞街83號亮賢居地下3-4號舖🐟薑葱魚皮($78-HKD)，爽口避風塘花甲($128-HKD)，炒得夠味，但略嫌花甲肉少啲。🥬金銀蛋浸時菜($88-HKD)，時菜用上了莧菜，都算大碟，味道剛好。🥔薯仔牛柳粒($138-HKD)，個薯仔好掂，外脆內軟，而牛柳粒亦好腍口。😋🦐金沙海中蝦($178-HKD)，蝦算大隻，炒得乾身，唔太油。😋🍚瑤柱蛋白炒飯($128-HKD)，個炒飯都好多材料，好食。🟠總括來說，座位坐得寬敞，小菜美味。

一直都好喜歡食大排檔嘅菜式，但就成日覺得環境唔夠衞生同坐得唔舒服🥲近排發現咗大角咀有間餐廳乾淨又坐得舒服之餘，大排檔嘅小菜都做得好有水準，而且佢地嘅燒味(乳豬＆燒鵝)都好值得嚐試😋🐷即燒乳豬例牌＄228乳豬係即叫即燒，誠意十足❤️乳豬外皮色澤好靚，燒到脆卜卜，脂肪層唔會太厚，食多幾件都唔怕膩滯😋🦢明爐燒鵝半隻＄238都係即叫即燒，皮脆乾身香脆，皮下脂肪唔厚，咬落去唔會有油淋淋嘅感覺，但係又保留到鵝肉嘅香味，一啲騷味都冇，師傅揀貨好高質量💯🥩薯仔牛柳粒＄138係餐廳嘅招牌小菜，幾乎每枱食客都會叫一碟🤩薯仔粒係用炸嘅方法烹煮，咬落每一面都好香脆，而入面保留到薯仔煮熟嘅軟熟度，好高水準👏🏻牛柳粒又淋又入味，加咗少許黑椒做調味，食落去香口惹味🤤🔥萬發小炒皇＄118小炒皇用韭菜花、蝦乾、鮮魷、菜脯一齊炒，師傅炒得好乾身，唔會油淋淋。蝦乾同鮮魷都勁惹味而且好有口感😋

今晚朋友生日包房食飯，服務員嫌棄我哋冇叫貴價食物，例如象拔蚌、刺身等。於是不停黑面大力閂門。其實我哋張單都超過4000$ ，我唔明點解仲嫌棄我哋！更將我哋帶嚟生日蛋糕整到體無完膚。後來向經理投訴，更是態度囂張，冇正面處理問題，呢間嘢以後都唔會再去，簡直不知所謂！冇諗到今時今日都有呢種服務態度，有種貼錢買難受感覺！雖然食物唔差，但係服務態度更為重要。我從來未寫過食評，但係今次真係忍唔住，嬲爆！🤬🤬

幾間分店無疑呢間算係坐得最舒適，但舖頭位置亦認真刁鑽，想撞到熟人都難。舖面主要做啲6人以上大枱，仲有一層喺樓上。到場前，有食到懷舊菜嘅期望，嚟到聽到侍應介紹招牌菜居然只係薯仔炒牛柳⋯⋯冇話係用和牛呀⋯⋯咁有「創意」嘅推介，咁我點番啲家堂菜算。咁多碟餸最交到差係石鍋啫啫通菜，叫做夠鑊氣，只係鹽花重手咗些少可接受。小炒皇調味算適中，係啲蝦乾浸得唔夠時間，硬過我條命。金牌風沙雞說穿即炸子雞，冇如圖嗰種「風沙」炸蒜，雞仲係保留雪味，普通酒樓圍餐炸子雞質數。龍躉兩食當中只係有西蘭花伴碟嗰碟易入口，另一碟蒸龍躉頭腩腥到不堪，食一舊已想𦧲⋯⋯豉椒炒花甲啲花甲僅屬蜆仔大細，而且4分1係唔開殼，夾得無癮。此時友人講話另一分店小炒做得好好多，不過經已冇咩心思再去試。

🇭🇰 • 🥘 DAI PAI DONG捉緊堂食既尾巴，係禁堂食之前一日去左萬發👍🏻[💭其實係諗住平時唔使等位大d機會即刻會有位，點知都係無🥲] 去萬發一定要食佢最出名既黑椒薯仔牛柳粒($118)🤤今次既黑椒薯仔牛柳粒依舊出色，薯仔🥔粒粒都有糖漿包住，炸到金黃色🤩不過平時係粒粒都外脆內軟，呢晚可能滿座所以唔係粒粒咬落都好脆好脆好脆，無左個種一食就嘩😳既感覺😭另外叫左蒜蓉粉絲蒸大元貝($48/隻)同金沙鮮魷 ($118)，因為無晒蟶子皇😭大元貝有d過火有d老，不過蒜蓉粉絲同葱好多，好鍾意食蒜蓉粉絲同葱🤣鮮魷不過不失啦，本身叫椒鹽既，點知黎左金沙，仲要食食下先知，心諗點解有鹹蛋但無椒鹽味🤣萬發海鮮火鍋菜館 (大角咀)📍大角咀詩歌舞街83號亮賢居地下3-4號舖

長假期同家人再訪萬發菜館, 一早已經致電訂座, 因為餐廳長期full house 🤣menu選擇非常多, 基本上講得出嘅大排檔菜式都有, 今次就叫番幾款拿手小菜!黑椒薯仔牛柳粒 $118餐廳必點菜式! 醬汁惹味, 薯仔外脆內軟, 而且牛柳粒又稔又入味。因為有蜜糖調味, 唔會太辣, 小朋友食都無問題!萬發石頭飯 $78又係另一推介! 配上雞粒, 蝦, 冬菇粒, 食到最尾, 石鍋仍然暖笠笠, 而且底部有少少飯焦, 食唔停口!其他小菜 (肉鬆蒸水蛋, 土魷蒸肉餅, 節瓜蝦米粉絲煲) 全部即叫即整, 有鑊氣, 份量足, 性價比高!

萬發大排檔好出名，街知巷聞，每每去都要排長龍，呢家疫情，都有不少人吃。鹵水拼盤：鹵水味適中，分量不算多啱啱好。黑椒薯仔牛柳粒：萬發招牌菜，每檯都有人點。牛柳嫩，薯仔係蜜糖脆皮，外脆內軟，蜜糖同胡椒爆炒一起，好香，好好慫飯。薑蔥魚腩煲：爆魚腩薑蔥炒，油香氣十足，沒有魚腥味。椒鹽九肚魚：九肚魚好大件，啖啖都有新鮮魚味，粉不厚，炸得好香脆，分量又多。炸蠔餅：蠔餅都大份，蠔又肥又多，而且粉一樣不厚，炸起好香，口感都是好好。

呢間野成日都有人排隊! 今日一於同屋企人黎試下佢個火鍋! 先叫一個象拔蚌!中SIZE都咁大! 一上台果陣大到嚇親我地。象拔蚌好新鮮呀,不過佢WASABI太辣啦!叫左鴛鴦鍋,食食下已經變返同一樣顏色!肥牛有D UN, 牛頸脊好食好多!炸響鈴! 即炸超熱呀! 不過放響個鍋1-2秒就夠啦。好快就浸到林!水餃好足料!唔錯!蜂巢豆腐! 好入味!墨魚滑~ 好滑哦蠔~ 脹卜卜~ 都幾大隻係到好飽! 見到隔離果台6個男人又食象拔蚌又食鱆紅。條魚仲識郁架!超生猛。OVERALL黎講呢到既野食都超新鮮!值得一黎。注意: 附近好難排到有咪錶位泊車。可能要泊係附近屋苑再行過去。

星期五約左朋友食飯，本先諗住打邊爐，最黎都係揀左食大排檔小炒。😆係深水埗落車行過黎大約十分鐘，我地7點3到未算好多人。室內大排檔，入到去都算企理，無覺得唔乾淨既感覺餐牌既選擇多到唔知點揀，樣樣都好想試落完單15分鐘唔使就上菜，好有效率，仲要唔係預先煮好灘凍，上到枱仲係熱辣辣！$98 椒鹽九肚魚 我最愛🤤招牌菜 - $118 薯仔牛柳粒 每粒薯仔都炸過，外脆內軟，掛住甜甜既黑椒蜜糖汁，超好食！薯仔仲好食過d牛柳🤣$68 石頭啫啫通菜煲 夠惹味！$88 特式煎蠔餅 好熱好脆，都幾多蠔🦪肉！配啤酒正呀！個人都幾滿意呢間預菜館，隔離邊爐都幾多人，下次可以考慮下！食完先見到呢個牌，黎幫襯既朋友仔唔好MISS左呢個優惠呀！

一早訂左位本身餐廳個位置唔近車站所以要行到身水身汗準時到咗門口姐姐話無位要我地等一陣好啦無問題等左二十分鐘再問佢要等幾耐佢話唔知架 不過你地第一張然後就見佢放啲啱啱到嘅walk in大枱入去雖然都明食肆做生意但其實訂位有咩用？如果你安排個等位區喺入面都無咁辛苦喺出面呆等真係好辛苦熱得滯等唔落去 去到隔離啲餐廳 人地放哂留座牌比啲訂位客我地作為walk in 見到吉枱都係無得坐都係無得食佢啲海鮮記得唔差架 入唔到都無用啦

完全冇諗過呢個時間黎打邊爐，今日黎到萬發，完全冇人，老公建議打邊爐，好耐冇食過甘豐富，餐廳都好細心比d熱水我地洗餐具，野食好味，牛肉及蝦特別推介，非常彈牙，價錢合理，

今日同屋企人嚟萬發食團年飯，book 咗8點。嗌咗幾樣嘢，點知個啫啫雞煲入面啲豬膶仲係生嘅滲緊血！！同佢講完，收翻之後再上嗰時，啲豬膶都仲滲血，之後仲要話我同屋企人麻煩！！😡食物唔掂仲要態度差，唔建議大家再食！食完一肚氣！以後唔會再嚟食，食咗7至8樣嘢，得個薯仔牛柳粒嘅味道唔錯，但大部份食物都唔熱，最好係微暖，個帶子西蘭花仲要凍嘅，見呢間食評唔錯，門口又多人排先book，但真係好差！！服務、衛生、用餐環境同食物都唔好！