蒙麵車仔麵 (已搬遷) 新店位置

今日開完會,超肚餓,就隨便去一間店醫下五藏廟先,估唔到誤打誤撞,行到去蒙面門口,此店位於住宅樓下,而且全棟大廈做緊裝修,如果唔係蒙面門口張貼住三色台之前原來係度訪問過(香港美食XX強),我都唔會入去試.冬菇,咖喱魷魚,牛根,雞翼尖車仔麵,加$4轉番茄薯仔湯.此車仔麵味道...正,但薯仔太大件,而且有三大件.招牌蜜汁叉燒:熱騰騰...正今餐連一罐可樂,合共$49.00,價錢OK啦.食物質素都可以,但服務態度就真係一般,事源係咁:嗰串叉燒我係後加,係我食晒碗麵先再點,誰不知個阿姐一句就同我講,你食嘅就同個麵一齊叫啦.要等15分鐘呀,你等唔等呀.我話等.個阿姐自言自語話:有人等緊位喎.我當時超嬲爆.

車仔麵好少有牛腩揀, 但蒙麵難得地有牛腩、牛根個D 餸。食過好多次, 樣樣餸都十分OK的, 我尤其是每次都會叫煎旦角, 因為唔知撞岩定咩野, 阿姐次次都新鮮煎比我嘅! 蕃茄薯仔湯底夠晒味, 不過就偏甜, 同埋其實我自己唔鐘意太多薯仔, 因為會食到太飽:-P 堂食的話, 雖然迫D, 但係地方十分乾淨。

這晚辦完事跟黑比晚飯，二人沒有特定目標，只是邊走邊看有何好吃。經過這家門口，見到名字叫蒙麵，以為食蒙古嘢，哈哈.....！睇真啲，原來是車仔麵。見到門口貼了很多食評，雖知口味人人不同，不能作準，也不妨入去試下。裏面地方很小，長長窄窄像一般雲吞麵舖，左邊是廚房，右邊就是貼牆的單人對坐枱，全店只可容納到十多人。食物價錢都是街坊價，二十三元有一碗三餸麵，加餸每款五元，加錢又有精選湯底；另外有些特別小食，如串燒叉燒，烤雞翼，標榜即叫即烤，看後心頭大喜，馬上來一客，怎知給阿哥or老板一記悶棍捧過來，冰冷的說：「無，部機壞咗！」失望之餘叫了三餸麵(魚皮、大腸及魚皮餃)，黑比有餐牌閱讀障礙症，以為加多一元多樣餸咁着數，實情係有幾樣餸比其它的貴一元，結果是他的四餸麵(豆卜、牛腩、龍蝦丸及魚蛋)共收二十九大元也！另外再加了杯豆漿。魚皮另外上，不用浸腍，份量也不太少，炸得香脆不過咸。沒有加錢試精選湯，但有幾樣醬汁可加，我選了沙嗲汁，黑比選了牛腩汁。兩種醬汁味道跟常吃到的差不多，沒太大驚喜。魚皮餃的味道很一般，餡料像沒有調味。大腸的味道本來不錯，但不知是否我敏感，﹐總覺得大腸內有種未洗得乾淨的的味，故此對它

其貌不揚的小店，卻讓人感到店主的熱誠！店很小，最多可容納10人。一進店便看見兩大盤牛筋，很吸引！但基於衛生考慮，我想還是蓋著比較好 ... 牛筋鳯瓜米線︰牛筋很入味，夠淋，非常出色！豬紅大腸粟米拉面︰豬紅大腸夠入味！豆漿︰味有點怪 ... 叉燒︰熱騰騰燒好的叉燒，充滿蜜汁，誠意之作！香草燒雞翼︰燒得香脆的雞翼 ... 但香草味偏淡不消 $80 我們就吃得飽飽的！有機會一定會再來！

曾有一段長時間常來紅磡看跌打,故這一帶的食店也光顧過不少(看跌打不戒口....)記得曾吃過這裡數次.這天剛好在咐近經過腳步自然的便走了進來.叉燒串----看見牆上報紙的介紹也覺有趣！煞有介事的說叉燒棄用蜜糖改掃蜜芽糖...其實有幾咁奇？可憐地還有人跟尾照寫當新奇事物,其實這一串吃起來略帶焦香肉質鬆軟的幾粒肉算不算是叉燒？只要是好吃便無謂去深究.麻辣雞翼----上次吃過是留下了不錯的印象,這次再吃依然是烤得皮脆肉嫩!這一味小吃的水準是做得比坊間大部分的店為佳.四餸麵----記得上一次來吃是味道麻麻的冬蔭湯底,而這次選了加$4的中麻辣湯底,麻及辣也達到平衡效果,沒有只辣不麻出現吃起來有一份層次感.配料中的豬腸丶鳯爪及牛腩也是炇得軟稔入味,唯獨魚皮餃可選擇更換供應商.因實在是皮硬餡無味！年多時間過去,小店的出品質素依然保持得到.而麻辣湯底更是意料之外的好!值得衷心地讚賞.

為了"使其他用戶都能夠清晰了解閣下想分享的經驗"這己是第3次的修改, 本想放棄, 但星期五(11/04)吃了一家很意外的店, 促使我再來寫這篇文章我是在聯記川王涼粉吃不飽, 才來這店吃蒙麵車仔麵,沒想到, 23元比32元的酸辣粉好吃. 聯記川王涼粉檢討一下吧!我在紅磡住了一段時間, 蒙麵車仔麵, 是新開的, 門口很小, 差點錯過, 它就在日本餐廳傍.店小小的, 可能只有15到20張位子. 本身是大餸之人, 多是吃餸, 但那天只點了豬腸, 蘿蔔細麵, 麵硬度剛好.湯清甜, 豬腸滷水後. 是完整條炸完後再cut, 蘿蔔大塊沒別的, chicken wing 烤好吃- 好香, 好滑. 有豆漿送. 都只是23元(下午茶價)我覺我有心做事的人要支持一下.

是日接女朋友放學，行去紅磡食過晚飯，呢區食店很多選擇。因上次經過附近無開門，有D失望，今次又再經過，終於可以一嘗。是日晚餐點了2 份餐，車仔餸菜選擇頗多，而且好大眾化，但要轉額外的粉或湯底，每樣就要加 $4。雞翼有3 款味道，但就唔可以運合去叫芝士丸和蟹子丸夠彈牙，又大大粒

下午三點幾先去食 兩位入唔洗等位下午茶餐$22 有個兩送車仔麵同兩隻雞翼, 仲有杯豆漿番茄薯仔湯底加$4我要左豬手+冬菇+米線+番茄薯仔湯底冬菇同豬手都OK, 湯底好正濃度適中無味精味! 我家姐叫左牛筋+魚餅, 魚餅一般, 牛筋幾滑見到牆上既雜誌介紹蜜汁叉燒, 又試下即叫即整, 熱辣辣好好味 係加麥芽糖燒既, 唔會太甜缺點係坐得有D迫整體黎講幾滿意一定會再黎過

食左3'食送'~$22~合理~要左大腸, 牛腩, 同墨魚丸~大腸~~~~好味~~~~重味~~牛腩...失色左d...麻麻...墨丸, 一般般大腸真係做得幾好~拎左好多分~~~不過個環境好迫...同埋...本身趕時間...諗住車仔麵會好快...點知等左差唔多20分鐘先有....如果快d既話...會比個笑面的但其實行開依頭~又得閒~應該會再黎

路經此店 入去一試中午時份去 店內只有一枱客選了較入的位置坐下 點了兩碗車仔麵 雖然價格比以往調高了但仍覺得"抵食" 因為22蚊3餸 有廿多款餸任揀 加錢仲可以轉蕃茄薯仔湯 湯料都很新鮮不會感覺重味精自己嗰碗3餸 : 豬紅,雞中翼 ,香茅魚餅-豬紅夠入味-雞中翼肉質老左d但個味幾好 -魚餅本人覺得偏辣但勁香茅(自問唔食得辣)男朋友嗰碗3餸 : 豬大腸 ,牛筋 ,水餃-豬大豬買相怪怪的(因為很深色和很薄)但味道沒有問題-牛筋 我沒有吃-水餃 水餃尾個皮太厚 但餡料好味 多蜜汁 夠香夠熱,但叉燒始終係叉燒...

因工作地區關係，經常都會在紅磡搵食，上網找食店看到這間車仔麵有點人氣，還在地區名店候選之列，就這樣釣了我去試了。在這邊搵食多時對這附近已經挺熟悉，不過還是差一步就錯過了，因為實在太不起眼了。本以為這種小巷配合車仔麵不會很清潔，沒想到是如此光猛整潔的，自然食得安心。坐下看菜牌發現下午茶時段可是便宜得多，廿二元有兩餸麵加豆漿和雞翼，我吃的午飯時段光是三餸就廿二元了，但我又不可能拖一個鐘才吃吧。既然有人推介蕃茄薯仔湯底自然要試，雖然加四元是有點貴…兩餸就選了南乳豬手和炸魚皮，再點一條叉燒串。蕃茄湯喝起來的確夠濃，亦不太覺得有味精，不過茄膏應該也有下來調味。薯仔煲得夠爛，不需咀嚼只需輕輕一壓就散開了，絕對是煲得久的證明。豬手亦炆得夠長時間，每口也十分軟淋，豬皮的連接位很夠黏，是骨膠原豐富的證據，不過南乳香不太足，浸在湯底下足以被湯底蓋過其味。炸魚皮當然不會即炸，不過香脆依然並不會死實，也沒有油膱味，相當不錯。叉燒串用上梅頭，所以爽口又軟淋總不會太差，不像瘦叉乾爭爭，又沒有肥叉的脂肪。味道上不算很甜，還帶著炭燒的味道，據說是用了麥芽糖去取代蜜糖去燒，目的是避免膩的感覺，味道上很難分辨，拿起來的時

難得一碗平民車仔麵都可以做得如此有HEART!先說湯底, "蕃茄湯"是不二之選。有薯仔蕃茄渣, 雖然見到店內也有一缶缶的蕃茄醬(應該是加去蕃茄湯中), 可是味道真的不錯, 喜愛蕃茄的食家一定會喜歡。點了雞翼, 大腸! 大腸, 是完全不臭, 好"諗"好入味。 雞翼又係勁入味, 但係又唔會過"諗"。極力推薦此店, 又平又好食, 最難得係真係有心去煮, 二十幾元都可以食到有水準的車仔麵, 真係好令人感動!

平日唔飲味精湯嘅我，全碗清晒，蕃茄濃湯的確味濃清甜！呢款湯係要另加四蚊，貴咗d…車仔麵嚟講，算係有湯底上嘅突破推介南乳豬手，正！豬大腸亦係我嘅至愛。可惜地方較迫，服務員冇乜表情…

本想吃時新但太多人, 得15-20分鐘, 這兒又冇乜人, 又去大腸牛筋煎蛋米線+沙嗲大腸很不錯, 雖沒有將內圍之污物全然清除, 但人手將其掃除也未為困難.味道香濃, 腍腍的牛筋, 本人認為是鎮店之寶, 很腍很香, 果真然會入口融化那種煎蛋是hea選, 選得無東西好選又急才選, 結果, 將蛋放上spoon一口吸入, 感覺同時亦吸引了很多油no gd! 沙嗲汁很美味, $20! 時常來吧tea 更划算

十一月中旬‧晴這裡的名字取得有取，行近一看，原來也有幾款串燒賣，就要了串蜜汁叉燒，看看如何。真的由生燒到熟，因為是豬肉，所以都等了良久才有得吃。雖然是蜜汁，但吃起來不是很甜，絃清香，據聞是以麥芽糖代替了蜜糖。肉本身鬆化不韌，沒有用鬆肉粉醃過，幾好吃的。八元一串，很便宜。但見佢個蕃茄薯仔湯底也吸引，下次來試 ~ 蕃茄薯仔湯是我最喜歡喝的湯之一。