蒙麵車仔麵 (已搬遷) 新店位置

好少寫食評 ，不過今次真係要寫一寫今日訓到好晏，起身落樓下搵野食，見到「蒙麵」，原來老公未食過，就帶老公入黎試下！入到去，咦？原來係蒙面四週年，全日都有下午茶供應...咁好抵喎! $28 有個兩餸面,凍菜蜜和兩隻烤雞翼! 真係抵到爛!!!!!老公鍾意食蕃茄薯仔，於是加左$6 要個蕃茄薯仔湯底！嘩！好足料！蕃茄味濃！薯仔大大舊！配米線真係一流！我自己就要左個腩汁油面！大大碗！好夠食！原來佢仲有好多小食！跟餐附送每人兩隻雞翼 ，我地揀左香草雞翼和蒜香雞翼，好好味！ 呢個係新菜式 黑白芝士雞翼，D芝士溶左落隻雞翼度，又唔太咸!好match!! 好好味!跟住叫左碟蜜汁叉燒叉燒好好味！d肉夠淋！蜜糖味好濃！超級推介$12 only!!!我同老公都食到飽晒，老板仲好好人！而且幾靚仔添XD.. Haha我地住喺紅磡區，一定會再黎幫襯架！希望蒙麵繼續加油！四週年快樂 ！

因為一早到來，所以幸運地無須等位都是聽到朋友推介說好吃，才慕名而來點了上圖的3送車仔麵，$25有個3送麵，去邊搵蘿蔔：好腍又清甜，意外地好食鮑片：其實都係一般彷鮑片味道，純粹突然想食過口癮，不過不失酸菜：有少少像譚仔果隻酸菜  (初初以為是雲桂香果隻)油麵略嫌煮得太碎，反而見朋友碗河粉好似好d咁，無咁碎侍應哥哥好好人，落單前會問人走唔走蔥又平又好服務，值得再去！

這天惡人便帶我來到這間位於紅磡的「蒙麵」，這是繼旺角的「肥X」後，他極度推薦的一間車仔麵店。但看到店名時，我第一個反應是：『這店是蒙嘉慧和鄭伊麵開的嗎？』店子很小，大概只有二十個座位。牆上貼了多張明星光顧的照片及雜誌訪問的剪報桌子玻璃下則擺放了餐廳的餐牌，寫得清楚易明。先點了杯【凍檸碧】，單點要HK$14，跟餐只需加HK$11這碗是惡人的【招牌辣汁米粉配：蘿蔔、鹵水大腸、兩份香茅魚餅】，魚餅真的很好吃，甚有泰式風味，怪不得惡人要點兩份。蘿蔔清甜沒渣，鹵水大腸十分入味，唯煮得過腍 (HK$32)我點了【招牌辣汁米粉配：金錢牛肚、蠔油冬菇、菜甫蛋角、香茅魚餅】，牛肚煙韌夠味，冬菇較薄身，菜甫蛋角竟是即叫即煎的，讚！招牌辣汁越吃越辣，吃完後鼻水直流，愛吃辣的你千萬不要錯過啊 (HK$33) 這是惡人特別推介的【招牌蜜汁叉燒串】，叉燒不會黏著很多肥膏，最合怕肥油的我，甜中帶點燒烤香味，而且不會燒得太乾，咬下還有些肉汁，一試便愛上！(HK$11／串) 旁邊的【蜜汁烤雞翼】則肉嫩香滑，也是不錯的選擇 (HK$18／3只)每碗麵均以公雞碗盛著，別具味道埋單一共HK$127，不算貴啊～環境氣氛： ★★

經常係紅磡出沒  就黎試下蒙面啦舖頭細細  空間的確唔大  要坐得舒服既呢到唔係選揀之一但係醫肚既  呢到就無問題喇話哂呢到叫蒙面  就梗係黎呢到食面啦我就叫左個雞翼尤魚米線牛腩湯雞翼係滷水既  尤魚兩樣都幾好食***不過呢間既米線就唔好食了  我比較鐘意食D淋淋地既米線但係佢地既米線就無咩味同硬左少少但係朋友嗌左河粉  我試過  好好味!!!所以再黎既朋友要識揀啦  揀河粉會好食過米線呢蒙面除左面,  都仲有小食嫁不過可能因為多人黎食既關係,  D小食都唔平我見佢以前既報導係6蚊串野食  但依加加到9蚊串呢 (可能因為通漲)不過呢個叉燒串真係幾好食既  蜜汁味濃啖啖肉唔肥好味道再叫左雞翼同墨魚丸串  墨魚丸串同普通燒墨丸無咩分別都好食既雞翼就正  都係蜜味雞翼甜甜地滑嫩嫩  GOOD TASTE食物唔錯,  可以一試 :-D

夜晚八點幾，同女友特登走過嚟食。之前有機會試，不過喺門外望幾眼，冇乜食客，所以冇試到。今次見坐滿人，就入去食吓。坐低落咗以下Order：1. 菜甫蛋角牛筋水餃油麵配蕃茄薯仔湯底2. 蠔仔煎蛋豆卜香茅魚餅幼麵配蕃茄薯仔湯底3. 蠔油菜芯4. 叉燒串轉個頭就有得食，不過招呼我嗰個哥仔講咗句「水餃後上」。我就唔客氣食咗先。先試到係足料，起碼湯底有蕃茄味。牛筋雖然彈牙，但係湯底味道吸收唔到；敗北嘅重有菜甫蛋角，睇個樣幾好味，但係一粒菜甫都食唔出，猶如食一隻普通蛋角。同一時間，女友發現後面有個嬸嬸包緊水餃，心諗即叫即製，應該都唔衰得去邊。蠔油菜芯上枱，我食落就冇乜嘢，但係女友即刻話啲蠔油鹹過乜！之後女友碗麵都上枱。呢碗啲料反而好味喎，魚餅有魚肉味，又夠彈牙，食多幾啖都唔厭。蠔仔煎蛋隻隻蠔仔都好肥美，一啖一隻蠔仔好足夠，啲蠔又唔腥，又夠蠔味，呢碗真係讚！叉燒嚟埋。食落同自己去BBQ自製嘅蜜汁叉燒一樣味道，不過佢燒得幾脆口。食咗冇耐，我碗麵嘅湯底色變咗做腩汁色，一啲都唔似蕃茄湯底，當然味道依然。不過食到差唔多食完，「後上」嘅水餃仍然無影無蹤，嬸嬸又包完水餃，梗係追單。一問之吓原來庤房唔記得烚……五分

今日途經寶貝返工地方附近,就約佢食個快午餐~佢知道我中意食車仔面D餸!所以專程介紹呢間車仔麵店!!我一心期待!怕食飯時間多人,所以早少少去搵位,見到舖頭都几細我呢D米之連星人行入去真係好有難度~再加上冬天,大家D衫都有返咁上下份量..明知寶貝冇咁早黎到,我就搵左個埋邊角落位,免得阻人出入, 一邊睇餐牌,一邊睇下其他人點咩餸~經過一番了解,發現好多人都會點蕃茄薯仔湯底,可能真係好正~寶貝黎左~開始點餸~佢成日黎已經有一定心水~而我自己就喺到15 16,乜都想點,不過又怕食唔晒..最怕係比寶貝話我大食…最後我喺蕃茄薯仔湯底同招牌麻辣湯底之間,選擇左麻辣湯底,話晒我都叫做’辣之連’~點知道所謂既麻辣湯底,原來只係喺佢的清湯底上加一茶匙的麻辣漿即時反應有少少失望~我以為有几’’招牌麻辣’’,於是就厚住面皮咁叫阿姐加完一次又一次(麻辣)~講到我都有少少唔好意思~加左三次後就決定加放喺枱頭的辣椒油了~~唉…辣椒油同麻辣係兩回事嘛…三餸麵+麻辣湯底, 豆卜好大件,,蘿蔔超入味又唔散而且好淋冇渣~正!!魚皮餃就一般,烚得夠耐,魚餃皮有少少起漿煎蛋角 – 煎得外脆,當中仲有少少生生地的蛋汁~好正~!蜜汁

睇演唱會通常食呢頭既小店既飽，今次打算試新野。1. 蕃茄薯仔湯底通粉，配金錢肚和紫菜（好大碗，湯底good，金錢肚一般）2. 沙嗲汁幼麵，配墨魚丸和咖哩魷魚（正正常常）3. 烤麻辣雞翼（幾好味）4. 燒叉燒（入味！）5. 腩汁生菜（見住佢即洗即煮，至少有洗過）整體而言，味道ok，小店sell的是人情味：）

一直都很喜歡光顧一些用心經營的小店，很喜歡那種氛圍，那種生命力，這裡，就是這麼一個地方..店子簡樸，略為狹小，但餐牌清晰有條理..蜜糖燒雞翼-$18這個雞翼，燒得皮香肉嫩不在話下，蜜糖滿滿的，嗯，活著真好..燒紅布腸-$9, 咖哩魷魚-$8, 串燒叉燒-$11三餸車仔麵(滷水大腸,麵根,牛腩,蕃茄薯仔濃湯)-$33蕃茄薯仔湯底很足料，也一如其名真的頗濃 ,而無論牛腩還是大腸也不錯具水準，重點是加了在蕃茄湯中，味道也和諧好吃..這一頓結帳合共七十多，計上食物水平，便宜得令人發笑，好吃的小店，多給予讚譽真的不嫌多..

這晚又到紅磡，完成要辦的事情，和CEO到附近的小店看看，日常來到都是以快為首選，記得上兩次來這區是吃燒味飯和粉麵，見粉麵店對面有一車仔麵舖，門口有客人在等候，心想應該不錯吧！就來試一試。店子座位不多，約十個座位，只做堂食的話必定難經營，要靠外賣幫補。蒙麵店子供應車仔麵外，還有串燒及小食，車仔麵配塔餸料有四十多款，兩餸麵價錢是$22、三餸麵$24、加餸每款$5，跟麵可配清湯、腩汁、咖喱汁或秘製沙爹汁，愛辣的可選擇店方招牌辣汁。我們要兩碗基本消費的兩餸麵，我要的是米粉、雞翼、芝士腸加腩汁。整碗份量是不多，正好我們不是太餓也算足夠，味道方面米粉條是軟滑腍身，雞翼入味香口，肉質尚可，而腩汁味道相當淡，沒有明顯的效果。CEO的幼麵、生菜、魚皮餃及腩汁。CEO的食後評語是不過不失，論價錢是合理，偶而對傳統粉麵店感悶氣，過來對面選擇數種你愛吃的配料，來一碗合自己口味的車仔麵。

香港車仔麵買少見少～～～好多都徒具其形而無神髓(即係只能揀不同既丸，同自己街市買丸黎煮無大分別．．．)難得屋企附近有間好評車仔麵，一定要揾機會黎試下～店舖較細，基本上兩張二人枱加張六人枱就已經係全間店～～～環境一般，細舖格局，只係廚房望落比想像中細 (可能因為太多餸要放 XD)兩個人，各叫左個兩餸麵 +6 轉蕃茄薯仔湯底- 牛腩泰式香茅魚餅幼麵蕃茄湯底面碗既大小比想像中大，一黎到蕃茄湯味香濃，即刻聞到～薯仔煲到夠爛，又入味，好食﹗蕃茄肉都好多，睇得出個湯足料，的確係好味。牛腩煮得入味，夠冧身，應該係柱侯炆，以車仔面檔黎講，算合格。泰式香茅魚餅雖然預左係雪藏野，但質素都唔錯，好香泰式香料味，正﹗唯一幼麵係全蛋面，面身略硬，同埋會吸水，攪到湯底食到一半就有啲太少既感覺，不過都算有咬口，唔會煮到糊哂．．．不過下次再食就唔會揀幼麵 lu ~~~ 同蕃茄湯有啲唔夾- 牛筋蛋煎蠔通粉蕃茄湯底本來老公想試其他湯底，但試過我個蕃茄湯底後即時決定佢都 encore，仲好攪笑地夜媽媽叫通粉．．．但黎到竟然係．．．出奇地夾﹗通粉係茶餐廳厚身嗰種，煮得剛剛好，唔會太硬，又吸到蕃茄湯味，中間通心剛好可以飲埋 d

路經紅磡，聽講有好多好野食，想食車仔麵便來這裡一試店舖叫蒙麵，幾搞笑也不禁令人聯想起一對最近結婚的藝人下晝三四點黎度都坐左7﹣8成，大部份都係後生仔，應該都係係附近間大學啲學生，店內牆上貼滿了剪報，好似好勁咁啵！黎度係下午茶時段，有茶餐叫好似係＄26 三餸麵加送一杯菜蜜有好多款餸叫，分＄8，＄7同＄6 (又括住加＄3，＄2，唔係好明！！）叫了豬大腸，咖哩魷魚同蘿蔔湯底就叫了個個都話正嘅蕃茄薯仔湯底，配油麵再加了一串叉燒＄11湯底，不算是很濃蕃茄味，幾清甜，但一定係有用新鮮蕃茄煲出黎嘅湯都叫有工序，幾有HEART，好過某名茶檔啲麵個湯係死加蕃茄膏／罐頭蕃茄，都唔明點解咁多人爭住食講番正題，啲薯已經煲到好粉好好食豬大腸：色澤夠上色，有少少過咸，但都幾腍咖哩魷魚：應該係俾D湯沖淡曬，入口只有剩下好淡嘅咖哩味魷魚尚算爽口蘿蔔：清清地，算清甜但未到鮮甜（無落糖煮吧）另外碗麵端上來時不算太熱，我比較鍾意食碗熱辣辣嘅麵叉燒串，即叫即燒，要等一陣先有得食外面燒到膿膿地，麥芽糖燒得焦香，叉燒腌得夠入味，未去到鬆化但係幾腍同彈牙但係食得兩舊會幾咸，建議配麵食餐送嘅菜蜜，以為會係一杯有冰有飲管中杯SIZE其

一直在紅磡剪頭髮的我, 偶然聽到洗頭姐姐話依間車仔麵的蕃茄薯仔湯底好掂。為食而減肥中的我當然唔會放過, 剪完頭髮立刻過去拜會一下; 可能已經比較晚(差不多9點左右) 只有疏落的幾條友食緊麵, 但眼見其中三個都係食緊碗紅色湯底的麵, 就知無嚟錯啦~今日食素, 所以點咗: 鹵水豆腐, 鹵水蛋, 煎蛋角, 米粉, 配蕃茄薯仔湯底 (個人覺得蕃茄同雞蛋是非常的合拍)個湯底真係非常正, 基本上我差不多飲晒D湯其實我依家都好少去食車仔麵, 因為多次經驗都係, 食完之後好似中咗味精毒咁, 要成日狂飲水解渴。但今次飲晒成碗湯都無依個情況發生, 真係意外驚喜下次有機會要試下其他名物: 雞翼、叉燒; 以後又多一個平靚正的搵食點

今天本來打算去時新試漢堡包的，可惜去到門口，店主送一句”25號例假，休息一天“，我的心情立刻跟天氣一樣：天陰！算！行過幾步必嘉街，發覺自己住了這麼久紅磡，原來很多平時沒有多留意的小店在這裡 要找時間全部試一次可能都要好幾個月。遠遠見到”蒙麵“就覺得名字很特別，心想應該是賣麵的，我這個麵控也沒有多想朝它進發。跟普通車仔麵鋪一樣，只有餐桌幾張，還不到午餐時間，客人只有一桌，找位子完全沒有難度。整幅牆都是蒙麵的剪報。d剪報大部分都係2010同2011年。其中一個話蜜汁叉燒串＄8，對返今日個menu（見下圖），已經加咗＄2去到＄10／串，通脹真係犀利。車仔麵餸既款式都係個d，多咗幾款推介咁啦。因為係brunch，雖然好想，但真係食唔落小食，今次只能流口水，留待下次吧。最後叫咗：墨魚丸，生菜，滷水大腸＋幼麵＋秘制沙爹汁秘制沙爹汁－其實係清湯加pat沙爹汁係上面，就咁食味道尚算不俗，dd辣，但一撈賣d湯度，就溝淡晒。生菜－正常墨魚丸－正常而且是有剪開的。不要小看這個步驟，雖然簡單，但很多店舖已經放棄這個做法，整粒丸子煮，結果不是煮得太lum就是中間還是凍的。滷水大腸－味道唔錯，真係有滷過，但太

好耐之前經過呢度，覺得個名幾過癮所以bookmark咗是日星期六，2個人去到尖沙咀見到周圍都係人就知道冇啖好食最終決定避走到星期六食晚餐去，而事實證明呢個決定冇錯~!我地分別叫咗個蕃茄薯仔湯底通粉+豬紅+蘿蔔+香茅魚餅 同 清湯油麵+雞翼+墨魚丸+豬手價錢分別係$29同$25，實在好抵食！豬紅，香茅魚餅，雞翼同墨魚丸都好ok尤其個香茅魚餅絕對係誠意之作！不得不讃下個蕃茄薯仔湯底，有創意之餘又健康，當然都好好味啦見到頗多報章報導老闆有好幾年臘味經驗，所以叫多個叉燒串試試同平時既叉燒好唔同，好juicy好有咬口！香草雞翼都唔錯，下次想試下香蒜炸雞翼！不過有少少意見俾老闆，就係d通粉唔太得，好快就黏埋一堆既然老闆諗到通粉咁創新既麵底，可以俾客人加$2用隻好少少既通粉吖咁有誠意既小店，請大家多多支持，唔好又俾大財團加租趕走呀！

還記得當天看著這店由裝修到開張，一眨眼已2個年頭，但我第一次光顧其實只是不久前的事。因為有見這港式「嗱喳麵」已做了一段時間，在被多間知名食店包圍的情況下仍能在紅磡保住一席位，就入內一試。本以為它只是間普遍車仔麵店，但老闆憑著誠意，換來了牆上貼著的數份報紙雜誌報導，也打動了我和友人的味蕾。早前回鄉探親，乘機大吃大喝了數天，回港後的第一頓晚餐，選了這家車仔麵店，衝著它的蕃茄湯底而來，正好清一清我那被上海美點填飽了的滿肚肥腸。 炸魚皮 (配料之一，但會跟麵分開上)魚皮炸得香脆可口，而且毫不油膩，入口不腥並帶點魚香，雖不夠薄身也說不上是極品，但已合格有餘了。 友人跟我都點了特濃蕃茄薯仔湯，每碗內都附送幾塊煮得軟淋入味的薯仔。自小已覺得薯仔跟酸甜的蕃茄是絕配，不用花巧，在家時老媽每次把這湯捧出來，那種新鮮蔬菜的清新甜味總教我胃口大開。這裡的蕃茄湯雖不至於「特濃」，但以街店質量來說，已算蠻出色，至少那酸甜味吃起來自然舒適，不是靠人工茄膏來調味。而且店家會把蔥放在匙羹內方便人客走掉，小處足見用心，加分。配料的話，特別推薦炸魚餅，魚肉比例上較麵粉多，炸後更覺惹味，咬下去那香茅味直襲口腔，帶點