蒙麵車仔麵 (已搬遷) 新店位置

冇飯開....唯有落街買嘢食係幾個月前屋企附近開左間車仔麵檔今日就去試試睇下....店內當然一般車仔麵都有的餸平時的車仔麵檔, 通常湯底都係清湯或者腩汁湯底, 但係我係依到竟然見到一啲平時車仔都檔見到既野,+$3蕃茄薯仔湯底, 愛試新嘢的我, 當然一試啦 哈哈,蕃茄薯仔湯底, 味道好似平時媽咪屋企煲果D...好甜啊3餸麵都唔夠飽既我, 最後加多碟麻辣雞翼! 麻辣夠香口 $10 有三大隻,即叫即煎雞翼, 真係好正! 熱辣辣! 比起平時係出面食抵好多, 又好味!佢地仲有串燒食, 下次真係要試試先試過今次後, 我估我每星期都有2-3餐都會黎...因為佢下午茶都好抵! 傾傾下, 原來煮麵果位後生仔係老闆!! 而家D後生仔真係勁呀!!

要左個 蕃茄濃湯米線加, 牛腩, 蘿白, 魚餅一串叉燒, 一碟香草雞翼, 一杯豆漿.很久沒有和老婆出街搵好野食, 今天一氣吃了兩間鋪頭...這間環境都算乾淨, 地方細, 但我略覺得 枱 太近厠所.幸好當天並沒有人開厠所門, 否則...講番食物, 我和老婆似乎好味都幾一樣, d 餸本人就不太覺有好濃的味精, 反而個湯底真係好好飲.吾係太喜歡吃咁油車仔面的人也可以一試.另外, 叉燒 都中上好味, 但我本人覺得有另一間更好味....香草雞翼, 幾香, 保證新鮮即製.有時間又經過, 我會再試一試...下一站, 甜品店.

今晚夜左收工諗住是但食碗麵返屋企睇波,經過呢間車仔麵就試下啦,其實之前都想試只不過鋪內座位不多,好多時都無位,我叫左碗三餸麵,牛筋,冬菇,豬手,幼麵加3元有番茄湯,店內姐姐仲成日叫我試下叉燒串,我又試下啦,碗麵一到,份量十足,試一口番茄湯,唔係咪精湯喎,牛筋相當淋滑,冬菇食得出係自己炆,好多車仔麵檔都用罐頭嘢唔好食,豬手都好入味夠淋,到串叉燒串,很香口,味道調得不錯,真係幾好食,無諗過這一餐都幾滿足,這店子令我有點意外驚喜!

今日放假,同媽咪去咗朋友屋企,走嘅時候見到呢間車仔麵, $20有2個餸仲有雞翼+豆漿 真係要試試先我哋叫咗2餸餐,見到MENU上面加$3轉蕃茄湯底,我哋都轉咗雞翼我叫咗痳辣味,媽咪叫咗香草味蕃茄湯正呀,唔會好酸,好有蕃茄味痳辣,香草雞翼都好好食我會再嚟ga下次要食吓串燒呀

今日我同我個FD一齊去食下午茶當LUNCH食今次我叫左芝士腸同蟹子包 要左米粉 同沙嗲汁個沙嗲汁一D都唔辣,,岩曬我唔識得辣不過個湯今日就淡左D有次我叫外賣食就咸左D唔知係咪唔夠湯上次我地要左4隻都係香草雞翼,,好入味,,夠咸!!個伙計好好人,,我地同佢講杯豆漿入面有D好似E既問題,,我諗應該係類似腐皮甘既野佢就即刻換過比我個FD啦!!之後仲問我地呢杯仲有無,,如果仲有就再換過比我地好NICE又食左餐又抵又飽既TEA啦

$20 3 餸麵~牛腩,豬腸,鮑片,+$3蕃茄薯仔湯底魚皮餃,蘿蔔,豬紅,腩汁湯底仲叫左推介既串燒蜜汁叉燒串牛腩都炆得幾淋,幾入味~~豬腸就咸左少少,鮑片都幾好味.蕃茄薯仔湯好濃茄味,會比埋蕃茄薯仔,多左2個餸咁~蘿蔔都炆得幾淋幾入味.不過豬紅都係咸得滯,唔知係咪因為夜~腩汁湯底OK,不過如果再濃D就好味D~蜜汁叉燒都幾好味~

哈哈.如果我有錢會開間超人係佢對面..有個咁型的名.我估計.老細係一個後生仔..後生仔思想係潮的....呢間店得好少東西我會批評..我對的黑色裝修的食店的觀感一般...同埋客人食完的渣.唔乾淨的碗.我係清楚看見.望完我有的反胃......講得太坦白.就唔好意思.本人心情一般...但我無屈人.只係將我的觀感講出來叫左一碗3餸米粉..菜有豬腸.牛腩.金菇...下午茶20元加3元蕃茄湯底.加4元汽水一來到碗3餸米粉..勁大碗.....豬腸有的鹵水的感覺...好林又入味牛腩反而一的都唔林...仲有的硬....金菇就無得評...反而個湯好正....酸酸地的感覺...蕃茄,薯仔又多..好足料....變左五餸.好抵食.飽到上心口....仲有進步空間....都值得笑臉

星期日下晝兩點幾, 又潮濕又翳焗.. 唔想去太遠.. 扛算近近地.. 記得紅磡最近又有兩間新食店, 一間響郁香園隔離食pasta, 另一間就係呢間. 因為巴士落得近嘅關係, 我就試左蒙麵喇..一入去, 地方光猛企埋.. 車仔麵黎講數一數二乾淨少雜物(可能新). 撞正下午茶時段.. 兩餸麵連雞翼, 或者三餸麵 都係 $20碗, 送豆漿... 湯底又有得轉冬蔭公 或者蕃茄薯仔.. 卒之點左... 三餸麵 (蘿蔔, 豬手, 牛根, 油麵) + 豆漿 ...$20 兩餸麵 (鳳爪, 炸魚餅, 米線) + 2pcs 香草雞翼 + 豆漿 ...$20 + $3 轉蕃茄湯底 叉燒一串 ...$8 麻辣雞翼三件 ...$10三餸麵入面, 牛根份量勁多, 夠淋又入味. 蘿蔔清甜冇渣, 豬手夠淋但係可以再炆耐d入味d 仲好.. 油麵正常質地... 豆漿細細杯, 不過勝在夠凍, 正! 兩餸麵轉左蕃茄"濃"湯底. 其實即係蕃茄薯仔湯. 味道不至於濃湯, 但做湯底夠哂味. 又有幾舊蕃茄薯仔做餸. 最正係食唔出落左師傅. 可以(夠膽)飲哂嘅車仔麵湯底都係第一次. 入面d 鳳爪同豬手一樣都淋, 不過又係可以

個名經已夠吸引la!和小豬兒不知吃咩好, 吃吃這新新地的店子!下午茶超值!$20 2餸麵 送2只雞翼 及 豆漿乙杯2餸麵也是一般的, 不會太少, 小豬兒的羅白也說可口, 牛根也 (腍腍架~)而本人的豬大腸亦不會很髒很臭的.墨丸亦是有粒粒墨魚那種, good!送的雞翼, 是用燒的, 加上香草味粉 惹味!超值, 味道也不錯, 正野!p.s. 沙嗲汁也確是惹味, 且只帶微辣

呢間車仔面其實我之前試過1次都覺得幾好不過果時唔得閒打食評今日我再食就打番啦我係外賣番屋企食既外賣要加1蚊我食下午茶餐:: 2個送+1個面+2隻雞翼+1杯豆漿 都係20蚊 真係好抵!!我叫左芝士腸(4條)同埋蟹子丸(2粒)最好就係蟹子丸唔洗另外加錢,,出面好多都要加錢架!!我叫左沙嗲汁,,,好好味,,唔辣既,,岩曬我另外雞翼我要左香草雞翼,,燒得好香,,唔會話太lung至於豆漿個味唔會話好似出面果d咁淡都okay既!!20蚊一個下午茶餐有甘多野食,,真係so good!!!我下次再食再補相啦

這天改了覆診時間，看完剛剛十二點午飯時間，正好吃點東西後回公司繼續下午的工作。行過被這店名吸引了過來,以為有蒙古麵吃(真是不知道蒙古有沒有麵吃!)走近一看原來賣的是港式車仔麵!小店看起來乾乾淨淨,既然來到門口也就入來一試.四餸麵----豬腸,豬紅,牛腩,鳳爪,配油麵加沙爹汁,牛腩太瘦太硬,豬腸炆得軟淋入味,鳳爪帶點蒜香,很惹味!豬紅也很滑口.沙爹汁味道香濃配油麵確是不錯!麻辣雞翼----即叫即煎的關係所以等侯時間要長一點,外皮煎得金黃香脆,中間位置肉質嫩滑,味道是較為小見的麻比辣來得重,與一般的只辣不麻大有分別,相比其店的版本,個人來說更愛這個!豆漿----夠凍,味道不太甜.雞翼$10有3隻,豆漿每杯才$3,望著餐牌吃到一半才發現原來另加$3可轉冬蔭公或蕃茄薯仔湯底,這樣也好,除了雞翼好吃會是再來的原因外,下次也可試其它不同湯底!

和朋友晚上路經必嘉街看到此車子麵新店, 站在店外的嬸嬸很熱情的叫我們入內一試, 和朋友們你望我我望你; 大家都咁鍾意食車仔麵就入內試試啦!三個人點了三碗三餸麵, 三餸麵每碗 $20, 再加豆漿每杯祗是$3-本想叫义燒串, 但已沽清, 改叫了牛肉串, 雞軟骨串和麻辣雞翼我點的是豬腸. 牛腩, 泰式魚餅油麵 + 秘製辣汁麵份量十足, 豬腸和牛腩都是用鹵水鹵製, 味道可以, 但牛腩太瘦, 有渣又痴牙 (其實車仔麵的牛腩一定要用下价帶脂肪的雜腩才好吃的)泰式魚餅是普通涷肉店買到的魚餅, 無甚特別. 湯底喝得出沒太多味精, 但過咸, 而所謂的秘製辣汁全不辣之餘還咸得出奇問同行的 2 位友人他們的麵如何? 他們2 人一個選了加沙爹汁, 另一個加咖喱汁, 但2 人都異口同聲說好咸呀反而點的串燒比想像中好吃, 麻辣雞翼加入孜然粉和花椒粉,麻麻辣辣又夠香口 $10 有三大隻串燒牛肉加上香草粉, 又香又夠味, $7 一串, 大串又抵食但老闆在碟旁放的沙爹汁就千萬不要點串燒食, 咪因為太死咸囉老闆是個年青人, 負責樓面的嬸嬸應是他媽媽, 年青人創業是值得鼓勵, 但小老闆小老闆; 你真係要減鹽呀! 你不論辣

行開紅磡時,突然好想食車仔麵,行行下,見到呢間好似係新開嘅,就走入去try下la,叫左個番茄湯底(大腸+芝士腸+魚皮餃),仲有d串燒,都好好味wow,個义燒串燒激讚,大家一定要去try下,同埋個價錢都好經濟,3個餸都係$20,勁抵食ar,睇番之前d食評,原來煮麵嗰個年青人係老闆,真厲害ar,因為佢真係好後生,但竟然可以煮得噤好味ar,環境都好舒適,又有電視睇,我下次都一定會再食過,因有有d比較特別嘅湯底,下次try下個冬蔭公先.

估唔到用咁既價錢可以食到D咁有水準既車仔麵.同串燒~~~車仔麵既特色竟然係可以有幾種湯底~~我覺得最OK既係蕃茄薯仔湯..真係有阿媽既水準~~而餸方面就都頗多選擇..幾好幾好~~~~串燒方面真係極力推介..叉燒串....冇得頂~~~~值得再回味~~~~環境方面簡單舒服..........

住o係紅磡廿幾年，第一次食到咁有誠意o既車仔麵！雖然店內面積唔算好大，但勝在地方好乾淨又有電視睇，好舒適。近來同老公幫襯了幾次，每次食完都是咁滿足回味。。。真的好好味！那裡的蕃茄薯仔湯底並不是一般味精湯底，飲落有住家老火湯的味道，完全感受到他們的誠意！值得一讚！還有一樣新奇，車仔麵竟然有冬陰公湯湯底，飲落感覺很清新辣辣地，超讚！最好味都是他們的串燒！叉燒串燒，可以說是他們的主打菜，味道真的好吸引！食落肉質好新鮮，燒得o岩o岩好，水準拍得住一些高級串燒專門店！是一間難得一見的誠意小店！