蓉芳 (已結業)

今晚真係見識倒一個非常非常冇禮的侍應, 仲著西裝似係高級的, 真係連低級職員都不如。點解餐廳會請埋啲咁嘅人, 完全影響晒心情, 一個男侍應, 基本尊重都唔識, 真係業界之恥。客人唔想回頭, 老板真係要多得佢。

呢間野所有後生職員嘅態度都超級惡劣😅1️⃣ 一入餐廳，問佢地會唔會有bb椅，佢地好惡咁話：冇呀！我地都照坐低食飯2️⃣ 坐低左，2大2細叫左4個餐一嚟杯奶茶，上枱倒瀉左半杯落隻杯碟，佢地唔理照serve俾我地🫣。同佢地講你倒瀉半杯唔理，最少都幫我換隻底碟啦～ 佢地用眼神”秒”左我地一下3️⃣ 2個大人服侍完2位小朋友食完佢地嘅餐，大人終於可以舒舒服服自己食埋自己個餐。食到最後一啖放底隻叉，一位男職員就好不耐煩走過嚟、掉底張單話：你地張枱過晒鐘……..我同老公即刻呆左😲 佢地入坐完全冇提及有限時，坐隔離嘅食客都好surprise…. 完全冇人知佢地間所謂茶餐廳級cafe只俾人食一個鐘仲要俾人話過晒鐘超時 + 俾人掉單落枱…

蓉芳哩間餐廳開左估計一年多，今日早餐經過見到裡面有人，但千色店大門又未開，再搵下就睇到佢自己有條門，裝修又好似幾好，眯入去嘍。前面個啊姐叫佢嘍杯熱水，個侍應話“大佬，D 水出曬煙咖”，哩D l禮貌真系好。到埋單又見個手銀同個客系度對爭緊，哩間野員工訓練真系未見過。頂級餐肉滑蛋公仔麵（ 40）- 太肚餓啦，坐低都吾考慮就叫餐牌上的頂級餐肉滑蛋公仔麵，真系頂，佢話無公仔麵，有無搞錯啊！一早早餐無公仔麵賣？- 餐肉系普通貨色，同我屋企食開隻韓國牌子差好遠。- 滑蛋系幾滑- 米粉份量少，有D ”鞋”，仲食吾飽檸檬水- 正常

之前都有食開蓉芳，但係最近見佢網上好多新推介，所以今日放假就去試吓，我叫咗一個芝士夾心西多配桂花蜜糖醬同凍檸茶，入口即溶👍👍我見到樓面同事與經理盡心服務每一個客人👍👍現在冇+1，可以吸引多啲新客，有創意👍👍☺️

今天工作完事，在千色店落車，經過千色店被門口的下午茶餐牌吸引住⋯⋯看看錶，反正今天忙到中午飯都未食，愛人放假，倒不如一起吃個早飯吧！還有5分鐘將近5:30pm，唔等愛人，嗱嗱臨叫咗兩個餐⋯⋯凍、熱檸水:老實說，檸檬水其實冇乜技巧，只要檸檬新鮮唔苦就可以了。這裡完全合格之上。白汁雞皇飯$58~端上枱，味道很有肯徳嗰位雞叔叔那種白汁雞皇飯影子的味道。肉醬意粉$58~依個就像薄餅店的影子⋯⋯份量足，連飲品，坐得舒服，合理價。雞翼三隻(餐另加$20)相比之下，反觀依三隻雞翼又幾好味喎！精選甜品(餐另加$23)~Chocolate Brownie :甜品未算太甜，但質地頗硬。之後和店員傾開，她說下次可以過來試試早餐，食店開早上七點。看見這店乾淨企理，於是星期日放假去試。沙嗲牛肉公仔麵配多士烚蛋$45~依個早餐相當豐富，愛人吃了整份早餐都吃淨一隻蛋，幸好是烚蛋，外帶晏啲吃，免得浪費食物。熱、凍咖啡~筆者愛熱咖啡，而愛人喜歡凍咖啡，即磨咖啡比茶餐廳更好。沙嗲牛肉公仔麵~牛肉夠軟熟，如果是喜歡濃味的朋友仔，相信會覺得略嫌淡味，但筆者和愛人都喜歡。輕盈早餐$40~厚多士、炒蛋配火腿，其實自家製都好易攪，

今朝(4-3-2023 Sat)同老公,亞姨送完爸爸入院後食早餐,由於我同亞姨之前都食咗啲嘢,只係老公未食,於是決定要兩份早餐.老公要$43.00嘅特別推介.經典番茄湯碎牛肉芝士滑蛋通粉,要熱檸水,我要$45.00嘅特選早餐,香濃雞湯火腿通粉配厚多士及炒滑蛋,都要熱檸水.熱檸水有少少澀味.厚多士及炒滑蛋厚多士烘得夠而且外脆內軟;炒滑蛋係滑,唔錯.番茄湯碎牛肉芝士滑蛋通粉其實唔係碎牛肉係一件件嘅牛腩,老公將芝士撈勻晒,我試嘅時候唔覺芝士嘅味道,而番茄湯嘅味道就正常冇問題.香濃雞湯火腿通粉大大碗,呢個都OK正常冇 問題.抵食係2.8分上次食評係2022年2月20日刊登嘅呢篇: https://www.openrice.com/zh/hongkong/review/%E6%AF%94%E8%BC%83%E8%B2%BC%E5%9C%B0%E5%98%85%E6%B8%AF%E5%BC%8Ffusion-cafe-e4328473

服務態度良好，對客人有禮，食物方面擺盤都幾靚。另外，啲食物都幾好食，下次有機會嘅話會再嚟👍特別推介個芝士蛋糕，同出面嗰啲唔同，好好食👍👍👍：）：）：）：）：）：）

今日難得收早，就諗住自己食個下午茶+早dinner，路過容芳見到價錢都還好，就入去食，叫咗一份西冷牛扒意粉，意粉份量OK嘅，但係牛扒就略太熟，因為放落口有韌，個汁就好鹹啦。跟住加配左三隻雞翼，同埋薯角，雞翼都炸得幾黑，其實就有啲燶，不過撕開d皮都食得嘅，薯角就冇乜味，同埋好乾⋯最後加咗件Brownie，本身我好怕蛋糕好甜，但係收銀戴眼鏡嘅男仔好細心咁介紹啲蛋糕俾我，最後件Brownie係好食+唔係好甜嘅。下午茶時間好似都有少少忙，但係出餐都幾快，其他同事服務都好好。整體來講間餐廳除咗出品水平有待改進之外，其他嘢都係唔錯嘅，呢個價錢，唔講味道，環境同服務已經係好好👍🏻👍🏻👍🏻

每日返工都經過呢間餐廳，但就從未試過入去食野，今日早上偷到一個小時間，點了一個早餐，個公仔麵爽彈的，係我鍾意食嘅嗰種質感🤗個湯底都好好味😋，我食黎食去都講唔出，感覺係第一次係公仔麵到遇到呢個味道，絕對唔係茶餐廳嘅味精粉加麻油味，推介大家去試吓，試完話我知係咩味😆價錢只係29蚊，包埋一杯飲品，呢杯即磨齋啡無失望👍🏻，30蚊落下既早餐，已經難搵，仲要係優質同坐得舒服，就更加難搵，真心推介😉

今日返工嘅時候，行過荃灣街市街近德華公園，有一達地方新開嘅叫用過我見佢嘅Menu好吸引，所以入去試吓我叫咗羊架，頭盤火腿沙律配芝麻醬，我叫咗一杯凍檸茶少甜少冰，佢哋每一個職員好有禮貌，但係個羊架唔值得推介，廚子嘅手藝好有問題🤨非常之鹹，希望可以改善下

食物味道理想，但係收銀櫃位職員態度差到不知所謂，好聲好氣問佢係咪有八達通機，連續問咗幾次都冇回應，一回就態度勁冇禮貌咁樣話呢度咪有囉講真，服務態度差到咁樣，啲嘢食質素點樣好都無用你做飲食業嘅，都算係服務行業嘅一種，個客問你一句都咁晦氣，而家個客嚟俾錢享受你嘅服務都係喺輕輕一句，唔使好似殺咗你全家咁樣嘅，你而家咁樣樣想我哋作為顧客嘅點樣返轉頭幫襯呢？希望餐廳可以見到呢一個評論，可以改善下員工培訓，留住啲客人喇

夜晚同朋友行行下千色。平時番工都有食開蓉芳既早餐。事不宜遲帶個朋友入去食吓晚餐先。 因為知道呢度既西多士無花生醬無糖醬。 得朱古力。煉奶同埋士多啤梨。 所以同以往一樣。我會準備定花生醬同糖醬過黎。朋友叫左個全日早餐。加六蚊轉左塊多士，好食。 但豬柳漢堡有陣雪藏味，最驚人見到條豬肉腸粉紅色究竟熟未？真係好反胃。 連最尾既熱咖啡都無心情影相。 我地都同啡色衫既員工反應。佢都好好 問我地要唔要換個份 時不時都問我食唔食呢樣果樣。 服務方面。招呼周到，天氣凍系咁叫侍應熱我加熱水，見個妹妹仔每次行好遠拎都唔好意思。

今日再一次同朋友嚟到荃灣千色店，早係幾個月前已經曾經嘗試過呢一間蓉芳，今日再過發現原來已經更新好多餐牌，其中主場晚餐最吸引。第一個揀慢煮牛肋骨，$208元，牛肉味好重，三款雜菜亦很新鮮，牛肋骨切成一片，肉質非常鬆軟，食落唔錯。唯獨是黑椒汁非常很鹹，不過半薯蓉食都還可以！第二款揀咗羊假，都係208蚊，羊架味道略為遜色，肉質較為韌，同埋味道都偏鹹。整體不過不失。整體覺得容芳係一間幾好嘅廳，雖然食物質素唔算特別優秀，但環境乾淨寧靜，服務員態度亦都非常好，仲送蛋糕俾我哋。揀咗朱古力芝士蛋糕，女侍應話朱古力味很香濃。果然不錯。

行行下千色店肚餓，見到呢間餐廳燈光好光猛，見餐牌選擇都多，好多都想試，於是入去慢慢揀。最後食豬扒雞蛋意粉，擺碟乾淨令人食慾大增，而且份量都好足。第一啖梗係切件豬扒食先，煎到有焦糖色，好香。唔厚唔薄但有肉感。最最最意想不到、越食越起勁係個牛肝菌忌廉汁，以為普通洋蔥汁，第1次食呢個汁好香好濃，好後悔無問到可唔可以加多啲汁，可以當係撈麵食。至於意粉就軟硬適中，蔬菜食落有汁水，唔會乾爭爭，整體野食不錯。此外，留意到每枱都有一支水同水杯，方便客人飲水、洗餐具，但有客自行倒水入自己水樽，極度不衞生，同埋上手可能無用過支水同水杯，見職員無收依舊放原位俾下一枱客人用。最後點餐過程體驗麻麻，無人理，揮咗幾次手，穿西裝嘅男職員又無禮貌，黑口黑面好似趕客咁。

係我最愛既黑松露炒蛋🤤炒蛋岩岩好！！擺入口既感覺好即刻化開😆食左一半黑松露炒蛋，留低另一半擺落個丹麥多士到，再加上牛油🧈好邪惡既口味！三重口感值得大家一試，而且丹麥多士外脆內軟👍👍👍另外湯底亦係我最愛既蕃茄味，而且個蕃茄湯似係用新鮮蕃茄整！唔似出邊用罐頭蕃茄👉👈所以碗湯我都飲晒🙈係鮮甜既味道👯‍♀️👯‍♀️完全唔似罐頭蕃茄味道！本身唔食淮山既我👉👈都試一試佢地既淮山麵🤣估唔到淮山麵吸晒蕃茄既味道😆而且啲牛肉真係好大粒🤤仲要有好多好多🤤我一個女仔都覺得超飽👍本身問個店員可唔可以將淮山麵更改，但係佢好好嘗試說服我去嘗試！好彩佢叫一叫我…如果唔係我都未試過新野完全唔知原來咁好食🙏值得一讚個店員🙏🙏🙏