影片
以上資料只供參考, 請與餐廳確認詳情
附近上興趣班，無意中見到呢間食素嘅餐廳，返學前醫吓肚先，藍屋有一定嘅歷史，門前有幾級石級，入內環境～樓底好高，有種好特別嘅感覺，好似去咗人哋屋企咁今日好熱🥵34度，又唔係好肚餓點餐後好快送上足料靚湯，雖然天氣真係好熱對於我呢個超鍾意飲湯嘅人，真係雙眼發光，唔知用咩材料煲呢個湯嘅呢？食到有冬瓜、紅蘿蔔同埋有啲豆，不過好好味送到上枱時，嗅到好香麻油味，有足足六隻餃好彩麵唔係好多素餃好足料，有冬菇嘅香又有爽甜嘅口感，滿足
繼續閱讀
我1:20到達，午餐時間只有30分鐘。店主要求我同其他客人分桌，雖然我接受，但旁邊的熟客明顯被優先供應他們的食物。無生那有熟，食物出得慢，質和量中規中矩。如果我不是已經喝了那碗湯（可能店主知道這樣會流失客人，因此優先供應），我也只能忍耐著等下去。我等咗好耐，最後只能帶走食物，對服務非常失望。
繼續閱讀
唔係第一次幫襯，每次都吃唔同款式嘅素菜，今次揀咗咖哩魚蛋........咖哩係辣嘅,口感就同食真嘅魚蛋冇分別我真係分唔到佢係真魚蛋？定係素魚蛋？各位有興趣一定試試
繼續閱讀
星期日去完藍屋參觀中秋燈籠，轉過彎發現呢間素食小店。滿滿的人情味，裝修充滿著懷舊嘅藍屋氣息， 有一些歷史的擺設，還有昔日的懷舊紀念品。 雖然店裡人手較少，上菜較慢需要比些耐性，食物種類不算太多，但全部是健康素食，十分美味。酸梅湯全部即日自家製 ，仲有親手包嘅餃子，三色芝麻紅豆椰汁糕，還有濃濃的跟餐燉湯，完全感受到麗姐份心意。跟麗姐傾開，知道本店原本在灣仔地鐵站附近 ，但原來她一早有跟藍屋這一個活化項目，所以知道有吉鋪，二話不說將分店開在這裏，街坊小店，滿滿的香港人情味。
繼續閱讀
去左藍屋影中秋燈籠, 順便去試下蓮子麗姐。叫左一個無乜人講過既清湯蘿蔔素羊腩(有飯$60 走飯$50)。我見素羊腩多數係咖哩或竹枝羊腩煲, 未食過清湯, 唔知可唔可以重塑清湯腩既味道。白蘿蔔唐生菜好清甜, 咁講好"蕃茄有蕃茄味"但係好多時出街食, 菜唔一定新鮮更加唔會係甜, 我無諗過我會好enjoy食"清甜唐生菜"。羊腩有好濃既冬菇味道, 咬開都有冬菇粒, 食落口感有d似冬菇蒸肉餅, 始終真清湯腩有多D 油脂, 要完全似樣應該無可能。雖然賣相不能再普通, 但味道係食物原味道, 我都食得好開心。另外叫左椰汁雪燕桃膠糖水($40), 呢個真心推, 桃膠雪耳超足料, 食落椰汁好濃稠, 唔係平時糖水店水汪汪咁樣。蓮子麗姐宜家開到9點, 就算唔黎食飯都不妨黎食碗糖水。
繼續閱讀