蔡潤記 (已結業)

喺十年前, 有人帶我第一次去呢間麵店, 無諗過自己喺大埔住咁耐, 自認對大埔嘅店舖都有一定嘅熟識, 竟然唔知有呢間麵店。我抱住好奇, 睇吓有咩特別, 點解個朋友要渣車嚟食? 睇落係一間平平無奇嘅舊式食店, 無裝修唔在講, 枱櫈就同大排檔一樣, 但每日有限時間做生意, 並非你隨時可食到, 我唔知道佢幾點開門, 只知道做到上午十一點幾就開始落半閘, 此時亦表示部份食物已沽清, 就好似麥兜咁, 叫河粉無河粉。如果十二點後嚟到隨時碰門釘。真係可遇可求。我只知道佢啲魚蛋超好食, 好彈牙, 以前每次我都係叫魚蛋粉, 仲有一小碟辣椒油, 又香又辣, 將魚蛋沾少少辣椒油食, 簡直係very good!我已經事隔多年都無嚟光顧, 難得今日有緣與知音者一同品嚐, 一於嚟個喪食, 睇吓水準有無變先! 朋友叫咗牛筋河加底及淨魚蛋, 我叫咗碗牛腩河, 我哋將食物Share試吓, hm....樣樣都好好味, 腩汁嘅味道真係好濃好正, 不過朋友話個湯多油咗啲喎! 食物水準依然Keep到噃!p.s. 看見上面寫營業時間至4:00, 以前只會營業至中午, 現在可能已改變了。

好好食架fish balls超彈牙因為以前學校係附近放lunch都會好多人不過因為地方比較偏僻...會少人d黎依間食多數都去新個間./..但個間冇咁好食!!!!!!!!!!!!!!!!!!!!!!!!係對面之麻////!!!!!!!!!!!!!一定要試下大埔好出名 食到大ge^^ fish balls

之前住大埔成日都會去食~依家搬o左就少o左去食喇~每次去到都會叫 " 牛筋牛肚河加魚片"牛筋好腍、牛肚好爽，而魚片好彈牙好有魚味~炸魚皮都好好味~最鍾意o既就係佢o既湯底....一般粉麵店好難食得到....大家可以去試試~

好驚訝蔡潤記得咁少食評, 因為我覺得佢好好食, 不過可能我由細食到大, 多左感情分啦 細細個已經成日黎呢度食粉, 我最鍾意食"魚片牛根河加底". 今日咁啱黎左大埔, 忍唔住舊地重遊!! 我叫左個魚片牛根河走青加細可樂. 一路等一路環顧四周, 回味過去.先飲左幾啖可樂, 好爽! 河粉到, 我即刻拎起筷子係咁食, 魚片仍然係咁好味, 牛根都係, 非常入味又唔硬. 個湯同10年前一樣, 好多腩汁好好味. 不得不提的係佢一定每人俾一碟辣椒油, 係佢地自家製ga, 我由細到大都唔食得辣, 但係就偏偏鍾意食佢的辣椒油, d粒粒好香ga!!短短15分鐘的lunch, 俾我好好的回憶, 唔知幾時會再黎大埔食蔡潤記呢

佢 d 魚蛋 牛腩 牛肚 炸魚皮都 好好味佢係做開街坊生意既 堅係深受街坊愛戴星期日朝早尤其多人食開既都好習慣要等等好耐位 等好耐d野先黎最少要等四個字同埋有時要自己去拎野飲不過我鍾意自己開汽水蓋所以都冇咩所謂試過新蔡潤記 完全兩樣野黎既好普通 係周圍都食到既魚旦粉

由細食到大 , 但係呢幾年番學遠佐 , 都好少去上個禮拜 , 終於有時間 , 就番去食過 繼續叫番我鍾意既片腩河加底感覺上碗河粉真係少佐(通脹太勁了)魚片照舊咁滑、牛腩一樣咁好味，唔"鞋"口。突然有番自己細個時 , 同呀媽坐係到一齊食既感覺 好溫馨 , 好溫暖 不得不提服務態度比起我細過時來食好佐好多lu

下面既食評已經講左呢度有幾「寸」，不再多說。不過，有一點想補充.. 友人同我講，話入去呢度一定要自己搵位，如果你同阿姐講幾多位，佢會面黑，然後叫你自己搵位。呢度既人似乎好熟識環境，會帶定雜誌黎食魚蛋粉。點解？因為呢度要等成 15-20 分鐘先有得食咯 ~~ 友人叫左牛腩麵，而我就叫左魚蛋麵加腩汁。魚蛋係自製，個樣的的式式 (好可愛﹗)，魚落去好彈牙，一再回味，0係其他地方真係好難食到；至於佢個牛腩就「蚊」得好夠火喉，稔得黎亦有口感，而又唔會滿佈「肥膏」，正；佢個湯底就好好味... 個湯比較濃，但飲落唔會口乾，蓋過左 d 麵既鹼水味，但又唔會過鹹。而佢上每一碗麵時都會附上一小兜辣椒醬.. 如果食辣唔會敏感既就一定要試。點左少少，令到碗麵好惹味，辣得黎又唔會「拿喉」。佢咁「寸」但咁好生意.. 梗會有佢原因。

聽聞蔡潤名氣幾勁緊係要試一試la一入到去, 爆曬因為無食過佢d野所以要住一碗魚蛋麵試下先....嘩!!咁就等左成10分鍾等到我旁邊個阿叔都食完碗麵佢碗麵都仲未上到(實際上,即使係較複雜炒粉麵,10分鍾都應該上到la)咁我緊係要追一追單點知佢竟然咁答我"你咁就催單,我仲記得你,你姐係唔係等左好耐la"......聽完呢個gag答案,立刻笑左我答番佢,"人地碗麵食完,走埋lar"佢再玩串嘴"人黎左幾耐,你黎左幾耐"真係差d俾佢笑鬼死今次係我平生第一次用20分鍾等一碗麵佢碗麵有4粒魚蛋同4片魚片有魚味,ok爽口同海達比會較彈牙,但無咁有魚味,分量都較迷你而價錢較貴湯底係普通既清湯加色(鼓油)總括而言ok好食,但有比較下我就唔會再幫襯

大埔舊墟裡,有一間很「寸」的麵店,它叫作蔡潤記。說它「寸」是不無理由的,第一:它的營業時間由上午九時至下午三時,明明還有很多人等着惠顧,但仍然擺出一副有錢都不賺的態度, 第二:店內到處都張貼着：「欲嘗美食,耐心等候」的標語,潛台詞就是叫你等到就等,等唔到就過主。所以建議你在不太餓的時候去光顧,因為從你等位到吃麵的時間已經可以使你由肚餓發展到極度肚餓了。第三: 身為顧客的你,除了要站着等位之外,喝飲料還要以自助形式到冰箱自開自取。第四:落單一定要發音清楚,字字鏗鏘,否則送錯食物時,伙計可會回你一句:「你又唔講清楚d!」第五: 落左單就不要催! 即使它寸,但無減食客的數量,每天依然客似雲來,坐無虛席,為什麼?只因為兩個字----好吃! 說到潮州粉麵,魚片魚蛋扮演着一個重要角色,魚片魚蛋是他們自家製的,和行貨的口感無得比,通常我會叫一碗雙拼河粉,一次過滿足兩個願望,雖然每碗只有三粒魚蛋,體積也小,但味道是一流的,能吃到鮮魚的味道!真是好爽啊! 吃麵不能不提湯底, 褐色的湯底嗅起來香噴噴, 呷一口濃湯,和爽爽的魚蛋是絕配。至於用什麼來熬呢?應該是商業秘密吧!不過這

通常星期六中午就會去幫襯，去到坐滿了，等左一陣，有位!落完order後，例牌等成15分鐘以上，不過都值得的，因為真係好好味, 出面好少有呢種牛腩粉。整體黎講.... 正!如果不用等甘耐，就仲正!!

對上幾次去都發覺倒有呢個問題，以前叫一碗蛋腩河加底，我差唔多食唔灑，但係對上幾次去真係小左，無論麵底同牛腩都小左，可能同通脹有關，不過食物既質素我唔覺得有變，一樣噤好，呢間對比起群記重贏緊成條街。

都差唔多成年無嚟過lu,之前一路都想再食,可惜無時間又無人陪,星期六honey終於都有時間陪我去lu...哈哈...一點半鐘左右去到,出奇地唔爆wor,因為次次呢個時間去到都係勁爆之外仲要等位,今次竟然坐低咗一陣就走咗三分一客,之後到我走都唔係好覺有多咗人,後來d野食嚟到我就知點解lu,因為細碗咗又貴咗lor...>_<我哋叫咗魚旦米+魚旦河+淨魚旦+大樽裝可口可樂+樽裝忌廉=$63.魚旦- 一樣都係咁彈牙,有魚味...正魚片- 不嬲都係麻麻地,唔夠咬口...中規中矩米粉- 好碎,無一條長過3吋...一般湯底- 有味精但係唔多,可以接受其實$17一碗魚旦粉唔係好貴,但都唔算平,但我同honey都係七成飽,如果以地點(大埔舊墟)嚟計就唔係咁抵食lu,附近其實都仲有好多選擇...PS.唔知係唔係生意差咗呢,平時負責落單嗰個男人都無以前咁惡(串),客氣咗好多wor...^^

幫襯呢間麵店已經有十幾年,最鍾意食片肚河加魚旦(魚片牛肚),呢到既腩汁同其他鋪唔同,唔覺有花椒八角味(本人好怕呢陣味),雖然魚旦及魚片質素唔係次次一樣,但我自已認為可能唔係每次入到同一種魚,所以品質有時不一,所以可以肯定佢哋嘅魚旦係自家製造架呢!(其實我都有親眼見過佢哋自已打魚旦).但講到服務態度就真係麻麻,所有熟客都知道唔可以追問d嘢食有未,其實問咗都冇用,佢哋依然我行我素,唔會幫你跟,因為佢對自已好有信心,覺得自已一定唔會攪錯或漏單,呢到仲有個特色,無論幾忙幾多人都好,落單只得一人負責,初次幫襯既朋友記住記住,千其千其,唔好吹佢哋,否則你哋只會覺得一肚氣,仲有可能比佢鬧添!P.S.佢哋貼咗張提示係牆上"欲品嘗美食,請耐心等候"

我由細細個就幫襯到大個. 最鍾意佢\o既魚旦河...湯底好味魚旦size細但好多粒.好彈牙~ 好鍾意好鍾意~雖然佢\o既格局好大排檔式. 阿姐阿哥招呼一般. 但我就係鍾意哩種情懷又夠街坊.好懷念.

我本來都係去開新蔡潤記食，但係有次經過東昌街，發現倒有呢間鋪，原來呢間先係老字號，佢地既牛腩比起新鋪滑好多，湯底又夠濃，魚蛋比起新鋪更加好，有魚鮮味但係就唔會有骨。炸魚皮香口好多，食物既選擇就同新鋪一樣。因為此終同一出處佢地每日早上九點就有得食，但係到下午四點零賣灑就收鋪，星期六，日，因為多人，要去記得早d，因為晏左就乜都無。