蔡潤記

營業中

休息中

### 不要人講你就信 - 各人有各不同喜好、口味及準則 ###一向都很喜歡吃魚蛋粉，今天再來到蔡潤記。它的兄弟舖新蔡潤記就真的沒興趣再去。這裡地點比其他同區魚蛋粉店稍稍偏遠，地方簡潔、座位寬敞，招呼簡而清。價錢則較同區店舖稍貴2、3元，及沒有炸魚皮奉送。食品選擇不多，最馳名及我覺得最好吃的就是魚蛋粉和豬粉腸。粉腸新鮮冇苦澀味，值得推荐。魚蛋魚片及湯底有魚味及夠晒味，魚片尤其炸得鬆香。個人口味就覺得魚蛋、魚片和湯底都太醎了。如果你是口味重也沒有血壓腎臟問題，你應該會覺得蔡潤記是好味道。我個人則較喜歡另一間賣飛佛-欽記（可參考另一食評）。

食物一般，沒有什麼特別，普通一間粉麵店。二十幾蚊一碗，份量比較少，兩三下就食完，如果好食都值得，但可惜是一般的貨色........不過最緊要原來係態度勁差的店舖，好像唔休做的態度，貼錢買難受，沒有下次了。

呢檔0野患上了好生意老店的毛病，就係好招積，問你有乜推界？話明係特登來食，你就話個餐牌有乜就點乜，客人始終係衣食父母，呢D態度真係大逆不道！講番食物品質，呢D咁既鼓油牛腩，依家好少有賣，點解少左？因為唔夠清湯腩同柱侯腩咁好味lor.....牛丸係合格多少少.......紅磡觀音廟0個間就值得讚！D魚皮睇見以為好正，懶係與別不同，食落硬夾無味！咁又唔係一無是處0既，河粉的溫度同軟靭度控制得係有水準，但係呢個唔係賣點，呢個係起碼水準！食品水準一般，但係又要學人招積，相信佢D客都係自細食慣左。奉勸各位準備慕名拜訪的就免啦，免得山長水遠去0徒左D Quota!

每次幫襯舊蔡又好、新蔡又好，我既胃口都特別大，就係因為佢地自家秘制辣椒油囉 ﹗越食越辣 ﹗越食越刺激就越想食，食唔到食唔落肚都唔擺休架，好恐怖呀 ﹗不過，頂多都係食兩碗啫 ~ 會飽死架 ~炸魚皮，傳統炸魚皮，份量都唔少，差不多有八大舊，跟坊間淺啡色薄薄的好唔同。深啡色、厚身又較硬既魚皮，不過炸得非常柏脆亦帶魚香味。已解釋多次食法喇 ﹗浸湯後，吸收晒湯既精華，就算浸左一段時間都唔會話腍劈劈，仍然脆口，口感夾雜住脆卜卜、棉滑於一身，好特別。而且味道充滿炸魚香同湯底既甜味，沖過身，亦將多出既咸味中和，好味。魚片河，細既無加底，炸過既魚片充滿咸香，彈牙且味鮮。河粉烚得滑溜，湯既溫度不太高，一上枱可以即刻入口。如果烚既時後湯既溫度高一點，將河粉烚耐一點，可以做到軟棉加滑溜既口感，吸收湯既能力亦提高，這樣會更美味可口。現時既質感係滑嘟嘟，但係偏重左硬淨而挺身。魚蛋鴛鴦加底加粉豬走蔥，NO. 1 肥美豬粉腸返來喇，上次失手，又瘦又鞋又苦，今次可以一雪前恥。粉腸超肥美，見到完全係脹卜卜，皮脆肉嫰又嚥靭又彈牙，裡面既絨毛洗得乾淨，口感軟棉棉，好好味，必食。魚蛋魚片依舊保持高水平，魚鮮帶咸香，肉彈牙爽口。

我對呢間店有深刻印象.上次來呢間店大約8年前.我約了一位朋友踩單車.等了好耐朋友都末到.意外地發現呢間店.當時...食完只有一種感覺.超級口渴.程度去到..我希望眼前有一個水缸...事隔8年,什麼都會變,當日下午3點先到.店內客人只佔3成..店員十分友善問我想食乜?店內環境衛生..冷氣充足....汽水6元....點了牛腩魚旦米...湯底清甜.講得無錯的.就算是開放式廚房.也不知湯底的竅門...魚旦:好食.用新鮮魚整.可以講全是魚沒有粉...細細粒..正..牛腩..無入口即溶.好韌..有點似湯渣.扣分,埋單29元...環境有改善,至於服務態度要體諒對方是否很忙!!比喻有的人,會說我都唔識你,駛乜禮貌..真係好怪的理論...哈!近來同1位幫我的人傾計.有感而發...

又到星期六，放半晝返到大埔，是但食碗靚麵就返屋企瞓個靚覺 ﹗下午兩點步入舖頭，好采唔係好多食客，仲剛有位唔洗等啊 ~ 一坐低當然即 order 啦，因為起碼要等十五分鐘先有好野食麻 ~牛腩河加炸魚皮走蔥，始終清湯底最好味，現在加左濃郁腩汁反而味道變濁。係大埔有好幾間都係提供此款舊式傳俗炸魚皮，大件、厚身、深啡色、味偏咸、質感硬實但非常香脆。其實係要配湯泡浸先入口，先浸一段時間後，等炸魚皮吸收充足上湯，入口時充滿上湯精華，口感既香脆又滑溜又軟棉，亦食到魚鮮味。牛腩質量保持時好時壞，今次係滿意既，炆得軟棉入味，開心。只食一碗點夠喉，以我嚇人既食量，梗係要添食啦 ﹗魚蛋鴛鴦加底走蔥，魚蛋保持爽口彈牙又魚味濃，唔似得依家新蔡咁變得又粉又腍劈劈，唉，好失望，質量跌到谷底，從未係任何一間主打魚蛋既麵檔會出品如此差既魚蛋，想當年我評為 NO.1 既新蔡潤記魚蛋去左邊呢。繼續食，粉麵均烚得剛好，粉滑溜夠熱、麵嚥靭有趙口。香甜美味既清湯，真係忍唔住大口大口咁飲幾啖，每次都連湯都飲晒。暫時食過最香最辣既辣椒油，每次都係主角，一碗粉麵起碼要兩羹先夠，一啖麵一啖辣椒油，爽到痺，越食越刺激 ﹗越食越開胃 ﹗一邊

有時候，真慶幸自己是個大埔人。閒來跟朋友同事聊天，人人都說大埔窩藏了不少隱世食店，說隱世好像也有點過份，像一樂燒鵝，紅到上discovery channel，還有群記清湯腩，門外的人龍，永不止息，連身為大埔人的我，看到也嚇怕。大埔有個很有趣的光景，只要一家食店紅了，模彷店便瞬即殺到。新明記發跡於西打兒時，記憶中沒法忘記那條為了買盅頭排骨飯的人龍。十年間，同一條街開立了四家也主打盅頭飯的食店，常笑說，區外人看到，還以為大埔人特別愛吃盅頭飯。還有阿婆豆腐花，幾個街角間，便容下了三四家豆腐花專門店。蔡潤記也有兩家，相距不超過五分鐘腳程。在雜誌讀過兩店的故事，好像也是些上一代的恩怨情仇。不過，從小到大，我只鍾情放東昌街的蔡潤記。吃蔡潤記的牛腩麵，有幾個規則。1.進店，自己找座位；沒座位，就找個人的背後慢等。有時，全店滿座，人人的桌面也是空的，也不知道該等那個位子。2.沒有餐牌，抬起頭往牆上看，從前只有牛腩、魚蛋和魚片三味，配上不同粉麵。也看過食客點了水餃或雲吞，給罵個狗血淋頭。3.點好菜，慢慢等；不用催不用問，店家從來不會漏單，也不會因為你催促而快一點。好了好了，說回食物吧。一個人吃的話，最愛

都有半年多無黎幫襯喇，好掛住啲肥美可口既人氣豬粉腸啊，點知今次大失所望囉 ~豬粉腸，淨係同上年 5月張相比較，已經可以睇到有好大分別，質數急跌，今次真係整得麻麻，腍劈劈、唔彈牙、瘦猛猛、唔係肥美脹卜卜，放得耐仲有啲風乾左添，差呀。以前係肥美又嫰滑彈牙，搞咩呀？去左邊度呀。魚蛋鴛鴦加底加皮走蔥，保持水準，好好味呀，豉油湯底香甜美味，魚蛋魚味夠鮮夠濃，口感又滑又彈。魚皮齋食會有點咸，但放湯同吃就剛好，脆卜卜。麵嚥靭、河滑溜，時間啱啱好。阿姐們手腳比較慢，出貨好慢，所以要食好野真係要耐心等候。我最愛既辣椒油依舊辣味十足，既香且辣，味道鮮甜可口，越辣越想添食，夠刺激。魚蛋河走蔥，淨係食一碗大既魚蛋鴛鴦唔多夠喉，整多碗細河粉先得，滑溜幼河粉配埋香濃豉油湯底，再每一啖都加超香辣既辣椒油渣，勁美味呀 ﹗蠔油菜芯，免免強強喇，略為有少少渣，未夠鮮嫰。

男友住大埔, 佢話以前食過一次覺得麻麻地, 好耐都冇再去過, 我就未去過今日男友俾多次機會佢, 星期六下晝2點幾去到, 都算多人, 等左成15分鐘先有位, 坐低就拿拿聲叫野食, 其實等位果陣都心知要等得耐先有得食, 因為成間鋪坐滿人, 但係都唔夠一半人枱面係有野食, 我地只係叫左一個魚旦面, 一個牛腩河, 等等等, 等左10-15分鐘, 仲未有, 期間都見到有其他客話等左好耐, 之後有個男既, 唔知係咪老細啦, 態度好差咁同個女客人講, 係等咁耐架喇, 快妳去食大家樂啦, 快餐就快架喇....... 其實個女客人都好好態度咁問左一句, 佢就送返咁多句俾人地。我地再等多5分鐘都未有, 問下佢有未, 佢睇都未睇就好差既態度話係咁耐架, 正常架! 跟住就走開左.......=.= 又再等多5分鐘, 問下佢會唔會漏左單, 佢即刻覆左一次單, 但係態度極惡劣, 話係要等咁耐, 等唔到可以唔食, 又係到講返果D去食大家樂啦, 快餐就快架喇......真係火都黎! 等唔係問題, 係D咁既服務態度, 唔止係差, 直頭係到鬧你咁, 我知道食魚旦粉唔可以要求人地有D咩服務態度, 但唔使俾你鬧呀, 話哂都係

很久以前已聽過蔡潤記的名字，每次跟堂姐說起到大埔吃魚蛋粉，她定會推介蔡潤記，也知道有另一間叫新蔡潤記的，因為每次到馬會投注站也必經過，可是我兩間也一直沒有試過。是地點問題吧，蔡潤記位於的東昌街，是在陸鄉里的尾尾位置，經過陸鄉里的人多是經寶湖花園向大埔中心方向走，很少會向右轉走到東昌街，而且大埔墟吃魚蛋粉的選擇真的很多，做得好的也有好幾間，對我這個賴人來說蔡潤記實在是偏僻了一點。這次來到蔡潤記的推動力竟然是電視節目，電視的力量真大，看到節目主持人推介魚特別有魚味，又說主持人最高峰時一星期來吃幾次! 我這個正宗大埔人無理由未試過這樣的美食，翌日馬上帶理太太來試試!看看店子門面已知是經營了多年的老店，內部裝修也很舊，店內全是摺枱摺櫈和擠迫的環境，很地踎的老店風味。有位疑似熟客的阿叔跟我倆同枱，與店員談笑風生，落單後說要快點來，店員即回了一句︰「要等好耐架」。實在這店雖小，人客確實很多，細心數數也有不下於七八十人在等吃，而且返枱的速度很快，客人接踵而來，但只有兩個阿姐在做吃的，四手難敵七十幾個口，要等是必然的，我倆叫的魚蛋粉和炸魚皮也等了十分鐘。這次為美食而來，好吃的多等一會也值，聽講出名的還

蔡潤記 我由中學開始食....係同學介紹.....食左一次之後 都成日想去再食....佢個湯底好正.....加埋佢地o既辣椒油 更加good....佢地d 牛根/腩/肚都好好味...重有魚彈魚片都好彈牙....我推薦大家食河粉...都係超正....一d都唔淋 除左河粉....粗麵麵唔錯...值得一試...雙拼加底都係19蚊.....一碗加底以經好夠飽架啦!!!一到下午食飯時間 就好迫......較難搵位....總括黎講....真係十分唔錯....價錢平宜......味道超正.....絕對值得一試~~

魚蛋鴛鴦加底加牛腩，第一次試依度既牛腩，新蔡同舊蔡啲牛腩彷如同出一轍，味道同樣地無味及疑似煲完湯瘦肉咁既口感同味道，舊蔡只係稍為好少少，從照片比較已可估計得到。都係食返拿手既魚蛋啦，自制魚蛋，味鮮彈牙，魚味濃，水準不變 ﹗今次啲粉同麵加左底都仍然好少，唔知係咪差不多賣晒，要就住用，而且今次粉麵比例唔係一比一，係五比一，似乎太過份喇，唔夠河粉都唔係咁出架麻，都要問左個客先架麻。麵彈好哽靭、粉好碎而且得幾條 ~ 湯足料餚製，飲到一滴不漏 ﹗一小插曲，食食吓差不多到尾聲，我左邊有個靠場吉位，有個後生仔禮貌地從後問我個位有無人架，我食緊野所以只搖頭示意無人，跟住有個阿姐衝埋黎得左落黎坐低，應該個女人係佢娘親。個後生仔同個後生女就坐係我背後。跟住個阿姐就即時開咪，口唔停係咁講野，話個仔洗咩問人個位有無人呀，一睇就知無人啦 ﹗多鬼餘 ﹗我心諗有無人一件事，問多句係尊重同禮貌，唔比真係有人架 ﹗個阿姐仍然唔停得口咁嘰嘰屹屹，不停咁話對後生仔女，又話熱、又話耐、又話坐得唔舒服，閙個女黎依間有咩食呀，唔係魚蛋就牛腩架啦，諗咩諗呀，食咩都唔鬼知，依樣嗰樣，跟住仲係度 keep 住自言自語，失晒控咁 ﹗搞到

雖然舊蔡比新蔡貴幾蚊，出品又慢，但係舊蔡啲食物質數、湯底、辣椒油真係比新蔡好少少喎。雖然新蔡我都幫親左廿幾年，老細又係我老友，但事實歸事實麻，邊度好食就去邊度架啦，不過我間中都會去新蔡抱吓場既。魚蛋鴛鴦加底加魚皮，魚蛋依舊爽口彈牙、魚味極濃；粉麵煮得恰到好處，麵嚥哽、粉棉滑。好多食家話啲炸魚皮賣相同口感好怪，所以我諗唔通依款魚皮係大埔先有？係依度好普遍架喎。魚皮會落炸粉炸，炸到啡黃色唯之完成，有陣時仲會連少少魚肉架。依款比坊間只撲啲粉炸既唔同，依隻更香口更有口感。可能有時做得無咁好，先會話好硬既啫，浸湯食都係一個好好既選擇，我都係浸湯食既愛好者黎架既，索晒啲上湯麻 ~ 食粉麵點少得辣椒酒呀，舊蔡係我既排行磅排首位，最鬼衰係不設零售，搞到成日心掛掛 ~

記得中學時代lunch time我時候有時會瘋狂到搭的士黎食!!不過自從出黎做野!都好少可能黎食!!!難得要整回鄉證!!就黎回味一下!!!牛腩魚皮河!! 牛腩 入哂味同埋炆得好淋!!!魚皮::卜卜脆!!因為係自己炸的!!!河粉 較為實淨,唔比有d攪兩攪就碎哂!!湯底;;非常濃郁!!我要飲哂先走!!!不過這的麵都比較細碗!!見意加底!!!

超好食,超水準的魚蛋粉未食過蔡潤記的唔好同人講你食過魚蛋粉!間野超多人,而且OPEN HOURS好短....所以一定要特登黎食,預鬆少少時候先得間野的手打魚蛋同埋牛腩都係一流食埋佢自家製的辣油,撈埋豉油一齊點魚旦正正正!!!!不過D野食都唔平嫁.....要食得飽都預左要35蚊以上走人...同埋,一定要食得快,食完好即走,而且最好唔好諗咁耐先落單,會俾伙計xyz@#$%的!!!!果度D人好燥底嫁