蕃滿門 (已結業)

今個去九展，原來九展都有好多食店，經過蕃滿門就被它的招牌吸引，我們剛巧碰上午飯時間，所以很多人。再看看餐牌，基本上都是蕃茄系列，餐廳暫時暫停雞蛋類產品，直至另行通知。精選午餐我們點了脆皮咸豬手配原味蕃茄濃湯螺絲粉，湯底又濃又甜，配上甜甜的粟米蓉，脆皮咸豬手皮脆肉淋，咸咸香香很惹味。精選午餐，香煎豬扒拼沙爹雞串，中辣蕃茄濃湯米線，辣辣的蕃茄湯很開胃，豬扒不用點醬已經好入味，大大塊又夠淋身，沙爹雞串一般。

今晚去九展睇演唱會，我覺得商場冇乜嘢行，但都有吾同類型既嘢食選擇，食既野都比較少食到所以如果再嚟搵食，我都願意🙌🏻最後揀左專食蕃茄嘅地方🍅食咗一啖飯落口～咁得意嘅...有薑味既，因為吾係我買野食，啲蕃茄醬都遮住咗啲飯，所以唔知道有薑粒以為係幻覺，幾特別喎，又幾好食幾夾喎～未食過出面有薑粒飯食，番茄醬酸酸地，芝士唔會太多，吾會食到好漏，番茄醬算多，所以臨食前將番茄醬同碟飯撈勻，味道就會啱啱好，如果冇撈勻就食，番茄醬就會過多遮住飯嘅薑味😅反而豬扒吾係成個飯既重點，豬扒偏鹹如果炒蛋再多D就好啦～我將蛋同麵撈勻一齊食，變成消失的雞蛋😙已經忘記左碗麵有蛋。蕃茄味濃，少少酸，叫左微辣，男友吾食得辣😅食到出晒汗，佢既辣我鍾意食，豬手雖然肥膩，但間唔中食下都仲接受到😆安慰緊自己...所以我將豬手浸入蕃茄湯一陣先再食，豬手塊皮吾算脆皮，肉質堅韌，但舊肉容易離骨，冇咩味道蕃茄飯同蕃茄麵比較，我會鍾意食飯多D，飯的確比較突出，我平時好少食飯，平時多食米線米粉意粉，其實我係一名🍅蕃茄控🍅

黎到蕃滿門緊係要食佢地嘅茄湯微酸帶甜 如果濃d就好係門口見到店鋪話所有蛋類產品暫停平時跟嘅炒蛋變左粟米蓉感覺有d唔夾😂豬手香脆帶點咬口加埋個蜜糖芥末醬 酸酸甜甜 開胃之餘又中和左豬手嘅油膩感

黎到蕃滿門當然要食佢地嘅茄湯甜中帶酸 但湯底偏稀如果可以濃d就正係門口見佢暫停供應所有蛋類產品所以平時嘅滑蛋變左粟米蓉感覺有d唔夾😂脆皮鹹豬手水準幾高微脆表皮又帶點咬口配埋個蜜蜂芥末醬微甜中和左豬手嘅油膩感

今個星期六同朋友去左Emax看電視順便行下，場內無咩人流，睇完戲行下行下到左兩點肚餓，見蕃滿門無人吉晒位，就揀左這間食下啦。見到餐牌發現有我最愛的咸豬手，見張相賣相吸引同埋$53好似幾抵點左來食。蕃茄湯配公仔麵湯底夠濃味，滑蛋太零碎浸在濃茄湯下散晒比較失色，個人覺得炒蛋塊比較好，起碼可以保留到蛋味。咸豬手大舊有三舊，但煎炸得唔夠脆皮，食落好似食緊肥膏，感覺好肥膩，食左一舊有點想放棄食埋其餘兩舊，和平時食開的咸豬手兩回事。

係E-Max 附近返工，間中會過黎食個lunch 自從出咗事之後，蕃滿門就將滑蛋變咗粟米蓉遠睇望落都幾似以前既滑蛋，一食落先知係粟米扮既不過個樣又真係呃得下人今次點咗香菇蟹柳原味螺絲粉～有5，6舊蕃茄肉，湯底依舊咁濃郁，有d味噌，食完有d口喝成碗有2條蟹柳，香菇嘅數量都有幾多，大概有十幾片左右，螺絲粉軟硬適中，配埋蕃茄湯底，整體來講都唔錯，另外仲可以任加加芝士粉再配埋熱飲一杯-熱檸水，成個餐總共$49 ，午餐來講都算係咁上下

真係不予置評的番茄麵，今天選擇了鎮店番茄湯粉，配凍檸茶，結果來的的確一碗很大的番茄螺絲粉，但係味道好難食，得一個樣，入面的蔬菜還可以，肉類都好差，差過罐頭食品，一份賣78都唔便宜，番茄麵應該唔難整，但整到難食到甘都係第一次，唔酸得個甜字，配黃色辣椒醬不倫不類，而且配菜可以新鮮d嘛，香港最標準的檸檬茶居然連一片檸檬都無，要求少甜小冰，都無落到單，甘做生意真係祝你好運，真係今年覺得最難吃的食物！好嘔心

話說2019-6-2因在九展有活動，於是一家大细過了去，活動完在商場玩咗陣，諗住食埋晚飯才回家，點知就出事了！當日叫了一個飯，一個番茄螺絲粉，由於番茄湯濕濕地好錫小朋友口味，我兩個女兒，一個3歲一個5歲一陣已食完一大碗！之後我老公包底！點知第二日一早，大小女兒開始出現肚瀉、嘔、不停叫肚痛，仲高燒至40度，而爸爸亦開始一日瀉了八、九次。之後帶她們分別睇了兩次家庭医生，但肚瀉仍然不止，及仍然發燒，結果兩個女兒都要入住養和医院！中了沙門氏菌！！後來進院後聽姑娘講才知原來我們2號光顧那天，一共有32人一樣食物中毒！好彩女兒們現正康復中，但人仔細細就經歷入院拮豆豆之痛，那聲嘶力竭的哭聲，媽媽心也碎了！希望依間餐廳能吸取教訓，做個有良心的食物商家，管理好衛生，食物真係可以食死人的！

The scrambled egg on top was very thick and rich, while the soup had loads of tomato chunks in it, which made it very fresh and healthy 🍅You get to pick 1 out of the 30 extra ingredients you want to go with the tomato egg soup, or add $6 for an additional one if you can’t make up your mind 🙉 (I picked my favourite beef, and it went really well with the soup) 

今日去開九龍灣會展，見附近都冇咩嘢食，突然間有間蕃滿門，梗係要去食下啦叫咗個番茄湯螺絲粉，碗螺絲粉上面都會有炒滑蛋，好滑身唔錯。配料就嗌咗炒雜菇同泡菜餃子，餃子都OK，炒雜菇好香牛油味

唔係第一次去蕃滿門不過第一次試大大碗果款次次去都見有人唔小心叫左（因為唔知咁大，就食剩好多）我地本身每次去都叫普通午餐SET但次次都勉強食哂一碗 好飽今次試叫LI 碗 - 大大碗我覺得兩個女仔食真係唔錯 不過就無野飲多餸過單叫一碗 又抵食過單叫一碗我地兩個人食都食剩少少鴨肉 牛腩 都唔錯值得推介俾二人同行人士

呢間野聽同事講過幾次，今次午餐呢就黎試吓啦。個人覺得選擇都幾多，唔少啦Menu睇落都幾好食。餐牌埋單：68蚊。比完錢之後，等左一陣就有得食啦。個人覺得呢份量係幾多嘅。首先碗蕃茄粉一睇就好多啦，味道係適中嘅，算係有好濃烈嘅蕃茄味。而我個人覺得小辣係唔辣嘅，鍾意辣嘅朋友你可以再要辣啲，咁就會過癮少少。但係中間啲滑蛋呢我就覺得一般般啦。至於佢塊牛扒，我覺得味道也都幾好嘅，唔會無牛味，但係呢就薄左少少，所以食落去個口感就差啲，好似唔係好滿足咁。總括來講我覺得都幾好食嘅，因為九龍灣來講食嘢都唔平，算係咁上下。如果個人覺得鍾意食牛嘅朋友都可以試吓呢一個餐。不過我見到朋友叫嘅雞翼炸豆腐套餐都幾好食，同埋都幾特別。

蕃滿門係一間主打食蕃茄料理既餐廳,餐牌上9成的食物都有蕃茄呢個食材~我地lunch time黎呢度食, lunch set 除了主食外,還包一杯飲品我點咗原味芝士漢堡扒螺絲粉配熱檸水蕃茄湯底濃郁,有幾舊茄肉,漢堡扒切開咗幾舊,唔係原塊上,漢堡扒上面係熱溶咗既芝士,味道尚算唔錯~ 除咗可以揀螺絲粉,還可以揀飯/意大利粉/米線/公仔面. 蕃茄湯底除咗可以揀原味外,另外還可以揀要微/小/中/大辣. 配合唔到客人既口味~朋友點既係香菇貢丸微辣螺絲粉配凍奶茶, 貢丸都係切開咗既,唔係原粒上,一碗大約有4,5舊, 再配上幾舊冬菇同滑蛋,朋友話味道OK, 辣度岩岩好~

今日基於時間關係 匆匆忙忙的買了外賣這間餐廳出名的是蕃茄湯底 好啦就食佢啦 我要了午餐精選每份午餐都包了滑蛋一份 餸菜則選了雜菇牛肉 等了5分鐘就拿到了外賣回到公司 估不到也有驚喜 起碼把餸菜和湯底分開 所以螺絲粉不會林 蕃茄湯底感覺也很足料 有一絲絲的蕃茄雜菇感覺有炒過 配上少許黑椒牛肉就一塊塊的 不過不失滑蛋炒得不錯 吃下去也有蛋汁午餐包了餐飲 我選了黑糖薑母茶 感覺比較一般 不太辣 下次寧願要返檸檬茶以午餐大概$50的價錢來講也還可以啦

上星期lunch去左Emax食蕃滿門，係一間食左幾次都會想encore既食店。點左”脆皮咸豬手配蕃茄湯螺絲粉”加餐飲熱咖啡。有唔同粉可以揀的，有意大利粉，螺絲粉，公仔麵，米線，飯，都唔洗另外加錢的。揀左螺絲粉，因為可以一擔就卷起埋d蕃茄湯汁一齊食😋。蕃茄湯底好濃，唔酸，而且有蕃茄肉同炒蛋起上面，感覺好足料😗。湯底可以揀原味唔辣，微辣，小辣，中辣，大辣，巴辣。唔太食得辣的人士，建議也可以選擇微辣，可增加湯底層次，但小辣就未必食到了😉。豬手🍖煎炸得外脆內軟，有厚厚既皮，好有膠質；肉燒得紅紅的，醃得咸咸的，夠入味。湯麵同配餸小菜是分開上的，保持到豬手既脆身，唔怕會被浸軟，好細心😂。