薩莉亞意式餐廳 (中染新城) (已結業)

今日去完玄圓學院還太歲...走咗去8米半中國染廠上面間『薩莉亞』食飯。第一次到訪...打開menu真係有啲意外！因為估吾到每樣嘢嘅價錢都超平！我哋叫咗兩個湯，一個clam chowder($12)同一個雜菜湯($12)! 一客6件焗田螺($28)、一客兩件蒜蓉法包($10)、一個香蒜辣汁野菌西蘭花($19)、一客4隻嘅辣味雞翼($17)、一個蒜蓉汁美國肉眼牛扒($59)、、一個黑椒汁燒雞($32)、一件Tiramisu($18)、同兩位飲品吧任飲收費(包括有咖啡、綠茶、多款水果茶、雀巢檸檬茶同汽水等 ~ 每位收費$12)！以上所有食物除左個肉眼扒(太熟有點鞋口)，通通都正到難以形容！真係扺到可以亂叫一通都吾肉赤！埋單時仲有意外驚喜...原來呢到係免收加一服務費㗎！兩個人食咗咁多嘢都只係$230蚊...超值👍👍👍心意提示: 如果去食既話記住要帶現金呀！因為佢哋吾收credit card架！

11點半去食晏，由於很早，大把位任揀。呢間分店無其他分店咁大，但因為新開唔夠一年，好新淨。牆掛左d畫，有外國feel。兩個人，叫左兩個set lunch，每個套餐加5元有蒜蓉包。一個餐係焗通管粉，一個餐係鐵板餐。蒜蓉包熱辣辣，面有少少燶，但好香，包好軟熟通管粉多汁，粉上既芝士烘到燶燶地，好好味鐵板餐揀左雞扒，但包括香腸、炸雞塊、薯角同粟米，夠熱。燒汁甜甜的也不錯。跟餐有白飯。抵（如果單叫，白飯要加6元）自助飲品吧，任飲。latte夠香，朱古力咖啡似乎較甜。唔鍾意甜既，可以揀黑咖啡。其他仲有美錄，同朱古力，但兩者味道有點相似。凍飲有各式汽水、道地綠茶同檸檬茶。檸檬茶好甜，好似紙包果d 。其他無試過。食到好飽，每人49元，一d都唔貴。

我係一個意粉控黎，超級鍾意食！邊個我識左好多地方嘅意粉來講，薩莉亞餐廳嘅意粉算係又平又好食架啦！不過呢之前試過好幾次係外賣自取，通常堂食都會好食過外賣自取好多！佢外賣自取通常都好似微波爐叮翻熱咁樣，完全係乾爭爭嘅！但係每一次我堂食就冇呢個情況！我次次好鍾意叫野菌意粉，佢啲菇真係好鬼香，芝士味好濃，麵條軟硬度適中！不過次次食完都唔係太飽，係啱啱好頂到肚，所以我通常都會叫少少小食黎食！唔知你去開薩莉亞又食開咩餐呢？

今日去咗愉景新城行街，行到咁上下有啲肚餓，所以去咗附近一個新開嘅商場搵嘢食。行到2樓見到有一間意大利餐廳好多人食，奇怪點解意大利餐應該都唔平，點解咁多人食呢？原來佢係一間平民化嘅意大利餐廳，價錢一啲都唔貴，而且非常非常之便宜，但質素亦唔差喎！見到佢啲價錢咁抵，樣樣都想食，但係諗住只係食下午茶，所以只係叫咗三樣嘢。芝士焗薯角 （$17-）除咗薯角，還有大大塊的煙肉鋪左上面，重放好多芝士去焗，非常惹味，的芝士仲係拉提添！黒椒蜆肉鐵板煮 （$19-）蜆雖然係細隻，但份量唔算少，放上黑椒之後就係鐵板上煮，上枱時熱辣辣，雖然好似好乾身，但食落D蜆肉一啲都唔乾喎，不過好似有少少沙，唔知係沙定係黑椒呢！😅意大利咖啡凍餅 （$18-）個凍餅好有酒香味，但略嫌咖啡味不夠，但都幾好食，又唔太甜，可惜有少少溶，可能太早上枱嘅緣故。我哋三個人只食咗$54- 咋！整體而言，咁平嘅價錢，又有咁嘅質素，還夫復何求呢！

平價意大利🇮🇹菜一諗就諗起呢間餐廳，晚市食得多，下午菜又真係未試過喎。中染新城大翻新，餐廳轉左上三樓，感覺好似比以前細間左，但係坐得都舒服。環境都係一貫作風，及會禁鐘叫待應生落單。菜單價錢真係幾平，重點係套餐價配埋飲品吧，平時則要以每位加錢，呢點讚選擇包括左飯，意粉，Pizza，鐵板餐，以下午菜餐來講，都算多。友人點叫的鐵板餐，成碟都好香口嘢味，漢堡扒比一隻手掌心咁大，而且食落口仲好juicy!至於我就叫咗個意大利飯，雖然見到有好多番茄，不過食落口就完全都冇番茄味，總括嚟講啲飯嘅味道都係好淡，只好自己加胡椒粉同辣椒仔落去調味；飯底有多汁，所以飯身都會比較爛，實在唔建議叫呢樣雖則如此，但係套餐可免費配飲品吧，沒有加一收費，以此合理的價錢，絕對係慳錢嘅好選擇

愉景shopping完諗住搵D野食, 點知間間都唔平, 平既又鬼咁多人, 醒起隔離有呢間薩莉亞, 一於行過黎, 商場同商場連系住, 所以好方便, 新裝修之後搬左上3樓, 比以前大間左.要個野菌忌廉意粉, 都係29蚊, 咁平真係唔知響邊度搵.意粉唔會太濕, 都夠彈牙.野菌都幾多, 夠軟諗入味, 忌廉汁唔會太濃太cream, 配埋少少味既芝士粉吊下味.呢碟份量都唔算太少, 剛剛好夠飽.而且加左任飲, 有汽水, 檸檬茶, 果茶, 朱古力, 美綠, 連咖啡都有美式咖啡, 泡沫咖啡, 朱古力咖啡, 樣樣試齊晒都抵番.

今晚去咗薩莉亞開餐，去到門口好多人等緊位，正想走唔等，聽到佢叫飛叫得好快，最後等咗十分鐘，就有位。先叫咗菠蘿什錦蔬菜沙律，酸酸甜甜嘅菠蘿，又脆又綠嘅沙律菜，加埋沙律醬，簡簡單單，好好食。周打海鮮湯，好香好滑，仲啖啖蜆肉，不過就唔夠熱，暖暖地，如果再熱D，一定仲好飲。蒜香法包，一碟兩塊，熱辣辣，遠遠都聞到好香嘅蒜蓉味，不過要趁熱食，凍咗無禁好食。香辣雞翼，個皮煎得好香好脆，雞肉又唔會好乾，望落去唔似好辣，但喺食落都幾辣。黑椒蜆肉鐵板，蜆肉雖然細少少，放喺鐵板度變得好乾身，不過入口就食到少少辣辣地，加埋蒜鹽，好夠味。蒜汁燒魷魚，我最鍾意食燒魷魚，所以一定叫，魷魚好大隻，又唔會好韌，點埋燒汁，好惹味。雞肉野菌雙享薄餅，以為野菌同雞肉喺一齊焗，點知原來喺每邊一款餸，有D失望，味道比較淡，唔夠好味。野菌忌廉意大利粉，白醬汁煮，加埋好多芝士粉喺面，意粉又唔會過淋，好食。甜品芒果冰雪蛋糕，幼滑嘅冰雪糕，加埋蛋白脆餅碎，面頭淋滿芒果果肉醬，酸酸甜甜，個樣都幾靚，不過就甜咗D。榛子脆餅冰雪蛋糕，好濃味嘅榛子冰蛋糕，加埋榛子蛋白餅底，幾鬆軟，味道好香濃，好抵食嘅甜品。飲品叫咗意大利白酒，入口帶酸，味道都O

唔覺唔覺，薩莉亞都食左好多年。由兩三間分店，食到而家唔知幾多十間分店。佢好在由到到尾都保持到咁平咁抵食!今次叫左雞翼，墨魚汁意粉同芝士薯角。老老實實，有一樣野從來都唔係好鐘意，就係佢啲杯好污做!不過算啦，咁既價錢。我覺得唔想洗太多錢既時侯，都不失為一個好選擇!

今晚晚餐去左中染新城嘅薩莉亞度食，呢間餐廳都真係可話係窮人恩物，糧尾甘露。呢間餐廳對上次去已經係半年前喇，唔係唔好味，原因係因為中染新城要改建，所以薩莉亞要"監生"執左，好彩嘅係佢係中染新城改建之後，可以係三樓開返，新開嘅薩莉亞仲闊落左添！人山人海～～～～我地大約7點鐘左右到，但已經好多人等位，最後等左40幾分鐘先有位。一共叫左4樣嘢：「脆焗香味雞球」：啲雞好香好脆，上到枱大概等左幾分鐘我地先起筷，但雞肉依然係熱辣辣點埋沙律醬，正！如果可以多兩件炸雞就完美喇。「黃金粟米薄餅」：呢個係新批黎，好多粟米，薄餅底唔算乾身，厚薄程度適中，食咁多肉係需要食返d粟米去平衡下手掌咁大塊～～～「黑椒汁漢堡」：黑椒汁同啲漢堡輝影相照，好夾，而個漢堡又大塊又厚。「卡邦拿那意粉」：以前食好似有陣好香嘅蛋味，但今次唔覺有之餘，個意粉好乾身，汁唔夠，有少少失望。食完飽飽之後，大家都肚滿腸肥，覺得呢間餐廳真係好抵食，咁多野都只係$126，又無加一，絕對係抵！以呢個咁經濟嘅價錢嚟講，呢d食物及環境質素算是超出水平

2017年3月18日，係我人生一個十分重要嘅日子，難得咁高興，決定請細妹同朋友去薩利亞開餐！第四次幫襯薩利亞，但就第一次嚟呢間分店，唔係太易搵，因隱藏喺大廈內。去到現場，有條人龍等緊位，我哋一行五人，俾兩個人好(因兩人位唔多)，眼見裡面座位唔多，空間寬敞，通道闊落，坐得舒服，但總感覺有啲浪費！我哋等咗約十分鐘，最後獲分配到一個足夠坐十個人嘅卡位！座位呈U型，難入亦難出(要爬入去咁滯！)，但真係好闊落，瞓喺度食都得！唔駛睇Menu,我已鎖定白汁雞肉菠菜同甜蝦沙律，其他由細妹同朋友叫，另加自助餐飲五位！白汁雞肉菠菜真係超正！白汁味道鮮味，雞肉配菠菜感覺perfect match！我superlike！特登叫咗兩碟，一碟私有化！甜蝦沙律依舊保持水準，甜蝦新鮮香甜，蔬菜新鮮爽脆！另加一碟菠蘿沙律，同樣新鮮！但建議將啲沙律醬分開上，因店員好重手，好多汁，感覺有啲heavy,不過幾好味！朋友介紹下第一次試青醬意粉，唔知乜嘢嚟？但有啲白汁feel,意粉質感ok,我食咗都幾多，撈茄汁食！腸仔亦第一次試，一上枱第一感覺表層有啲燶，但食落去表皮脆卜卜，裡面柔軟，味道傾向似雞肉腸，點茄汁，好味！薯角都熱辣辣

每次黎食野都好似會控制唔到自己咁，每樣野都想叫黎食，因為樣樣野都好平又唔會太大份，呢間分店自從搬左位之後都冇黎過，發現間舖細左好多，所以都要等一陣先有位。但唔知點解覺得呢間分店嘅味道唔夠其餘2間荃灣分店嘅好味。周打海鮮湯：好creamy有好多料，唯一美中不足係只係微暖，如果係熱的話會更好。黑椒牛扒：薄薄的牛扒，黑椒汁偏咸左少少同牛扒嘅根多左少少，咁平已經唔錯，配菜有粟米粒同薯條。野箘意大利飯：十分creamy ，好多菇但個飯就淋左少少，變成粥仔咁。辣味雞翼：呢個真係好正，辣味夠惹味，但又唔會太辣，食唔停口！野箘意大利雲吞：個汁好水，又淡味左少少，中間個餡就好鞋......蒜汁燒魷魚：魷魚面頭有d鹽嘅所以已經咸咸地，但如果點埋個蒜汁就好咸了....香草焗田螺：d螺仔好似平時街邊食到一串串嘅螺肉仔咁，香草味就唔夠。食咁多野都係大約二百蚊，都好抵。但唔會再食呢間分店。

Boxing Day, 食番餐好一個人都等成45分鐘搬左去三樓，地方細左，但都係咁多人食個肉醬意大利粉，蕃茄醬不錯，好淡淡的香茄味意大利粉咬感十足，而且不會過硬，入口美味肉醬如果多d會更好，野菌都入味