藍象泰國餐廳 (已結業)

難得端午節天朗氣清，藍天白雲，當然係約埋親朋好友去食好西啦，香港咁多好乸西真係好難唔食，於是就去咗藍象啦。我地中午去到見到有半自助餐都只係2,3百蚊，真係開心到笑，咁高級嘅海景餐廳真係抵食點知入座竟然無海景！！我地一早book咗位，而且12點未到就去到，點知都係坐大廳。睇黎靚位唔係先到先得，假如你都係想食呢間好西，不妨放慢腳步，遲d先黎。坐低一望menu就知今鑊瀨西啦，竟然無咗呢度推薦既珍寶河蝦配油鬆餅，剩低既睇名都覺得伏。最後，我地就叫咗咖喱大蝦炒河粉、海南雞飯、泰式烤美國肉眼扒配羅望子汁、慢煮烤排骨配黑米飯、同埋菠蘿炒飯。食食下先記得影相，唔夠專業，唔好意思。咖喱大蝦炒河粉：大蝦唔新鮮，霉既。蝦腸未挑，有無蝦屎就唔知，不過一定有沙。有d泰國餐廳會用大塊d既河粉皮，香滑爽口，可惜呢度只係普通粗身炒河粉，仲要炒到燶咗一pat，仲要一早炒定，放到乾晒，又燶又乾，但已經算係呢餐食得落口既主菜。好西指數係：西西西泰式烤美國肉眼扒配羅望子汁：我相信呢個係全餐飯唯一即叫即整既主菜。叫咗7成熟，黎到應該係Well Done，我真係想同個廚講：「Well Done呀！！」。塊扒薄切，唔好話肉味，連羅

藍象聽講係泰國係好出名的一間米芝連餐廳，但是香港呢一間完全不配。首先，餐廳環境昏暗，座位不算好舒服，餐具有好多手指紋，而且黏黏立立的，要用紙巾抹好多次我勉強抹得甩。我地叫左個春卷，份量只有兩條，味道一般。大蝦金邊粉泰國菜最具代表之一就係炒金邊粉，大蝦肉質有點老，金邊粉味道普通。薄餅係用來配咖哩羊肉，薄餅只有兩團，而且外面好油，雖然味道不錯，可惜份量偏少。不過最大問題係餐廳侍應，見到有某個侍應對食客態度囂張，語氣差，收錢時黑口黑面，完全沒有禮貌，似乎唔想任何人幫襯！這樣的服務態度完全接受不到，唔會有下次。

星期五同家人前往此餐廳。 由於我地book咗12點，我地11點45左右到，當時門口沒有receptionist，等咗一陣有個男職員出來問我地有冇訂位，我地答訂咗12點，佢一句“我地計時間，你地未夠鐘”,就走咗去。 轉頭等既人開始多，當時依然未夠12點，一個女職員出來問有冇人訂咗位，我地話訂咗，女職員竟然即帶我地入座！ 點餐時，舉手勁耐都冇人理，見到都扮見唔到。 好，忍你，終於點完餐，出去沙律吧想拎野食，已經想爆粗，一隻碟，一隻碗都冇！！唔通要人用手拎，即場食？ 又係叫侍應拎碟，點知侍應“哦”就冇咗下文！！！ ok，前菜可以唔食住，咁就等主菜啦真係一肚氣，一個海南雞飯，無論賣相，味道，仲差過我喺細鋪食，因為係無味，干柴，真係差到爆！一個慢煮排骨，肉質同煲湯豬肉一樣，無法嚼爛！而全程，想搵侍應，佢地個個唔係扮盲就係黑面。 一間餐廳人手少係公司問題，點解要客人去承受侍應既黑面？但一叫埋單，速度超快！仲有，一間連碟或碗都唔準備充足既餐廳，學咩人做自助沙律吧？！絕無下次，垃圾餐廳！

有時食泰菜係去街市啲平民餐廳今日黎海港城食個高級嘅！餐廳環境暗暗地 仲有一排睇到海嘅位 幾好feel!我地兩個人嗌左炸軟殻蟹、和牛串燒、大蝦金邊粉、龍蝦冬陰公同埋芒果糯米飯炸軟殻蟹：好大隻！平時係日本餐廳食果啲都係細細隻 但依隻係有肉食添架 下面仲有辣辣地嘅沙律菜～和牛串燒： 燒得幾好味 都有牛味 不過上碟時如果再熱啲會好啲大蝦金邊粉：十分推薦！隻蝦好大隻 仲有膏添架 好正！ 金邊粉都炒得好 夠乾亦都酸酸地 係我鐘意嘅味道龍蝦冬陰公：冬陰公少少辣 龍蝦都爽 相比大蝦都係大蝦勝出😆芒果糯米飯：有雪糕加分 哈哈！但我覺得糯米飯煮得硬身左啲 煙un啲會好食啲～整體黎講 餐廳氛圍加食物質素係唔錯嘅！都抵食

無心插柳柳成蔭，原本計劃去英式下午茶，可惜沒位子，無獨有偶，來到這家泰國餐廳，很幸運安排在了靠窗的座位，外面正下著雨，我們能安逸地在這裡享受一份寧靜的下午茶真是竊喜！這家有個下午茶套餐兩人份，Tea Set 里的食品很具泰國特色，有蝦餅、春捲、榴蓮酥、班蘭蘇 .....不得不拍手叫好，我們越吃越好吃，性價比如此之高的餐廳在香港並不多見，真是很好的午後休憩之選！第一層的泰國特色美食以香口為主，外層都被炸得金黃松脆，及其入味！第二層有菠蘿、柚子的小點心，讓你剛吃了油炸後來個清新的，想的很周到，最後上層的是我最喜歡的，榴蓮酥、斑蘭蘇，都讓人齒頰留香，下次會再來！

第一次打食評，因為真的不打不暢快，從未遇過這麼差的服務態度，連澳牛的叔叔們態度都比這裡的侍應好千倍萬倍，食物質素普通，現場所見食客已經不多，再加上這樣的服務態度真的難有回頭客！宮廷蒸餃 - 皮厚餡料少，完全吃不到餡料的味道，只吃到一整口都是粉主廚炸蝦 - 一咬下去爆了一口類似青咖哩的汁，可惜汁與蝦並不相襯菠蘿 - 就只是一件菠蘿冬蔭公 - 味道正常，但請留意後面那隻碗是崩的，這餐廳標榜是備受泰國重室推崇，開業時間也只是年多，價錢亦不是特別便宜，卻以崩碗待客燒大頭蝦 - 食蝦尾時覺得終於有一道菜能夠成為今晚的亮點了，吃到蝦身的中部以上位置（近蝦頭處），未熟既😡有沒攪錯！（公道一點說，旁邊的油酥餅是好吃的，但也救不了這碟“生蝦”）青咖哩 - 不過不失，味道層次略為單薄炒菜 - 未入口望色澤已知......滿滿的油......但菜仍是苦黃咖哩蟹 - 厚粉到不得了，一口咬下去粉比肉多，利害! 薑味布丁 - 面個層焦糖是淋的整體計餅食的感覺-＞與瑪莎的薄薑餅一模一樣!一間餐廳的食物質素普通不要緊，如果侍應服務態度好，客人依然願意給予機會可惜這間餐廳最敗筆的地方，不是其普通的食物質素，而是其黑面，

係尖沙咀港威商場藍象泰國餐廳，慶祝結婚週年紀念,環境優美，落地玻璃窗，一望無際海景，燈光昏暗；充滿羅曼蒂克氣氛，地磚鋪上馬賽克，感覺有時尚風格。青咖喱配牛肉,雖然size 比其他餐廳略細煲，但煲內有多塊牛肉和配料，肉質鮮嫩;用法包蘸點青咖哩汁是最佳配搭，可惜法包略嫌不夠鬆脆。燒大蝦炒金邊粉，有兩隻肉爽鮮甜大蝦舖在不油不膩的金邊粉上，平凡中增添不平凡。賣相吸引的軟殼蟹米紙卷，兩件米紙包住香口鬆脆的軟殻蟹，仲有四件米紙卷住生菓粒、紅、黃椒粒。最後係甜品芒果黑白糯米飯伴一個朱古力雪糕，值得一讚糯米飯仲係熱辣辣好輭熟。這頓晚餐，除了法包之外，其他食物都令我倆稱心滿意。

呢間餐廳既入口已經好吸晴,好似藍色既海底世界咁,入到去有條通道,行完就見到D 餐桌。我坐係玻璃窗旁,見到海景,正! 叫左個和牛串串,點SATAY SAUCE,好味,JUICY!叫左杯MANGO JUICE,我好好奇係咪鮮榨,原來真係!成日去餐廳都想飲無添加既MANGO JUICE,好難搵到,我見佢鮮果汁有多款選擇,正!我朋友叫左椰青,又係好鮮,好多汁! 今次係人生第1次食珍寶河蝦,一見到時以為係LOBSTER,個樣似,冇諗過隻蝦咁大隻,開完邊,真係啖啖肉。另外叫左椰皇海鮮湯,又隻蝦嫁,酸酸甜甜好開胃。當然唔少得燸米飯,有我中意既朱古力味雪糕,好幸福呀!燸米好好食,有芒果片做底,好精緻。真係帝王級既享受!

#藍象好多人會揀西餐廳來慶祝，因為環景靚氣氛好，感覺優雅又高尚。但原來藍象(泰國菜)都做到呢個效果😳坐落海威商場對住維港，燈光昏暗帶藍光，裝修有格調，氣氛好好呀😍。我同男朋友都好喜歡食泰國菜，所以選擇左到這裡慶祝紀念日。食物方面：#和牛串燒 $108烤過既牛肉，牛肉味好香濃加一陣燒焦焦既味道好好食，🙂佢會配沙嗲醬但沾了的話會蓋過左牛肉味，所以我建議不沾醬。🧐略嫌牛肉筋位較多，😛不過這個價錢有四大串和牛是很划算的。#油鬆餅 $38這個超級好吃😋味道像是酥皮湯上面嘅酥皮，但更輕薄，酥軟滿牛油香。🌝本來想沾炒大蜆的醬但原來大蜆是乾身的，所以沒沾。光吃已是好吃到爆。大家可以咖喱菜式來配搭，相信會很好食。🌟必吃喔！#辣椒膏炒大蜆 $148原本以為會很多醬，🤭但原來是比較乾身的。辣椒膏只是微辣，很重蒜味。蒜粒配大隻蜆肉，很香口。不錯👍。#燒大蝦炒金邊粉 $152比手掌還要大的大頭蝦🤤份量很大。金邊粉有韌性不會炒到碎濕濕。味道正宗，每次食泰國菜必點。#蝦醬辣椒炒通菜 $98超大碟菜，最合適我這種喜歡吃菜的人，雖然價錢比出面貴，但份量都相對比出面多。夠大約4-5人分。加了指天椒和泰國青辣椒🌶️和蝦醬炒，

女生總是愛購物，來到尖沙咀這個購物地帶，辛勞過後當然要找些美食獎勵自己。近來吃西餐比較多，今天想嚐下泰國菜，便頓時想起海港城的藍象泰國餐廳。今次是第二次來這間餐廳，亦沒有令我失望。首先這裏環境浪漫，而且座位之間保持適當的空間，坐得非常舒服。-大蝦牛油果沙律新鮮的牛油果，配上大大隻的蝦，而且這個泰式沙律更是特別美味。-泰式和牛沙嗲串吃泰國菜要吃沙嗲串燒是基本，配上高質的和牛更是完美。-燒大蝦金邊粉首先大蝦非常新鮮，肉質很爽。而這個金邊粉醬汁獨特，吃完一點都不肥膩，絕對是我吃過最好吃的金邊粉。另外，除了食物美味，這裏的店員服務態度非常好，每位都工作殷勤，我們離開時遺漏左把雨傘於店內，店員即追出黎，店員熱心的態度更為這晚餐加分！

終於有機會比我食到你啦！之前一路都好想試，偏偏次次出親嚟個朋友都唔食得辣嘅！今次終於都約啱人，可以試到啦！啲裝修靚到呢！鋪面以藍啡色為主色，好有格調好好彩職員安排咗個窗邊位比我哋睇靚景！打開餐牌見到有好多菜式揀，一打開見到個金邊粉就話一定要食！呢個係我friend話一定要試嘅脆皮燒鱈魚！酸酸甜甜，外脆內軟，魚質好鮮好滑！呢個真係一定要試！同朋友每人叫咗杯飲品，泰式奶茶夠晒香！綠色呢杯Emerald Flake 係薄荷青檸沙冰，夏天最啱飲啦，好開胃。呢個就係我超想食嘅燒大蝦炒金邊粉，份量好多，好足料，隻大蝦啖啖肉蝦干魚露炒椰菜苗 啖啖蝦干 蝦干味重 好夠鑊氣 好惹味啊！慢煮烤排骨 火喉啱啱好 伴碟醬汁酸酸哋加上肉質嫩滑嘅排骨 正啊！

This is the worst place we’ve been to for semi buffet lunch which limits you on the time (despite the stated time of semi buffet lunch is from 11.30am to 3pm). They only allow you 2 hours for dining. The service from this place is not up to standard where the manager is rude and overall staff is slow in meeting our needs. We went for the free flow offer but didn’t get our first drink until 30mins of being seated and ordering. We also had to keep repeating our requests or drinks order more than 3

當你睇到我呢篇文章嘅時候，我已經中咗招。母親節諗住帶阿媽食餐好嘅，見到某飲食雜誌有報導呢間餐廳，好似唔錯，又恃住喺泰國出晒名就試下。打電話問咗，夜晚冇semi buffet，就Book咗12點半。當日係星期一紅日去到，門口同樣有兩家人book 12點半嘅，大家都要等，怨聲載道。等咗差不多半個鐘先開始入到去，我哋好彩坐海景位，但其實個海景都係一半半，而且喺正buffet枱隔離，人哋就黐住我哋嘅座位排隊，好擠逼。不得不提，員工人數嚴重不足，搵好耐都冇人理。可能亦因為咁，每個員工態度都能用惡劣嚟形容：唔應、黑面、發呆、應咗都冇下文，樣樣齊。水平非常一致。👍而食物方面，冇一樣特別好食，反而味道控制得唔好，大部分較鹹，該辣嘅唔辣。價錢仲唔平添😞總結，不要盲目跟隨傳媒宣傳去幫襯食肆 ，更加唔好以為海外出名嘅餐廳嚟到香港會一樣水準。

這間是泰國有名的高級餐廳，香港第一家在海港城開設，一年前第一次來時是下午茶時間，只食到甜品及蛋糕，不過印象也很深刻，特別是榴槤酥，香酥令人難忘。這次決定，晚餐來試試，菜式無論，拼盤，主菜，甜品，飲品，特色就在，賣相非常好，絕對奉行相機食先嘅守則，味道也是中上等級，論到服務就欠奉，可以用“差”來形容，這樣有名及高級的食府，有這樣的服務，真是很可惜。下次有機會，都係再去下午茶好喇，最少平啲抵啲，又食到最愛的榴槤酥。

同朋友係尖沙咀行完街搵野食，我地都喜歡食泰國野，所以去左食藍象。入到餐廳坐低，有位侍應好快已經幫我地斟左杯檸水，太肚餓，我地好快咁落左單。 雞蝦春卷($52)，有2條春卷配自製甜酸醬。 魚露蝦乾炒椰菜苗($98)，蝦乾有蝦味，任何泰菜餐廳的泰式炒菜都好少有失手。大蝦炒金邊粉($158)，有隻好大的蝦舖係面，金邊粉除左用泰式醬炒，仲有菜莆。最後叫左馬沙文咖哩羊肉($238)，叫左個油鬆餅($38)點咖哩食。咖哩味好濃郁，羊肉好淋，油鬆餅點咖哩好食。 呢間餐廳行精緻路線，每個菜都細細份。賣單時侍應態度一般。