藍象泰國餐廳 (已結業)

今日母親節祝天下間所有母親日日都係母親節，日日都咁快樂！今日三姊妹帶媽媽去尖沙咀港威商場「藍象泰國餐廳」食半自助午餐。擺設放面以泰國雕塑為主，環境昏暗非常有氣氛。我們還有幸坐到窗位添！半自助式先來個沙律吧！🥢有開胃前菜木瓜沙律、柚子沙律🥢這碗泰式椰汁湯，香濃幼滑奶味重！🥢泰式脆脆魚炒意粉 $188有點失望似茶餐廳炒意粉，還差一點是無味道。🥢特色海南雞飯 $248海南雞咬落鞋口，豐富雪味。🥢泰式烤美國肉眼扒配薯蓉羅望子汁$288外觀不吸引食落有驚喜👍，肉眼扒牛味濃火喉剛好有嚼勁。🥢鴛鴦脆皮咖哩銀雪魚配泰國有機黑米 $288咖哩香滑銀雪魚炸得脆口嫩滑，有機黑米聽落好健康，入口軟糯適中口感不錯。👍包餐飲一杯，我就來一杯熱檸茶燒燒脂。不過都要一碟五彩繽紛的甜品配合一下,以泰式甜點為主，椰汁糕有點硬又乾身，班蘭撻好味，香芒椰汁飯芒果勁醒胃消化一流。最後要讚揚的是一班服務生好有禮貌，好有耐性咁為我地三位麻煩女人寫單。👍

周年紀念日男朋友bk左食依間海景泰國餐廳，坐落係尖沙咀海港城。餐廳裝飾好有格調，坐近窗邊嘅話仲可以睇到維港靚景嫁！本身諗住食二人套餐，貪方便唔洗諗食咩啊嘛不過前排先食完海鮮火鍋就決定散叫。先叫左小食拼盤（$168），有四串串燒（肉質鮮嫩又juicy，唔會韌) 、兩舊炸雲吞(即炸夠新鮮，熱辣辣上枱）、四舊炸蝦（外脆內軟，好彈牙）、兩舊菠蘿梅（依個普普通通）。最欣賞泰式甜酸醬同粒粒花生碎嘅沙嗲醬，好惹味！叫左碗椰子雞湯（1位份$88）兩人share,份量都唔少，兩個人飲就岩岩好啦！飲左好鮮甜好香椰香味，湯入面有一條條椰子片仲有大量嘅雞肉，雞肉以煲完湯嘅肉黎講算嫩身。泰國菜少唔得青咖哩&油鬆餅（$188+$38），青咖哩冇想像中咁濃味，反而淡淡地，所以配埋鬆餅食唔會覺得油膩。鬆餅好外面脆脆地入面軟身，點住咖哩好快食曬。豬頸肉什菜炒河粉（$138）份量好多，依極都食唔完什菜有栗米仔、韭菜、紅蘿蔔、菜心、菇類⋯好豐富！飲品我地叫左lychee martini & tequila sunrise,由於我唔識飲酒，酒方面冇咩見解sunrise 果杯甜甜地加左啲類似橙色嘅果汁所以好易入口，酒味唔重。至

餐係尖沙咀港威商場(海旁), 幾有情調,幾有feel.坐得舒服之餘又望到過海.泰國菜大多數主打酸、辣、鹹、甜、苦等五味為主，加上香料配菜種類繁多，令人無論在舌尖上還是心靈上都得到很大的滿足感。咖喱我地選擇左一個比較特別的, 「香濃馬沙文咖喱牛腩」+小食拼盤 ($168)咖喱牛腩:牛腩非常好味, 好大件, 好足料, 充满住牛肉既獨有牛香味, 而最正既係佢加左紫蕃薯, 而唔係用普通既薯仔, 感覺個層次又再提升左一級! 小食拼盤:  好多野, 有泰式沙嗲雞串、泰式沙嗲豬肉串、藍象炸蝦餅、好似炸雲吞既「脆皮青咖喱黃金包」每一樣都細細件, 有兩件, 可以試多幾種唔同既野食吖嘛! 最啱我地呢啲唔係食得超多野但又心大心細想試多幾款唔同野食既人! 個串燒其實係有兩種醬汁, 比你任君選擇, 有沙嗲汁, 又有甜酸雞醬, 

公眾假期的一天，跟家人去海港城吃下午茶。海港城超多人，這間泰國餐廳不用等位，沒有多想便入去了。坐低後，我們上OpenRice看看有什麼推薦食品，點知看到很多負評，便心知不妙了。我一向很相信OpenRice這平台，喜歡看看其他食家對餐廳的評語，怎料到這一次我也忍不住要寫負評了。首先，樓面經理服務態度很差，十問九唔應。 不只是對我們態度惡劣，身邊的食客也有不滿。又漏單，餐飲結帳後仍然未送到，我們催了幾次，最後服務員先拿出熱飲。嘩！熱飲杯竟然十分污糟。禮貌地告訴侍應，侍應看到杯上的污漬後亦同意更換。轉頭便有位穿戴著洗碗膠手套的水吧員工拿了杯熱飲給我們，以為他已換了新一杯，怎料他拿了原本的那杯熱飲來！！！ 我無奈地說這根本是剛才的那杯！他卻直認不諱，說我們杯杯都是這樣污穢，你飲就飲唔飲就算！如果想投訴我，你可以上我們集團網頁！未說完就走開了！ 我當然十分生氣，旁邊的食客都替我不憤，叫我一定要投訴！最後，我終於找到經理，並告訴他事情始末。經理了解事情後，也承認是管理不善，並作出金錢上的賠償。話雖如此，我也絕對不會再光臨，如果大家想見識這裏的惡劣服務態度，歡迎來臨挑戰。

啱啱去完泰國旅行🧳返嚟隔咗兩個禮拜已經好掛住泰國嘅嘢食啦！🥰我諗大家都認識世界知名嘅泰國餐廳！海港城食呢間分店向海坐環境偏暗夠晒情調！作為海鮮愛好者嚟到呢間餐廳見到呢個二人eat menu真係心心眼二人餐餐牌份量比一般餐牌嘅小 但係兩個人食又可以使足咁多碟菜！啱啱好😃餐廳先上冬陰公湯有半隻大蝦係一個好足料而且冬陰公湯比平時嘅惹味飲到最後會有種回甘嘅感覺然後呢左一疊好精緻退前菜！睇到已經好開胃 試晒藍象泰國餐廳嘅特色前菜好滿足🤪主菜有龍蝦🦞一大隻 配薄餅 仲有龍蝦腳然後有炒菜苗跟住有青咖哩雞配絲苗白飯再跟住有咖喱炒蟹每碟菜都唔同咁一次過試晒咁多樣泰國送！呢個二人餐正呀😝食完正餐仲有甜品呢個係薑汁調理tirimisu 賣相又精緻又好味🤩

香港越來越多泰國餐廳，但要數既有傳統泰菜嘅味道，又加入左新fusion 嘅元素，我覺得呢間「藍象泰國餐廳」就最好味🙆‍♀️仲有一個加分位，就係靚景。靚裝修💕.餐廳裝修以寶藍色為主調，配上昏暗嘅燈光，低調得黎又好有氣氛✨如果運氣好嘅話，可以安排到窗邊位，由高處俯瞰海旁，心情好舒暢🥰.款式方面由頭盤，小食，主菜，甜品至飲品都有不少選擇～更有香檳，紅酒，葡萄酒添。我地叫嘅菜式都係以頭盤同小食居多，主菜就叫左一份，因為份量都幾多，而且仲可以食多D 吾同款🙈.金不換辣椒炒河粉 ($138)可以揀配雞肉，牛肉或素雜菜，我就揀左雞肉🙈吾好睇小呢碟炒河粉，我覺得好味過普遍茶餐廳炒河粉多多聲🤣 用左寛河粉去炒，口感比幼河粉更佳更能掛到汁，加入左金不換炒，洋蔥，蛋花等去炒，咸甜中帶點辣，味道昇華更加入味😍.泰式香辣肉碎沙律 ($92)用左辣椒爆炒雞肉碎同豆角粒，再用新鮮嘅生菜包住黎食，爽口惹味，口感豐富🥰.素菜春卷。半份 ($52)半份嘅春卷有四塊，裡面有椰菜，木耳絲，蘿蔔絲，芋絲等材料。春卷皮好薄，咬落滿口香脆，再沾一沾甜酸醬，酸酸甜甜更開胃💕.小食拼盤 ($168)五款小食，各有兩塊，包括有泰式沙嗲雞串

跟朋友約咗食餐好嘅泰國菜，揀來揀去，揀咗呢間就腳嘅藍象。我哋晚上7點入座，餐廳內已半滿人，環境幾好，被安排咗有海景嘅座位，燈光剛好讓人放鬆地傾偈，讚。我哋點咗皇家宮殿蒸餃子，椰奶青檸汁帶子沙律，小食拼盤及菠蘿炒飯。先講蒸餃子，賣相可愛的兩隻白色及藍色小鳥，內裡是帶有冬陰公豬肉餡，味道特別，幾開胃。帶子沙律亦是賣相討好，好多隻帶子，另一邊有四朵食用花，增添色彩，吃到酸酸甜甜的青檸汁加椰奶味道，新鮮帶子都好鮮甜小食拼盤，最喜歡炸蝦餅，蝦味十足，另外是雞肉串燒，好香，肉質嫩。菠蘿炒飯，份量很大，每啖飯都可以食到切得細細粒嘅菠蘿，食到不唔到口，好好味呢餐食到好飽，食唔落甜品了，唯有下次試埋甜品🥰

老友聚舊，相約在藍象，知道它環境氣氛都很適合聊天，加上食物質素有水準，鐵定到此一聚。藍調餐廳，座位濶落舒適，環境悠靜，聊天一流。海景伴隨，氣氛醉人，最適合融融細語。點了數款菜式，泰式和牛沙嗲 $108，和牛即是和牛，熟透亦完全不會韌。烤過的肉總是香氣迫人，完全引發食慾。塗上厚厚的惹味泰式醬，真的停不了口。扒珍寶河蝦配紅咖哩汁 $168，賣相有叫座力，夠巨型，是可以用刀叉吃的蝦扒 😂😂魚露蝦干炒椰菜苗 $98，還以為菜苗定必是椰菜苗，其實通菜跟魚露的咸香也得夾。班蘭雞 $88，燒好的雞件再包上班蘭菜炸。醃料味道特別，雞件無骨，肉質不嚡，小食佳品。黑白糯米配泰國芒果 $88，很完美的甜品，保補足了沒有點米飯的缺口。黑白糯米味道大不同，白色口感軟糯，黑色較有咬口，不論椰醬或芒果醬，味道都很配；炸過的椰絲，脆口無渣椰香仍在，有驚喜。連雪糕也是鴛鴦的，黑白相間，配合黑白糯米。餐牌上的菜式，多少帶點辣，好此道者的佳音，也是泰國菜的特色。

餐廳很高級，看到海景，佈置高雅。我們點了四道菜，四道菜都十分出色。最好吃的是小食拼盤和芒果糯米飯。小食拼盤裏面，我覺得最好吃的是蝦餅。咬下去，鮮蝦肉粒很爽口，跟外面完全沒有蝦的蝦餅是兩種層次。豬肉串燒很正，脂肪香噴噴融在口裏。。。芒果糯米飯擺盤超級漂亮，看圖吧。 最特別的是他有用紅米做糯米底，吃起來有咬口。 在椰漿上也放了些炒過的椰絲，脆脆的感覺。芒果很甜！是我吃過最好的芒果糯米飯，味道有層次，很豐富。精心的創意菜。特色餃子顏色很漂亮，味道是沒有吃過的，相信是餐廳的創意菜。餃皮用糯米做，食量不大的人，我建議叫半份，因要留肚吃正餐和甜品 > <正餐點了泰式咖哩雞，好香。。。 吃完肉忍不住喝咖喱 > < 這道菜比一般泰式咖哩辣，愛吃辣一定喜歡。不吃辣的可以點青咖喱，menu說青咖喱辣度小一點。很喜歡這家餐廳。。。 看到其他人吃下午茶的照片很漂亮，下次再來就吃下午茶 >.<

海港城真係好大😢行左好耐先搵到間餐廳😂好彩個招牌用藍色比較容易認，上網見到可以睇住海景食飯好吸引呀😍可惜我冇book到位冇得坐海景位😭建議紀念日聚會記得book位。一入到餐廳環境好有情調都開心反d😁座位比較大坐得舒服。炭燒豬頸肉配泰式香草辣汁🌟酸酸辣辣好開胃😋豬頸肉燒得好爽口不會乾身👍辣椒膏炒大蜆🌟辣度適中好惹味🤤蜆肉肥美我覺得好抵食推介燒大蝦炒金邊粉🌟大蝦清甜爽口加上辣椒真係冇得頂😋十分推介👍金邊粉不會太油膩，如果唔食得辣都可以叫呢個，因為佢外邊加咗乾辣椒任你隨意加

西式下午茶就食過好多次，但食泰式下午茶你又食過未呢？適逢有好友遠道從澳洲回來相約high tea, 於是上網搜尋下有乜好介紹,終於搵到一間既特別又價錢吸引嘅泰式下午茶。這間泰國餐廳位於尖沙咀Harbour City 內，原來是曼谷的名店，來港開業數年。餐廳環境舒適又有格調，坐窗邊更可望海景，但下午時分如果面對窗的客人就會比較殘眼。他們的下午茶比以鳥籠為主題，主打宮庭小食，有甜有鹹，頗為特別。小食連飲品共10款, 其中一款小食名叫「馬可」，是一種泰式的貴族小食，以堅果碎混合菠蘿的小丸子，好特別！榴槤撻中的榴槤慕絲芬芳味濃，不太甜，喜愛！宮廷蒸餃，雀仔造型，趣緻可愛。但柚子蟹肉沙律卷太細卷，食不出味道！加$25可把普通飲品改為特飲。見可轉為芒果糯米飯沙冰，想試吓同普通芒果沙冰有甚麼分別，但侍應回覆今次沒有，無奈下改為普通的青檸梳打。但冇幾耐又見吧枱出芒果糯米飯沙冰，詢問另一侍應，回覆又話做番，真被氣壞！有這樣的環境和特色鳥籠小食，二人下午茶套餐只需168(如果唔轉特飲）真係幾抵食！原來下午也有半自助午餐，只需188，下次有機會試下。

想食一間舒服少少既泰國餐廳，就會諗到海港城呢間既藍象，仲有埋海景睇。黎呢度必點既小食拼盤 ($168) 入面有泰式沙嗲雞串，泰式沙嗲豬串，藍象炸蝦餅，脆皮青咖喱黃金包，馬司慢煮花生軟糖配新鮮菠蘿。先讚個串燒，呢度既串燒真係超級香同好味！燒既味好惹味，食落唔乾又好嫩滑，高質👍🏻 然後個蝦餅都好新鮮彈牙。另外仲叫咗一款小食，芒果軟殼蟹米紙卷 ($118)，呢個性價比冇小食拼盤咁高，但整體都係好食～ 個皮好薄，入面包住好多爽脆既菜同軟殼蟹，有好多重口感，食落感覺好fresh藍象特式青咖哩 ($188/雞肉) 咖哩下面會配埋個火heat住，所以放耐咗都唔會凍。雞肉都幾嫩滑，但咖哩略嫌有少少太稀同唔夠辣味，可以再濃啲就好。冬陰大蝦炒飯 ($128) 辣辣地，甜甜地，冬蔭功味都好明顯，炒飯好惹味，食唔停口。另外幾隻蝦大大隻好爽口彈牙。

喺曼谷blue elephant 係米之蓮一星餐廳同老公去食過真心好味環境同服務亦都係一流的這間海港城嘅藍象餐廳Blue elephant 官網指不是它們的分店但間唔中仍然有飲食文章以曼谷米之蓮三星過江龍作招徠真真假假真係不得而知但如果係有試過曼谷嘅藍象餐廳我會話香港呢間絕對唔係𠴱回事先講服務，係一般入座後要問侍應先遞上餐牌午餐是semi buffet 但侍應沒有解釋如何才可以享用出面的buffet bar 第一次試都要自己問吓同望下人哋先知係半自助餐形式侍應態度有啲OK但有啲唔係咁好Overall 係茶記service講返價錢lunch $98 up百零二百蚊食到一個lunch set再加自助buffet bar 我覺得係OKBuffet 枱有除咗沙律，亦有小食好似魚蛋炸春卷炸咖喱角同雞湯。午餐時間我見都有不停refill。我同媽媽點了船麵和沙嗲雞飯船麵配炸豬皮，牛丸彈牙牛肉都炆得好琳，整體唔錯👏🏻沙嗲雞飯賣相唔錯但係沙嗲唔入味，失望👎🏻另外加了冬陰公和椰汁雞湯, 不錯👍 我覺得如果行街經過harbour city 係可以一試，但專登去食就不用了：）

週日半自助餐跟餐茶先落錯單，更正後半個鐘都未到，先後禮貌地請多個員工跟進不果，一句道歉都冇，最後要直斥其非先至送上黎。眼見其他客都要自己去counter拎水壼倒水，以為去左茶餐廳！此店服務質素同食物水準都同泰國Blue Elephant差天共地！不推薦！

同事成日去泰國, 而佢又成日同我提話佢去泰國食過一啲高檔既泰菜好好味, 環境又靚, 間餐廳叫 Blue Elephant, 佢叫我叫果去Bangkok一定要去食, 但咁啱比我揾到原來香港都有呢間餐廳, 仲要係位於尖咀海港城, 於是我昨晚就同左我屋企人去食。餐廳位於海港城既港威商場, 都算好易揾, 而且好靚, 好高檔, 黑色既佈局再配埋望出去係180度既維港夜景, 真係無敵, 而且座位寬闊, 枱與枱之間都有好充足既空間, 所以食飯既時候你唔會覺得迫, 亦唔會比附近既食客嘈到你。帶位既女店員態度非常有禮, 笑容親切, 我覺得絕對會因為咁而加分!其實呢間藍象既食物真係有太多選擇啦, 所以我地坐左係度睇menu都睇左起碼10分鐘, 選完呢個又想試第二個, 不過得兩個人都唔可以食到太多野, 最尾我地選擇左大路既咖喱同埋小食拼盤等等..咖喱我地選擇左一個比較特別的, 叫做 Massaman Lamb, 「香濃馬沙文咖喱配羊肉」 ($238), 小食拼盤 ($168) 有泰式沙嗲雞串、泰式沙嗲豬肉串、藍象炸蝦餅、好似炸雲吞既「脆皮青咖喱黃金包」、同埋一個泰式特色小食, 叫做 Ma Hor , 「馬可