藍象泰國餐廳 (已結業)

藍象位於海港城，環境舒適， 冷氣適中，餐廳播放悠然既音樂， 提供舒適既飲食環境。點了翡翠沙冰， 有淡淡薄荷+青檸味， 不太甜，有清新感覺， 與泰國菜相當匹配。椰皇海鮮湯 蝦非常大隻，而且廚師已經把蝦開邊，食既時候用叉子很方便就把蝦肉撬開， 相當貼心， 蝦肉相當鮮甜。 海鮮湯用料十足，超級多帶子， 湯鮮味十足， 非味精煮成， 是海鮮味濃濃的湯。軟殼蟹米紙卷，醬汁有2種，綠色的是微微的酸辣橙色的是酸甜口味， 可以跟據個人喜好沾汁軟殼蟹香脆即炸。軟，薄，韌既皮包住即炸軟殼蟹+新鮮沙律菜，感覺一點都唔油膩，沾上微微醬汁，錦上添花，屬非常開胃既小菜香濃馬沙文咖哩配牛肉，份量屬二人份量， 首讚牛肉砌成一口一粒既大小，令食客更加容易入口。 雖說是咖哩，味道跟外面泰式餐廳不同，屬甜咖哩，不會辣， 咖哩汁加了果仁碎，增加口感。牛肉粒亦炆得都相當入味。亦用了紫薯粒代替薯仔， 更加香甜，與別不同。 芒果黑白糯米飯，非常精緻，有層次， 像一件一件壽司。頂層有芒果醬，中間是暖暖香軟紫米，最低層是芒果肉， 非常有層次食法，口感非常豐富。 白色糯米頂層有椰醬，最低層亦有芒果， 食法非常特別另配上一碗泰國芒果肉，鮮甜

餐廳主要係以藍色作為主調，設計好有心思，有一種舒適嘅感覺。裏面嘅燈光好柔和，近窗有一大型落地玻璃，可以睇到維港，整體環境幾舒服！泰國皇家宮殿蒸餃子 叫左半份，賣相好精美吸引，一藍一白，好似白鴿嘅樣。外皮好柔韌，內裡由雞肉和蝦釀成，有點冬蔭功味，味道啱好，唔會太濃，仲配有酸甜汁，當然仲要欣賞廚師嘅巧手技術。藍象炸魚餅 都係叫左半份，加左泰國香料，香茅味加上辣味，味道濃郁，另配上醬料，辣得都幾惹味。魚露蝦干炒椰菜苗 椰菜苗好新鮮，顏色翠綠。魚露份量剛好，食落唔會過鹹，配有份量唔少嘅蝦干。另外椰菜苗保持爽脆且好有咬口，值得一試。鐵板蚝仔蛋份量非常足夠，炒蛋夠滑而且蛋味濃。蚝仔數量亦唔少，炒蛋配蚝仔，食落都非常滿足。另外，炒蛋底配有不少芽菜，食落夠爽脆。猪頸肉雜菜炒河粉好經典嘅泰式炒製方法，餐廳用左寛河粉，口感比幼河粉更佳，而且份量一點也不少，若能更乾身會更好。而猪頸肉食落好嫩，炒嘅時候已入晒味。黑白糯米飯配泰國芒果不能不推介呢一個甜品，賣相好精緻，兩種唔同嘅味道，黑白糯米配上醬料，同底下既芒果片一齊食，多重既口感，正！仲有朱古力雪糕同好甜嘅芒果，必須要食！

[🇭🇰香港- 尖沙咀].比較高檔同精緻泰式餐廳,大部分嘅食物都幾唔錯,出色啲嘅係"燒大蝦金邊粉"同甜品"芒果黑白糯米飯"&"暖心榴槤撻".🔻🍽 藍象泰國餐廳📌 地址: 尖沙咀廣東道3-27號海港城港威商場3樓3303號舖.#tummysreadysweetwednesday #tummysready #tummysreadytoeat #tummysreadyinhongkong #tummysreadyattsimshatsui #tummysreadyfordessert #tummysreadyforthai #tummysreadyforsoutheastasian

泰國菜食過不少，這間店有些菜式頗特別。 泰國皇家宮殿蒸餃子 $38/半份蒸餃子造型可愛非常誘惑，點半份試試，一藍一白，兩隻眼仔加個尖嘴近看真是幾得意，作為宮廷點心，賣相得分，不過入口粉粉的，非我杯茶，餐牌寫餡料是雞、蝦及冬陰公，味道沒有一點辣，但有點辛香。蒸西米馬可配冬陰公泡沫 $58/份這個新口味我有幾鍾意，輕輕的泡沫完全蓋過由花生及紅蔥頭造成的丸子，滿嘴花生香，雖然未能評為很美味。主廚 Nooror 著名創作泰式比利時炸蝦 $58/半份這一道美味出色，酥香脆口，蝦肉有彈力，甜酸醬汁提升鮮甜之味。小食拼盤 $168拼盤豐富有水準，泰式沙嗲雞串及泰式沙爹豬串肉嫩沙爹醬香。藍象炸蝦餅及脆皮青咖喱黃金包炸得香脆不油膩。配上菠蘿的馬可第一次吃，口味有新鮮感。泰式椰子雞湯 $88非常香濃的椰奶味道，湯頭醇厚香郁，正合我意，充滿椰子香的雞件很嫩滑，內藏椰子肉亦好吃。菠蘿雞肉炒飯 $138不愧為招牌，有新鮮菠蘿香，材料多元豐富，炒飯乾濕剛好，恰到好處。環境方面，陰暗藍光為主導，進店充滿神秘感，空間充足，倚窗而坐可享維港靚景，定位中高檔，但價錢尚算親民，值得再訪。

今次嚟到海港城試試呢間泰國菜🙈呢度環境好唔錯 都幾好feel 比較暗沉沉嘅感覺所以我都見到有好多情侶嚟幫襯而且佢仲有啲海景位可以坐 咁就更加有情調啦😍首先我就叫咗個小食拼盤呢個係兩個人嘅份量 每樣野都有兩件嘅我覺得呢個真係可以推介下 因為樣樣都好好食尤其係沙嗲串燒同埋個泰式蝦餅 佢串燒啲雞肉豬肉一啲都唔「鞋」沙嗲醬又特別 同出邊嗰啲有少少唔同 都幾似自家秘製之後就係呢個大蝦金邊粉首先個賣相已經攞晒分 影相嗰啲真係一流而且隻大蝦又大又多肉timm～之後就叫咗芒果軟殼蟹米紙卷呢個我最鍾意嘅係佢個醬汁 因為佢唔係比一般嘅泰式辣醬辣辣地甜甜地好惹味～最後我就叫咗個大家食泰國菜都必定叫嘅椰菜苗呢個一上碟我都嚇咗一嚇！！！因為真係超超超超大碟丫！！呢個係蝦乾魚露炒椰菜苗 好好食 嗰個汁一流鍾意食椰菜苗嘅朋友必定要試吓🤤🤤🤤

最近真的很怕外出食晚飯，但朋友説有間尖沙咀廣東道Gateway 的泰國菜一定要去試試，食完包我會開心曬😂地點很方便，一進去，有西式餐廳的浪漫氣氛，招呼非常好，環境又乾淨。食譜也有別於一般的泰國菜，叫了chilli 炒蜆，嘩D蜆很很大隻🤪，肥美肉嫰炭燒豬頸肉，配上特式泰汁，又入味，有𡁻口，好工夫👍忘記了有個頭盆......鬼馬餃子，造型無得頂，食落跟廣東款完全不同，但頗有另外風味❤️咖哩相信是必食，叫了咖哩牛，配上䓤油脆餅，估不到個咖哩牛鍋可載上很多牛肉粒，個汁很好味，濃濃椰香，D牛肉又霖又入味，個䓤油脆餅夠厚，撕開一層層，好好味，這倆個加埋成為絕配，無得頂👍👍跟著個冬陰公大頭蝦🦐，蝦肉又肥又厚，仲有很多羔，個汁充満了香芧椰香味，可想而知，味雷也沒法擋🈵️真是估不到，泰國菜都可以咁出神入化，好好味🈵️🈵️

以前每次去曼谷，都必定會去食藍象餐廳！但係作為香港人只需要去尖沙咀就可以食到，所以真係好方便今日就同太太嚟到尖沙咀嘅藍象餐廳試吓，餐廳嘅格局同我去曼谷時嘅感覺有啲唔同， 因為佢係比較似西式餐廳，但就保留左泰國嘅藍色招牌logo午餐佢有一啲set lunch,由於我同太太都唔算太肚餓所以只係單點左兩款食物單點嘅食物同set lunch比較偏貴一點點，但食物就更有特色座位方便比較迫， 但都算係幾舒服而整個無敵海景盡收眼底確係冇得彈前菜我點左一個幾有特色嘅沙律，金柚芒果沙律伴蝦干甜梅子汁賣相精緻，而且非常有泰式嘅風味，味道多層次酸酸甜甜嘅口感，大大刺激食慾，沙律加入了青芒果夠fresh主食我就點左算係藍象餐廳推介嘅美食菠蘿雞肉炒飯,用完隻菠蘿。同樣係喺九龍城食到嘅食物喺呢度層次大大提升，味道更加係一絕，雞肉嫩滑而炒飯鹹味適中！估唔到咁平凡嘅食物都可以有咁高層次

今日難得可以外出飯聚，本來心情靚靚，但中途遇上一點小阻滯，耽誤了時間，結果只有急急腳走呀走，大熱天時，抵達餐廳時已全身冒汗。本來心急如焚，當看見店子一片深藍的裝潢，就如進入了寧靜的海洋世界，心境頓時平和下來。進入用餐區時，先要通過一道藍色走廊，旁邊那幅巨型壁畫畫功細膩，忍不住停下來駐足欣賞。店子毗鄰海傍，如幸運地被安排坐在靠窗位置，便可觀賞開揚的大海景色。餐廳燈光昏暗，有種神秘浪漫的感覺，適合兩口子撐枱腳。天氣悶熱，最好吃些消暑菜式，煥發精神。金柚芒果沙律伴蝦乾甜梅子汁($118)迅速出場，起初以為芒果是常見黃色那種，原來餐廳挑了青芒，比較爽口酸甜；再加入多汁的柚子、脆卜卜的炸蝦乾、香惹的花生、清新的梅子汁，層次豐富，胃口大開。說到泰菜，總離不開咖喱，店家也提供十多款，由於筆者只接受少辣，於是點了泰式紅咖喱配菠蘿燒鴨脾($198)。成品以一鐵鍋盛載，並用火爐保持溫度，確保咖喱不會因放涼而影響質素，認真貼心。隨著輕煙飄送，已聞到朕朕香氣，不禁吞吞口水。兩隻珍寶鴨脾幾乎雄踞鐵鍋所有空間，廚師已將外皮煎香，即使沾上咖喱仍然輕脆。由於採用鴨脾，肉質嫩滑，配合濃香微辣的紅咖喱，少少激刺，像上癮般

係香港真係好多泰國菜～ 今次選擇這家泰國菜聽說係米芝蓮三星「曼谷米芝蓮藍象泰國餐廳」～ 好似好利害咁～ 訂位時我選擇了海景位置～ 雖然都係靠窗位置～ 但我覺得海景好少～ 因爲有大幅木牆遮蓋住～ 仲要係晚上～根本看不到美麗既夜景～ 小食拼盤 脆皮青咖喱黃金包味道不是我喜歡～ 馬可慢煮花生軟糖配新鮮菠蘿～說真的當時我食不出是花生味道～豬肉串燒 個沙嗲醬好出色～串燒沾了好配～ 蝦餅 好香口～有好重蝦味～ 燒大蝦金邊粉 金邊粉都正常～但大蝦唔太新鮮～ 辣椒蒜蓉蝦醬炒通菜 可能本身蝦醬比較重味～ 好咸可配金邊粉食～ 菠蘿沙冰 酸酸甜甜夏天飲好清爽～ 水果茶 跟我想像不一樣～ 可能平時飲得台灣啲水果茶多～ 翡翠沙冰 朋友說好似剛刷完牙既味道

我地有訂枱。呢staff問有冇booking,電話號碼果陣啲態度已經一般。跟住安排我地坐門口位，我地話想坐入面窗位，個staff話冇位，但係入面好多空位。我地問睇二個staff，又要問多次有冇booking 又問電話號碼先比我坐入面。之後睇菜，請佢地幫忙影相，啲態度啲嘴臉真係好差。當有一兩個staff係ok geh 但由我入門口到食完走，都唔係一個好ge體驗。

今天特意和欣欣妹妹慶生，我知妹妹很喜歡好吃又有特色的餐廳，她對泰國菜特別有好感，秘書安娜幫我訂了尖沙咀的蓝象泰国餐廳，她說這裹的氣氛很好!果然没令我失望，這間藍象蠻有氣派，很有道地泰國餐廳的感覺!我們叫了兩個沙律，因為我們超愛吃泰式沙律!青木瓜絲沙律很清新，木瓜絲既香又加上道地的酸辣汁，我們胃口大開!香辣肉碎沙律配上包心菜，辣肉碎很有鑊氣，包在挻身的菜中，很爽口而且口感一流!鐵板蠔仔蛋份量十足，而且蠔仔大大粒，入口很香很軟，我們吃得心花怒放!我們叫了兩杯Virgin Colada, 既解喝又清甜，我們兩姊妹聊聊天，又過了一個快樂的一晚

藍象餐廳在泰國係出名的米芝連餐廳, 成日去泰國既我都冇去食過, 依家就先試下香港分店餐廳環境比較黑暗, 我坐的位置上面係冇燈, 睇MENU 都有點困難服務方面, 唔係話非常好, 但我又唔覺好似有D食評咁講到咁差, 隔離枱個外國人仲讚女侍應英文好2個人叫左6樣野:皇家宮殿蒸餃子, 蒸西米馬可配冬陰公泡沫: 冬陰公泡沫較辣, 有微微的冬陰公味, 中間是一粒麥X沙SIZE的西米仲有花生碎, 蒸餃子中間係D 加左冬陰味的肉碎, 呢2樣菜色都是有別於一般泰國菜, 感覺是創意菜色冬陰公配大蝦: even在泰國飲的冬陰公我都覺得有D咸, 呢個冇平時飲開的咁咸, 佢多左一個甜味, 我個人好喜歡呢個味, 湯碗下面有蠟燭保持湯的溫度, 慢慢飲都唔怕佢變凍辛咖哩煮蟹肉: 最讚係D蟹肉係拆哂肉, 食得開心又方便, 肉質都夠鮮, 咖哩汁用左青咖哩, 辣度適中, 曾經在泰國的超市買過一包藍象牌咖哩汁, 香港分店都能做到泰國口味油鬆餅: 叫個鬆餅係為左同D 咖哩一齊食芒果黑白糯米飯: 芒果係泰國芒果, 雖然冇菲律賓呂宋芒咁好食, 但都是很甜的, 同埋泰菜梗係用返泰國的食材, 糯米飯有少許硬, 再煮腍少少就更佳, 整

首先要講講環境，呢到都稱得上超正，氣氛，燈光，都好有情調，再加上有個窗口位望碼頭，最最開心係乜呀？係原本冇，但有人埋單，啱啱櫈都未坐暖，個侍應妹妹見未有客，主動幫我換。有乜辦法唔俾五星星先？如果有空姐幫我 upgrade 去商務，我俾十星星添呀⋯⋯😍上菜速度快，4餸1湯，話咁快到齊。要講下啲菜式啦⋯⋯最欣賞就係蝦醬辣椒炒通菜啦⋯⋯本身我鍾意通菜，但佢炒得好適中。微辣，蝦醬既配合，吊出通菜「林」既一面得黎又唔會水汪汪。青咖哩焗蟹蓋其實同去婚宴，有某啲會有一味焗螺咁上下。高貴得黎唔失體面。蝦餅鬆化彈牙，有蝦味，冇渣。有啲蝦餅唔知係唔係想俾人覺得佢係真材實料，就加埋蝦殼，真係好心唔好玩食客啦⋯⋯有渣食落係唔暢快架，但呢到食得好暢快。青咖哩雞炒飯呢到既青咖哩唔甜既，我食開甜果啲。但咖哩香味係有既。所以我會將重點放係個炒飯到，佢加咗露筍粒落去。我好鍾意呢種口感，有得𡁻，好似有啲肉既彈牙既感覺，但露筍感覺健康啲。冬蔭公湯辣得黎唔酸，有少少咸，係我飲過，最似泰國口味既冬蔭公啦⋯⋯因爲香港人乜都甜既咩食物香港化都甜咗架，但呢款湯係正宗

在海港城的藍象餐廳可以給食客book枱，最適合在週末與好友行街購物後晚餐，十分方便。由於天氣炎熱，我和朋友都沒有胃口，以泰國菜作晚餐最適合不過。我們首先叫了個pad Thai。味道很不錯，加上炸蒜香料，十分醒胃，海蝦很大隻，啖啖肉。我們更叫了兩個新派小食。整個泰式幾比利時炸蝦，香脆可口。這個整西米馬可配冬陰公泡沫十分新鮮特別。口感輕盈，又不失我喜歡的sticky口感，正！唯一失色之處是服務態度有待改善，服務員急於催促我們點菜。

今日同朋友一心諗住出黎食好西😂😂😂😂😂本身諗住去韓國街個邊睇下有咩黎店啦點知又落勁大雨 岩岩大家都係海港城呢邊甘就決定係海港城開餐啦❣️❣️❣️自從同胞攻佔左尖沙咀 我都好幾年無再黎過海港城了 朋友係泰國迷 藍象一直都係佢既to try list入面😊 甘擇日不如撞日就今日試一試7點黎到都full 左一半 冬陰功叫左一人份 有半邊蝦湯好濃郁 啲蝦膏溶左落個湯到 好正黃咖哩蟹 叫呢個係因為見到張圖佢係拆晒肉岩晒我地呢啲又想食又怕麻煩既人😂😂😂😂三百蚊啖啖蟹肉我覺得好扺比咖喱配印度薄餅又係晤會錯 好滿足❣️❣️芒果糯米飯又係一個泰國必食既菜呢到有兩種糯米 紫色個款上面個醬係芒果汁 好甜 白色既飯就係椰汁 好香芒果都好香甜 另外仲有一球朱古力雪糕一次過滿足我對甜品既渴求😊😊