藍象泰國餐廳 (已結業)

這間位於尖沙咀的食店，食品價值貴可以接受，廚師有好的技術，但在廚房做事見不到他們只可以在文字讚揚，但侍應尤其是2019年五月二十四日晚上當值的兩位男職員,高高的,一位膚色白另一位膚色黑啲，服務態度極差，客人舉手當看不見，想要水要叫三次,要大聲叫佢地才過來，後來跟著換水自己要去水吧取！其實之前很多食評也指侍應態度差，但不知為何老闆不理會，可能想只賺顧客一次光顧吧!我覺得快歺店例如大家x和大快X的服務態度還好過他們!

星期五晚上七時約了舊同事吃飯， 由於有團購72折， 於是 一心想試一試， 結果食物質素尚可， 可惜冇得試幾樣招牌菜， 例如軟殼蟹芒果炒飯，侍應說只有中午才供應，晚上沒有供應， 又例如芒果糯米飯 八點鐘 落order時，已經售罄了。最差的一樣是 侍應生的態度， 不是某一位侍應生，是全部的侍應生，他們 男男女女 的工作態度全部一致非常散漫， 每一次點菜叫了他們不同人很多很多很多次 ，最後他們也是迫於無奈才願意來接order， 以為他們忙到冇停手，但係仲有幾張吉枱冇人坐， 管理層實在應該了解一下 情況及原因

同朋友係海港城行完街，見到呢間餐廳好似好有格調，入左去試。首次，座位唔舒服，坐係張木椅好似墮左入去，成餐飯都頂住個胃。 其中一位年輕侍應好快已經幫我地斟左杯檸水，太肚餓，我地好快咁落左單。 叫左雞蝦春卷($52)，只有2條春卷配自製甜酸醬，春卷好脆，餡料普通，唔值呢個價錢！ 主食叫左大蝦炒金邊粉($158)，有隻好大的蝦舖係面，金邊粉好普通，同其他小店$50金邊粉完全無分別。馬沙文咖哩羊肉($238)和油鬆餅($38)。咖哩濃郁，羊肉好淋，油鬆餅點咖哩好食，但份量太小， 2舊正常size羊肉加肉碎，另加2粒紫薯。 呢間餐廳可能行精緻路線，每個菜式份量都好少好少。另外，餐具唔乾淨，隻碟有污漬，第一次去價錢唔平的餐廳食飯連清潔都要做埋。價錢貴、食物普通都算啦，最令人難以接受的是餐廳收錢的2個侍應態度惡劣，不會再試。

平時自己—個成日都頹食, 但同屋企人食飯梗係要食得好啲, 所以就book左一間一直好想食, 但係又覺得偏貴嘅泰菜 - 藍象泰國餐廳。藍象泰國餐廳嘅裝修係以藍色為主調, 俾人種好舒適、好寫意嘅感覺。行入去嘅時候會經過一條帶有藍光嘅走廊, 走廊嘅盡頭有—隻發光嘅鹿裝飾, 帶點神秘又有異國風情。餐廳位落尖沙咀海旁, 日頭景色應該唔錯。<小食拼盤$168> (好味: 4.2/5) (抵食: 3.5/5)小食拼盤非常精緻, 由佢嘅擺盤就可以見到每樣野食都係用心製作。各樣小食都好地道, 有炸蝦餅、豬肉同雞肉串燒、 馬可同豬肉炸雲吞, 配上佢秘製嘅沙爹醬同酸甜醬, 認真好正!<燒豬頸肉$168> (好味: 4/5) (抵食: 3.5/5)豬頸肉好爽口, 食落有啖啖嘅燒烤味, 加上少少嘅調味, 令人想－食再食。<馬沙文咖喱(配羊肉)$238> (好味: 4.4/5) (抵食: 3.5/5)無可否認, 大食妹真係好識食。呢份馬沙文咖喱配羊肉真係－流, 如果你係偏愛椰奶味嘅咖哩, —定會鍾意~佢嘅羊肉好嫩滑, 有少少肥肥地, 但入口即溶。咖哩裏面加上腰果同

鍾意食辣又重口味嘅人間唔中都一定會有條食泰國野嘅引🌶🇹🇭😂係香港諗住搵間好d嘅食下🤔就諗起由泰國開到黎香港嘅藍象🐘唉可惜呢個價錢咁嘅質素😢員工服務態度仲要麻麻同泰國比較真係天壤之別😭所以係香港應該就真係無下一次💀~~~~~~~~~~~~燒大蝦金邊粉🍤·唔知大家食泰國野有無好似我一樣🇹🇭就係覺得一定要叫Phad Thai🦐🍝無錯個樣真係好靚好igable📸但係食落同係街邊幾十蚊一份嘅分別不太大😢可能我對佢有太大期望所以有啲失望😩~~~~~~~~~~~~小食拼盤🍱.呢個拼盤入面有五款小食🍢包括：沙嗲雞肉串、豬肉串、炸蝦餅、青咖喱黃金包及馬可個人黎講覺得蝦餅不錯🥧但其他幾款真係無乜特別🤭~~~~~~~~~~~~泰式辛辣咖喱煮蟹肉🦀.啲蟹肉拆晒出嚟撈埋啲咖喱係幾正🤤另外我地加咗一份薄餅一齊食無得輸😏但始終有少少蟹殼碎所以食果陣要小心d😪不過提提大家佢係真心幾辣🌶如果唔食得辣嘅人就真係應該食唔到🥵~~~~~~~~~~~~藍象特色青咖喱配雞肉🐥.朋友唔食得辣所以另外叫咗呢款咖喱不過佢真係無乜味淡如水完全唔知食緊乜咁😣所以我理解唔到咩叫藍象特色🤷🏿‍♀️

中午黎到藍象食個泰式午餐。朋友一早介紹左我黎食，因為餐廳更新左泰式lunch menu，有自助沙律吧，超岩我心水！午餐items更加豐富吸引。我叫左一個泰式船麵，牛腩牛丸，全部都係我鐘意食既！湯底極重極濃郁，入口陣陣鮮甜味道，濃香不油膩！牛腩好軟腍，入口鬆化，帶小小油脂香！牛丸彈牙好多汁！牛味好重！旁邊配上炸豬皮，入口好油香好香口，味道非常滋味！湯麵掛湯力極重，半熟蛋最驚喜，中間溏心度高，入口蛋味濃郁。

是日同男朋友仔去尖沙咀慶祝週年念日，梗系要搵間靚靚餐廳食好西喇藍象泰國餐廳 - to-eat-list 第一位好喇，難得慶祝一於去馬喇黎到門口，見到餐廳藍色簡約設計已經心心眼，真系好靚無敵海景系藍色燈光的映襯下格外有色調<青木瓜蝦干沙律$118>上碟個陣見到細細碟以為唔夠食，點知愈食好似愈多咁，抵食呢好鐘意佢知醬汁，帶到青木瓜的鮮味，成碟沙律好換月水準<小食拼盤$168>小食拼盤有沙嗲雞串、沙嗲豬串、炸蝦餅、青咖哩黃金包、馬可，仲有兩個醬汁俾的地點呢雞串同豬串超級好味，炭燒味好香，兩隻肉都好嫩 小妹一開始見馬可唔知系咩黎，上網睇下原來馬可系豬肉碎、花生右庶糖整出黎的一舊甜食黎，加埋菠蘿黎食陣味酸酸甜甜幾開胃咖<炭燒豬頸肉配泰式香草辣汁$168>豬頸肉肉質爽口，炭燒的味道香口呢好食ge ，不過同其他菜式比相對普通，其實係其他菜式真係太出色<燒大蝦金邊粉$152>大蝦真系好鬼大隻 金邊粉同小妹喺泰國食過嘅味道一模一樣，甜甜地面質QQ，搞到小好好想即刻買機票去番轉泰國（FF中）<流心榴槤撻$108>食咗咁多，其實

母親大人自從泰國旅行回來，便愛上泰菜，母親節無暇與母親慶祝，找到這間較高檔的泰菜，今天與她二人世界！看見餐廳門口，母親已很興奮的在拍照，這個圓柱非常華麗有特色餐廳入口很有情調，餐廳內主要以藍光配合黃光中間有一個魚缸放著很大號的蟹！店內有很多座位靠窗，可以一邊欣賞海景，一邊享受佳餚！店內亦播放著柔和的音樂！烤帶子伴茄子，辣肉碎辣味羅望子汁，總以為這道菜式是熱辣辣的，吃過才知道有點像泰式沙律般！帶子很多，肉碎經過炒香，配上羅望子汁酸酸甜甜的，很開胃作為前菜是一個很好的開始！很推介椰子雞湯，椰子味非常香濃，雞肉泡過湯後非常入味，還用貼心的器皿來盛著，小鍋子下有一顆蠟燭，久放了仍是暖暖的！青咖喱焗蟹蓋，滿満的都是蟹肉，混了一些蔬菜，靑咖哩味不重，蟹味卻濃！啖啖都是蟹肉，而且口感豐富！啱哂懶剝蟹殼的我！蝦醬辣椒炒通菜，蝦醬味濃，亦不會太鹹，通菜新鮮爽口，讚燒大蝦炒金邊粉，大蝦size有份量，金邊粉甜甜地，碟旁有辣椒粉，可以混入金邊粉吃，但挺辣的，不太嗜辣者宜輕手一點，金邊粉也像羅望子汁那種味道，多吃也不覺膩！大蝦肉爽囗，伴有滿滿的蝦膏！母親大人非常滿意這頓晚餐，應記自己一功！

為慶祝完成了一個課程，與同學到尖沙咀這間藍象泰國餐廳慶祝，這間餐廳位於海港城，地點優良，不太難找，內裏的泰國裝修充滿情調，而且有很多座位，鋪面面積大。兩人被安排坐在一張方形枱，更給予多一張椅子放置隨身物品，抵讚！點了一個金柚香芒沙律配蝦干、紅咖喱雞、冬陰公湯、蒜蓉辣椒蝦醬炒通菜、黑白糯米飯配芒果及飲品。飲品送餐速度很慢，催了兩次才到。食物份量比預期中少，而這個價錢而言不太值得，但餸菜味道是可以的。

找這間泰菜吃的時候，已看到評論這餐廳的服務態度嚇人，即管抱著食物出眾勝過一切，和可能某一兩個態度是這樣，都堅持前來。電話預約時說明為慶祝要求海景枱，接線員說只要早點進來，是安排得到的，我就將用餐時間提前為6:30。門口的姐姐先來一個下馬威，說我沒有註明海景枱，要我坐入面，我說訂位時已備註，你們同事還叫我早點前來就沒問題，黑面姐姐竟說:”我不知道你訂位的時候怎樣，總之紀錄是沒有註明，你要我可給你，但要90分鐘交枱”本是喜孖孖的一心諗住同家人慶祝，大家坐下時雅興已得三乘，點知進入後，6人枱得5人位，同服務員哥哥講，又來第二O咀”咁我擺多個位比你囉⋯⋯”完！其他唔再數了，好野，甘拜下風！網上評論的朋友，是真實的，你們沒有誇張！其實食品質素是欣賞的，但這樣的態度，不會有下次了！

平心而論食物質素ok的， 如果以其他餐廳 同款菜色比較是有點偏貴，不過以地段同埋環境如果三、五知己晚飯短聚...本來是可以接受的， 主要問題是侍應態度都幾惡劣下，當你有需要找到他們時...好像不太願意 回應你， 雖然並非每個都是這樣，但有一個半個已經足夠你氣受... 坦白講當晚我們都不太愉快， 若想試這間餐廳奉勸各位考慮清楚。

因為見facebook 介紹話係泰國米芝蓮級brunh buffet,又話面對靚海景嘆泰國菜，所以去試下。打電話訂位話食到三點半，去到話兩個鐘要交枱。d 枱排得好密，安排坐張二人枱，同隔離枱係一個人打側行身位既距離，大聲講野都唔得。semi buffet 枱食物選擇好少，有幾樣炸物同沙律菜，味道都可以，但芒果糯米飯只得飯和少少切得好細粒既芒果，太失望。主菜選擇太少，主要係飯，海南雞飯無驚喜，慢煮排骨黑米飯係好味既。但服務就欠奉喇，揚手叫人唔會有人應既，起你隔離叫佢都唔會應既，應你話轉頭返黎，但永無回頭。隔離枱既小姐都發晒脾氣鬧，所有員工都無笑容既，俾呢個價錢完全唔值！

早2個月去完泰國，仲好掛住d泰菜，但又唔想成日去九龍城，咁arm今日要去尖沙咀接老婆收工，之前都聽過朋友講話係海港城有間環境好，又高質既泰國菜，咁當然要同老婆去試下，6點9去到，唔難揾，上3樓，係屈臣氏隔離入面環境好高檔，我地早入去，仲安排我地坐海景位，服務員好有禮貌餐牌入面好多選擇，花多眼亂睇左好耐，都係鍾意食番傳統泰菜，叫左個炒通菜，馬沙文咖喱(羊肉),泰色炒河(雞肉),香酥餅最後走嗰時，發覺仲有lunch salad bar set, 最平$100內有找，下次一定要再試，咁既環境，咁既景，值晒有突

呢幾日都落大雨，夜晚過咗嚟海港城呢邊，唔想周圍搵食就決定喺返商場入邊食晚飯～最後行經呢間食泰國菜嘅藍象好似唔錯，就決定一試。大蝦冬陰公湯～我哋兩個人叫咗一人份量，每人試少少其實都夠，冬陰公湯夠酸夠辣夠惹味烤豬頸肉～份量都幾多！自家製的醬汁同豬頸肉好夾小食拼盤～雞肉同牛肉串都肉質嫩滑，炸蝦餅係我食泰國菜嘅至愛！蝦肉爽滑彈牙燒大蝦炒金邊粉～隻大蝦真係超大隻！蝦頭勁多膏！金邊粉亦炒得入味有火喉。食泰國菜點可以唔食芒果糯米飯作結芒果好甜，糯米飯用左白糯米同紫米黎做，軟滑香綿～十分出色！

2:30PM諗住食一間坐得舒服有質素既下午茶,就選擇o係harbour city入面搵間餐廳,睇完呢間好似唔少好評就入去了.點知食到一肚火....我同我媽咪真係覺得呢間餐廳太誇張了.1)員工態度唔知點解極度惡劣+黑面2)叫佢地d waiter落單時超級黑面,仲要叫好耐都唔理,個個人都一路做,一路唔理客人一路個口咬緊野,我心諗,佢地冇放飯時間咩?咁辛苦咁忙就唔好有下午茶時段啦.....3)餐具好污漕,如果係夜晚食應該係睇唔到既,但我地食下午茶坐窗邊有陽光所以好清楚D餐具有好多手指毛模同埋D水杯一撻撻污漬.4)個tea set樣靚....但好難食....本身D食物唔係差既,但好似d野放左好耐,完全唔新鮮,食落去d感覺好驚食壞肚...D炸野同甜品都係好淋.....5)呢樣最恐怖.....佢好耐先上野飲,仲要唔記得左過黎問多我地一齊叫左咩.我叫凍檸檬茶,我媽叫凍奶茶,佢上左2杯野飲+一杯奶仔,冇上糖俾我,最初我地都唔為意以為佢D糖加左係裡面........但我督我杯檸檬茶時搞搞下發現杯野好多黑色細細點粒粒,我輕輕咁飲左一D,我拎左D粒粒出黎知道一定唔係茶葉黎,而且我媽個杯都係茶,好正常冇粒粒,