影片
港鐵將軍澳站 A2 出口, 步行約4分鐘
繼續閱讀
營業時間
*最後點餐：21：00
星期一至日
11:30 - 21:00
以上資料只供參考, 請與餐廳確認詳情
這一天，因為想去八卦一下在將軍澳新開業的日式超市。於是，一放工就同太太在沙田會合，直指將軍澳市中心。在車上，我們開始搜尋將軍澳站周邊有沒有提供素食的好地方。而在搜尋網站中，我看見了《藝 ‧ 文食館》這一個名字。我們在車上看了小店的餐牌，確定有素食之後，一下車就立即來找了。找到後，更發現一個好消息，原來這《藝 ‧ 文食館》，是由久違了的《菓一道》經營的。我們立即確定，這是一間健康餐廳。這《藝 ‧ 文食館》不算是好找的一間餐廳。像我們這些非將軍澳居民，甚麼天晉滙，甚麼 Pop Walk，真係聽都未聽過。若不是有電子地圖，同帶口問一問管理員，我諗我有排搵呢一間小小的餐廳。更令人感難找的，就是這餐廳位於整個商場中最寧靜的一角。因為餐廳要照顧素食人士，所以餐湯是素的，而該日的湯是一個蕃茄燕麥湯。我可以說，這是一個很濃的蕃茄湯，酸味中又帶點甜。湯內有可愛兼健康的燕麥粒同蕃茄粒，味道就是純正的蕃茄味加糖，味道不錯。太太說，很久沒有食過素食既日式拉麵了，所以她一看就看中這木耳金菇鴛鴦素鴨蔬菜湯拉麵。何謂鴛鴦素鴨? 就是一半是炸，一半既蒸的素鴨件。純蔬菜湯底清淡，但絕不是沒有味道的，煎的素鴨很香口，蒸的味道也不差，只是拉麵麵條是一般質素而已。帶子蒜香蜆仔肉炒意大利粉。淡淡地帶出了應有的咸香味，入口少油，連橄欖油都少。意粉保持有少少的爽脆感。食慣香口味濃的朋友，或許會對這兒的食物出品有少許不滿，因為這兒的出品以健康為主，味道絕對是偏淡而且少油的。喜歡清淡口味的，這兒的食品一定會令你滿意。咖啡，其實沒什麼好評。因為一飲就飲得出這是即溶咖啡沖出來的。這一餐，可以說是久違了的《菓一道》的健康清淡好味道。不一定要茹素，而又想吃得健康一點的話，《藝 ‧ 文食館》是一個好選擇。
繼續閱讀
睇戲睇完早場，午飯和老公去試下這間餐廳。好耐無去嗰邊食飯，記得前身系「果一道」（素食餐廳），現在易手了。餐廳環境系ok ge, 我點左黑松露雜菜炒意粉，老公要食肉，所以點左雞扒意粉。黑松露雜菜炒意粉先上，侍應剛端上來，我看到西式既炒意粉配搭左中式既黑木耳已心知不妙。然後我就聞到一陣古怪既酸味....我以為系松露醬配搭左黑木耳所出的「古怪味」，所以傻傻的照食（左半碟）。蔬菜都唔叫有問題既....唔知「酸味」系咪來自意粉....碟炒意粉一d 松露醬既味都無，因為佢實在加得太少。接著侍應把老公點的雞扒意粉都端上來了，老公分左d 雞扒俾我....又聞到「酸味」，同我碟炒意粉一樣既味....咬一啖雞扒就知d 雞扒「酸左」。佢未去到「酸宿味」，不過好明顯系「酸左」，開始變壞/夏天天氣熱，食材响廚房放得唔好。我哋只怪自己倒霉，埋左單，臨走前忍唔住同貌似老闆既男人講「你哋d 雞扒酸左」。佢只系「哦」左一聲。我哋單都埋左，無諗住R 咩著數。只系覺得錢花得有點不值，點都要反映下。今次系我第一次寫Open Rice 既食評....因為真系忍唔住，未食過一間咁差既餐廳。連最基本既食材都處理得唔好。
繼續閱讀
Magic的皇上金舌食評識我嘅人都知我食嘢奄尖食咗佢個下午茶1.) 蔬菜上湯穀飼豬柳煎蛋米粉佢個湯清淡，好似有啲薑味，豬柳應該冇醃過，啲菜有啲草青味(煮唔夠熟定想保持營養？) 。2.) 蜜汁香煎雞扒大麥漢堡包(推介 - 但包要走汁)估唔到32蚊加一嘅下午茶， 比到我驚喜， 一上枱好似人哋60蚊嗰啲， 佢個大麥包口感好特別，雞扒真係煎出嚟仲走埋皮， 沙律蔬菜好新鮮， 唯一美中不足嘅係，佢雞扒嘅蜜汁嘅味好怪， 完全唔係蜜汁味， 如果大家叫呢個，我建議個包走汁， 因為佢本身個雞扒煎得好香。3.) 熱柑桔青檸十分之重料， 可以加水沖多半杯飲。4.) 凍檸茶絕對係小糖，幾乎無糖， 有清清嘅檸茶味，唔太啱我口味。一入去，會提客人量體溫。客人一走，嗰張枱會馬上消毒清潔。總結：其實呢間餐廳主打健康， 有英文名你叫HEALTH CULTURE，所以佢雞扒會走皮，亦都完全唔會有炸嘅食物， 凍檸茶 自動少甜，如果追求調味嘅味道，呢間就未必適合你， 追求健康飲食，呢間係ok。
繼續閱讀
因疫情嚴重打擊，藝文食館很快便會結業，有機會的話，可來一趟。真的不捨得，健康餐廳又少了一間。因支撑不住原因是疫情時候，大業主一毫紙也不肯减，所以如果支持果一度的朋友，不妨来幫襯堂食或外賣La！
繼續閱讀
每次遇到一啲極品難食嘅餐廳，都好想喺度出post表揚一下佢哋！咁啱今日喺寶琳收工，呢排食開素食見將軍澳好似冇乜素食嘅餐廳，呢間係其中一間所以選擇走過來將軍澳站試吓，你之前其實都睇咗幾篇腐評而且日子都有啲近，不過真係冇乜素食餐廳之下走咗過嚟試一試先，去到點知就咁嗌個簡簡單單嘅黑松露意粉都可以炒車炒得好過分！真係唔怪得知得一台客！根本就係將意粉過完熱水，又將啲蔬菜果下熱水之後倒少少罐頭黑松露汁撈埋一碟上俾你，算係我食過有素食嘅餐廳之中最求其最難食嘅一間！完全冇任何誠意去對待自己煮出嚟嘅食物同埋客人！食咗兩啖之後唔想嘥食物打包走人，走過隔離間Coco番叫返個蘑菇黑松露蛋包飯順一順返條氣！
繼續閱讀