藝 ‧ 文食館 (已結業)

每次遇到一啲極品難食嘅餐廳，都好想喺度出post表揚一下佢哋！咁啱今日喺寶琳收工，呢排食開素食見將軍澳好似冇乜素食嘅餐廳，呢間係其中一間所以選擇走過來將軍澳站試吓，你之前其實都睇咗幾篇腐評而且日子都有啲近，不過真係冇乜素食餐廳之下走咗過嚟試一試先，去到點知就咁嗌個簡簡單單嘅黑松露意粉都可以炒車炒得好過分！真係唔怪得知得一台客！根本就係將意粉過完熱水，又將啲蔬菜果下熱水之後倒少少罐頭黑松露汁撈埋一碟上俾你，算係我食過有素食嘅餐廳之中最求其最難食嘅一間！完全冇任何誠意去對待自己煮出嚟嘅食物同埋客人！食咗兩啖之後唔想嘥食物打包走人，走過隔離間Coco番叫返個蘑菇黑松露蛋包飯順一順返條氣！