蘇媽.蘇媽馬來西亞茶餐室

營業中

休息中

第二次黎食啦 仍然係咁多人🤥五點幾到都等左三四個字 不過好嘢係值得等下既！今次嗌左棒棒骨肉骨茶💁‍♀️肉骨茶充滿濃郁藥材香味 非常地度 更加有得無限添飲！一啖湯一啖肉 呢個食法更佳😎另外 亦都叫咗個招牌砂煲老鼠粉🤩 入面既材料有小魚乾 蝦米 肉碎 香蒜等等 充滿鹹香味😛非常惹味！再加上雞蛋撈勻一齊食 成個感覺非常豐富💁‍♀️我地仲嗌左馬拉沙嗲串燒 分別各有一串豬肉 牛肉 同雞肉💁‍♀️ 沙嗲醬充滿花生同薑味 同串燒食非常之夾 雞肉串同豬肉串肉質非常鮮嫩 唯獨係牛肉串燒得有點韌 可以再改善🤔最後點少得甜品呢！💕叫左我最愛食既椰香咖央多士 即叫即做 所以多士非常之香脆 入面嘅咖央充滿椰香味 甜甜香香😍可以再黎多碟！

終於可以一試出名的肉骨茶啦。今日下午時段去，避開左多人的午餐、晚餐，雖然都要等，不過，都算快有位。帶位姐姐好有心，見到有bb車，特登搵到個寬少少既位，雖然最後我地都係選擇放在店外，免得阻到其他食客。未入去已經見到店員好用心咁去執枱、抹枱、消毒。叫左肉骨茶（豬腳彎）、椰香咖央多士、砂窩老鼠粉，追加辣死你媽·仁噹牛肉。肉骨茶真心好正，添左兩次，豬腳彎好滑好味，不過份量唔算好多。老鼠粉好香、惹味，不過，個人覺得偏咸。咖央多士，好好味，好香椰香味，多士焗得啱啱好。辣死你媽·仁噹牛肉，牛肉好味，旁邊的配料（蛋、魚仔乾、蝦片、青瓜）都不算，椰漿飯我就覺得唔夠香，不過家人就覺得好味。整體用餐感覺好好，店員好有禮貌，食物質素不錯。

鍾意東南亞菜式嘅朋友一定有試過依間係深水埗同荃灣都有分店嘅蘇媽蘇媽啦! 蘇媽其實係馬來西亞🇲🇾話嘅「全部都有」嘅意思，我哋就一齊睇吓究竟佢有幾咁巴閉啦!.棒棒骨 HKD76 依度點菜係係點菜單上畫畫圈圈⭕，然後交俾店員就可以啦！肉骨茶任添，只要你叫菜單上任何一個肉骨茶，店員都會即刻先斟俾你，咁等上菜嘅時候都有嘢飲下。好多人以為肉骨茶係新加坡嘅菜式，其實肉骨茶係源於馬來西亞㗎！每間餐廳嘅肉骨茶味道都唔同，蘇媽蘇媽嘅肉骨茶無馬來西亞巴生嘅咁重藥材味，亦都無新加坡松發嘅咁重胡椒味，算係比較易入口，相信香港人容易適應依個口味。至於另外上嘅棒棒骨，大家可以跟住佢哋嘅指引，將黑醬油，蒜蓉、辣椒同頭抽撈埋一齊，跟住蘸嚟食，啖啖肉。另外仲有金菇、豆腐卜做配料，如果點埋油炸鬼仲正！.招牌砂煲老鼠粉 HKD78另外令👨🏽👩🏻去完馬來西亞一直念念不忘嘅就係砂煲老鼠粉，其實即係我哋講嘅銀針粉，因為當地人覺得佢似老鼠尾巴而命名。老鼠粉配上雞蛋、銀魚仔、肉碎、菜甫，如果想香啲可以等一等先撈埋一齊，底部就會有少少鍋巴。比起馬來西亞嘅味道差啲，無咁香，但係依家無得去旅行，拎嚟頂頂癮都可以嘅。.玻璃魷魚配通菜🦑🥬 HK

平日行過都好多人等位，今日咁啱下午經過，終於冇夜晚咁長係條人龍，所以就過去幫襯下😛基本上等咗五至10分鐘就有位啦～入到去即刻每人一碗肉骨茶可以飲😋我哋兩個人叫咗兩個小食同兩個主食，不過份量其實都比較多，食到好飽😂豬腳彎（$45）呢個小食推介！雞腳（$42）我地覺得雞腳可以再煮林啲，唔係好咬到啲肉😢雞絲湯河粉（$52） 清清地，食落無咁濟砂煲老鼠粉（$78） 撈搵曬啲材料黎食，味道比較重，不過我地都接受到～叫左杯薏米水（$22）同拉茶（$18）檸檬薏米水有點酸，酸到飲唔曬><食到好飽！不過質素好似比之前差左少少，我諗因為而家真係太多人幫襯喇🙈

經某電視節目介紹又經開荃灣, 所以到蘇媽馬來西亞茶餐室試試味道如何。下午茶時段叫咗"檳城褔建蝦油麵", "桔仔話梅水"(特飲加9蚊), 另外再點, "椰香咖央多士"同"百吉爹肉骨茶(豬腳彎)"。其實仲想叫招牌砂煲老鼠粉, 但怕食唔晒, 所以放棄了。點完餐後無耐就斟咗碗肉骨茶比我, 嘩! 好香好甜既藥材味,我的最愛呀! 再來百吉爹肉骨茶(豬腳彎),肉質好軟錦,豬皮無毛乾淨, 如果加埋黑鼓油及辣椒, 味道更濃, 食不停口 。但需要趁熱食, 如果凍咗, 肉質變硬, 就算加埋黑鼓油及辣椒也感覺頂胃。檳城褔建蝦油麵好多料,鋪滿成個碗面, 湯底好香濃, 油麵都算彈口。桔仔話梅水酸甜味道適中, 好解渴。椰香咖央多士不算太出色, 但很脆口。

是次這家馬來西亞餐廳，下午四點來到已經有人在排隊了。 可想再晚點人龍會多長～👀我們點了仁噹牛肉撈麵、檳城福建蝦麵及咖喱雜菜魚卷。牛肉撈麵（油麵）咖喱味濃郁，配上大大舊入味的咖喱薯仔及炸蒜，味道口感好極👍🏻 雖然雜菜魚卷也是咖喱味，卻有所不同。😋椰香味出眾，帶點微辣。魚卷非常入味，啖啖椰香咖喱味～忍不住倒了少少在撈麵試味，正😆蝦麵湯底香甜鮮味，最記得是最後把湯都飲光了。😛總括而言，味道高質且抵食👍🏻

雖然而家有3間分店，但每次經過仍然會見到大排長龍，難得出開荃灣梗係去幫襯吓！餐廳兩道木門充滿雕刻，店內裝修帶有南洋茶室風情，牆身用咗綠色系磁磚，掛咗木牌匾做裝飾，好特別，風味十足。肉骨茶係招牌菜之一，仲有8款部位配料選擇，客人可以自由搭配。牆上有說明教客人調製醬汁比例，飲完可以免費無限添飲！檳城白咖啡(凍) ($25)甜度適中，入口順滑，有獨特香味！椰香咖央多士 ($26)多士脆口，咖央落得重手而且搽得均勻，椰香突出。

平日6點半左右已經好多人排隊等咗4個字終於入得，入面每張枱都會用膠板隔住，感覺幾好之前食過深水埗嗰間，今次第一次食荃灣呢間～同媽咪叫咗4樣嘢，好飽！！1. 百吉爹肉骨茶（棒棒骨）我平時唔算好鍾意肉骨茶，不過呢隻味我都接受到同埋可以叫姨姨添茶棒棒骨好多肉食，煲入面仲有豆卜同金菇，足料～2. 檳城香炸滷肉卷幾好食，入面仲有芋頭點啲辣醬真係幾過癮！3. 玻璃魷魚配通菜正常水準4. 椰香咖央多士多士唔夠脆，但個餡真係好食

呢間嘢長期排長龍！加上呢排政府對餐廳嘅限制，又要隔板、又要隔枱保持距離等等...排隊等候嘅時間就更加耐啦😖不過都唔阻礙我食好嘢嘅決心！之前食過深水埗嗰間好好食😋今次一於試荃灣分店，等咗差唔多都有九個字先入到！好在入邊冷氣夠凍❄️好快就順返條氣🤣今次一共叫咗三款食物【椰香咖央多士】招牌必點🔥冇得輸！勁好食！好鬆脆！唔算好甜👍🏻【老鼠粉】新鮮煮起！夠晒熱辣辣🔥配料勁多！好足料！【檳城香炸滷肉卷】鬆脆香口！食落入面好多料，如果冇食錯應該仲隱藏咗啲芋頭喺入面！口感好特別👍🏻總括來講，排咁耐隊都值得嘅！因為真係好好食☺️而且亦都冇第二間餐廳可以取代到！

好耐無食咁邪惡嘅食物，難得平日請左假，可以去下遠啲嘅地方行下。去完天水圍，黎荃灣食下嘢。其實荃灣好多嘢食，但今次真係想食馬來西亞嘢。家人話之前去旺角分店係無下午茶，所以佢特別開心。（下午茶一至五3點3至5點半）有埋圖，你就知大概個樣係點。食物嘅相都掛係牆上先上枱係馬來西亞拉茶，跟餐唔駛加錢。好香嘅茶味，最特別係佢上面係一堆泡泡，杯茶係好熱，慢慢飲。都係拉茶，凍飲係加3元。檸檬薏米水，特飲係另加9元，家人話好飲，好舒服。邪惡嘅食物開始出現，咖央多士，32元。以前屋企總有咖央可以搽麵包食，真係咩麵包都即刻變得好好食。當然係無得輸，仲要烘邊。怡保雞絲湯河粉，46元。好清但又夠哂味，而且材料好豐富，有蝦，魚片，肉絲等。話你知啦薄餅配咖哩，40元，超香，重點當然係個咖喱，無得頂，又香口又唔會太辣，係舒服嘅。檳城白咖喱油麵，46元，好香，豬紅夠味，唔鞋，油麵掛小小汁，一流，再加上個湯有椰味，當然無得輸。魚仔蘿蔔糕，19元，上枱個刻好熱，即叫即整！有機會黎荃灣就去荃灣廣場後面街，下午茶都幾正。（全部相都係原圖，thx）

位置就係荃灣廣場次男坊個出口行出外面, 非常方便荃灣行完一個又一個商場之間食個lunch.假日坐滿全場, 略為等了一陣就入得坐。食物:雞絲河- 配料都新鮮好味,但就清淡, 自行考慮可以接受清淡至叫呀!蝦麵- 因為怕辣, 問左店員唔要個醬就可以唔辣. 好食! 唔會似其他咁重口味, 絕對可以番黎再食。拉茶- 識飲就一定要飲熱架啦! 好飲😊服務好好, 有問必答。不過可能人多, 入座左之後阿姐先醒起唔記得抹枱, 但整體環境都乾淨冇問題。埋單正常價錢, 食得好飽!

睇99台有一套講宵夜嘅節目話係荃灣呢間馬來西亞菜好好味, 咁我就上 網睇下食評, 見好多食評都話好味,所以一放工就試試 , 果然無介紹錯 ,真的好味~所以最近去左2次食晚飯 , 詳細食左咩款唔詳細講 , 去左2次我有以下較喜歡吃 , 第一款必叫 椰香咖央多士真係好好味 , 因咖央醬足料 有椰香味唔太甜 應該係話甜度啱啱好 唔會漏第二款豬腳灣肉骨茶,豬腳彎好滑👍 之後就講飲品啦 ,分別試過兩款1)椰汁班蘭冰 好大杯 , 唔會過甜2)話梅桔仔水 👍夏天飲一流 , 超消暑仲有飲品超大杯 , 抵飲~

今日竟然唔使排隊就有位，由於疫情關係，都有用膠板隔開，衛生都幾ok。➡️ 椰香咖央多士 ($26)咖央醬配上香濃嘅椰香味，非常香口，再配上好脆嘅多士，真係絕配！➡️ 辣死你嗎配仁噹牛肉 ($55)綠色嘅椰香飯，加上配料d蝦片，魚仔，撈埋一齊好正！➡️ 馬來西亞奶茶 ($18)唔會太甜，會飲上引！➡️ 檳城白咖啡 ($25)唔會太苦澀，而且好香咖啡味。整體來說真係好有馬來西亞既風味，而且價錢唔貴，值得一試🤪蘇媽.蘇媽馬來西亞茶餐室地址📍: 荃灣大壩街71號地舖.............................. 味道😋: ⭐️⭐️⭐️⭐️環境👀: ⭐️⭐️💫服務👨🏻‍🍳: ⭐️⭐️⭐️抵食💰: ⭐️⭐️⭐️⭐️

一間好有馬來西亞風味嘅鋪頭，舊式茶室感覺嘅裝修，未食嘢都感覺到馬拉嘅氣息，當你落完單，會有肉骨茶奉上，仲無限添飲，不過淨係得茶冇肉。如果想要食肉，就要另叫🤣肉骨茶嘅味道好正宗，飲得出有好多唔同嘅藥材味，入口微甘一啲都唔苦，溫度啱啱好微微暖，飲完個人好舒服叫咗砂鍋老鼠粉，沙嗲馬拉串燒，香炸鹵肉卷，當然唔少得正宗嘅大雜錦肉骨茶啦。大雜錦肉骨茶顧名思義即係有晒店內咁多款肉骨茶既配料，豬手，豬腩肉，雞腳，棒棒骨，豬肚，豆卜，花菇，中藥材料等等，會另上油炸鬼，響鈴，呢兩個餸浸肉骨茶食吸收啲湯之後好好食，其他配料都好入味，豬手有好重嘅骨膠原，食完個嘴唇好粘，煮得夠淋入哂味，鳳爪同埋豬肚味道都唔差。雖然配料每款少少，但全部少少加埋一齊就好多啦！如果啲肉骨茶飲晒仲可以叫店員添加不另收費，留意只限肉骨茶呀🤣串燒分別有牛豬雞各一，肉質鮮嫩唔老有肉汁，唔會過咗火喉，沙嗲醬唔太辣，重口味正，食落口食得出嗰醬係經過好多材料混合而成，唔似一般沙嗲包味精多單一風味。香炸滷肉卷，皮脆肉滑，入口脆卜卜，滷肉好入味，軟滑，滷肉卷內仲有少少芋頭蓉，配合一齊食整體味道唔錯，怕辣嘅朋友要叫另上個醬呀，真係幾辣嫁！🌶🌶砂鍋老鼠粉

有一次經過好多人排隊，未能一試，今日專程來試下，裝修和食物賣相看似好地道，但味道就一般。肉骨茶可以，但吾够熱。大雜錦一支骨二隻雞腳二舊豬手下面全部是豬肚和肥腩肉及豆卜，味道淡要點豉油才好食。咖央多士嗰醬幾好，麵包是稔的，失望。辣死你嗎？配咖啡牛肉味道賣相正常，但吾辣。拉茶完全無茶味，最失望，可取之處，吾太甜。恐龍下蛋雪糕咖啡，比較好飲，不過不失。食完，竟然隔離個牛嚼牡丹，話一般。 應該多人食，水準就不能保持。