蘇媽.蘇媽馬來西亞茶餐室

營業中

休息中

夜晚同BB去食晚飯，最煩搵位泊車車，搵位搵左好耐，最後去左荃灣大壩街 因為兩邊有入標泊車，最方便。荃灣廣場多多國餐廳，如果講特色野食就可以去對面街，其實車仔麵，茶餐廳，cafe都去過晒，但係蘇媽開左成年幾都未去過，咁啱BB想食馬拉野，我地就去試下啦。由於太夜晚飯關係，我地都不會大魚大肉，就叫左個＜辣死你嗎＞同 ＜賓城亞參叻沙米線＞＜辣死你嗎＞可以配牛，雞，豬肉，個飯咩都有D，好似好多野咁，但係就係樣樣執D落去，好似唔知食緊咩，好似份子料離個大佬，呢個飯可以叫做分離料理。😝＜賓城亞參叻沙米線＞知道係無肉嘅米線，但係味道除左辣其實都無叻沙味，唉.....真係有D失望, Toast box真係好食過佢囉。除左賣相OK, 馬來西亞嚟嘅咀頭，實際都幾，真係要唱返首歌... 馬來亞野食，辣野鬼咁艷雅....

今日嚟到荃灣食馬來西亞菜🙆🏻‍♀️蘇媽蘇媽算係幾岀名嘅馬拉菜星期日嘅晏晝嚟到都有唔少人要排隊🙈等咗半個鐘終於有得食我哋唔係好肚餓所以就叫咗一個麵 一份多士 同一杯野飲🌟檳城亞參叻沙 (配蝦醬)$55湯底好惹味 好有東南亞風味😂酸酸辣辣咁同蝦醬幾夾米線份量都ok 但同湯底好似唔太match 🙈而配菜方面有好多洋蔥 生菜同埋有啲菠蘿可惜嘅係冇肉😂😂只係得好少嘅魚蓉👦🏽話好似食緊素咁😅🌟椰香咖央多士 $28見到好多人都叫呢個多士 就試下🙈烘得幾脆 入面嘅醬幾重椰子味但有d偏甜 似椰子糖融咗嘅味😂食2塊都ok 嘅🙊🌟斑蘭椰汁冰 $33呢個係會encore嘅😍😍斑蘭同椰汁好夾! 唔會好甜但又好fresh 用嚟送辣野一流! 另外仲有一粒粒大西米好好咬🤩啱晒我呢d煙韌控😆😆推薦要叫呀❤️❤️

之前經過幾次都見到蘇媽好多人等，所以就成日都冇去排隊食。見佢宜家成為開飯熱店，個個都話佢好食，而疫情又好番少少，就去排隊試下啦。最後等左15分鐘左右就入左去了。.首先黎到既係咖央多士，多士烘到脆卜卜，再搽埋好香椰香味既咖央，而且咖央仲要好滑，入口就化開，我真係好鐘意。而且佢既咖央真係俾得好足，就算我同朋友將多士分開兩邊食，都仲有厚厚既咖央係上面，呢個真係好值得推介！.之後就到沙嗲串燒，朋友唔食得牛所以我地嗌左3串雞串。首先見到既就係啲沙嗲多到差啲見唔到啲肉啊！之後，因為條竹籤到燒到太脆我地一攞起就斷開一截截了，所以大家食嗰陣都要注意啊！而沙嗲就有好香香茅味，亦食到好多花生粒，沙嗲味道偏甜。但我個人覺得個雞肉有啲過熟，好似唔係好夠滑咁。.我地三個人一人嗌左一碗主食，朋友嗌左怡保雞絲湯粉，而我就嗌左特製辣椒板麵。一上枱就見到啲主食都真係幾大份，而且啲餸都好多，多到我唔係每一樣餸都識，應該有啲係馬拉嗰邊既材料黎。然後我將個板麵撈埋一齊黎食，當中會食到唔同材料既口感，個板麵好夠味，但我個人就覺得唔夠辣，所以我最後係加左辣。.然後就介紹下杯美祿恐龍。佢係一杯凍美祿再加上未溶既美祿粉，個人就覺得雖

唔使排隊，因為避咗午餐繁忙時間,12點已同女友嚟到，即刻入座😁坐低冇耐夥計已經攞咗兩碗肉骨茶嚟，藥材味不是太濃，有少少失望。小食嗌咗咖央多士，薄餅配咖喱，玻璃魷魚通菜，後未叫埋鮮香魚蛋。咖央多烘得很脆口，夥計話要趁熱食，咖央落重手啲會更加好。薄餅配咖喱，但咖喱味唔夠濃烈，魚蛋反而有驚喜，非常彈牙。玻璃魷魚爽口，加埋通菜炸蒜嚟炒，成碟好惹味。再叫多個棒棒骨肉骨茶，呢個肉骨茶茶味比先前奉上嗰個更加有濃烈嘅藥材味，但啲肉熬得唔夠腍，下次配豬手仔可能會更加腍，更有骨膠原 😅。飲品方面叫咗吉仔話梅水同恐龍下蛋，後者如果轉沙冰味道會更濃更有口感！

/🔻環境/ 服務 (3.5/5). 一直好想試嘅餐廳，佢地嘅裝修好有特色 🍴入到去會有一種真係去咗馬來西亞嘅感覺，特別係佢用上嘅方格地磚，好有懷舊嘅風格🇲🇾 整體光猛乾淨！我地大概4ish嚟到就唔需要點等位，大概10分鐘就可以入坐🪑-🔻食物/ 飲品 (3.5/5)🍽 椰香咖央多士 HKD26餐廳其中一樣嘅signature dish✨一上枱脆卜卜好香口👍🏻 加上淡淡嘅椰香咖央醬🥥 唔會太甜得嚟帶點點椰香味！唯獨覺得佢多士略嫌有點厚，個人比較喜歡薄身嘅toast🍞.🍽 招牌砂煲老鼠粉 HKD78另一餐廳嘅招牌菜💫 一上菜賣相已經好吸引，上面放咗好多唔同嘅配菜，加埋用砂煲上嘅鑊氣果然係唔同啲🥘 無論係魚仔，蒜蓉🧄 同埋蝦米都炒得好香🦐 待應會好細心提示你最好撈一撈佢等佢唔好痴底！撈起後連埋老鼠粉，即係我地叫開嘅銀針粉一齊食，都算好惹味👍🏻.🍽 馬來西亞熱拉茶 HKD22同我地茶餐廳飲開嘅港式奶茶比較，呢款明顯係甜好多☕️ 但都有奶同茶嘅香味！-🔻總結 (7/10). 每樣食物嘅質素都唔錯，好平衡💕 但就暫時未食到一款令我地好impress嘅菜式👌🏻even我地試咗兩款佢地嘅招牌菜都只係覺得不

對上一次寫食評已經係6月既事😅疫情下就算開返堂食都好少係岀面食飯，驚驚😖暫時見數字回落就揀間平民小店食下啦💛蘇媽蘇媽都成日聽，知道一定多人排隊，所以同男朋友5:30pm就去到，見到無乜人排就入佐去🙈叫佐個檳城白咖哩麵($55)，檳城福建蝦麵($58)，滷肉卷($48)同椰汁班蘭冰($33)試試個蝦麵湯，唔算好濃，都有蝦味既，啲餸都正正常常，但食到食口油😅白咖哩麵，湯底無乜味同似溝水😅超市賣緊好岀名個隻麵個湯仲濃過佢😅滷肉卷，比較少有，入有啲肉同芋頭，可以一試，配埋個辣醬成件事無咁膩👍🏻值得讚既係杯椰汁班蘭冰，有驚喜，解膩之選👍🏻重椰汁味，但唔係好甜又有透明珠珠係底，好有咬口👍🏻好fresh😍食到最尾，見枱枱都飲肉骨茶，我地都叫佐個豬腳彎肉骨茶($48)🤣成為成餐飯既重點啲豬肉好嫩滑，好有膠質，啲茶帶有肉既鮮甜味👍🏻茶仲可以無限添飲🥰我一開頭以為枱枱都有一碗茶送，心諗點解我地叫野食都唔俾我地😂😂但原來係叫佐肉骨茶先有架😂我聽到隔離枱都有問係咪有茶送，大家留意返啦😂😏為食指數：3/5性價比指數：3/5推介指數：3/5

每次經過都見到大排長龍，今日下午茶時間過嚟竟然唔使排隊，即刻入去食～叫咗兩個餐一個怡寶雞絲湯河粉$46+鮮香魚蛋$19+馬來西亞拉茶（凍飲加$3），另一個椰香咖央多士（$32）+桔仔話梅冰（特飲加$9）。怡寶雞絲湯河粉，雖然湯底係清湯但係唔會無味～材料都新鮮，河粉嫩滑唔會黐埋一齊鮮香魚蛋雖然$19先得個四粒，就真係貴！但係個醬汁好特別，白魚蛋又彈牙～飲品方面馬來西亞拉茶有一陣強烈嘅香料味道，同港式奶茶好唔同，味道都正宗，吉仔話梅冰好開胃，酸酸甜甜夏天飲一流！椰香咖央多士簡直就係招牌，多士好香脆，真係好食～

久仰大名，可惜每次經過都因長長的排隊人龍而卻步，今次下定決心一試，由於我們到達時已將近2點，所以排了約半小時便可進場一坐下，先來每人一碗免費肉骨茶，味道非常濃厚，很重藥材味，包括當歸、川芎等，我很喜歡於是又續了一碗(沒錯，是免費任添的)，友人不喜歡藥材味，喝了一碗便作罷先看看餐牌，款式不少百吉爹肉骨茶（棒棒骨） ($76)雖然已經喝過了肉骨茶的味道，但還是選了一款，裡面總共有3條棒棒骨，另外還有些豆卜、金菇等配料，吸飽了濃味的湯汁，好吃，惟份量有點少，如果多一點便更好檳城亞參叻沙米線($52)很重亞洲風味的香料味道，有點像越南湯河的感覺，可是卻不太叻沙，完全沒有椰香味，作為叻沙愛好者的我有點失望，此米線味道偏辣，不好辣的朋友要注意，同地樣份量是偏少的椰香咖央多士($26)多士上台時外脆內軟熱辣辣，這點抵讚，可惜吃下卻沒有很香咖央味，而且口感偏甜，又再次失望椰汁班蘭冰($33)非常推介！很重班蘭味之餘亦帶椰香，甜度適中，是我在整餐最滿意的，份量亦很足，我們2人分享一起喝也足夠總括而言試試便可，如果下次仍是這麼長的人龍便不作考慮

好味指數😋😋😋回頭指數⭐️⭐️⭐️開心指數🤗🤗🤗我自己有食過深水埗店，荃灣店開咗之後都比較多人，唔想排隊亦冇咩空間排，今日見冇咩人，就去... honestly, 我覺得冇深水埗店咁好食！只可以算係okay咁啦，唔特別出色！🍴百吉爹肉骨茶（棒棒骨和豬腳彎）上次飲肉骨茶覺得好好飲，今次冇咗「嘩」一聲嘅驚喜，飲咗兩碗，跟肉上嘅湯都冇飲，同行嘅連添都唔添飲！棒棒骨肉有D「鞋」，失望，反而豬腳彎又淋又軟🍴檳城福建蝦麵好多料，腩肉最好味，好入味！其他一般，尤其兩隻蝦，唔係太新鮮，個湯底有D失望，唔夠濃香，可能係我預期過高！🍴馬來西亞拉茶 - 熱夠熱，很多泡，唔夠滑，正常

·蘇媽蘇媽💛好耐以前已經見到呢間鋪頭排長龍知道係黃店之後就決定試試佢🥰主打馬拉野食嘅蘇媽蘇媽有好多出名既野食今次我地就揀左食湯麵🍜.檳城福建蝦油麵嘅湯底係好濃嘅蝦味配料主要有豬軟骨、白蝦、魚片唔食得辣嘅都可以叫嫁因為辣椒醬另外上，可以跟翻自己口味落唔洗怕太辣～麵底係油麵.湯咖哩米通粉就同喇沙差唔多但係會比平時更加酸而且配料比較普通主要有豆卜、雞肉、魚片相對之下就比較遜色🥺呢一碗嘅麵底係米通粉，口感都幾得意😆.想平平地食一餐又想支持黃店嘅可以去蘇媽蘇媽💛聽講老鼠粉同咖央多都比較出名下次試下！·檳城福建蝦油麵 $55湯咖哩米通粉 $52———不專業評分💯食物指數🍴: 💛💛💛💛🤍環境指數⛱: 💛💛💛💛🤍抵食指數🤑: 💛💛💛💛🤍推薦指數👾: 💛💛💛💛🤍———📍蘇媽.蘇媽馬來西亞茶餐室深水埗基隆街251號地下荃灣大壩街71號地舖旺角豉油街10號地舖

講咗好耐終於去試。1點左右去到果然要排隊，都排左大約半個鐘。係等緊嘅時間已經諗好要食咩～入到去就立馬填紙落單。點咗喇沙嘅我好期待碗麵，點知嚟到同想像嘅唔同！平時食開嘅都係黃色，有蝦有豆卜之類。但依碗檳城喇沙完全係另一回事～好香好濃嘅魚露味，而且仲好辣下！！！唔食得辣既真係無辦法食到～對碗唔岩我口味嘅喇沙有少少失望～咖吔多應該係必點item，外脆內軟，好香甜嘅咖吔醬！！！！好好味😋仲叫杯凍白咖啡，甜甜煉奶配咖啡原來係咁好飲！！！

百吉爹肉骨茶 任添一坐低就會斟上每人一碗肉骨茶，熱辣辣既茶，有濃濃藥材味，有回甘帶點既感覺，食完成身都暖仲有d出汗。豬腳彎 $45豬腳彎有口感，爽既皮加上淋既肉，再點上醬料，撈飯唔錯！檳城亞參叻沙米線 $52同平時食既叻沙有少少唔同，魚肉湯底再加上魚蓉，有少少魚腥味。如果麻麻腥味就可以諗下，再配上蝦醬，重口味！椰香咖央多士 $26大大舊咖央醬，再夾塊牛油，邪惡得黎香口，加上焊過既包，脆而有層次。檳城白咖啡 加點 $18都香濃，咖啡偏酸少少，炎炎夏日下非常解暑同有東南亞風。白飯 $12。📍坐低自己拎菜單點餐就可以。📍肉骨茶可以再添。

荃灣廣場對面的蘇媽蘇媽，每每人龍擠擁，湊巧5時半行逛經過，又未出現大量食客，一於飲返碗肉骨茶。樓底高， 公整白枱一張張，青檸綠磚身，牆身掛滿一幀幀馬拉照片，盡顯當地風情。 兩碗肉骨茶隨之送上。然後，點了一份棒棒骨肉骨茶和一份椰香咖央多士。肉骨茶味濃回甘，啖啖滋味。煲中有足料豬髀骨、吸盡肉骨茶味道的豆腐卜和杞子。豬髀肉嚼口十足，二人分享便剛好。椰香咖央多士，烘底麵包脆實爽口。夾著的餡醬簡單好味。蘇媽蘇媽，舌尖遊盡馬拉美食。

疫情之前呢間嘢就成日都排隊難搵位，今日同表妹喺荃灣廣場行完街見佢有位好快就直入試下啲馬來風味。我哋嗌咗，喇沙海鮮麵，白咖哩杉杉，馬來西亞拉茶同埋特飲龍眼冰茶然後再加多咗一份椰央多士。嘢食係有啲馬來風味嘅不過就對佢啲粉麵就食唔到有啲咩特別，佢嘅喇沙唔似出面咁重咖哩汁反而多洋蔥呀啲同香草嘅味的湯比較稀加咗啲一罐罐辣沙甸魚鋪面做佢個海鮮湯味。食物中規中矩嘅只不過唔覺得驚喜冇嗰種食完覺得唔夠喉嘅感覺。飲品方面佢個馬來西亞熱拉茶就真係好好飲呀，真係好正值得推介如果得閒下午茶落嚟食返個set加埋佢個特色椰央多士就比較合適。

咁啱今日放假行過荃灣，見到有間食馬來西亞菜既店舖，所以走入去睇下，我同朋友一坐下，就點咗幾樣美食。檳城白咖喱油麵$52有少少辣，但又甜甜地，仲好濃郁既椰香味，油麵質品煙韌棒棒骨$76肉骨茶帶有好重既藥材味，仲可以無限添飲，真係超級正椰香咖咉多士$26嘩，呢份多士焗到兩邊金黃色，食落脆口到停唔到口，咖央仲要搽得好多，椰香好正馬來西亞奶茶$15香味濃郁，夠哂滑漏，勁好飲冬瓜龍眼茶$29味道濃，愛龍眼既人士一定愛上