蘇媽.蘇媽馬來西亞茶餐室

營業中

休息中

食完一次soma soma就愛上左點解可以咁好味㗎啲嘢都唔貴性比價好高喺香港好難搵㗎啵肉骨茶啲湯可以任飲所以次次都一定會叫不過成日都好多人如果少啲人會嚟得多啲會encore的

慕名而來，見次次經過都有長長嘅人龍，當然唔蝕底試下有無咁好味啦🤪店內裝修都幾地道，食物賣相都唔錯，但味道真係一般，失望🤦🏻‍♀️🥢豆卜金菇肉骨茶 ($40)幾正宗，藥材味幾出，尤其胡椒味好濃，整體味道唔錯~🥢椰香咖央多士 ($26)個醬其實不錯，幾香，唔膩👍🏻但可惜麵包真係太乾，做唔到外脆內軟嘅感覺😔🥢檳城亞參叻沙 ($52)最失望嘅一道🙇🏻‍♀️首先湯底酸酸甜甜係唔錯，幾開胃，但弊處係配料同麵底一啲都唔入味，而且米線煮得太稔，整體質素都麻麻🤦🏻‍♀️

應該又有排冇得出街食飯又係睇相回顧嘅時候我地回帶返番6月時我知我好遲大家可能都唔知食過幾十次 哈哈喂 但真係好食喎唔怪得永遠都要等啦辣死你嗎配仁噹牛肉首先賣相十分吸引綠色嘅椰漿飯好香牛肉好腍 加埋蛋 魚干仔 蝦片 花生 青瓜唔同口感嘅材料夾雜一齊 正而且個醬辣辣地 好惹味馬拉咖哩雞撈老鼠粉個咖哩係有辣味唔係就咁得咖哩味而老鼠粉煙煙韌韌 唔錯椰香咖央多士咖央味道好濃而且咖央醬好多一路漏出黎 我就一路留口水講起咖央多士令我諗起Rampah Noodles兩度嘅咖央多士都非常脆身 好多咖央醬不過個咖央醬味道有啲唔同相比之下 蘇媽.蘇媽嘅係甜啲 但唔會膩我自己就鍾意Rampah Noodles多啲雖然我唔應該攞兩間黎比較但既然兩間都好食就無所謂啦配埋檳城白咖啡就最有風味啦而檸檬薏米水 我就覺得味道冇乜特別

呢幾日突然好想食喇沙，搵到呢間好出名既馬拉餐廳之後發現原來荃灣西有分店😯 今日放假就同男友出左荃灣食，順便去銀行整野同超市掃貨～我哋差唔多兩點鐘去到但係都等咗大約十五分鐘～原本我係想食新加坡口味喇沙，但係男友話一場黎到好似好正宗既馬拉餐廳不如試下新嘢，所以叫咗一碗檳城亞參叻沙滲滲同埋一窩砂鍋老鼠粉～野食幾分鐘就黎到👍檳城亞參叻沙滲滲基本上無肉類既配料，但就加咗好多蔬菜絲增添口感，魚蓉幾香，湯底有啲酸辣味，加啲蝦醬會多左份濃郁既鹹香味，麵質ok唔會太淋，不過整體無令我好驚喜～砂鍋老鼠粉俾我既感覺就係豉油王銀針粉😅 靠啲蝦米，魚乾，炸肥豬肉等等配料帶出個香味，比較乾身同鹹左啲，同樣覺得味道ok但無預期咁驚豔😅如果以食物質素，價錢同等候時間黎講，我覺得一試便可～

It was my first time trying Kedai Kopi Semua Semua, and I was pleasantly surprised! The service was very polite and they served us our food quickly. The restaurant was also very clean and bright! We ordered the Baby Pork Bak Kut Teh, Beef Rendang Nasi Lemak and Squid Sambal Nasi Lemak. As for drinks, we had the Iced Penang White Coffee, Iced Longan Juice and the Iced Lemon Barley Water (all not pictured). We were also served complimentary Bak Kut Teh soup, so if you didn’t order it, you’ll get t

對上果次喺深水埗食完，今次專登嚟荃灣再食過😍今次叫咗肉骨茶加豬腳彎，雖然豬腳俾人感覺好肥膩但係呢幾件食落口只會有成口骨膠原嘅口感🤪咖央多士班蘭葉香味再加上椰香呀又甜又脆既多士魚仔醬蘿蔔糕好香口，而且本身蘿蔔糕已經好多蘿蔔料👍🏻正最後飲杯熱拉茶，好香又唔會好甜😋😋😋

荃灣區排隊小店，真係非常受歡迎，晚市未夠七點已經要等10張枱，不過佢翻桌率高，半個鐘內都入得去。鋪面唔大，裝修真係好似星馬嗰啲傳統冰室，老實講坐就唔係坐得太舒服嘅。一叫完餸店員就上肉骨茶。馬來西亞嘅肉骨茶藥材味好重，但係唔會好油，飲完唔會覺得好肥膩。跟住就上肉骨茶嘅肉，非常好食！一啲都唔痴牙，佢唔係煲到爛晒嗰種，咬落去仲係有咬口嘅，而且食到肉味，但係又一啲都唔會韌招牌老鼠粉都幾好食，比較香口，但係我個人唔鍾意食炒粉麵😂 所以對佢嘅印象係還好。呢個咖喱配薄餅就真係俾我哋執到寶，真係求其嗌但係好好食！咖喱有啲似印度咖喱，但係入面就冇肉嘅，似係啲蔬菜同豆類，而且食到有孜然味，非常香，好食過唔少印度餐廳賣嘅咖喱。薄餅係偏油嘅，但係配埋咖喱分數仍然係非常高！咖央多士係本人今餐心目中嘅冠軍，真係超級好食！多士要趁熱食，外脆內軟，中間內餡唔會太甜又好香椰子味，仲要多士嘅每個角落頭都係充滿咖央餡，呢個真係非常高質！嘢飲方面集合朋友嘅意見就係三杯都幾好飲😂 三個人由正餐食到去甜品再加每人一杯嘢飲，一人$115😱 真係平靚正到一個極點，唔怪之得佢咁多人排隊，呢個情況非常合理😂

呢排成日心思思想去旅行尤其係東南亞 好掛住當地啲地道美食🥺 不過有朋友介紹話呢間黃店 食物味道都好正宗咁當然要去試吓啦🤩~~🍖豬腳彎肉骨茶 $45食東南亞菜點可以冇肉骨茶😋 呢間仲要無限添飲🤩湯夠熱 飲到好足嘅藥材味👍🏻 最後添左3碗😛呢個豬腳彎超級好食 肉質好冧 炆得好入味🔥.🦐檳城福建蝦麵$55呢個又係必點之一😋 蝦湯底非常濃郁麵係油麵 質感彈牙 但記住要快啲食 因為隻麵吸湯好快!!配料都好豐富 有兩片肥豬肉 入口鬆化🤤幾鍾意佢面頭嗰啲乾蔥 撈埋啲麵一齊食好夾👍🏻.🍛辣死你嗎配仁儅牛肉 $55見到好多人都叫呢個飯 飯係加左斑斕味的椰漿飯 椰汁味重 但食唔到斑斕味🤨牛肉好冧 冇牙都食到🙈 呢個飯嘅精髓在於啲配料😋 有參巴醬 花生 銀魚仔 全部送飯一流🤩.🍞咖央多士 $27最後再叫左個甜品 多士烘得香脆 中間咖央唔算好甜👍🏻~~總結1）正宗味道馬來西亞菜 值得一試~~評分📈味道 8/10環境 6.5/10性價比 8/10—Rating 📈Taste 8/10Environment 6.5/10Worthiness 8/10

星期日去屯門行山，出發前黎荃灣醫下肚先~蘇媽蘇媽 呢間黃店深信有睇開其他 Foodie 都一定會推介，終於有機會試到，真係值得黎食！雖然黎到都要等位，都等起差唔多15分鐘以上，不過都係值得。叫咗 肉骨茶 配捧捧骨，湯咖哩麵 同 咖央多，牆上有介紹肉骨茶嘅食法，先飲湯再食肉，再飲湯~茶係我食過咁多間最濃味嘅，#當歸 味最出，而捧捧骨就咁食就有D Dry, 但跟牆上介紹Mix 個豉油醬立即惹味晒！食到尾仲可以叫佢地加湯，呢個食法真係好少見！而湯咖哩麵係配米通粉，初時都驚會太辣，但入口只係好輕輕輕輕嘅微辣，甜甜地仲有好重椰香，米通粉質感比米線更滑，不過就有D 碎，食到中途已經夾唔起要用「畢」黎食，入面好多料，方型嘅魚蛋好特別好好食~而咖央多對我第一次食嘅人黎講甜度剛剛好，多士 脆脆的，醬又唔會太膩。而食食下男朋友都話唔夠食，最後加單加咗個#滷肉卷，十分脆皮而入面係滿滿芋頭肉餡，唯一嘅缺點就係跟埋黎嘅辣醬因為唔係分醬上所以沾到少少，已經好麻辣，辣到我地2個都食唔到，如果想食可以試下叫佢分醬上先得。另外叫咗2杯凍飲，凍話梅 桔仔水 個人十分推介，冰涼得黎又清清地，仲可以解辣，唔會好似鹹柑桔咁。而

雖然呢區都好多餐廳選擇但呢間無論堂食同外賣都永遠都有唔少人排隊因為味道好食得黎, 價錢又唔貴前前後後應該幫襯過幾次, 都係覺得佢好味砂煲老鼠粉($78)呢煲野好邪惡, 撈勻佢d魚乾 蝦米 肉碎 香蒜碎碎,成碗好香口好惹味, 但都真係幾油下如果有兩個人share 可以一戰沙嗲串燒($45)好鐘意佢個沙嗲充滿花生碎同香味!仲要比勁大pat醬你 可以每啖都沾滿個醬 勁滿足豬同雞都不錯, 牛就有少少硬咖央多士($26)即叫即整, 多士烘得夠脆,配埋咖央jam 好正有時行過都會外賣份咖央多走

天氣咁熱，出面人又多，最好既方法就係外賣啦，外賣自取十分鐘有得拎，注意，餐廳只接收現金。落到去，門口堅係多人，拎到手，上埋樓，仲熱。雞絲米粉係清淡既首選，味道正正常常，夠清淡。白咖喱油麵材料都幾豐富，白魚蛋好彈牙，蝦都爽口，不過我個人就馬馬地油麵。個老鼠粉望落去係好惹味，但其實佢食落係唔夠味既，而且外賣就會變相無特色，堂食應該係會用砂鍋上菜。呢個蝦麵我覺得係最好食，佢亦相對地係最重口味既。串燒我就覺得唔太好食，雖然佢既沙嗲醬好重手，可惜係佢既肉都比較柴，唔知係咪燒得過左火喉。最後呢個椰香咖央多士係出色的，椰香好重，唔會過甜，都幾鍾意。其實全部野食黎講，除左個咖央令我覺得係好好食之外，其他野都比較一般般，麵食類都唔抵食。

荃灣嘅蘇媽蘇媽分店，開業大半年都仲係大排長龍，就知道佢啲嘢食幾有料啦😋🔸檳城福建蝦油麵（$55）🔸肉骨茶（豬腳彎）（$45）🔸玻璃尤魚配通菜（$48）🔸冬瓜龍眼冰（$22）首先呢到一黎到會送碗肉骨茶，唔夠仲可以添😛 入口好重藥材味，但飲落有重回甘既滋味，中意的話仲可以試埋佢地既豬腳彎，肥而不膩，仲好重骨膠原💦唔想食飯所以揀左油麵，味道就一般我都係中意食叻沙多😹 另外必點係玻璃尤魚通菜，個醬都幾辣所以好惹味

每次經過蘇媽 蘇媽見到大排長龍，今日專登去試下！兩點去到等咗大概3-4個字就可以入座，都算快！肉骨茶一坐低就有碗肉骨茶送上，好濃嘅藥材味，飲完仲可以添加～肉骨茶好有益㗎，補血、養胃，好多功效，唔驚太補嘅可以飲多幾碗！椰央咖香多士（$26）咖央係馬來西亞嘅一種甜點材料，有好香椰漿同班蘭味，多士烘到金黃香脆，記得趁熱食！百吉爹肉骨茶（豬腳彎）（$45）豬腳彎係豬腳嘅肉，去哂骨食落好方便。啲肉好焾好滑而且唔會太肥膩，亦都好重肉骨茶味。古早豬腸粉（$40）份量都幾大，可以當一個主食。腸粉都好滑，配上肉碎同青瓜絲，惹味又唔會太漏。幾滿意今次嘅馬拉餐，份量足，最正係無限添加肉骨茶！下次再嚟會試埋辣死你嗎同老鼠粉！

我哋一行3人(大家都唔係第一次食)1.叫咗個下午茶:椰香咖央多士配奶茶$452.額外再嗌半份椰香咖央多士$13椰香咖央多士一定要趁熱食，好香椰香味，又唔會太甜。但覺得比第一次食時，個椰香淡左D3.檳城香炸鹵肉卷(兩件,每件斬開一半)$45好似炸春卷，覺得可以唔洗試XD4.再叫左特製辣椒板面$48初初入口覺得唔辣，但後勁好強，入邊有魚乾仔，蝦乾仔，個肉碎醬係幾好味既~唔錯，可以試~5.百吉爹定肉骨(豬腳灣）$45*可以無限添飲肉骨茶豬腳灣麻麻，但同行朋友想食所以先陪佢食......呢度的肉骨茶，次次飲既味道都唔同，有時店員上岩岩煲熱同暖的茶又係唔同。唔只我咁覺得，同行朋友都話今次飲同上次大家各自黎飲都係唔同味。我就冇跟佢的「肉骨茶4步曲」，只係淨飲個茶，聞到幾濃的藥材味，但入口又唔係好苦，唔難入口的~都幾好飲的~ 聞係聞到藥材味，但喝落去藥材味唔太重，完全不覺苦～～總體： cp 值中低，個多士好好食，間中想食馬來西亞菜可以一試

一向都喜愛馬來西亞肉骨茶，朋友介紹蘇媽蘇媽馬來西亞餐廳。上次經過都頗多人，今日朋友早了20分鐘到等位，我一到便可以入座了。店內特別之處，就是肉骨茶可添飲，我的朋友還飲了4碗。凍檳城白咖啡 $25 必試之一，與新加坡咖啡有點不同。豬肚$42 豬肚爽口，都是用肉骨茶底。椰香咖央多士 $26 多士烤得香口，配上咖央醬，淡淡椰香味，可口。招牌沙煲老鼠粉 $78 這是招牌菜，一定要試下。材料是銀針粉配上蛋，香蒜，魚仔，肉碎，蔥，蝦米，拌勻食緊佳。