蘇杭冰室

營業中

休息中

今日約左幾個舊同事吃飯，大家不約而同甘揀左蘇杭冰室，因為以前成日一齊食，唔知依加質素仲keep 唔keep 到呢。蘇杭真係越做越大，依加已經有3個鋪位，但lunch 依然要排隊等入，好高人氣。餐牌同以前差唔多，本人最掛住佢既咖哩，因為好易入口，撈飯一流！叫左個咖哩雞扒飯， 雞扒勁大塊！表面既雞皮煎到香脆，食落有口感又有滿滿既油脂，好邪惡但我中意！雞肉都仲好嫩，好食！咖哩黎講係有少少濃，比較甜，似日本咖哩，用黎撈飯一流！成個餐先賣60 蚊，中環黎講係好平，怪唔得排曬大隊。

以前當去過一啲唔好食（可能唔啱自己口味）嘅餐廳，最多同自己講，以後唔再去就算。但今次真係忍唔到手，雖然我係叫杯凍野飲，但冇諗過居然連份餐蛋治都係凍嘅，除咗凍之外，亦都終於體會到一份蛋冇蛋味，餐肉冇餐肉味嘅三文治。印象中可能係我食過其中一份最難食嘅餐蛋治。早知求期去7仔買份三文治食好過。成日聽到人話香港餐飲業生意唔好，講真，如果管理唔到出品水準，服務態度，不如唔好做好過，自己唔該認真檢討吓，希望唔好再有人中伏

藏在上環的香港本地正宗冰室🇭🇰叉燒滑蛋飯、煲仔麵、炸髀、黑白西多士、人氣常餐、咖哩、豬仔包、菠蘿油、班戟、港式奶茶.. 選擇應有盡有！最出名是它的半熟炒滑蛋🍳🤤真的是在香港食過數一數二出色的滑蛋！超厚爆汁！仲使乜去排澳🐮😉服務態度都好好～可以慢慢坐嘆奶茶☕️【招牌叉燒牛肉滑蛋飯】 $58（連飲品）⭐️⭐️⭐️⭐️⭐️必食！超大份！勁多叉燒！半肥瘦！配埋招牌滑蛋🍳呢個組合超爆滿足！🤤【招牌炒蛋厚多士】 $38（連飲品）⭐️⭐️⭐️⭐️⭐️ 炒蛋好厚！一淡咬落去仲要爆汁🥹 一試難忘！下午茶一流😌

尋晚想回味本地茶餐廳特色食物，豉油汁煎蛋餐肉飯，在網上已經看到有差評，睇到食物相片尚可，決定試試，到達蘇杭冰室，除咗女職員態度差，食物圖片和實物不符，質素亦十分惡劣1）招牌午餐：炒蛋餐肉雙腸飯跟店員要求更改做煎蛋，表示是特價餐不能更改，只好另上炒蛋，再加$6要煎蛋2）蔥花牛肉蝦仁滑蛋飯3）小食煎雞扒4）凍奶茶凍檸茶❌招牌午餐圖文不符，除咗味道欠佳，冇鑊氣，豉油汁淋在飯入邊‼️蔥花滑蛋飯不過不失，可以填肚❌煎雞扒過熟，柴口，比炸雞扒更乾❌凍飲沒有茶味經營不容易服務質素，食物味道十分重要，希望經營者做好自己

芝士雞扒炒蛋出前一丁 + 凍奶茶，好食。次次都係食呢一個。（奉勸千祈唔好叫外賣，因為送到上嚟成粒鐘已經唔係嗰件事，現場食最好。）因為我好鍾意食芝士，所以成日去幫襯，唔係好多茶餐廳有芝士汁。奶茶OK。如果坐門口位附近，就唔係幾好坐。因為冇窗門位。最好就係坐入去入邊嘅窗口位，起碼有啲嘢望吓，同冇咁熱。食物送上嘅速度幾快手，但試過一次店員寫完單唔記得入機，其他時候都無再試過呢個問題。最近試過一次俾錢嘅時候，個阿姐問我做咩，呢一下覺得不禮貌囉。做咩？俾錢囉😅

次次都食滑蛋蝦仁飯，覺得都可以，但一直未試過豬潤，今次叫了茶餐，鮮豬潤意粉，一級中伏，豬潤應該係冰鮮，好實好難食，加上個味好怪，有少少腥，雖然價錢不算貴，但如果咁差可以唔要呢個餐，之前食滑蛋蝦仁飯係ok! 見人哋义燒都ok! 有時不能試新嘢！ 不過同事食肉燥豬扒飯，她說好大塊但冇味！只可以用肉燥伴飯，，唯一熱咖啡很好的，但其他悪評如潮！幸好是同事自己提議去的，她帶著不滿離開，大家應該有一排不敢再提議去！

今日去中上環返學，同學老師同行話想食飯，所以上OpenRice搵下有冇茶餐廳，搵到蘇杭冰室但有食評話態度惡劣，有少少驚 但都想試吓，去到有枱就直入卡位。當然2:15， 姐姐提醒2:30有下午茶，態度親切。我哋太肚餓，先叫2個飯，分別係滑蛋义燒飯同埋咖喱豬扒飯。到2:30先叫下午茶西多士加雞翼。滑蛋叉燒飯🌟🌟🌟🌟🌟叉燒好食，唔鞋，肉質鬆軟有咬口，加上滑蛋蔥花，炒得嫩滑，夠香，好送飯。下次要試滑蛋蝦仁飯咖喱🍛豬扒飯 🌟🌟🌟港式咖喱，唔辣，薯仔🥔好味，豬扒已切好4份，細心，但豬扒少少鞋但都ok 西多士雞翼 🌟🌟🌟🌟雞翼1隻，入味香口。西多士正常發揮唔錯總結：小平反，冰室整體態度良好，沒有不愉快經歷。食物不錯，有下次

今日第一次幫襯依間冰室，唔駛排隊就有位。好多侍應記性好，唔需要用紙筆記低又唔會落錯單，幫我落單阿叔聽左一次，confirm左一次，再睇餐牌一次我要T1下午茶餐，我亦無見佢寫低我叫咩，最後黎錯左，我都有責任無check單，如果我check下就可以更改我叫左杯凍檸茶走甜，水吧係走左甜，但都走埋茶味，我見到一杯檸檬茶係茶色，但飲落去無茶味，依間冰室的茶葉係唔係沖到無晒味？冰室來說，依間沖的檸檬茶係我飲過其中一間最難飲總結：唔會有下次

以前嘅蘇杭冰室，佢嘅分店就係開喺佢對面，所以成日都見到對面餐廳傳菜過嚟嘅情景，而經過疫情之後，佢隔離嘅舖頭終於頂唔住走咗，所以佢就租埋佢鋪位，依家終於唔使分開兩邊排隊，雖然大左少少，但係每一日過到嚟嘅時候都大排長龍，但係好彩佢上餐幾快，所以啲人好快食完就會讓比後面嘅人入去。今次我嚟到就叫咗佢個招牌叉燒蝦仁滑蛋飯，味道都還可以，啲蝦仁都幾大隻，鮮嫩彈牙，好好彩冇食到啲霉嘅蝦，叉燒就屬於瘦叉燒，冇乜肥肉，但係就每啖都係肉，滑蛋就好香，唔會炒到好老，如果你只係一般打工仔想搵間正常嘅茶餐廳，呢間可能就係你嘅選擇，但係建議大家早少少如果唔係就要等返30分鐘先有機會有位

蘇杭冰室之下午茶帶埋bb 去食下午茶，入到去坐低，啲姐姐好nice，喺甘撩bb😄講返野食，一睇餐牌就覺得花多眼亂，實在太多選題。最後揀左雞扒包配薯條。個雞扒包大大個，雞扒亦煎得好香，但薯條就失色了，林晒，有少少凍。

一丁麵完全冇攪開，上碗都係整個方形麵，理所當然係硬既！！唔明點解有咁多好評，大家都鐘意食硬既麵？！下午茶時段人唔多，侍應掛住傾計全程背住客人，叫緊都扮聽唔到，有人叫埋單又扮聽唔到！冇下次啦

呢間上環冰室深受附近上班族歡迎💼價錢平 大大份 不過環境就逼夾左少少🤏🏻.➿蘇杭招牌茶餐➿個人超愛常餐 港式茶記必有🤘🏻.📌叉燒湯意粉 $50叉燒份量唔少 感覺多過澳牛🤫肉質偏瘦 但唔柴口 可以接受 冇豬騷味 淡淡叉燒香甜🐷意粉唔會太淋 爽彈有咬口 揀左雞湯底 配湯意好夾🍝.📌鮮豬膶湯意粉 $50豬膶都有幾多片 有厚度 爽脆唔粉 有咬口🐽不過腥味都重🩸食豬膶必配蕃茄湯 有茄肉 幾足料 但味道偏甜 唔夠開胃🍅.📌香煎豬扒湯意粉 $52豬扒雖然薄 但好大塊 鋪滿成個碗 肉質唔柴 冇豬騷味🥩轉福麵(+$4) 唔會太淋 正常發揮 就係好重味精味🍜.📌配招牌火腿炒蛋或煎雙蛋炒蛋夠滑唔老 蛋味幾濃 淡淡奶香 煎蛋外層焦脆 蛋味相對突出🍳火腿正常發揮 加蛋一齊夾包食 真係無敵🥓.📌配蒜茸牛油多士或豬仔包多士烘到脆卜卜 蒜香牛油味濃郁 香口唔油膩🧄🧈豬仔包搽滿牛油烘 金黃脆口 唔乾身🥖.📌熱齋啡📌凍齋啡+$3跟餐送熱咖啡或茶 凍飲加$3🥤咖啡偏重酸味☕️

本身等位同佢講唔想搭枱，咁就等位啦，如是者就等左10分鐘，轉過頭逼我地搭枱，但連本來果兩位顧客都唔願意，並且將吉枱比左後過我地嚟等嘅3位大陸遊客，奉勸大家以後唔好幫襯！

真係未試過遇到服務態度咁差同安排咁差既餐廳。首先安排座位好差，我都明三位係要等耐少少因為單數好難夾。一入到去叫我地三個人平排坐六人座同另外三個人搭檯，即係叫我地三個好似相睇咁同對面三個陌生人對住食飯？😂但係最後我地自己提出L字型咁坐，自己解決返呢個問題。然後到嗌野食，我地分別嗌滑蛋蝦飯、滑蛋蝦牛肉飯同瑞士汁雞髀撈「飯」。嗰阿姐仲大聲朗讀覆返我地問其中要瑞士汁雞髀撈飯個位要少飯定正常飯。結果都係黎咗撈麵… 唔緊要見佢地咁忙，我地照食互相share下飯同麵算數。因為我地係搭檯既所以我地同另一檯係同number，係英文字母唔同咁解eg. 22A & 22B。然後有個阿伯送餐，明明我地已經話個餐唔係我地隔離檯都認咗係佢地既，嗰阿伯好似覺得我地錯咁係咁話佢淨係知嗰餐number係寫住我地檯號係我地既…最後我唔知佢係手震定點，一嘢啪一聲掟張單落檯。然後食到最後收走曬我地啲碟嗰陣，講緊25分鐘內食曬啲飯，而我仲有杯凍奶茶8成滿想飲埋佢。阿姐姐侍應就同我地講話出面好多客要我地走。Ok無問題咁我咪同佢講咁你俾嗰外賣杯我拎走飲。阿姐姐侍應話外賣杯要+2蚊🙂又係你叫我走…之後佢先話叫我慢慢飲然後隔離明明唔關

間舖唔算大，午餐繁忙時間要排隊，一個人就易入啲，搭枱就梗㗎啦嘢食選擇幾多，有常餐、撈丁、滑蛋飯，今次就揀咗最穩陣嘅常餐，滑蛋估唔到幾出色，有澳牛水準，不過豬扒包就偏硬。麵就揀咗沙嗲牛肉麵，沙嗲汁都幾濃，唔錯。嘢飲揀咗熱奶茶，幾香滑，茶唔澀價錢唔算貴，五十零蚊，上環區嚟講都算合理