蘭州拉麵店 (已結業)

已經好一段時間無來，但荃灣幾間刀削麵店，還是鍾情捐血站旁這一間，周末期間沒有lunch set，而且現在手拉麵通通餐牌價加$5，其他刀削麵、年糕就不變，令不少人卻步，眼見大部份人都點刀削麵。水餃刀削麵$37，再加碟拍青瓜，麵食依舊即叫即削，上菜時間比以前長得多，尤其周末人客明明不多，又或者肚餓時覺得時間特別漫長，水餃仍然是大件頭，皮薄餡靚，菜多肉少，一客四隻連麵食已足夠飽肚。刀削麵厚薄均稱，每條都煙煙韌韌。而拍青瓜調味以醋酸為主，而非麻辣，更開胃，青瓜用刀身拍爛，自然爛開的口感比刀切完整的更好，而且係麵食以外多個蔬菜選擇。

好少見有拉麵店係現場即拉即煮，可以落咗單睇住佢即拉即煮你碗麵，以前見過北京樓有師傅出嚟做拉麵表現，不過都似係為遊客表現為主。佢哋亦有即削嘅刀削麵。麵拉得好彈好煙韌如果可以再拉多一兩次等啲麵再幼身啲就仲理想。加麻辣要加3蚊但係我每次都加，其實佢個麻辣都唔算係麻，就係俾一小碟辣椒油加蒜蓉等你自已加，我每次都會落曬啲蒜蓉，辣椒油就加大半左右慢慢調較，因為我好鍾意食辣但係又食唔到非常辣。個湯底味道好香好濃但係就鹹咗少少，我會先飲兩啖湯試真啲味至加辣椒油同蒜蓉。我碗麵仲加咗五香牛肉同豬肚，佢哋嘅五香牛肉即係台灣牛肉麵嗰種牛肉，真係做得好好，又香味道又剛好，肉質嫩得嚟又有𡁻口亦唔會起絲黐牙。豬肚切成絲咁，太幼食唔出味道，如果切番厚身啲我覺得會唔錯。總體味道真係唔錯，好啱我口味，如果唔係怕佢鹹，我會連湯都飲曬！

荃灣地鐵站一出，有一條長長的打圈隧道，在隧道內兜啊兜啊兜，兜到最底部就連接著地下的商店。在隧道的一旁­，一個完全不起眼的位置，有著一間非常受歡迎的蘭州拉麵店。除了客人之間的宣傳以外，你無法明白為什麼在這­麼偏僻的位置裡，竟然有著這一間麵店，還要在午飯時間排著長龍，店內坐滿客人。店面小，一張圓圓飯桌要坐滿­十多個人，可是客人一點也不介意擠迫，可見這裡的受歡迎程度。先介紹麵款，這裡最著名的，有刀削麵和拉麵，若果你在用餐途中，經常聽到「砰砰」聲，不用太驚恐，那只是因­為做麵師傅在小小的廚房裡打著麵。小時候有到過酒樓去看手打麵的表演，隆重其事穿著廚師袍站在人客面前打麵­削麵，這一間小小的麵店卻每天在上演，沒有廚師袍，只有一臉輕鬆的廚師熟練地削著麵打著麵，每一口咬下去的­彈牙，都表示著每一下的心意。菜式方面，豬手雲吞豬耳也很吸引，喜歡嗜辣的可選麻辣，每一道菜也能讓你記住­這裡的美味。

單單係荃灣,就有起馬3間刀削面,食物基本上全部一樣咁滯,但係又好似唔係同一間.今次就試下呢間係天橋底既蘭州拉麵店食物選擇真係間間都好接近,有湯麵,冷麵ORDER後見到哥哥仔拎住一舊野係度揮刀$25 麻辣肚絲.個汁又係生蒜加辣椒油,幸好呢個都有適當既咸度,唔係得個辣字.個名係麻辣但係唔麻的,肚絲其實係配角,蒜頭先係主角$45  菜肉餃加大腸刀削麵,凍檸茶走甜.刀削麵麵條較為軟身,未至於軟皮蛇,但係無彈牙既口感,湯頭幾清甜,特別食完HOT AND SPICY後更見一流.餃既菜幾爽口,無煮到爛哂,餡料都好飽滿.大腸就無咩特別整體上味道不差,只係無咩特別

時間緊迫，諗住快快手食個麵，十五分鐘內搞掂走人。大汗淋漓，最好吃冷麵，就點來一客特色冷麵。柯打後，做低頭族，但低低下發覺唔多妥，點解咁耐都未有得食? 再看，竟然有人遲來先上岸。一問之下，原來漏單，唉～追單後，很快便送來。沙律醬、担担醬、牛展及青瓜絲的組合，感覺清爽。然而，拉麵並不爽口，雖然麵條內有冰粒、再撈埋醒胃的沙律醬及担担醬，卻提不起什麼作用。更甚，是麵條有頗多的麵頭，應該可以處理得更好。可取的只是牛展夠腍身，青瓜絲夠爽脆。可樂，邊行邊飲好了。

昨晚，去了荃灣吃刀削麵，其實已有一陣子沒去了~味道和之前吃過的沒有多大分別，還是一樣好吃，個人和男朋友也喜歡"擔擔"，於是，我點了擔擔五香牛肉刀削麵，而男友就點了擔擔水餃麵~由於很喜歡這個擔擔湯底，所以，追加了生菜，浸湯吃!!! good~^^~

　因公司係荃灣的關係，常常Lunch的時候都可以試到不同的荃灣美食。今天和同事到蘭州用餐。一向都會選擇”五香牛肉刀削麵”（價錢：$32)，麵的質感係非常好咬。牛肉的厚薄程度亦岩岩好。堂食用的醋也是我喜歡的黑醋～Nice Lunch!成日都會滿客，所以適合2-3位朋友一起Lunch的時候來~

豬大腸牛肉(是牛𦟌啦)雙拼刀削麵 -$38麵質偏硬了一點,但都叫做煙韌的,有咬口,低內厚薄大小不一,有些係根位咬唔到.忘了拍照麻辣雞絲冷拉麵 -$38超多蒜,一點麻搭上很辣的蒜,搭上此冷麵麵質好食.ok wor!!! 雞絲不覺得有咪,只係食完幾個鐘後都仲有陣蒜味,喜歡辣的必食上海蒸水餃-$20-5隻沒有試的價值豆漿-好像是一個餐包的只有糖水味

每一次往返荃灣地鐵站及巴士，都會經過力生廣場。地下有一間店子名為蘭州拉麵店，是在下經常經過的，可是不是趕搭車，就是去了別處吃東西，沒有駐足走入去吃一碗麵，今晚突然弔想起吃刀削麵，近近的就是這間蘭州。說實在的店子面積不大，是一間小店，走進店內，幾乎全院滿座，近門口的倘有一個吉位，便坐下來來了。再看看餐牌，其實都有拉麵和小食可點，但是在下卻是衝著刀削麵而來，當然要吃刀削麵。點了一客上海雲吞刀削麵，麵條粗而闊大，長短不一，但是吃起來卻煙靭無比，而且有嚼勁有口感，不過略為硬了一點，問題不大；上海雲吞皮很薄，菜肉比例卻很平均，蔬菜非常爽口，肉質也算鮮甜；湯底都不錯的，不過有點鹹。豆漿鮮味富有豆味，沒有混和清水，而且甜度不高。整體味道不錯，如果湯底淡一點就好啦。

晚上下班，回到荃灣；因為之後要去買東西，所以快快的來食一餐。十年如一日的店面不小的選擇我點了麻辣豬耳拉麵，要了加辣。豬耳冰涼爽脆，加上麻辣汁。刺激的味道不斷在口腔內沖擊；麻辣的感覺令精神為之一震。手拉麵口感剛好，沒有糊爛的感覺。每條麵條充滿彈性，令人停不下來。滿足的一餐；可能它不是我吃過最好的拉麵，但這些年的經驗令我發現好或壞是一個對比；如果沒有食過難食的東西，又如何知道好東西的珍貴？感謝用心煮菜的食店。

突然想吃刀削麵，於是就跟E先生來到荃灣的蘭州拉麵店，這間店我們吃過很多次了，堂食坐得不甚舒適，於是這次又是買外賣。麻辣豬耳刀削麵 $27豬耳爽口彈牙，最喜歡還是上面那大堆生蒜，加少許麻辣，非常滋味。麻辣燻蹄刀削麵 $27燻蹄醃得入味，肉質爽口，好吃。由於我吃不到太辣，所以E先生會叫麻辣另上，另外刀削麵又會跟餸分開，每一條麵條都削成差不多的大小，入口質地煙韌，好吃。

呢間拉麵店我食過好多次，最鍾意既係佢既辣椒油，次次食襯都流哂汗。辣度夠哂勁！禁岩呢日同女朋友去荃灣行街，食宛午餐無奈，突然辣癮起，就帶佢去試下（因為佢未去過）我地兩個人叫左個紅燒牛肉刀削麵加一個大既手撕雞（小食）。刀削麵既質地有d硬，如果淋少少會好味d。牛肉味道不過不失，成碗都既精髓在於辣油，係分開一個小碟上，加埋蒜蓉。我倒左唔夠三分一小碟已經好辣（平時係其他麵店係食小至中辣）。女朋友因為岩岩食完午餐無耐，仲好飽，所以就淨係食左手撕雞，佢話味道都唔錯，辣中帶少少麻。青瓜絲同埋手挪雞既比例大概係一比一。加埋少少紅蘿蔔絲，食起黎口感清爽。最後，我地都係叫左罐凍檸樂，去減減辣

這間已食過很多次了,, 今天午餐再去食, 可能是平日關係不用等位, 點了一碗""蒜泥燻蹄刀削麵"",, 但近來食了幾次都覺得個""刀削麵""做得差左,, 食落去發覺很多都好硬口感覺像未熟!!!! 之前食幾次已覺得如是這樣, 今日落單時已要求麵要軟些................點知都是硬口...........>bad<而那蒜泥燻蹄都 ok

好味!!同屋企人食，叫左個上海雲吞拉麵 同豬扒刀削麵 同涷華田見到d上海雲吞系佢地自己包既，包得好靚味道都好正宗上海人口味!d拉麵粗度一致，刀削麵夠薄 大細都平均入口質感好正!豬扒炸得好香同好脆不過個湯低就比較普通d華田好奶，吾錯仲有，老闆同店員都好nice會推薦朋友去!!

同媽咪食蘭州拉麵店~我照舊食豬手刀削麵，媽咪食淨刀削麵。不過今次我叫多左個薰蹄！之前怕辣一直都冇試，今日見隔離位食，好吸引！麻辣薰蹄我選擇走麻，本來想走埋辣，不過又怕冇哂風味。佢d肉好入味，又好爽！不過真系太辣啦，我頂唔順要打包返去慢慢食~