蘭州拉麵店 (已結業)

雖然店內已經接近迫爆，服務員都安排到兩個位。一行兩人，只有短短十五分鐘時間食，都點左五香牛肉拉麵。三、四分鐘內麵已送到。湯底好味、麵爽口、牛肉味夠香又好趙、菜夠新鮮。而且比想像中大碗好多。下次來荃灣必定再食！

之前已經食過, 今次又山長水遠咁黎食我地叫左大腸水餃刀削麵, 雲吞炸菜刀削麵, 拍青瓜, 麻辣燻蹄牛肉雙拼仲有三杯豆漿, 因為有人唔食得辣, 一個人飲兩杯見倒好多人食雲吞水餃, 我地都點左, 但冇想像中咁好食, 我覺得一般吧麻辣燻蹄牛肉雙拼燻蹄同牛肉都好韌, 燻蹄冇咩肥肉, 咬口差D拍青瓜青瓜夠凍, 可惜冇麻辣, 要自己另外加刀削麵好好咬口, 湯底撈埋辣醬好好飲冇之前咁好食, 可能因為唔夠辣

好耐之前就已經食過,男友就第一次食,佢哋啲湯地好好味架,男友差唔多飲哂;我食大腸雞腎拉面,男友就雞翼牛展刀削面,小籠包;兩碗面啲餸都好多,佢哋啲面係即拉架,男友話我啲拉面好好食,我覺得啲老水雞翼同牛展就比較咸咗小小,小籠包個皮好薄好好味;見好多人叫醉雞,下次一定試

同朋友行完夜山搵野食，搵到呢間店，以前從來無幫襯過，第一次食，感覺良好。一行五人，一人一麵，我就牛肉麵，其實我相當鐘意食牛肉麵，等左唔耐就到，麵質煙韌，湯底幾清同埋鮮甜，唔似味精湯，仲飲得出有種藥材味，比平時食的牛肉麵湯底有大不同，而牛肉份量亦都好多，唔會太韌。我地有個朋友唔食得牛，食左一口覺得湯底有牛，就問阿姐有無牛，阿姐話有，然後即刻話可以倒左D湯換其他湯底，呢點抵讚，其實我地無要求換，佢好快手咁換左比我地，唔錯。下次會再幫襯，食藥材湯底拉麵

一直都好鐘意呢間舖,亦都有介紹過唔少朋友去可惜呢排冇乜機會去到,到今日終於有機會啦一去到就叫左碗上海雲吞刀削麵,再加杯豆漿一邊等食一邊睇住店員拉麵削麵包餃感覺真係好好雖然舖頭裝修一般,但好感受到家庭式經營同街坊舖既溫馨感覺重要既係店員d態度都好好等左陣終於有得食,味道同之前一樣咁好食,份量依然咁足飽到我諗淨間晚餐都唔洗食可惜掛住食唔記得影相一個廿蚊下午茶連野飲,食到咁飽態度又好真係抵到爛下次一定會再黎食

與男友吃過山西刀削麵皇，十分欣賞，因此來到聽說與山西刀削麵皇有點淵源的蘭州拉麵店開餐。進去時已發覺Menu幾乎一樣，於是我點了消暑刀削麵，男友點了菜肉雲吞刀削麵菜肉雲吞刀削麵 : 男友說還可以，但他還是喜歡山西刀削麵皇。我吃了一口，的確普普通通...消暑刀削麵 : 第一口吃下去就已經覺得不對勁，怎麼刀削麵會是硬的？但因為我太肚餓，還是繼續吃下去...後來我和男友發現十個有九個客人都是叫拉麵，我們才驚覺是否不應在這裡吃刀削麵？*這天沒帶相機，只用電話留影，敬請原諒

自從住在荃灣十幾年的同事帶我去過一次後, 就立即愛上這間位於力生的手拉麵小店!去吃蘭州拉麵, 最開心的莫過於看着老闆一下一下的把拉麵即拉即煮. 而我最愛的刀削麵更是功架一流, 令人看着都興奮! 食指大動!但同事帶我來的原因卻不是為了他們的手拉麵, 為的, 是我以前見都未見過的麻辣小吃!同事極力推介的麻辣燻蹄, 令本身已經很喜歡吃燻蹄的我愛不釋手呢! 尤其喜歡配上麻辣的大量生蒜, 好味呀~~~! 不過在吃完這個的兩天後, 男友從德國回來, 第一句跟我說的話是: 你吃了什麼? 很大陣蒜味耶!所以大家要有心理準備啊~!除了麻辣燻蹄, 每次必點的還有水餃刀削麵. 說到水餃, 經常要在上海江蘇等地工幹而且還長住過北京的我, 已經不會覺得香港吃到的水餃好味. 但這個水餃卻有驚喜! 餃皮不太厚不過薄, 最討厭吃到一陣粉味的或是一筷子夾下去皮就已經穿掉的, 這個絕對加分!韮菜豬肉餡肉味濃韮菜香, 整體上是我最幾年在香港吃過覺得水餃做得最好的中國拉都店!刀削麵略微煮過頭了, 可能是我個人比較喜歡吃有咬口的拉麵, 初開始吃是OK的, 不過慢慢的麵都變得軟綿綿了, 可能我要吃得快一點...?突然很想吃拍黃瓜

拍青瓜係香港好少食到真正既拍青瓜, 因為多數都係切青瓜. 好入味~蒜泥燻蹄刀削面即叫即削蒜泥真係超蒜, 燻蹄太喊, 刀削面厚就會覺得好粉, 薄就會好好食.超飽肚

我好鍾意食蘭州拉麵,每次有機會上大陸都例必去食番碗.上星期行過荃灣見到呢間小店就走入去試吓.一睇餐牌已經有的失望,港人口味的雞翼拉麵,豬排拉麵樣樣有,但無正宗的羊肉拉麵.好失望,唯有叫一碗五香牛肉拉麵試吓.麵是即拉的,個師父是後生仔,拉麵手勢生硬,牛肉是預先做好的,放上面就得.幾分鐘就有得食.我睇見碗麵就想走,完全唔係個回事.湯底係深啡色,似係牛肉味精湯,唔啱.D麵無拉麵應有的煙韌,唔啱.麵身一截粗一截幼,功夫未到家,唔啱.最離譜係師父仔連拉麵頭尾(即手揸位,D麵黏埋一舊,唔係一條條)都煮埋嚟賣,過份.以後咪使指意我再幫襯.

平時lunch好鬼多人食, 又唔想同人迫, 所以選擇夜晚黎食, 但都好多人, 基本上有人走就有人攝位, 但未至於好迫果種...........好幾年前食過, 覺得味道唔錯, 所以有信心再食............. 五香牛肉拉麵 -> 牛肉好林, 拉麵唔係彈牙, 但又唔係林, 係實, 反而食到尾浸林咗好d~~ 菜肉雲吞刀削麵 -> 雲吞入面d菜未切碎, 成塊葉都見到, d莖又硬, 又大粒, d刀削麵片得太肥仔, 又厚又肥, 好似咬香口膠咁, 咬到牙都軟..........** 我見佢個廚房好多罐大雞粉, 都唔知係咪d湯勁落味精, 因為食完之後成晚都好渴, 好想飲水!!! **

平時都會成日去le間野道食, 但從今以後都吾會再去!!!今日一行6人去食, 我地3個人到先, 有3個後黎, 咁我地邊食邊等, 後來幫另果3個人叫埋野食, 點知果個短頭髪嘅肥嬸, 就開始話我地阻往佢d位! 態度極差......後來另外果3個人黎左, 佢就開始好嘈咁話我哋, 雖然我哋都有吾啱, 但我覺得個肥嬸d態度可以好d lor!! 後來我哋話以後都吾會再黎, 個肥嬸仲話我哋黎都吾會招呼我哋wor!! 佢講中文吾準都算, 一d專業操守都冇呀!後來我地cancel左未黎果3碗野, 搞我地6個人要分開食, 我地一路食, 個肥嬸仲要一路睥往我哋, 勁冇禮貌!!其實佢又吾係有人係出面排隊, 就算有, 佢平時都會係出面開摺枱架啦!!個肥嬸話我哋趕客, 後來有2個人咪又係因為坐近門口熱, 咪又係走左! 我覺得佢哋好應該自我反省一下!我地成家都好少當眾鬧人, 但今次真係忍吾往lor!第一次去覺得佢d米線幾好食, 但食多幾次都悶! 仲有佢d湯好多味精, 好醎!! 佢d刀削麵好硬, 其實要食刀削麵吾駛去le間, 荃灣有間仲好食!!仲有佢一碗麵要26蚊都幾貴, 飲埋野要28蚊, 好吾抵!!佢d小食

日期：2009-07-12 在"蘭州拉麵店"買了"紅燒豬手五香牛肉拉麵"($31)。這店的拉麵是現場即時拉製，拉麵和湯是分開盛載的。紅燒豬手五香牛肉拉麵---以牛肉、牛骨、八角、桂皮和蔥等材料熬製的湯味道香濃鮮甜，鹹味適中。拉麵麵質結實挺身，口感軟彈煙韌，充滿蛋香。豬手以滷水烹煮，豬手骨多肉少，豬皮軟糯煙韌，略鹹了點。五香牛肉是牛腱位置，肉質略為乾嚡，滷味較淡。生菜翠綠，爽口鮮甜。

已近端陽，大熱天什麼都吃不下，是時候展開消暑的冷麵巡禮了，由自己最喜歡的家庭式麵屋展開今年冷麵之旅吧。每年只會來一～兩次，老闆已熟記自己樣子，甫入店皺皺眉道：「怎麼你又瘦了啦！今晚加多些餸給你增肥！」，工作上從來不多言的他，每年都會花上些口水替這不長肉的小朋友訓話，大概如此，每年端陽前後，都會來拜訪他一家，吃個消暑冷麵。三年前還未有冰鎮的消暑刀削麵，是上年搞出來的，在愈來愈吃不得生蒜辛辣冷麵下，這以泰式醬加冰做的刀削麵，比較易入口。四年前認識老闆，拿起G6還怕比他趕出門，現拿著G10他也會醒目的擺好姿勢，又道：「得未呀，快手啦！」，人與人的關係，是年月建立下來的。說回冷麵，是滿滿的泰式雞醬伴著燻肉、青瓜絲，沒別的了，刀削麵是依舊的有嚼勁帶麥香，但人客多只得老闆一腳踢的廚房，做出來的冰已鎮不住暖和的稜片狀麵條，水準是稍為下調，幸好青瓜還是沿用細條的品重，凹凸起皺的瓜條清脆好吃，燻肉分量足，總括而言，三十三元仍是吃得過。跟老闆一間寒暄了一會，帶著笑意展開餘下的冷麵之旅：味+味/麵屋一平安的中華冷麵、秀的冰鎮韓式冷麵、Sagrantino的意式冷麵．．．～在此祝老闆一家身體健康，希望來年能吃

又到了學期的尾聲~最忙的日子還沒有過去~沒有執筆多時~希望沒有生疏了吧~~自從下定決心要收緊自已的開支~大小比每餐八十為上限之後~發覺自已回到很多從前常光顧的食肆~~少了機會到西人店吃沙律~換來的是粉麵店的油菜又或是拍青瓜~卻很滿足荃灣是我倆心中刀削麵的根據地~就算是元朗後起的~都不及荃灣的出品~~在天橋上轉個幾圈之後就到了~原來上一次已經是年前的事~那個甜酸醬的冰刀削麵真的很好吃~~但現在時冷時熱的天氣~還是不要吃冰的東西就是了~反正小比近年對粉麵的認受程度已經降至新低~所以就點了碗雙拼的套餐~五香牛肉水餃刀削麵~配上豆漿~~就坐在廚房旁的桌子~師傅搓兩下就用摩打手片了數十條麵條出來~每下力度一致~麵條落下的角度幾乎一樣~小比只是旁觀已經自得其樂著實叫一碗都已經是勉強吃得完~因為每條麵條都是結結實實的~個人反而愛吃片得厚厚還帶點花邊的那種~更有嚼勁呢~~反觀餃子就相對普通~雖然厚皮的製作也是個人鍾情的款式~五香牛肉也就是牛展是也~滷味不強~這通通一切都是大比的主戰場地~小比還是一頭衝地叫了個拍青瓜~只見呀姨先拍爛青瓜後切件~再加入大量生蒜醬油等放入中號鐵碗內調味~拍得夠散自然入味~青

星期四去o左呢間店到食晚飯,記得之前成日會同d fan來食,呢度都冇乜點變,係換o左d小二同師父,叫o左個水餃牛奶拉麫,一路等一路睇住個師父o係度拉麫,我睇佢打麫夠力,的確,食o既時候,d拉麫係好煙韌同彈牙o既,d手餃同牛肉都不錯,同回憶中的味道差不多,呢間o既麫係真係食極都唔會厭!!