蛇王兄 (已搬遷) 新店位置

我地一心打算 Lunch 去試辣雞煲同打邊爐架麻，點知咁晏都仲未開門，原來六點先開舖，咁懶架！哈哈。費事浪費氣力四圍行，是但轉個彎去蛇舖求其食飽就返屋企休息喇。Lucky ﹗唔洗等位。無咩特別菜色，都係嗰幾樣啦。蛇湯、蛇羹、蛇汁雞啦，我真心想試吓蛇汁撈麵、炸蛇肉雲吞啊！幾時先有呢？ 蛇湯，宿醉當然最正係整返碗熱辣辣既醒酒湯啦！藥材蛇湯都是一個不錯既選擇 ﹗香甜味美，濃郁芳香既藥材味道，不苦不澀，當中仲隱藏著蛇肉既清甜。蛇羹，琴晚爆醉，到依家變成宿醉，當然要食熱野同要重口味醒一醒啦！勁落浙醋、胡椒粉，甜酸辣合體，非常醒腦又醒胃。超足料啊 ﹗蛇肉、瘦肉、冬菇絲、木耳絲、等等。每一羮都勁多蛇肉勁多料，不但肥美，而且肉質結實彈牙，加上湯汁美甜不濁，就更加停唔到口啦 ﹗滿分分分分分 ﹗賣相非常吸引，顏色富光澤，仲要閃令令添 ﹗索一索好香蛇肉香味呀，感動 ﹗ 蛇汁雞飯一碟，有一碗或一碟選擇，依舊都係宵失的雞髀，食左幾年，我都係食過雞髀兩三次乍，好明顯因為我唔係囡囡囉，重女輕男呢 ﹗蛇汁雞飯好正又好邪惡！正所謂偷飯賊，跟韓國醬油蟹有得揮，撈飯會食都唔識飽呢，非常神奇 ﹗滑滑濃稠又厚身既蛇汁大量傾倒係

地產霸權搞到越搬越細！符興街、新祥街、新成路符興街交界，依家只放到兩張細圓枱，勁陰功囉！轉眼食左蛇王兄 3 年喇，第一次黎新舖幫襯，得兩三個食客，暫時都坐得舒服，面對大街夠開揚，公眾就係對面碼路勁方便，但公眾裡面好嗅呢 ﹗ 夜媽媽十點半先返到上水，係時候搵晚餐食喇，好想飲湯，唯有去蛇店啦！人家夜媽媽搵糖水食、搵酒飲，我就去搵靚湯飲，好想飲湯呢！飲湯夠喇！ 蛇羹，今晚蛇羹依舊保持高水準，足料蛇肉、瘦肉、木耳絲、冬菇絲、等等，每一啖都塞到滿滿滿的。味濃香甜，質地厚薄適中，唔會食到漿住個嘴，好好味！而且蛇肉結實又彈牙有咬口，配上特濃高湯點可能唔好食呢。一向都會先食幾啖原味，之後再加調味料食，但今晚突然想食濃味一點，一開波就加浙醋加胡椒粉薄脆夠了 ﹗將質感及味道再次提升。食完蛇羹先飲湯搞到蛇湯淡晒囉，好采都好好味啫！蛇湯，都只係賣剩幾碗乍，堅濃郁美味，落足藥材，清甜而不苦不澀，熱辣辣灌入口份外醒神。蛇湯，要認真地細緻品嚐每一口，甜美非常，飲得到藥材既清香獨持味道，非常喜歡、非常吸引 ﹗熱騰騰出晒煙送到，更令人有一飲而盡既衝動 ﹗大啖大啖地飲，超乎想想像的美味，飲完全身發滾又興烚烚，係依個感覺喇

操完泰拳返到上水食個十點的晚飯，人家本來去上海小館想飲黃魚湯架麻，點知今晚十點收拉閘收檔囉！好想飲湯，唯有就近轉角飲蛇湯，食蛇汁雞啦！多謝 $140。食客多、貨去得又多又快，真係特別新鮮 好、熱辣辣架喎！今晚又滿座？真係秋風起三蛇肥咩？台台都叫糯米飯架，勁香呀 ﹗仲要係雙腸糯米飯，仲要好賣相靚仔添。似乎好食過以前喎，好想試 ﹗但剛操完泰拳唔想破戒，傷左膊頭休息左成個月 又放縱左成個月仲要勁飲勁食，唔想第一日 on diet 就失敗，要搣返依個月重左? 8 磅呀！蛇湯，一步入蛇舖已被四方八面既蛇湯、蛇羹香味牢牢地縛住，走唔甩架喇 ﹗蛇湯滾熱辣送上，芳香無比啊，索一索都舒筋活骼、索一索精神爽利啦 ﹗忍不住大啖飲一口，嘩 ﹗堅熱，熱到颷眼水呢 ﹗小心啲慢慢飲先得喇。湯當然最緊要熱，食材夠熱先可以釋放出香氣麻！攤一陣凍少少先，溫度剛好燙嘴好舒服，香噴噴細唊一口，清甜無比藥材蛇湯，湯汁味道濃郁而不濁，真材實料，勁好飲呢。藥材味道香濃而帶甜，湯汁質地夠厚，無話水汪汪，高質又美味 ﹗蛇汁雞半隻，好邪惡既食物，所以叫淨雞唔要飯，因為個蛇汁唔撈返兩三碗飯係唔會停手架！神秘咸香非常醒胃，咸中又帶甜味，好困

中秋過後，天氣明顯轉涼，又是進補的時候。根據中醫的說法，秋冬進補之物宜於晚秋開始才食用，身體才可以真正受益。晚秋即是甚麼時候？最簡單就是以中秋為界線，中秋節後就可以開始進食羊腩煲、蛇羹一類滋補良品，增強身體的禦寒能力。以前自己也曾參加某些聯會的蛇宴，不過這類全蛇宴已不是很多地方可以吃到。平時有機會吃一碗蛇羹淺嚐一下，於願足矣。上水的這家蛇王兄，是區內唯一仍有售賣蛇羹的店鋪，使北區的人不用老遠跑到大埔就可以享用一碗熱騰騰的蛇羹。蛇王兄於新年期間曾經由符興街搬遷至新祥街，現在又回歸符興街，可說是幾番轉折。現在小店要長期駐守真不是一件易事，尤其是在今天日新月異的上水。今天偶然經過這裡，想起上一次吃蛇羹已是一年前了，時間過得真快。走進店內，興幸招呼打點的仍然是熟識的面孔，店內賣的仍然是那幾款東西，感覺除了地點外變化不是太大，立時安心了。點了一個蛇羹套餐($100)，包括蛇羹、蛇湯、雞飯或臘味飯。蛇羹仍舊材料充足，主角蛇肉粗幼合宜，具相當嚼勁，份量充足。其他配料包括冬菇絲和木耳絲都相當滑溜。湯羹稀薄但具藥材味，質感近似一般的湯水，不會有過份糊口的感覺。吃蛇羹自然少不免加點薄脆，這裡要添多少也是悉