蛇王善 (已結業)

每次去開深水埗就會想起好多好多美食, 平時就一定會去鴨寮街食腸粉, 而最近凍左dd, 咁啱果日同老婆去開高登買咭就想起很久未來蛇王善食蛇.坐下, 先來一中一細蛇更, '立'到都幾多人食'腊味飯', 又叫左一個兩份食.每次在這裡食蛇最開心的是係咁落薄脆, 係咁食左d又落,食左d又落, 慌死'蝕底'......因為真係幾脆幾香口, 哈哈哈....d蛇真係同上次感覺一樣, 好鬼多料, 食到有幾多蛇肉,東(北)姑c, 又唔會好杰....轉頭食完又叫左個龜靈湯飲, 雖然黑'mun mun', 但又幾鬼香唔難飲, 老婆開頭仲以為要'lin'住個鼻飲潻. 唔錯, 唔錯....令人回味!

天氣轉冷, 當然就係食蛇既好時候.蛇羹(中$41)一碗中既, 夠兩個人食, 約有5-6碗細飯碗. 好足料, 蛇肉好多, 加埋薄脆, 檸檬草, 好好味.糯米飯$16如食其他野, 可享優惠價$14. 唔算大碗, 但飯好黏口好正! 有蝦米有臘肉又有花生, 配埋蛇羹, 暖胃保身.

早日食完林森記唔夠喉咪整返個大蛇羹跟糯米飯蛇羹夠料湯清無乜師博

今日好累,尋晚上左8仔玩天光+上d野已經好眼瞓 ,4點幾仲要比人捉左出街,行到7點幾個fd話去食飯,但我真係冇力食,冇胃口,佢一邊食我就一邊洽,佢食完叫醒我先知自己真係瞓 著左,好在佢食完肯放我走。一心諗住搭車行經蛇王善之前已經好想食,咁又冇d餓所以入去試左個細蛇~食落好正~~~總之好食~~~唔知係咪心理做用成個人真係精神左。遲d一定覆卓。

某日我食飽男朋友先話去呢間試，我只係陪食……但根據男友的comment寫番出黎，因為佢太懶了……地點唔算就腳，不過行下冇壞；去到第一感覺係幾「地mul」，不過好家庭式的感覺。叫左一個蛇羹，男友話好足料，而香草、薄脆都齊曬，好professional的蛇羹格局。雖然試左一啖咁多，不過味道都唔錯~下次可以試多d，不過奉勸大家要留肚先去食……好似我咁miss左就唔好啦~

由於老豆臨時要返大陸，今日就等我揸大旗去食蛇羹！去到見到ｄ伙計ｏ係到密密地撕梗ｄ蛇皮蛇肉，睇ｏ黎生意ｏ吾錯「秋風起，五蛇肥」　我ｏ地本ｏ黎想叫３個中ｓｉｚｅ　ｏ既五蛇羹ｐｌｕｓ糯米飯套餐，但老闆娘話：「我驚你ｏ地食ｏ吾晒ｗｏｒ」．．．．ｏ甘，阿媽就話要兩中一小ｏ既蛇羹，同兩碗糯米飯話就話小，但真係ｏ吾小，材料十足，大半係蛇肉，之後係雞肉絲，香菇，同木耳等等．．．　味道ｏ吾算太濃，不過都幾好，因為我怕ｄ　ｏ甘補ｏ既野會上火．．．ａｌｔｈｏｕｇｈ　我都落ｏ左ｏ吾少脆脆哈，阿媽竟然少有地話：「都幾好ｗｏｒ」經過阿媽ｏ既分配後，就試埋個糯米飯好香，但除ｏ左ｄ花生同臘肉外，飯味道亦係偏淡，好耐無食糯米，特別掛住佢粘粘ｏ既口感．．．食完真係ｗａｒｍ　ｄ　呢

中學年代路過黃金門口,例牌見到如大笪地之場面,百幾人圍觀蛇王善在表演"撚"蛇.場面何其壯觀,不經不覺,已經有差不多廿年了.昔日見其蛇竇,真係烏蠅都嚇死,貓兒都嚇死,周身機關了不起..當黃金門外的車仔檔,成為我輩之集體回憶之後,蛇王善,仍然安在桂林街,只是不再有街頭賣藝式表演.乍暖還寒,還是來個蛇羹加糯米飯.蛇羹用什麼梧州蛇,小弟不明所以,並不是什麼食家,食記,覺得任何品種的蛇肉都係一隻味.同雞肉一樣.蛇羹沒有之前在蛇王濤,或大西北的蛇王如般濃凋.蛇絲份量不算多,菇絲同木耳就大過主人婆,味道偏咸,是味精的作用.糯米飯色水不深,但粒粒分明,夠入味.吃落肚,一股暖流,湧上頭.吃蛇羹,比她更好選擇多的是,不過礙於小弟一向感情用事,也會再來的.

27/12(三) 7pm一連數天的重量級飯局過後,胃納可以稍作歇息迎接除夕及元旦.是日自己放假一天,下午做過面後,到深水埗會合男友瞄瞄手電及欲換之而後快的相機,順道於此區覓食.(出了花紅便身心痕癢)於陰風陣陣的日子吃蛇羹最適合為過,兩人僅要了一碗細蛇羹$27;蛇羹以一般飯碗盛載,賣相方面蛇羹略欠色水,而且稍為稀身,味道未稱得上十分富鮮味,蛇肉是雪藏貨屬意料中事.可取是蛇肉,雞肉及冬菇絲份量慷慨,伴以檸檬草及香脆薄脆總算過得去!到此店吃蛇的捧場客源源不絕,大多是街坊客.相比之下,個人還是較偏愛北角的蛇王良!

兩個人share左一碗細蛇羹,我一向對蛇羹麻麻地,不過呢度d蛇羹好香冬姑味,而且好足料,薄脆夠晒脆,食完成身都暖晒!!

呢排天氣凍o左,就心郁郁想食返o的o野暖下身! 尋日特登同d fd出深水埗, 當然唔會錯過!o係街口已經見到好多人圍住個門口... 哦! 原來劏緊蛇! 未入去已經見到咁多人, 都驚會冇位。好好彩入去o岩o岩有位o者^^ 我地點了蛇羹、龜湯、仲有糯米飯~蛇羹: 好足料, 啖啖肉, 正! (記得要加埋卜卜趣o既薄脆食呀!)龜湯: 雖然湯o既顏色黑黑咁, 但飲落味道鮮甜, 原來仲好清熱架! 食完蛇羹飲番碗o岩o岩好!糯米飯: 香、軟、好味道!食蛇我淨係會去呢度!

秋冬起,三蛇肥!!! 今日無意間撞咗入去食蛇羹. 又成年冇食喇,今日凍咗去食蛇羹,其實都係一個唔錯嘅選擇.入到去叫碗細蛇羹. 阿姐攞到嚟估唔到有咁多料. 後面見伯伯係度撕緊蛇肉,嘩成坐山咁高,唔怪得知咁足料啦. 檯面有薄脆同檸檬葉任你落,我就當然要多葉啦,啲檸檬葉香味同蛇羹味好夾. 蛇羹不單足料,味道仲係清甜,唔重味精,好好味!! 見餐牌有套餐,細蛇羹加細糯米飯都只係$40,所以都叫阿姐俾多碗糯米飯. 糯米飯味道唔錯,有臘腸同臘肉粒,仲有青蔥同花生,真係好好食!! 一邊食,已經有唔少人出出入入,流量幾高,都足已証明質素有番咁上下. 食食下,我又周圍望,見到一樽樽蛇酒,入面有好大條蛇,個樣幾驚嚇,但又好想試. 我走埋去睇真啲,個阿姐就話我知啲酒有咩功效,話有駒風作用喎,雖然我身體冇咩問題,不過咁有趣嘅蛇酒,只係$20一小杯試吓又何妨呢. 之後坐我旁邊個嬸嬸,又話想飲,不過怕醉,所以阿姐都好好人俾半杯仔佢試,收佢十蚊. 蛇酒飲落去好純,味道比蛇宴啲濃好多.

2005年10月31日三個為食的人,隔了一陣子又再出動,雖然不知十月可否叫做秋風起,但也在這天來了這裡吃蛇羹.因為要留肚給餘下的旅程,於是要了兩碗細的蛇羹加一碗糯米飯,蛇羹端上來時,便已經心裡暗喜,很足料喎,立刻舀一口吃之,味道真的不錯,個人認為味道偏淡,但可說是好事,因為味精不多才會如此,可能味道較佳,三爬兩撥就吃清光了.糯米飯:在落單時,糯米飯剛巧買畢,因此我們要等十分鐘左右才得以進食,可能是剛做起的關係,糯米飯不會黏乎乎的,而是粒粒分明的,吃了一小口,亦是水準不錯的出品,好吃的西東西當然很受歡迎,何況我們是一小碗三人共享,因此一下子功夫就幹掉了.很想再吃多一碗,但為了下一站的食物著想.我......還是忍受一下了.

可能我唔識食喇不過, 咪又係咁上下帶有好大期望去到, 同之前食果d 又係差唔多咩一度暖氣向上升, 只係誇張食左果細餐, 一個龜湯幾好, 但冇之前食評講到咁神p.s. 蛇羹食到尾果時變到水滴滴, 唔知係正常定點lu

下晝經開深水步，見天氣乍暖還寒，試下蛇王善理應不錯。蛇羹不錯，但有約三成是雞肉，其他為不同種類的蛇肉，而湯底應該是蛇湯，非常鮮味！而糯米飯應該是炒製，幾香口及夠爽口。

個蛇羹好多蛇肉,汁底本身有胡椒好惹味!要個套餐跟糯米飯唔油膩,飯粒分明~漏左....好好食既"脆卜卜"同檸檬葉,一定要落多d!!!