蛇王海 (已結業)

蛇王海已在馬鞍山開了26年， 現在光榮結業， 做到2023年4月8日。馬鞍山之友快去幫襯啦。馬鞍山再沒有蛇羹了。4月6日下午1點來買大蛇羹， 蜡腸糯米飯。老闆娘好友善， 講開才知道店要結業。🐍大蛇羹好足料， 蛇肉足， 有冬菇絲、木耳，薑絲、八角、木耳絲、檸檬葉絲等，食完行氣活血，好有暖身作用。🐍蛇羹仲有蛋散薄脆配。蜡腸糯米飯 ， 我只可比6分。唔太喜歡飯較濕+黏， 又好重當歸藥材味。蜡腸一般質素， 唔香蜡腸味。總評。🐍蛇羹的確好味， 讚。8分蜡腸糯米飯。 較失色。 6分服務。 8分有緣再聚

作為附近居民，每年秋冬必食呢間蛇羹，離遠就聞到藥膳味，超香超吸引，蛇肉多，價格實惠，味道真心好！！！未食過一定要試下！老闆每年只有秋冬才開業，有本錢有底氣，開左好多年～冇咩評分應該因為都係附近居民去食，可謂隱藏街頭美味佳餚，唔講冇外人知～店中貼有特色花體字寫既蛇羹"對聯"，邊食邊體好過癮。九月中旬先開業，唸到都提前流口水平時去叫一個大蛇羹配糯米飯，可以再加條臘腸，總體下來鮮美香滑有口感，食完超滿足！

話說天氣凍凍地。一行5人入去食蛇，舖頭位置勁少，然後撞正員工食飯。咁我哋有3個人先去商場洗手間。5分鐘之後返黎，Daddy Mummy 話order 左一大蛇羹同一糯米飯。但佢哋話已經食完蛇羹，有人等緊，想讓位俾人。 但當時等位嘅人都已經話唔食。重點係依間鋪嘅員工非常不禮貌，我daddy mummy 已經急急腳食完喺鋪外等，唯該鋪員工仍然覺得心有不甘，公開喺其他食客面前話我daddy mummy 霸住位，以後要set 最低消費。最後食到背脊骨落，食左1分鐘，食幾口就算。不禮貌餐廳，不吃也罷。

馬鞍山站落車大約行6分鐘左右就到，店內座位不多，有時都要等位，普通裝修格局，店員兩位姐姐非常健談，我哋三個人，叫咗三份大蛇羹套餐，每份$106，套餐包括一碗大蛇羹加一碟蛇汁糯米飯（如果要加潤腸/臘腸另外加$15一條），大蛇羹份量真係幾大碗，而且幾足料，仲有任食脆片可以加落去一齊食，味道好食，蛇汁糯米飯，軟硬度剛剛好，香味十足，臘腸好味唔會太多肥豬肉，配埋糯米飯一流，我哋三個人每人食一個餐都好飽了。

蛇王海在馬鞍山開業幾十年（實際年份唔知）， 只知多年老店買少見少。中秋過後， 天氣仍是炎熱， 咁啱去開福安物理治療， 見蛇舖終於開門了。 （因夏天會休業多個月）此時最岩買碗蛇羹回家食。 有人話食蛇羹🐍，補一補，成個人都會暖晒。☀️🏠馬鞍山此店，蛇羹都算啖啖肉夠足料，另外店舖有龜苓湯，胡椒豬肚湯，糯米飯加配臘/潤腸。買左大碗蛇羹$83回家吃，蛇肉見得到厚厚的， 不是碎絲，再配上木耳絲和瘦肉絲，再加上薄脆。絕配👍👍👍唉， 忘記取薄荷葉絲， 失策。此馬鞍山蛇王海咁多年都受街坊幫襯， 質素應該唔差。 只是沒有薄荷葉絲+菊花香，香味唔夠出， 個人評分・7分。《個人回憶--- 記得以前油麻地， 深水埗， 中環都食過， 質素一般般。》本人認為香港現在食蛇羹店舖唔多， 好食的更加少。 又記得最好味的是工聯會蛇宴， 酒樓搞的蛇宴， 現在有沒有就唔知了。 疫情都唔太敢出外用餐。希望馬鞍山蛇王繼續營業， 街坊有蛇羹, 唔駛出深水埗， 北角或中環才食到🐍。

係糯米飯，唔係臘味糯米飯。無臘肉，無花生，只有少量菜脯像米一樣大，少少量的臘腸有4份之一粒米大，還有唔多過8粒有半粒米咁大嘅蝦米，張相都要放大X倍先清楚。馬鞍山有無好食嘅糯米飯呀？

正所謂「秋風起，三蛇肥」立秋後的確有d 涼意，嚟吃碗蛇羹補一補，滋補培元。之前一直都有食蛇習慣，多數都係去九龍舊區，沒有想到馬鞍山都有得吃 ! 想試下蛇王海，因為友人說很足料，即管試下新市鎮食蛇。今日叫了一個蛇羹套餐：五蛇羹配蛇汁糯米飯一碟 。糯米飯煙靭有咬口，即叫即落鑊炒熱，聞到都香噴噴！蛇羹份量十足，味道帶有陳皮嘅甘香，濃稠適中，有好多蛇肉，還有冬菇絲、木耳絲、肉絲，食到碗底都仲有好多蛇肉，真材實料！超讚！滿足了吃蛇羹嘅慾望。要定期再來滋補培元！

每年冬天我都很喜歡吃蛇羹，去年有想過來這裏試試後來很快就夏天了。上兩星期有點翻風就急不及待去試試。蛇肉很多，應該是我吃過的最重蛇肉的，啖啖蛇肉很有咬口。蛇羹的味道只有一點點腥，可以接受陳皮味很香。聞說這裏的老闆娘只是冬天開業，夏天不用營業好嘆呀！如有其他必吃蛇羹之選麻煩提出

今日睇睇下電視節目講開蛇，突然間好想食蛇羹，但通常食蛇既鋪頭都係開係啲舊區多，新發展既市鎮好少會有，不過好彩馬鞍山有一間「蛇王海」係到，所以就梗係即刻飛奔去啦，去到果時大約夜晚九點幾好彩未收鋪，如果唔係摸門釘。餐廳面積唔算大只有一張枱比顧客堂食，而且餐牌選擇亦唔多得幾款揀，不過都唔係重點，最梗要係足料好食就已經夠 ; 叫咗太史五蛇羹套餐 ($103)。細蛇汁糯米飯 : 雖然係叫細碗，但份量真係好多，糯米飯乾身又夠香，而且又煙韌。👍🏻 👍🏻太史五蛇羹 (大) : 有木耳、雞肉、蛇肉等等勁多料，而且蛇肉大條厚身，食到最後重有料係碗底添 😍 味道不錯，雖然勁多料但係一啲都唔杰。👍🏻 👍🏻

蛇羹好多地方都有得食，但一碗有水準既蛇羹就好難求，今日係馬鞍山見到蛇王海就入咗去試下喇，蛇王海係香港有三間分店，馬鞍山黎講就得佢一間，可以話係獨市 ; 大蛇羮跟糯米飯 $100，而細蛇羮跟糯米飯 $80，最後叫左大蛇羮套餐。大蛇羮既份量足夠二人食而且足料，落埋脆卜卜既蛋散食真係無得頂，食完即時感覺到成個人熱辣辣，同埋真係超級飽肚。

屋企附近一家充滿人情味的餐廳，店家好鐘意同人傾計。每到秋冬天氣轉凉，便會好掛住呢間鋪的蛇羹同豬肚湯。鋪頭唔大，坐十個人經已好迫，但成日見到條龍排隊等位。門口擺咗蒸爐炒燸米飯，一開鋪便見到熱氣騰騰，聞到陣陣飯香，聽到店家熱情的招呼聲，為寒冷的天氣帶來一股暖意。呢間的蛇羹十分足料，口味濃郁，配上檸檬葉更添幾分清新。豬肚湯除了豬肚，店家也會加蛇肉，湯內落咗好多胡椒粉，對我呢d成日胃氣的人十分有療效。多年來，味道不曾改變，實在難得。

轉眼間已到九月尾，開始感到一絲絲秋意。剛好昨天到馬鞍山美容院做Facial ，便順便約惡人到「蛇王海」吃蛇羹暖暖胃。雖然又加了價，但「蛇王海」的蛇羹相比其他蛇店都較為足料若不吃蛇，也有其他選擇，例如止咳的鱷魚肉湯、糯米飯等，但有些燉湯需預訂我點了大碗的【太史五蛇羹套餐】十分足料，蛇肉大條厚身，配上木耳絲和瘦肉絲，再加些薄脆及薄荷葉絲，口感甚具屬次 (HK$75)套餐可選糯米飯或白飯，建議試試這裡的【蛇汁糯米飯】，乾身不油膩，煙韌度適中，配上蔥菜粒鹹香夠味，若能加上幾顆炒花生會更好味另一推介是【胡椒蛇腩豬肚湯】，湯底很濃，辣度十足，蛇腩和豬肚均爽口有嚼勁，吃完渾身發熱，冬天喝定能保暖 (HK$75)惡人的糯米飯另加了膶腸 (加HK$8)兩人吃完兩個套餐已很飽，離開前再外賣了兩碗個蛇羹、一碗胡椒湯和一碗糯米飯給爺爺嫲嫲，埋單HK$375。環境氣氛： ★★☆☆☆餐廳很小，店面大概只有百多呎。左右兩邊各有一排「面壁」座位，中間有張長桌可供十位食客共用，多人時會較擠逼。食物質素： ★★★★☆多年來試過數間蛇店，什麼「X王葉」、「蛇王X」都試過，不是蛇肉太碎便是湯太鹹，暫時只有這間「蛇王海」的蛇羹

聽朋友講佢地系大埔都有一間槪 朋友試過有推薦甘見甘岩黎到馬鞍山 見系附近有分店 米黎試下咯呢間咯 黎到7點幾要等應該槪 明白.叫套餐喇 價錢一般冇特別 好! 餐到 搞幾搞睇下先 瀨野.... 成碗野好粻 超多粉 冇咩蛇 超多木耳 個糯米飯呢..唔好提..唔掂..地方逼到呢.....

足料夠味蛇羹暫時係食過最好食既一間不過之前食到好似有花膠既物體依家好似無左???但依然好味!另外好似新加左個杏汁蝴蝶腩豬肺湯個樣少少似胡椒豬肚湯味似,但不棘好味!依家開始凍番d多左好多人

秋意漸濃,還下着微雨路過這裏,就試試這裏蛇羮,要了一碗大的,與老公同分,份量相多之多,感覺上比三碗小的還要多,而且相當足料,有大量大大件蛇琭,木耳絲味道是可以的.秋風起,雖未有寒意,已勾起了一些合時令食物的片段...下一站,會不會是大閘蟹呢?