蠔灘 (已結業)

見到有食評話服務極差，原全感受到！絕對不是做餐廳服務業的態度，客人有要求，但佢嗰個唔知係咪經理嘅金毛用極差態度回應，講野又冇common sense。 食物唔係話太差但亦唔係要回頭再吃之水準。在香港仔地區扮高級(只是扮, 一d都唔係) 西餐，但員工好MK feel。本來疫情時都出去振興下經濟，點知仲要受氣。在呢個疫情艱苦時期，大家去幫襯d良心小店，好過去呢d貼錢買爛受的餐廳。 不過咁嘅餐廳，應該都唔生存幾耐啦。

一直都唔知香港仔原來都有食蠔既西餐廳，朋友帶路先識去，食物價錢唔算貴，一打都只係$388，除左蠔，餐廳仲有Set dinner，價錢$98-$298－－－－－－1. Oyster 4/5每隻生蠔都幾肥美脹卜卜，食落鮮甜亦帶點海水鹹味，冇沙同殼，會再encore🤤2. 小食拼盤 4/5拼盤有炸雞翼、炸魚手指、魷魚圈、德國腸，炸粉唔重，我自己特別鍾意炸魷魚，香酥口感帶點魷魚的嚼勁，外焦內嫩，好食😋3. 四式芝士薄餅 4.2/5四式芝士其實係用左藍芝士、巴馬臣芝士、車打芝士、水牛芝士，鍾意食芝士既朋友一定要試，幾款芝士加埋味道好濃郁，有拉絲效果🙈餅底焗到脆邊，雖然有點膩，但好邪惡🤤

經openrice 訂枱，星期四有7折(套餐及$10蠔除外)，當晚我叫咗一枝白酒(原價$238)，應該有7折($166.6)，埋單時因為趕搭車，未有留意張單計多咗，於是下一天中午就電話去問，當時接聽職員好好，話只要3個月內攞番張單去就俾番差價我。點知到我琴日去到，個職員態度惡劣，好似審犯咁問:1. 你幾時打過電話唻?2. 邊個職員答你?3. 做乜你當晚唔即時講?上面第3條問題我簡直不能接受，佢哋計錯單，我都冇怪過佢，我仲要嘥時間特登返去跟進，車錢都要十幾蚊啦，我都冇怪過佢，反而怪我唔即時出聲，怪我問佢攞番佢收多咗我嘅錢煩到佢，咩世界?。原本佢收錯錢我覺得小事，香港人要和諧，所以冇即時寫食評，結果係佢哋職員做錯，由我自己去負責跟進，仲要受氣，真係唔分享唔得。

本月15號下午5點我，先生和女兒到貴餐廳享餐，到今天才記起我還未給評語。當日預先用Openrice Book枱，因為六時入座可以享用7拆優惠。加上當天太大雨的關係，我便提早入餐廳詢問女職員可否提早入座，會否影響我使用Openrice的優惠，如果提早入座無七折既話，我可以行多陣等6點鐘先上黎。女職員回答我"唔會，坐住睇Meun先"這位女職員態度一直很好，而且成場只有她一位職員。後來看到身穿西裝的男士，(應該是經理)，不過舉左手好耐佢都睇唔到，於是我主動行過去。我便用稍為試探的語氣再三確定我係有七折的優惠，以免一陣間有咩爭拗。這位男士態度令我不太好受，對我說話大聲，當時還有其他客人在場，在其他客人面前和我爭論話"依家先五點咋喎，你無理由因為早左入黎就要俾個優惠你下嘛？"本身佢仲諗住繼續講，於是我一句話"咁你個女同事又話可以嘅?" 其實如果你好好地話真係無7折，我咪行多陣等6點先上黎食囉，我都唔想因為食餐飯要為難侍應。你唔洗大大聲係度落人面嘅。你令我真係覺得好尷尬。於是佢黑曬口面責罰個女同事，之後同我解釋返話今次可以做個七折俾我，但係下次無架啦。因為個女同事聽錯左我係其他app 到Booki

食物質素與價錢合適，上菜快。餐廳環境舒適，如想同朋友chill 吓飲杯野，或食生蠔可選擇呢間餐廳。我哋叫咗兩個set dinner包含湯、餐包、沙律及main dish。如果要飲品或甜品需要另加單點部分費用upgrade。但就兩位女士食量來說，份量是剛剛好的。

最近發現公司附近香港仔Oystime 有午餐套餐。仲有四款石燒牛扒仲有澳洲和牛揀添。 成為我happyfriday 嘅lunch之選. 已經第4次黎食啦， 今次先認真upload 食評。 所以相片集結左一起寫。 餐湯 +麵包石燒安格斯西冷石燒牛肩肉眼套餐仲有飯同沙律菜加餐飲（相片無影到）嘩！ 大大塊牛扒， 非常之吸引。我鐘意5成熟，所以需要快快趣將佢切件放碟啦～仲加配兩隻10蚊生蠔過下癮，十分滿足。 除左推介石板燒套餐之外， 其它套餐亦非常唔錯！！浦燒原條鰻魚飯

很久之前已經 bookmark 呢間餐館，終於有機會光顧。入到餐廳，好強Bar既感覺，還有點高級；再睇睇Menu，Set lunch既價錢好合理，$60-140都有，加$99可以有5隻生蠔。Order咗一個石版牛肩肉眼($88) - 好少餐廳用石版上，好特別。火熱熱既石版，可以自己調節牛肉熟既成數，不錯不錯。牛肩肉有少少根，好多咬幾下，口感不錯，好味。另Order蒜香黑毛豬意粉($78)，豬肉分量不多，蒜香味適中，加上橄欖油，令意粉入味。跟餐$99有5隻生蠔，好底食喔。雖然無提到係生蠔種類，見到Oyster bar上既生蠔，$38起，我哋枱上既，都好肥美，口感新鮮。完美既午餐，作為2020新一年開始

要在香港仔找西餐廳的選擇好像不是太多？所以就來到同事們已經吃了幾次的這間餐廳吃午飯。Set Lunch 的款式大約有三種左右，沒想到西餐廳也做日本定食啊 ...但看起來最吸引的是"石燒系列"吧！有三款牛+一款豬午市套餐除了日本定食外，都有配餐湯和餐包。湯看著有點油油的，不過喝起來還好。但那個包就有點乾乾的美國Prime牛肩胛肉眼($88/200g) - 有些同事也是點這個，但發現肉的尺寸有點參差 ...不過我這份看起來還好～上桌時的牛只有一成熟，大家可以按自己的喜好在熱石烤。老實說切肉時要小心，這熱石真的超熱！我是一次過切好烤好才開吃的因為這肉還熟得頗快的，肉質鮮嫩還帶少許筋！因為跟飯的關係，吃完頗飽的囉

呢間位於香港仔比較入嘅位置嘅西餐廳🥘🍝有套餐可選擇，叫咗個鐵板牛扒，好大塊，雖然價錢有少少貴，但都物有所值，當日有朋友生日，所以叫咗生日甜品🧁即叫即整，賣相好得。😄因為有會員優惠送薯條，個薯條好脆，食到停唔到口。

早於OPENRICE BOOK左位無需等位, 環境舒適, 但安排坐於一班大癲大肺的客人隔鄰, 影響了氣氛坐低後便先點了一個海鮮生蠔拼盤及一個PIZZA, 過了15分鐘左右, 職員先送上海鮮生蠔拼盤, 全部海鮮都好鮮味, 沒有海水的死咸味職員很細心, 待我們將海鮮生蠔拼盤清晒後, 才送上PIZZA, 而PIZZA沒有特別, 不過不失其後我們再ORDER左一個卡邦尼意粉及3隻$10澳洲生蠔, 意粉味道濃郁, 值得一試, 而$10澳洲生蠔雖然沒有海鮮生蠔拼盤上的生蠔 (分別是美國陳加拿大)肥美, 但都新鮮又抵食最後, 點了一個心太軟甜品, 於OPENRICE訂位時, 已寫明於甜品上寫明要寫字, 職員亦沒有話可以寫字, 到最後都沒有, 算是一個遺憾總括是說, 食物一流, 環境舒適 (如沒有大聲呼叫的客人), 值得再試!

食物質素尚可，但店員服務態度極差。假日有特惠餐，要按人頭收費，歲半小朋友只吃baby food 都要收費，跟經理討論後説免收，到埋單又收回正價，及另一侍應再教訓我們一次，特惠餐要人頭收費。😖安排入座要大枱又說小朋友high chair 便可，只擺放四套餐具，到收費就説按人頭收費五個。如果不願做優惠就別做了，省掉一次又一次的説教吧！

見食評後覺得可以去試吓，食後覺得跟其他評語留議見都差不多！環境好舒服，服務都0k，可惜真係吾叫吾做，因晚上去得太遠不便，所以改了下午去慶祝，set lunch 係底食嘅百幾蚊一set ，加錢可有海鮮及甜品，食物味道是吾錯的(但份量比較少)。我在OpenRice 已留了生日慶祝，叫甜品有得寫字(但職員又無提我地，因只加＄15就有，仲諗住無碟上，流流地，但出奇 set 得好靚，如大家有需要記得自己開聲)。總分是合格的，可惜地點比效偏遠，在新界帶麻老人家去太不方便。

.🔻 Oystime蠔灘媽媽生日帶佢食好D😘😘由於香港仔冇乜選擇，呢間叫做睇得下，又有扒鋸下，就帶佢黎食，雖然呢間都開阻一段時間，但都係第一次黎食☺.🔻石燒澳洲西冷 (dinner set $208)本身塊扒會幫你輕輕辣下佢一成熟到啦，佢跟埋塊石板比你，你中意燒幾熟就幾熟，岩晒媽媽要全熟，我要五成熟，唔使就黎就去😂😂西冷肉味唔錯，就算燒到熟晒都唔un, 本身已經有d咸味，不過佢都有配d粉紅色岩鹽比你點☺.🔻卡邦尼扁意粉 (dinner set $98) 面頭有蛋半熟蛋，撈埋蛋汁好香，忌廉味好重，重口味怪嫌佢淡阻d, 呢個時候牛扒果d岩鹽發揮到重要既角色😂😂d意粉升級阻.🔻生蠔 ($10/隻) 我本身就唔食蠔既，但我都食到隻仲吞埋既，總之$10/隻！完😂.🔻香脆德國豬手 ($268)媽咪好中意食豬手，所以點都會嗌呢個比佢食，真心，呢個真係不得了！夠晒味，個皮仲脆過乳豬😍😍卜卜脆勁香口！必點！！！.🔻四式芝士簿餅 ($138)Pizza餅底脆卜卜好似餅乾咁☺芝士勁香濃仲拉到絲，正😍芝士粉都唔使落.總結係價錢唔算貴，咁多野食都係~$900,dinner set有餐湯，多士仔，沙律跟，+$15

第一光顧香港仔分店，之前去過oyster station ,食物品質不錯，由於正值晚飯時候，好彩預早在Openrice 訂枱，一去到就可以有位，不用等！不過安排上就比較亂，我們四人食了2打$10生蠔，雖然細隻左啲，一分錢一分貨！算不錯！職員雖然非常忙碌，但也十分友善！整體不錯

好耐無同老公去行街食飯拍拖啦！今日終於大家都有時間去拍拖。開心！我地兩個都好鍾意是Oyster,咁啱屋企附近就有間是oyster好低，10蚊一支，全日供應。真係好低啊！而且幾有水準，拍的上係英國食。鰻魚翻就normal啦！但都好食ge。呢間餐廳有indoor and outdoor，有d食煙ge客可以坐半outdoor，環境都幾好。服務員都正常，無咩特別。ok啦！以後得閒可以同老公再黎食。幾好！😊😊😊