蠔灘 (已結業)

今日請假同男朋友去完海洋公園慶祝佢正日生日之後，夜晚係香港仔揀左間有得食佢鍾意既生蠔既餐廳食飯。我地叫左一打生蠔、蟹糕燴意大利飯、黑松露蟹肉日本年糕，本身想叫西班牙油炸鬼作為甜品，點知已經無得供應，所以揀左侍應熱情推介既泰式生蝦刺身。生蠔來自法國Tatihou，雖然只係十蚊一隻，但食得出生蠔好新鮮，絕對性價比高，叫一打都嫌少。泰式生蝦刺身有六隻，醬汁用左泰國辣椒調配，真係堅辣。生蝦肉質結實，辣得好刺激。蟹糕燴意大利飯唔係好稠身個種，但意大利飯索晒啲湯汁，十分入味，幾好食，加埋蟹糕就一流。黑松露蟹肉日本年糕幾煙韌，好少見黑松露配年糕，個配搭都唔錯。

服務態度相當差，衛生水平亦唔係高，不過食物質素係好高，生蠔亦相當高質。以前一直有幫襯開有做埋會員，星期二會員有Main Course買一送一優惠係超值，不過落order嘅時候明明有問到餐牌上面邊樣係Main Course，位staff根本唔知邊樣係就亂指，甚至指住pasta問係咪Main Course，佢都答係，直到我哋食完餐飯埋單先知原來pasta係冇呢個優惠，有欺騙顧客嘅嫌疑。落完order等成30分鐘都未上菜都唔係第一次，所以就催一催，當時staff都冇講原來今晚廚房得一位師傅，叫人如何體諒呢？上菜嘅時候有額外提供碟，奈何隻碟上面有隻不明爬行昆蟲，我哋叫staff換返隻碟啦，都冇搞大件事諗住就咁算數。結果去到最後埋單staff同我哋一次過清算上面3個問題，原來staff亂指令到客有誤會係個客唔啱，上菜慢個客催係唔得，有昆蟲出現個客要求換碟係個客煩，全程sorry都冇句，最後仲一句”得喇！你走啦！”趕客，真係極品，食物再好食都冇用，比錢換難受。

今日去完op 就過嚟蠔灘，$10/隻預咗細細隻，但係好鮮、好重海水味嘅西班牙蠔，同老公一人一打即刻點杯oreo 奶昔俾阿女補充體力先，另外叫咗個四式芝士薄餅，最初阿女話好鹹，我仲以為佢講錯，但我試咗啖真係好鹹，同店員反映，即刻再造一個食完冷盤再叫一個溫泉蛋卡邦尼扁意粉中和吓，汁好香濃、creamy，菇同煙肉都好多樓面得兩個店員，十幾張枱，佢哋一直提供快速友善嘅服務，仲好精準咁為客人介紹食物，好抵讚加多罐可樂，埋單$6xx，淨係服務都抵啦，我臨走都特登行去同店員講聲「唔該晒拜拜」

Long weekend 自不免會四圍去, 今日去咗香港仔, 經過呢間餐廳，見到$10一隻生蠔，即刻比佢吸咗入去。餐廳坐落喺一樓，裝修環境都唔錯，坐位舒適仲有窗境。店員服務態度亦好。# mauger 生蠔🦪賣相吸引，新鮮爽甜，配上檸檬更帶出鮮甜味。一啖一口，大大滿足。#（雙併）赤貝刺身拼甜蝦刺身新鮮嘅赤貝非常爽口。日本甜蝦亦非常鮮甜，加小小豉油芥辣已覺衝擊味蕾。#泰式海鮮炒扁意粉大大隻鮮蝦配鮮甜帶子配上酸酸甜甜嘅扁意粉，配菜有蘆筍同三色椒，好夾。令人十分開胃，很有泰國風味。#溫泉蛋卡邦尼扁意粉扁意粉煮得好有咬口，配上煎香咗嘅煙肉加上芝士，撈埋溫泉蛋一齊食，好味到呢。

臨海既香港仔擁有寧靜小漁港，漁市場，週末黎staycation順道行逛一下幾舒服。久別既香港仔中心又有一番新氣象，上網search搵到Oystime享受個豐富午餐。主打既蠔menu種類多，兼有活蠔區供客人選擇。最正係每日有$10隻精選生蠔，即刻叫一打過下口癮，當日係法國生蠔Fine de Claire，加幾滴鮮檸汁，入口咸鮮味更加突出，蠔味濃，肉質比較creamy，帶子位略有爽脆感。雖然餐廳主打蠔，但午餐都幾多元化，西餐、日式定食，仲有我地點既石燒。 石燒餐有餐湯多士、飲品，可再添白飯一碗蕃茄湯係用鮮蕃茄洋蔥打成，原汁原味。石燒M6和牛腹牛扒以1成熟度放上熱石，滋滋聲實在吸引。肉質細緻牛味濃，油份分佈平均，肉嫩鮮美，入口唔會油膩。 石燒西班牙黑毛豬以5成熟度上檯，切開時有肉汁滲出，喺熱石再煎一煎香，脂肪柔嫩，肉質煙韌有彈性，肉味濃且芳香，鎖住水份好juicy！加$25 點了Creme brûlée輕敲一下焦糖面，下面既法式燉蛋夠香滑，蛋味濃不會過甜。最後點上凍咖啡、凍檸茶，透心涼，爽吖！

跟同事於香港仔附近下班，上次來的時候看到有間蠔吧有推廣。這次再仔細看一看，生蠔只需$10一隻實在不得了。沿著小樓梯上別有洞天，店家面積非常大，放滿很多不同品種的新鮮生蠔。優質生蠔 - $10/隻想不到生蠔也可以有這麼貼地的價錢。蠔肉體質都算肥美肉滑，味道比較清甜，富海水味，非常容易入口。配紅色的雞尾酒醬可掩蓋蠔的金屬味，或者簡單以檸檬汁提鮮。香烤雞胸配薯菜紅酒燒汁 - $138超大塊的雞胸肉足足有半隻春雞那麼大，飽腹感超強。香烤焗得冒出熱騰騰的絲煙。雞胸肉鎖住大量肉汁，一切流出濃濃水份，一點也不乾柴，入口亦好嫩滑。外皮略為收縮帶點脆口及輕塗少許香草醬調味。旁邊細滑綿密的薯蓉帶牛油及香草香，還有些車厘茄及荷蘭豆。小食拼盤 + $88兩隻焗雞翼皮薄微脆，肉質嫩滑多汁；炸魚手指的魚肉緊實、海味濃郁；酥脆的洋蔥圈富蔥香；德國腸肉質多汁有彈性，口感扎實香味濃郁；還有小小沙律菜。田園沙律塞得滿滿的沙律菜好翠綠，以芝麻醬調味，好清新清盈。羅宋湯紅通通的湯色富番茄的酸甜味，裡面還有不少椰菜絲及西芹等蔬菜。可樂 +$15另上冰底及檸檬片，特別冰爽及清新。

#蠔式風情午餐🦪-去超級市場買生蠔 一隻要接近$30 竟然俾我喺香港仔搵到間蠔吧 每日特價生蠔每隻$10 唔會將貨就價 實在太吸引 今餐食好啲 靚靚生蠔做頭盤😙-🦪#是日精選生蠔 10隻$100視乎貨源而定 每日精選生蠔來源地有所不同 今日食南非生蠔 勁有海水味 肉地飽滿入口爽滑 性價比高 食多幾隻都唔會肉赤-🥩#澳洲M6和牛腹 石燒午餐$108除咗肉類主菜 石燒午餐包白飯同沙律 一定食得飽 朋友偏愛和牛 鍾意佢肉質鬆軟同較多油脂 石燒後出現焦香 入口甘香豐腴 餸白飯一流-🥩#美國安格斯西冷扒 石燒午餐$128 我揀西冷部位 因為牛肉味濃有嚼勁 油脂較少 油膩感相對較低 感覺健康啲😍 更能享受牛肉味道 燒到七成熟再醮肉汁食 味道跨啦啦-🍺#Hoegarden啤酒 $55 一邊石燒一邊飲生啤 夠晒氣氛 啤酒味道淡淡地 入口冰凍透心涼🥶-📍#Oys•Time香港仔南寧街13-23號香港仔中心第一期1樓2號舖

喜歡食蠔，朋友介紹香港仔「Oystime」有$10隻生蠔好抵食，所以趁得閒，就入左香港仔食， 環境及氣氛也不錯。今日精選$10生蠔，是Harty生蠔， 海水味比較濃， 鹹鮮味十足，蠔肉尚算肥美， 2人總共叫了16隻，合我們口味。加拿大翡翠螺， 鮮味爽口， 有咀嚼感。甜蝦刺身， 味道鮮甜，尚算新鮮。Stone Crill，包括智利鱈魚(轉比目魚) 、虎蝦，帆立貝，份量比較適合女性，食物尚算新鮮。如果想食多啲其他種類的蠔，價錢大約$30-$60，而且有多款選擇， 下次再嚟，我哋都打算主力食蠔。

出咗糧要食好啲 一定會揀呢間 雖然lunch好難book位 不過為咗要對自己好啲 幾難book都要book。$10生蠔水準一向ok 三幾個同事最少都兩三打。至於午餐菜式 由普通鰻魚飯或者肉醬意粉到牛扒都有 有平有貴 豐儉由人通常我自己都會揀牛扒 擺喺塊熱辣辣嘅石版上面 聽住啲咋渣聲 好鬼治瘉。不過同事揀豬扒 就真係麻煩咗啲 因為要襯塊板凍之前 好趕時間咁樣快啲煎熟塊豬扒 有次趕唔切 要幾個同事夾手夾腳用自己塊板再幫佢煎 所以我建議都係食牛扒穩陣😂

來到香港仔真係吳係大多比較高級既餐廳,大多數都係連鎖.如果想慶祝又不想去銅鑼灣太遠, 可以值得一試這間蠔灘, 主打當然係蠔,有不同既國家既蠔選擇,食物種類太至係排類,海鮮同PIZZA,西式既食物,環境都可以,比較靜,可以同朋友仔坐底傾下計.今次選左HARTY 蠔$10/隻,又幾性價比.可以值得一試,過下生蠔瘾.美國CAB肉眼排$348吳值這個價錢, 一般, 真係食環境同石盤上夠熱,(但要記住要快D攞起,如果吳係就大熟了)比目魚,虎蝦,帆立貝用石盤上燒得香口,有燒烤既味道HARTY生蠔$10/隻算係好抵食,如果想過下口癮,會再來食過.

是日山長水遠去到同事位於香港仔既屋企打麻雀大殺四方城之前，當然要填飽肚仔先同事話附近有間抵食生蠔西餐廳，我當然唔執輸問清楚：「有幾抵先？」答案係，$10隻！🤩二話不說拿拿臨叫同事帶路試試佢！係大街到超易認既店面，唔怕搵唔到路行上樓梯，就會見到Oys Time 啦～店員好貼心，問我地想坐店内定偏店外既位疫情下當然選擇開揚啲既半店外坐位啦🚪場內電視一路播緊唔同既韓文歌，chill呀chill呀坐低即時同店員order $10生蠔🦪由於得兩丁友，又第一次黎試，粗粗地嗌住一打試下質素先😎坊間提供平價生蠔既蠔吧都唔少，照我自己食過既經驗黎講，通常平價蠔既味道都偏淡，而且偏瘦簡單黎講就係：姐吃的不是生蠔，是寂寞但呢間餐廳既平價蠔確實有少少唔同之處💡我地無特別問店員呢批蠔來自邊個故鄉，但食落口感creamy，唔會話瘦小無肉，而且海水味係幾重(私心黎講鐘意有海水味既蠔)呢個價呢個質素，用黎過下口癮都抵到爆炸🤤呢個蜜糖烤雞翼要大推！學蔡瀾話齋：愈簡單既野就愈難整得好食雞翼外皮烤得微脆，淨係以色澤黎講已經超班，咬落果下先見真章：juicy 到飛起！！係超級超級juicy！！🚀沾上稀身微甜既蜜糖，每一啖都只

Osytime!朋友介紹話呢度啲蠔抵食今晚就約埋一齊試試佢今晚嘅係法國蠔唔算好肥美不過好重海水味食到尾都好甘甜而且開蠔都好細心無蠔殼碎，亦已早早起好帶子位$10隻真係抵到爛！香辣炸啤酒味薯條啤酒味就食唔出喇😝不過食到少少香辣薯條炸得幾香脆黑松露蟹肉日本年糕好似韓式年糕咁煙韌有咬口配上黑松露醬同菇菌好容易一啖接一啖係咁食😂蟹膏燴意大利飯呢個意大利飯整得唔錯飯粒有咬口蟹膏唔會太鹹帶淡淡嘅海鮮味配菜係露荀感覺比一般用上蝦肉更清爽今晚有啲可惜無得試佢杯bubble mocktail唯有下次試

$10生蠔確係幾低今日同朋友仔經過香港仔中心，小小肚餓，見到有$10生蠔，膽粗粗來試下😍間鋪都幾新淨同幾大，因為我們大約6:30pm入座，所以無乜人。生蠔$10生蠔咁低一定要試下啦，叫左1打，店主介紹是來自Ireland，Size唔算好大但$10來講超低食，好過好多酒店buffet的生蠔，新鮮又海水的味道，超正，各位來食的一定要試下。刺身店家現在promotion 兩款刺身有優惠，試左三文魚和帶子，都好新鮮，尤其帶子好鮮甜，正!!Parma Ham Pizza約8吋的Pizza，只有一種厚道，批邊很脆，味道出色，Parma Ham對我來講幾咸，但加上火箭菜味道恰道好處。店員服務也很週到，入坐前會問怕唔怕熱，因為他們有些座位在室外，食完每道菜又會主動收碟。呢間鋪都幾大，好適合三五知己來飲酒傾計。另想提一提，我們點餐後店員才介紹promotion，$199可享用7款不同國家的生蠔 + 1隻法國生蠔和餐酒，因為當時不太餓沒有叫，下次會來試試，呢個set幾低食咁🤭

已經有一段時間無食豪灘呢間餐廳 🍴今晚有啲掛住佢 所以約咗幾個朋友上去食 環境一一樣咁舒服 再睇吓個餐牌 有新鮮感 唔同咗嘅食物 質素很好 侍應細心態度好 💯👍👍🥰🥰 首先食咗個$10好很好食🍴🥰🥰頭盤係串燒 拼盤份量相當之OK味道亦很好好有滿足感💯❤️👍牛扒熟到啱啱係有牛味 幾位朋友一路食一路傾很開心 真係 不知不覺間已經10點要埋單 很想坐耐啲可惜行最靚唯有聽晚再食過啦👍👍

今日14:00我二人去到門口，由門口帶埋座位我沿途見起碼七八張枱冇執枱啲剩餘食物都係枱面冇人理，全間餐廳得兩個伙記但都唔知乜，當我舉手落單，第一位伙記叫我等等，我等左5分鐘之後再叫另一位，另一位直頭唔理人去埋單，呢啲服務態度非常惡劣，我起身就走人，但完全冇人理會，其實我懷疑食完嘢走咗佢都唔知，同埋枱與枱之間一定冇1.5米距離，所以都算高危，同埋衛生環境欠佳