表叔火鍋

營業中

休息中

今晚約左frd去奧海城個邊，夜晚就諗住近近地係附近食野，佢話之前食過一間邊爐幾好食，而且唔算好貴，所以就決定試下。呢間表叔火鍋係大角咀，位置都算幾好搵，佢裝修係好典型既香港地道火鍋店，特別既係唔止打邊爐，仲可以食刺身，令我覺得好特別。湯底我特登揀蕃茄薯仔，夏天食酸酸地會特別開胃。我個frd推薦我食墨魚丸同蝦丸，話係手打既。真係堅好食，特別係蝦丸，好彈牙，見到成隻蝦勁足料呀。另外，我地叫左一碟招牌頂級牛頸脊，店長話係安格斯牛肉，賣相一流，而且肉味好出而且滾一滾就食得，好好味。另外，我地叫左即炸響鈴同蜂巢豆腐。響鈴係每次打邊爐都必叫。因為即炸，所以淥一下就食得，卜卜脆，而蜂巢豆腐加埋湯汁，好有水準。除左火鍋，我地都叫左幾款刺身試下，分別有紋甲魷魚刺身、八爪魚。估唔到個刺身都相當新鮮，紋甲魷魚加埋蟹子同紫菜，食法都好特別。八爪魚爽口同有鮮味。總括黎講，朋友果然無介紹錯，一d都唔伏，仲好好味，d位夠闊落，而且服務好好，成日見我地個湯唔夠就即刻主動加，仲有西瓜做飯後果，下次我會帶frd去食。

天氣很熱，不想煑飯，突然又想食火鍋記得朋友介紹過有間火鍋在大角咀，是有正正海鮮及剌身食，於是搭地鐵去奧運站行8分鐘就到。一去過，是一間轉角位地舖，招牌勁大，很容易找到，一坐下來，招呼很好，介紹我們飲竹䉀水，䉀水用料足，清甜滋潤。然後就 order 咗必食.....肥牛，嘩....D牛好鬼正，以後不用去九龍城某某店食，接著個剌身有海膽，仲俾D紫菜，真是細心，估唔到咁鮮甜，然後原本個湯底是胡椒豬肚🐔，配上紅棗白果，但可能用上等胡椒，個湯好爽，一D都唔躁😍自家打黑白墨魚丸很彈，還有秘製餃子，配上黃金比例，真是令人感動😄😋。聖子鮮甜又爽口，魚皮炸得香又脆👍還有，一籃很新鮮，脆卜卜的菜，從未試過打邊盧有這樣正菜。再看看，這火鍋店還有很多海鮮，真的下次要帶埋亞媽來。

今次同表姐黎食生日飯~~   帶表姐 去表叔火鍋食好西~~~ XD 其實已經食第二啦~ 但因為第1次太忙  唔得閒  所以冇分享到~~ 今次再食  依然好食  咁就小小分享下啦~~~今次試左呢個 -  招牌酸魚鍋   酸酸辣辣  岩晒我呢d唔食得好辣 但又鐘意食辣嘅人  030 超多魚肉~ 入口味道夠濃  湯底都好正架~   唔洗點醬油已經食得lu~  前菜 -  紋甲魷魚+水母刺身盤~  030  小店仲有 wasabi 同日式醬油 提供   Oishi~  魷魚我比100分 ~ 水母 80分~   值得一讚係 魷魚呢個食法真係唔錯 配搭日式醬油 口感超讚的呢!!!   (千奇唔好點錯普通火鍋醬油喔)仲有呢個 有暖感的自家制炸魚皮!!!~   到依然都仲記得果陣一黎度  一放入口的溫度!!!  熱熱地 但又唔會好熱 燙口~  係我食過好多間魚皮  呢間魚皮既溫度帶到比我有一種溫暖感   特別好吃的人情味  手工味係裡面!之後仲有呢3樣~最值得想講的是  手切新鮮肥牛$188蚊  (小)   大的好似要248定288  我唔太記得添~ sor但係呢個肥牛真心超級正~  我第1次黎食已經

The key to a good hotpot lies in high quality and fresh ingredients and this place has both.We had the chicken and white pepper pig stomachs soup base which included a whole chicken and I quite enjoyed, the white pepper added a little bit of a kick to the flavour. Beef is always a must order in any hotpot for me. And the beef they serve here was absolutely amazing, it had a strong flavour and was super tender.They also had an array of fresh seafood to choose from to order as hotpot ingredients o

好驚喜！一黎到覺得呢度環境好港式風格好多一家大細爺爺奶奶都一齊黎食好有人情味平時食火鍋通常都齋食火鍋 但呢間表叔火鍋仲有埋刺身揀 未食之前會驚又賣邊爐又賣刺身 會唔會唔新鮮架 唔衛生架？食落真係喜出望外 黎到完全冇呢個擔心除左擺盆都好靚之外 啲刺身超鮮甜 分好哂一舊舊 好易入口 我揀左大赤貝刺身同紋甲魷魚刺身 兩樣都超新鮮超甜 赤貝好爽口魷魚好有嚼勁 同我之前去日本食既差唔多 甚至好食過日本🤤 其實有好多選擇 仲有海膽 象拔蚌 我覺得應該都新鮮 下次多人黎可以叫多d餐廳有個開放廚房既位置係專做刺身的 除左刺身好味 我覺得火鍋都完全無得輸 我簡左鮮茄牛骨鍋 湯底超濃超甜 無味精大慨係我近期最好食既火鍋 用黎浸果個炸響鈴係無敵好食同入味 湯底本身有好多牛腩 蕃茄 勁惹味我自己就勁中意食蕃茄既 完全滿足我！好多茄湯底都勁足料 牛腩全部都好香同好林 好易咬開 唔會嚼唔到同un 同埋其實我平時好怕啲牛好多根咬唔開 又痴牙但呢度啲牛係林到我呀婆無牙都可以咬得開 我自己加埋雜菜拼盤 清下腸胃同埋手打墨魚丸全部都好入味 好彈牙有咬口！當然打邊爐點少得肥牛 叫左碟 手切頂級牛頸脊雪花分佈平均 有血

一入到去就有提供香矛檸檬水，非常清新消滯，前菜亦好味。火鍋的醬料吧在店的最裡面，擺放整齊，同時亦可添加刺身所需的刺身醬油跟wasabi。多就五講了，馬上坐低叫野食先，我地就點左兩樣刺身，包括水母刺身同埋紋甲魷魚刺身，今次係我第一次食水母刺身，都幾特別，口感好爽，本身冇咩味道，要點醬油食。魷魚刺身亦都好好食！肉類點左手打雪花肥牛。呢碟真係無得頂，雪花均勻，肥瘦勻稱。肉汁嫩滑，入口真係會即溶，肉味仲好濃，推介。總體上食物都高品質啦，下次一定會繼續來。

朋友住喺深水埗，所以今日就約左佢去大角咀搵好野食，經過呢間表叔火鍋，見到佢有埋新鮮刺身，咁就試一試啦！我地點左兩樣刺身，包括水母刺身同埋紋甲魷魚刺身，今次係我第一次食水母刺身，都幾特別，口感好爽囗，本身冇咩味道，要點醬油食。魷魚刺身亦都好好食！我地個火鍋湯底揀左胡椒豬肚雞鍋，個湯底好正，好暖胃，而且好足料，有新鮮既雞！打邊爐當然唔少得肥牛啦，呢度既肥牛唔係出面啲冰鮮貨色，睇佢既顏色就知道好新鮮！仲有手打既蝦丸同墨魚丸，勁彈牙！仲有響鈴

性價比一流，同時可以食火鍋、串燒同刺身。一入到去就有提供香矛檸檬水，非常清新消滯，前菜亦好味。火鍋的醬料吧在店的最裡面，擺放整齊，同時亦可添加刺身所需的刺身醬油跟wasabi.今次火鍋嘅湯底揀左北海道牛乳豬骨濃湯鍋($68), 湯底好有奶味，唔會太咸可以當湯飲，讚👍🏻配料-廣島蠔 ($78)隻隻都幾大粒又肥美，煮完都唔會縮哂水，正！珊瑚蚌 ($88)爽口新鮮，都好好味。肥鵝腸 ($58)又係火鍋必備，食得好過癮！手打三寶丸 ($88)有鯪魚丸、蝦丸同墨魚丸，粒粒爽口彈牙，好味！稻庭烏冬 ($38)係急凍嗰種，會比普通嘅質感較好雜菜籃($48)食到咁上下梗係要食下菜啦串燒- 秋葵串燒($28)好中意食秋葵，燒完仲有少少juicy，唔錯唔錯！雞翼串燒 ($28)燒雞翼就大家都中意食，記得要趁熱食啊，唔係凍左會無咁好食。青魚 ($38)燒完有魚油味 好香好好食！剌身-剌身有油甘魚、希靈魚、三文魚、北寄貝，每款都新鮮好食，火鍋店黎講都算高質。兩個人食左好多，好滿足咁棒住個肚走。

心血來潮想打邊爐，嚟開大角咀，見表叔火鍋開咗新店，環境更舒適，完全無壓迫感。打邊爐之外，見到刺身好新鮮，點都要試一試。今次叫咗北海渡360牛乳豬骨濃湯底，未落料...先來喝一口，嘩！湯底好濃郁牛奶味😋。必推介：手切頂級牛頸脊，好新鮮，放入口就知道係靚牛。手打三寶丸也是值得推介，特別是蝦丸，原隻蝦溶入咗粒丸裡面，爽口好好味呀😍連最普通嘅豆腐也是超嫩滑，餐廳服務好好，連清水也加入檸檬．紫蘇葉👍🏻除火鍋同刺身之外，餐廳竟然仲有串燒，款式多元化，可以一次過滿足哂，又食到有質數嘅食物，今晚選擇呢度晚餐係明智之選👍🏻👍🏻👍🏻

去左奧運行商場，行完落番附近搵民間美食。雖然條街唔算係旺街，但一入到店舖入面，即刻煥然一新。先點左個沙律。好好好三文魚，八爪魚刺身粒又有蟹柳絲，清新好味。湯底點左呢個足料牛尾湯底。牛尾超級多，件數又多，份量又大件。仲要係牛尾好靚，肉質軟腍軟滑。令到成啖湯底甜晒。未開始打邊爐我已經食到LamLam脷。肉類點左手打雪花肥牛。呢碟真係無得頂，雪花均勻，肥瘦勻稱。肉汁嫩滑，入口真係會即溶，肉味仲好濃，推介。墨魚，手打鯪魚肉丸，鮮蝦丸全部都好正，餐廳手打又足料。鮮蝦丸食到成隻蝦肉。好多布包豆腐，件件雪白又大件。餃子好多木耳絲，咬落超爽口，皮薄餡靚。刺身拼盤幾好食。特別係三文魚同鯛魚刺身，好鮮甜。蔬菜藍好多款式既蔬菜，抵食種類又多。要大讚餐廳啲座位好舒服，卡位的梳化好腍好大張。台與台之間隔好梳，空間感充足，在這裡聊天吹水好舒服。整體大件又抵食。食咁多野都咁平呢度啲員工雖然都係叔叔姐姐，但我覺得佢地比啲0靚仔0靚妹好好多倍。個個都親切又熱心。呢啲服務今時今日響香港真係好少見，好有人情味。(話說我早2日食"慘"仔先俾人趕住掃台😥)有個戴眼鏡既高瘦叔叔超級好人。佢見我地嗌左稻庭烏冬，仲教我地點食先最索到

本來想去力奇火鍋試吓 點知Book咗枱等左一個鐘都冇位😩 不過見嗰邊嘅服務態度咁差 吾食都罷🤗 所以行去附近嘅表叔火鍋 經過發現原來嗰度好多火鍋店 仲有好多其他嘅餐廳 去到表叔火鍋 店員服務好好 態度親切 仲要比卡座我地🥰 最後食咗好耐 個店員都冇話趕走我地 加湯針水都冇偷懶 嗌咗超級無敵多樣野 最後食唔晒 食材都算新鮮 生蠔 炸魚皮係必嗌嘅！一擺上台生蠔嘅鮮味已經四溢 落湯到十下 連湯都有生蠔嘅鮮味 牛肉份量足 個人覺得好抵 我哋嗌左14樣嘢 六支嘢飲 先千幾蚊🤩

朋友話想試呢間打邊爐所以就黎左大角咀，係太子地鐵站一出行十分鐘左右就到。一開始店員會提供調味料盤比我地整醬汁點左紋甲魷魚刺身做頭盤😋一個係蟹子粒另一個係紫菜，魷魚好新鮮!點左胡椒豬肚雞湯 (半隻)，果然無令我失望，材料好足，湯底好濃既胡椒味手切新鮮肥牛(小)兩個人點岩岩好，份量多，肉質好嫩。響鈴又係打邊爐必點，同出面任食既響鈴無得比手打墨丸+蝦丸 大大粒好實在 尤其係蝦👍🏻田園什菜盤: 有生菜，西洋菜和茼萵最後仲送生果🍉店員服務態度好好，時不時幫我地換碟👍🏻 成餐都好滿意，價錢合理，食物新鮮。

任食火鍋就食得多，今次黎試下呢間單點火鍋，呢間野仲有刺身叫，標榜每日空運直送，d刺身望落係幾光鮮，食落都好新鮮，魷魚刺身好鮮甜，冇腥臭味，好有咬口，咬落仲有種「張著」嘅感覺，最後一粒我幾佢掉左落個鍋到滾熟黎食，感覺都幾唔錯，脆身呢碟手切雪花肥牛雖則唔係薄切，但滾完都係唔會老，肉質好嫩，口感不錯，牛味十足，不過細細一碟就已經要188$，價錢唔算平民，不過係幾高質的。鮮炸魚皮，好脆口，鬆脆，好易咬，唔會太硬，上碟時仲係暖的黑椒豬肚滑雞煲，好足料，入面有好多豬肚，湯底夠濃，雞肉都好鮮嫩仲有好多款酒類可以叫

天氣又轉涼，又同朋友去試下未食過嘅打邊爐～黎到大角咀有好多餐廳既地方，見到表叔火鍋個名幾得意，於是就揀左呢一間。湯底有勁多選擇，我哋就揀咗未試過嘅胡椒豬肚鍋～平時胡椒豬肚都係飲湯多，好少試打邊爐個鍋勁大裝到好多料，一家人食都夠曬裝🤣🤣 未食已經聞到陣陣嘅胡椒豬肚味啦肥牛不得了！睇到啲雪花紋都知靚野！細蝶價錢係188左右，但絕對值呢個價～因為其實都有幾多塊，兩三個人一定夠食重點係佢好似係手切嘅，肥瘦真係好均勻，食落去厚而軟林，正！比平時一般食既薄身肥牛有咬口好多！雖然價錢係貴啲但係值既！順帶一提其實呢到仲有刺身！有我最鍾意食既魷魚刺身～好味客人都係街坊客多，價錢都係街坊價，員工亦都好nice，好有人情味既感覺。食完飯仲有水果食都好驚喜

最近出得黎食飯多左, 由其係打邊爐, 最近食得多真係心廣體胖左. 今次黎到呢間火鍋店之前已經食過好幾次, 今次真係要比個叻叻食評佢先!首先呢度主打既唔係d咩名貴湯底, 不過都叫左個比較特別少少既胡椒豬肚雞湯, 味道唔係話超濃超入味, 但入喉都好重黑椒味, 用黎打邊爐最好不過! 入面既豬肚同雞都幾多嫁! 雞如果煮到岩岩好就最好食, 食落冇雪味, 呢個位已經值回票價, 而豬肚因為吸左d湯所以多份胡椒香, 真心好味道點左d野食都幾快上枱, 不過先撈好個醬先呢度好有心機咁係自己炸魚皮, 熱辣辣又脆卜卜, 呢個真係十分惹味! 一塊接一塊咁食落肚叫左呢度出名既刺身, 海蜇頭超爽口, 呢個真係我係出面食過咁多間既海蜇頭做得最爽口既一家, 雖然食落冇咩鮮味, 不過加上少少醬油都幾好入得黎打邊爐又點少得食牛肉, 牛肉真係打邊爐必點既材料之一, 宜家香港人都唔係咁中意食肥牛嫁喇! 有得簡梗係簡本地手切牛肉, 軟熟口感又點會冇人中意呢蝦丸 VS 墨魚丸 岩岩好每款4粒一人一粒唔使爭~墨丸冇平時食落有d好大陣公鼻既味道, 2款丸都幾彈牙, 不過個人就比較中意蝦丸, 因為比較特別, 平時係出面都比較少見到有蝦丸