表叔火鍋

營業中

休息中

邊爐精一家又要出動喇！今次係出去打，去大角咀表叔火鍋就可以滿足到大家，唔好俾呢度嘅街坊化裝修呃到喎，佢地用料新鮮，價錢合理，我地叫到成枱都係，手切牛頸脊，手切黑豚肉，即炸響鈴，脆肉鯇，蔬菜藍，黑柏葉，水餃拼韮菜餃，都只係$700！大家可以嚟試下㗎 😊#表叔火煱 #大角咀 #火煱

雖然今年好似冇冬天咁，但係試問有邊個唔鍾意打邊爐？🍲 任食邊爐真係抵食又可以食唔同種類嘅野🤩 散嗌就貴啲，但食材高質啲😏 你地又鍾意食點樣嘅火鍋呢？港式邊爐又點少得醉雞鍋呢😜 勁耐冇食既刻叫咗！呢到嘅係好重藥材味，但係又唔會苦😋 嗌咗半鍋，以為啲雞會得好少件，點知唔係，真係有成半隻雞咁🤣 雞件肉質唔錯，熟晒潷上黎啱啱好😋四寶丸有墨魚丸、鮮蝦丸、豬肉丸同鯪魚丸😛 全部都幾高質，口感軟腍得黎有啲彈牙😗 最鍾意食嘅鮮蝦丸同鯪魚丸，真係真材實料，成粒蝦係入面😍 打邊爐又點可以唔食牛呢，叫左份牛頸脊同牛胸爽😍牛頸脊好重牛味，油脂分佈得好平均，入口好嫩滑，一塊接一塊，完全冇油膩感🤤 我地第一次食牛胸爽，其實佢係軟骨嚟嘅唔係油脂，但食落去好重牛油味，食一塊還可以，但食多幾塊就好膩，唔太識欣賞😂打邊爐另一個重點就係個氣氛，嗰到好熱鬧😂 佢地嘅服務真係唔錯，都幾周到😁 佢地會細心提我哋食咗啲雞先，仲主動幫我地清走啲碟😆▫️花雕醉雞鍋 (半鍋) $138▪️手切頂級牛頸脊$268▫️手打四寶丸$118▪️手切牛胸爽 $98▫️娃娃菜 $28

Baby, it’s time to fed up for the cold weather❄️🤣*****見呢幾日天氣開始轉涼, 就拉左我嘅好朋友去做增肥運動😌 因為要好好咁迎接冷天嘅來臨🤩所以我地就黎到大角咀搵呀表叔打邊爐!!!😽🤗:::•《表叔海鮮火鍋》位於大角咀福全街💕地鐵旺角站Exit A2出左行大概行8分鐘就到嚕😗 不過我果日就係公司樓下搭一架46號小巴去到大角咀街😌😌😌 落車行3分鐘左右就到好方便😎 我知道打邊爐係香港人冬天必備良藥, 而呢種港式邊爐就真係唔係到到做得好...除左九龍城之外, 大角咀呢間都真係唔錯😍• 今日嘅主角有:1). 枝竹豆腐魚頭鍋 $108想清啲但又唔想咁寡就叫左呢個湯底😋 好鮮甜, 三樣都係我至愛!!!🤤 啲餸真係要留至最尾先食...因為會好入味🤩*2). 手切頂級牛頸脊 $148我地諗住第一次食就試個入門級牛肉🤣 肉味都好夠濃, 本人算幾挑剔都覺得好滿意😌 就咁睇份量唔算多, 但唔知係咪因為都叫左好多其他野好似食極都仲有咁🙈*3). 手切牛胸爽 $98呢個鐘意食牛係必叫良物!!!!!😍 黎到見到絕對係物超所值同性價比高🥳 每一片食落去都係para

今晩約了家人食飯，明明呢度唔近地鐵站，但見到呢間打邊爐店勁多人，好奇之下就決定入去試下。打邊爐最岩就係飲竹蔗茅根可惜家人唔食辣，所以只係叫咗蕃茄湯底。自家製嘅鮮蝦丸和墨魚丸好彈牙，佢哋仲有四寶丸，下次可以試埋其他口味。呢啲脹卜卜嘅就係餐廳自家製的黑松露雲吞，一口落去啲餡料多到流岀嚟。黑松露味都幾濃郁，係必食。第一次試豬腳筋打邊爐，好爽口，估唔到份量都幾多。健康寶寶打邊爐都要食蔬菜的～最後餐廳仲送西瓜，好貼心呢。

今晩約了朋友食飯，佢話好耐無打過邊爐，不如去試下。本來一心諗住淨係打邊爐，但原來餐廳啲刺身都幾岀名。所以我哋就嗌咗惹味爽口水母刺身，點上昆布汁，酸酸地咁令人開胃。另外我地既赤貝刺身都好鮮甜爽口，當前菜食非常好。食完刺身就食主角啦，湯底我地就叫咗鮮茄薯仔湯，夠哂足料，有好多蕃茄同薯仔。朋友點既手切頂級牛頸脊是必吃之選，肉質嫩滑，油脂味濃郁，入口即溶。響鈴即叫即炸，嚟到熱辣辣，索埋個湯底好好味。打邊爐唔少得稻庭烏冬了。

今次同爸爸兩個人出街食飯👫，去咗大角咀試吓表叔火鍋😋😋。呢度嘅湯底、食物都有好多選擇，除咗一般高級火鍋食材，亦有時令海鮮同𠹺魚生；飲品方面更加有紅酒🍷、清酒🍶等，好有驚喜！.我哋今次叫嘅食物全部都好味👍👍，叫咗：.🥢胡椒豬軟骨鍋（$98）： 豬軟骨煮得好軟熟，湯有濃濃嘅豬骨🦴味；再加入咗大量胡椒，減少咗豬骨嘅腥味同油膩感👍.🥢手切新鮮肥牛（$188）：好軟身，即使淥耐咗都唔會變硬；而且牛味重👍👍👍.🥢手打鮮蝦丸（$78）：鮮蝦🦐彈牙新鮮，好少調味都已經好好味👍👍.🥢韭菜豬肉餃（$58）：豬肉比例好多嘅韭菜豬肉餃🥟，好大粒，味道偏濃😋.🥢皇帝菜（$38)：新鮮皇帝菜，最啱打邊爐😋.🥢稻庭烏冬（$32）：日本稻庭烏冬，淥大概4分鐘，彈牙好味👍👍

#表叔火煱 #大角咀 #火煱打邊爐好推介💛叫咗胡椒豬肚雞鍋，好味，飲咗成碗先開始打邊爐手切頂級牛頸脊: 非常好食，唔肥唔瘦啱啱好，啲雪花紋靚到呢羊肉片: 有少少厚度嘅，有羊味，唔騷鴛鴦墨魚丸: 好彈牙，重料座位闊落，好適合一大班人。另外仲有多款刺身，火鍋料真係非常多選擇，一大班人去更好，可以試多好多嘢。揸車的話又可以周街泊好多位==============📍 大角咀福全街19號

朋友話想試下樓下火鍋店，響旺角行過嚟都係5分鐘。響門口大大個招牌，平日晚餐時間到，都有8成滿座。一坐低店員就放低成盤醬料可以自己調配喜歡的。因為我哋唔係好多人，店員就推介我哋試下依度嘅胡椒豬肚雞湯，可以叫半隻雞再食其他。湯底同湯料分開上，成大碟湯底料自己加，超大份。湯底胡椒味濃，胡椒控最愛。雞肉很嫩一咬就鬆開，又不會太肥太多脂肪。叫咗個細份牛頸脊，肉質好嫩，淥10秒左右就食得。蜂巢豆腐係另一至愛，吸湯一流。黑柏葉薄身爽口，不會太韌。食到熱熱地配翻杯冰凍啤酒一絶。打邊爐唔少得嘅茼蒿，店員好熱心同我哋介紹冬天打邊爐的菜品，仲俾剪刀我哋剪細份。途中仲不時留意需唔需要加湯換碟等，十分細心。賣相 4/5口感 4/5味道 4/5番食率 4/5

天氣涷涷地又令人好想打邊爐喇～ 表叔火鍋位於大角咀，咁啱係旺角行完街，由旺角行過去都好快。去到只係7:00pm未夠，點知佢話全部枱book晒，淨番一張枱比我地，幾好彩😁 🍲火鍋叫左：清潤鮮海底椰湯底 $78手切鮮肥牛 $188即炸自製魚皮 $45即炸響鈴 $45蟹籽鮮蝦滑 $78手打四寶丸 $118花枝片 $58田園雜菜藍 $48窩荀 $38粉絲 $23湯底椰香撲鼻、十分香濃夠味，忍唔住飲左一碗肥牛牛味十足，新鮮嫩滑，食唔停啊響鈴同魚皮都係即炸，上枱熱辣辣脆卜卜，浸2秒湯就食剛剛好蝦滑和四寶丸都好彈牙好新鮮雜菜藍好多款菜，份量都唔少呢餐都非常滿足，好高質的火鍋，而且侍應好有禮貌，仲送上飯後生果添，下次要再黎試埋佢其他湯底先

平時好少喺呢頭搵食但發現大角咀附近真係好多好嘢食🤩今次試吓呢間表叔 見佢又有刺身又有火鍋又有串燒 啱晒我呢啲貪心乜嘢都想食嘅人😍天氣一轉涼就想打邊爐🍲所以今次主力打邊爐🤤.炸物都好快嚟到 炸魚皮來都仲係熱辣辣 好鬆脆 新鮮即炸真係無得輸 湯底未嚟到已經忍唔住食咗一半 真心必叫‼️炸午餐肉都一樣好味😋就咁食又得 點一點啲湯底又得🤩湯底方面 超有驚喜😍一嚟到店員建議我哋就咁飲一碗試吓個湯底先 第一啖嘅感覺係WOW～蕃茄味超級好濃郁 超好飲🤤牛尾夠淋 好好食👍🏻我會話今次嘅主角係手切肥牛🐄來到嘅時候見到啲marbling已經流晒口水🤤淥完唔使點醬汁都好好味 油脂分布好平均💯.串燒方邊 今次只係叫咗個雞皮串燒試吓😋好香口 好惹味🤩再加埋檸檬汁perfect💯.呢度位置好闊落坐得好舒服👍🏻不得不提 呢度嘅服務超級好💯坐低揀緊嘢食嘅時候已經有人主動問你不如叫咗湯底先 加湯加水嗰啲都唔需要特別叫👍🏻有一種充滿人情味嘅感覺 價錢又合理一定會再返嚟😋.it’s that time of the year again - with winter coming, hotpot is just the thin

天氣開始越嚟越凍❄️夜麻麻梗係想飲一碗暖笠笠嘅湯，食個熱辣辣嘅#火煱 。 咁岩行過 #大角咀 見到我好多friend試過都話正嘅 #表叔火煱 ，一於就入去試吓！😍點左一個 #胡椒豬肚雞鍋 上到嚟係已經煮好嘅湯底之餘再有一大碟半隻雞，豬肚同銀杏， 俾你放入湯裏面再慢慢煮，真心講個湯底真係好正，隻雞新鮮又夠滑仲有足夠既胡椒，飲幾啖已經成身暖晒！🔥例牌一定嗌嘅當然係本地新鮮切牛，仲點左豬紅同埋炸魚皮！值得一提係 #即炸自家製魚皮，上到黎仲係熱辣辣證明係新鮮炸起！勁香勁脆，👍🏻強力推介呀！！！#手切新鮮肥牛 新鮮份量夠多，價錢適中。切出黎每一塊都剛剛好，唔會太薄亦唔會太厚👍🏻豬紅 看似好普通，如果只係焯一陣就食就太大晒啦！就係因為個湯底夠正，放入湯煮來啲等佢入味，你就會發現呢舊豬紅一啲都唔簡單！😋我好彩好早六點幾就已經坐低，未到7:30就已經全場滿座！睇嚟地方乾淨侍應又親切都係受歡迎嘅因素之一！現場好有大家街坊街里嘅親切感覺🥰 雖然我並唔係住喺嗰頭但係我依家已經又想再去食啦！。。

表叔既惹味牛骨蕃茄鍋（$188）唔係度度都有真材實料有大量蕃茄紅蘿白同牛骨食煲滾之後仲可以當老火湯咁飲濃郁可口做湯底一流手切頂級牛頸脊（小份$148）份量岩哂兩個人油脂分佈平均唔算好肥膩但係又夠嫩滑牛味同肉香都係上等之選食落亦無渣無筋位即炸響鈴（$45）快速索哂湯好入味黑松露鮮蝦雲吞（$68）有8粒好足料又夠薄皮大大粒其他仲揀左窩筍（$32）同蟹柳（$35）放湯真係一流記得煮耐D會入味好多飲品方面叫左自家煲既竹蔗水（$35）一渣清甜好夠凍清熱氣食完仲有免費西瓜送。表叔火鍋格局似傳統打邊爐既地方實而不華乾淨企理服務比而家好多新式既火鍋店黎得更好亦多一份人情味醬料價錢好合理只係$10一位仲唔收茶芥。

秋風起 又係打邊爐季節 平時成日去大型火煱或任食火鍋 最近喺大角咀食左一間吾錯嘅火煱店平身諗住剩係食火煱 但發現有我好鐘意食嘅前菜👉🏻手拍小黃瓜 🥒呢個因為我成日食 所以絕對有資格去評味道 佢味道啱啱好 吾會得酸或得蒜蓉味佢有少少辣味 (吾食得辣都絕對食到) 非常開胃 👉🏻椒鹽墨魚咀 食落覺得係即叫即炸 好juicy好脆吾會得粉味 反而我覺得似咸蛋黃味 然後我又口痕 想食少少刺身叫左2隻蠔 同 三文魚刺身兩者都好新鮮 一次過滿足食刺身同火煱嘅口癮今次無叫到辣味嘅湯底 叫左濃湯花膠鮮雞湯湯底黎時 半隻雞另上 可以肯定係真材實料 無花無假 由於係即叫即整 當然湯底要煲多陣先入味重口味嘅朋友可選酸辣或煳椒豬肚湯底火煱嘅配料都有質素 服務都好好 雖然係街坊火煱 但鋪位大 食得滿意 坐得舒服 整體黎講 高質另外有個加分位 相信老闆可能係波友店內播放NOW 有波睇 仲貼住英超賽程相信係球迷一個聚會睇波嘅好地方😆

打邊爐其實最重要都係真材實料不花巧同朋友相約係旺角，講起好耐冇食過好食既正港風味打邊爐烚下烚下。佢話諗起食過一間幾有品質既港式火鍋，本身行既路線以為朋友係咪搞錯左麻辣鍋同港式火鍋...... 原來只係我平時冇留意到！首先我地點左個刺身做頭盤先，其實好想食佢地既象拔蚌刺身，因為一入去就見到佢地養住缸入面d蚌都係勁大隻好正咁！不過得兩個人，我地叫左平時好少見有得食既水母刺身，同魷魚刺身。我以為水母刺身會好似海蜇咁樣，但原來唔同咬落勁爽口，食落味道唔重所以點埋嗰醬好夾，有少少柚子味。我哋叫咗個番茄牛骨鍋，佢都可以揀麻辣底嘅。個鍋一嚟到已經見到勁足料！炸魚皮新鮮炸出黎，同出面d普通火鍋店即食魚皮已經唔一樣！之後好快烚左個蝦丸同墨丸...呢個係超級好食呀！好耐冇出黎食過咁彈牙既手打蝦丸！我朋友點左個豬腳筋佢話又係打邊爐好好食既，食落都幾得意，有d似食好大舊既雞軟骨既感覺。另外仲有脆鯇都好值得食，好大舊夠厚肉，咬落真係好脆口爽口而且一d都唔腥。仲有佢地既手切牛，都係好新鮮好有牛味，肉質好鮮嫩！雖然裝潢好平實，但食物質素都係平均水準之上而且價錢唔貴！之後想食港式邊爐都會再黎食。

呢間野絕對不是行華麗，而係實力佢食物種類有好多，刺身，海鮮，肉類，菜通通有齊。叫左個水母刺身，十分爽口！老闆仲特別推薦豬蹄根，爽口到不得了！湯底我地叫左個番茄牛腩鍋，好入味！有機會一定會再黎