裕滿人家 (已結業)

此裕滿人家的＂桂花龍鬚蛋散＂，雖然是蛋散松松的，👍👍👍可一無蛋香味道的呀！👎👎👎👎👎甜而又不脆兼無香口的感覺的呀！價錢也可不經濟的呀！😡😡真不值得一嚐的呀！😎＂蠔皇叉燒包＂，再真值得嚐嚐的呀！👍👍👍😄包內的蠔皇汁四溢，像是要滿泄的，蠔汁極之濃濃的兼面包松軟，更為香甜可口，👍👍👍👍👍嚐到也是有飽滿飽實的感覺的呀！此再真為不錯的呀！＂百花釀魚肚＂，此還是能保持水凖的呀！👍👍👍👍👍魚肚嫩嫩滑滑的呀！帶有些酒香味及也有些蛋白花的點綴上還有些極為彈牙爽口的鮮味虾臎的，此岀品也是我最喜歡的一項的！好！👍👍👍👍👍😀😀😀😀😎

此酒家的 ＂香煎甜簿餐＂，餡料有椰絲丶白糖丶花生，餡料十足，只惜的是，內有的花生有些變了味道的呀！😡本人真有些失望的呀！☺️️＂潮州粉果 ＂，還可保持些水凖的呀！餡料有沙葛，入口爽清甜，又有芹菜嘅香味，此值一嚐的呀！

和好友兩公婆 加埋可愛的女兒 接完放學隨便飲餐茶。三個大人 叫到成枱野食 真是離曬譜😂廈門炒米 酸甜度適中 米粉炒得夠乾身 都不錯。不過配料就好少。一口脆豆腐 唔夠滑 而且偏咸。珍珠雞 糯米好硬 得好少餡 差不多只食到肥膏。黑椒金錢肚 Ok. 唔會太硬 幾入味。奶皇流沙包 有蛋黃香 亦夠曬流沙 都幾好。煎魚肉釀虎皮椒 魚肉有點蝦米 煎得幾好 唔會皺曬皮 好像放左好內咁。鮮竹卷 咸水角 普通。菠蘿义燒餐包 菠蘿皮香脆 不錯。蘿蔔糕 幾香 唔係太多粉 真心有蘿蔔絲。食到好飽 最後好辛苦 但不是飽到好辛苦 係好口渴喉嚨起曬痰 好辛苦 肯定勁多味精 嗚。我味精敏感架。不過朋友就覺得冇野 佢受到味精 所以佢OK呢餐茶。我就一般。

今日(15-9-2015 Tue)爸爸去媽媽o既永久居所攞月餅,我放工返到屋企睇,又係裕滿人家,但紙盒包裝幾靚,打開睇,都係雙黃白蓮蓉,影完相,又忍唔住開o黎食喇.月餅表面顏色正常深,切開睇,蛋黃好乾,一啲油都冇,比前年(http://www.openrice.com/zh/hongkong/review/%E7%81%AB%E7%82%AD-%E8%A3%95%E6%BB%BF%E4%BA%BA%E5%AE%B6/2318983?tc=sr2&con=rvw)同舊年(http://www.openrice.com/zh/hongkong/review/%E8%91%B5%E6%B6%8C-%E8%A3%95%E6%BB%BF%E4%BA%BA%E5%AE%B6/2390932?tc=sr2&con=rvw)o既更差.唯有睇吓佢啲蓮蓉補唔補救到,蓮蓉都香滑,都幾甜,蛋黃真係唔使講,連蛋黃味都唔多.

有次見到團購有得以$299買一隻4-5磅乳豬。咁抵就買黎試下啦。訂購方法簡單，只須3日前電話預訂。而且有幾個地點選擇取貨，很方便。取豬時間為4：00pm,到酒樓後被告知要等多30分鐘。待應生態度好，有禮貌。乳豬新鮮烤袋，即使回家三小時後，豬皮還是脆脆的。喜出望外。唯一覺得有需要改善的是乳豬包裝市袋。非常唔環保，希望酒樓方面能夠減少不必要的包裝袋。

服務態度實在太差，表面只係等2張，但實際就要等20幾張，依間野將全部枱都俾晒booking先，拎飛個d就搬到去最後，之後問服務員點解成日淨係叫book左個d先，佢黑面答我，態度差到，如果淨係俾book左位個d先，咁拎飛個d人吾洗食拉，依間野完全吾識點分配。 仲有如果你係4～7人既話，可以吾洗去，因為依間野淨係會叫1～2人，同10幾人既枱，甚少會叫4～7人等左勁耐，終於入到去，d服務員少到。。。野食又要等勁耐，我叫左春卷同埋薄餐，點知d野食係凍既，一d都吾好味囉。有時d服務員明明見到d客人舉手叫佢，但就會扮睇吾到，走左 ，結果自己服務自己仲快

新年前,媽媽o既永久居所送年糕,爸爸今次都去拎,呢個都係裕滿人家出品o既.自媽媽過身後,我o地都冇人想食年糕喇,但到9-2-2014 (Sun)朝早,男友想食早餐,但唔想食麵,於是向年糕埋手,用蛋煎.男友煎好後,我都食啲,佢煎得好靚,冇燶到.食落,好軟身煙韌,味道係充滿椰香同唔太甜,幾好食.呢篇唔可以當食評出,俾分係:味道: 5 環境: 3 服務: 3 衛生: 3 抵食: 3    笑面

今日放工後返到屋企,見到兩盒月餅,係爸爸今日去媽媽o既永久居所攞o個o度每年都會送o既月餅,今年唔係送美心或奇華,而係裕滿人家,由於爸爸係攞月餅現貨而唔係月餅劵,所以都唔知呢盒月餅o係邊間舖供應,但上o黎睇到,原來駿景園有間,咁就寫o係呢o度啦.係雙黃白蓮蓉,影好相就切開o黎食先,size唔係大個,睇睇蛋黃,唔係好夠油潤咁,食落,蓮蓉唔算太甜,蛋黃味道濃郁,但濃到唔係咁好食,太臊;中間都有少少油,不過仍然係偏乾.呢篇食評唔計環境同服務,而衛生就只計盒月餅.

團購價$55(連加一)可在火炭俗滿人家飽餐一頓，這下午茶任食團購確相當吸引。駕車還有兩小時免費拍車，很方便。 大堂樓底高，地方闊，裝修高格調，似乎一切都很完美，且看這裡的食物和員工有沒有姑負這環境。最值得稱讚的是這裡的明檔，無論是煎釀茄子或青椒均火候十足，又不會太老。配醬是煎釀的靈魂，令人回味，我們不禁要多了兩碟。蘿蔔糕亦有不少蘿蔔，不是一味靠鹹。 此外油菜亦不錯，尤其是芥籣，用蝦米鼓油調味，不會太油膩。蒸籠點心便只屬一般：燒賣還算足料；牛肉肉質鬆弛；排骨稍肥；雞扎、鳳爪、千層糕中規中舉，生煎菜肉包居然不是煎的，還幸餡料有肉汁，是意想不到的收穫。鲜蝦菜苗餃及义燒腸粉均不要試，因餃皮和腸粉均是“黐”的，差！鮮炸雲吞太油膩，本質的問題，這裡已算乾、脆了。海皇“薄撑”，只得蝦米乾，水鬼升“成”皇，haha, 味道還可以。甜品楊枝金露和布甸的芒果味都十分假。甜品吃完便要檢討了。 食物質素比環境遜色，但看我列出食物的數目已知相當超值。員工的質素才是最迫切的問題。 個别員工態度稍微偏差。 當我詢問為何义燒酥和金錢肚遲遲未到時，她只是說：「落咗單就得啦，整緊，唔好再畫多次呀....」 但結果卻是

食物貴~~~~~~~服務差~~~~~~~管理差~~~~~~~有人俾利是就一堆人來服務~無俾就叫都無人睬~~~~煎腸粉有頭髮~鮮竹卷有牙籤~乾炒牛河鹹到苦~經理態度超差~總之~~~~~食過就唔想再食~~

我住火炭區都有２０多年，駿景廣場係我在火炭區最常去嘅地方，裕滿人家原址也是一家酒樓。開業以來都沒試過嘅原因係太太不愛中餐，但那天想同外母飲茶，又唔想去太遠，所以就比一次機會裕滿人家。由於我哋１１點就到，茶客不多，個支客馬上帶我哋入去。我在門口已經話要ＢＢ高凳（我個女得２歲），支客話有，入到去一定有。去到張力枱到，嘩！！好迫，外母想坐低都要旁邊張枱啲人起身先入到去坐。 我就抱著個女等高凳，再問有冇ＢＢ高凳，啲伙計話有，叫我等等，終於等咗五分鐘都未有人攞凳比我， 啲火都嚟，見到個伙計不停serve客，好似忘記我張高凳，所以就問第二個伙計有冇，第二個又話等等，又等咗１分鐘，再問第三個，終於第三個話比我知啲高凳冇晒 ．．．吓，咁大間酒樓都唔夠高凳？？嗰時１１點，有三份一枱空的，就已經冇高凳，後面的客有小朋友就唔駛坐啦！！個伙計叫我哋坐低開茶先，又話有高凳就比我哋，但喺如果一直都冇咁待我就要抱個女飲成餐茶？？都算啦，老婆話唔坐高凳睇吓有冇咕𠱸，問佢有冇咕𠱸比我個女坐高啲，後面再嚟個部長話“冇咕𠱸喎先生”，啲態度差到好似去咗茶餐廳。 你咁“有”heart，我都無謂留戀，起身走人，點知個部長後加一句

我地叫咗米線，結果等咗半小時都未見蹤影，查單至知伙計冇落單！於是冇耐地再落單，叫咗牛肉，腸粉同兩份乳鴿米線。前兩款味道一般，不及店子幾年前新開張時美味。最差的是我地等了又等，二十分鐘依然未見米線，又要查單！一查之下，伙計竟然話冇晒貨所以冇落單！嘩，冇貨你唔出聲，要客人乾等兼催三請四！服務之差令人唔想再幫襯！都唔知係冇制度抑或有制度冇人跟！再唔改善我地寧願幫襯第二間都唔幫襯佢！

今朝一早同屋企人去駿景園裕滿人家飲茶,叫左一碟排骨,點知上枱既時候見到成碟排骨都係肥豬肉,根住爸爸諗住叫個經理換左佢.佢竟然同我講我地啲排骨係咁架喇! 超級過份!

知己良朋，歡渡2011新年，晚宴吃在 “裕滿人家”。 環境寛敞舒適，侍應招待彬彬有禮。 但因人手不足，有時難免招待怠慢。 但端上來的菜肴，仍是熱騰騰的，都算煮得很快，不用久等 。 每碟的份量都十足， 可供我們六人吃用。 這晚所享用的如下菜肴真好味，很抵食。「紅燒乳鴿」 : 鴿肉厚身，先滷後炸，皮脆肉嫩，很入味，水準之作。 「芝士龍蝦燴伊麵」 : 龍蝦肉爽，咸芝士味茨汁濃郁，伊麵沾滿了芝土汁，非常好吃，一點兒漿口感覺也沒有，值一百分。「香煎銀雪魚」 : 銀雪魚的魚皮煎得很金黃，但魚肉仍很滑，甘香可口。如撤一些香草於魚面上，更惹味。 「古法蒸清遠鷄」 : 因鷄只是重一斤半左右，蒸得又不過火，肉嫩又沒有肥膏，很好吃。但味道即一般，嚐不出有什麼 特別之處。「什菜海鮮煲」 : 鷄湯底，有西蘭花，小棠菜，帶子，蝦等。蔬菜灼得青綠爽口，吃時富有很濃的鷄湯味。「鷄翅煲」 : 濃鷄湯，翅粗，好好味，值一百分。「香蔥煎大蝦」 : 大蝦肉爽，盡吸收了醬汁，很好味。「蒸蟹糯米飯」 : 蟹夠鮮味，蟹膏又多，蟹肉又多，糯米全然吸收了蟹的鮮味，真回味無窮。「京都排骨」 : 排骨瘦肉少，肥肉多，吃時太膩。

尋日一行13人本想去明星食,不過因落雨關係就係屋苑樓下食. 叫左個12人套餐再加$300轉條東星斑. 野食已唔係好得,再加上服務態度超唔掂.佢都有安排左1個同事跟我地張枱.重頭戲係條加$300而又蒸左3次既東星斑度.第一次上左條魚,再淋豉油,連佢自己既同事都叉唔開d 魚肉,跟住佢又攞反去"反蒸",第二次上條魚,再淋豉油.條魚仲有血水,我地同佢講d魚唔熟,叫你部長/經理來,佢又攞反去"三蒸",第三次上條魚,再淋豉油.一條好好地既東星斑比佢個廚師"三蒸+淋3次豉油都仲可以比客人食,亦唔需要同客人交代,d經理就要叫幾次都唔行過來. 最後都有一位部長/經理來左,我地要求佢換過條魚比我地, 佢話無問題不過要比15-20分鐘比佢地,一句唔好意思都無,我都唔知佢地係做customer services. 我唔會再去呢間去食. 套餐 (around $2000 + 10%):-燒味拼盤-明蝦沙律卷-蝦球e面-竹生草菇白菜仔-西芹帶子花枝片-翅-東星斑 (另+$300)-炸雞-炒飯-西瓜-糖水- beers / softdrink