西村日本料理

營業中

休息中

許多年前第一次在西村吃龍蝦餐，覺得這裡食物的質素甚高，環境舒服，服務很好，只是價錢也很高。昨晚在西村吃完晚飯，覺得食物的質素不及魚一丁，環境還可以，服務一般，價錢是貴而且不值。西村已經從“我喜愛的餐廳”裡被剔除了，它是每況愈下，應該不會再光顧了。兩個人要了兩個晚餐，一個是壽司餐，一個是西村便當，每個收＄４００。每個餐的所有食物是放在餐盤上一起送上來的，這個感覺已經很差，想先吃前菜，又怕熱食凉了。西村便當有：前菜三款：牛蒡很硬，海蜇沒味，青菜很腥。煮物有一點怪味，像是“縮”了，沒吃。燒魚很咸很咸，可能放了兩次鹽，但很juicy。鐵板燒牛肉，好味，但放凉了，應該先吃，可惜。天婦羅：青椒和番薯好吃，矮瓜很油還可以，蝦是“梅”的，且粉太厚，技術不夠，比從前差了很多。蒸蛋：放了很多材料在小小的杯裡，蛋太少而且很老很老，不知蒸了多久，小蝦也是“梅”的，不合格。白飯：好吃，有飯味且軟硬適中，但不夠熱。麵鼓湯：味太淡，不知是不是麵湯，當熱水喝，夠熱。刺身：帶子和油甘魚鮮甜，甜蝦不夠新鮮，吞拿魚一般，很瘦。壽司餐的食物款式和西村便當差不多，有前菜三款、煮物、燒魚、鐵板燒牛肉、天婦羅、蒸蛋、麵鼓湯、刺身，

Nishimura, a nadakai shop in Hong Kong. Frankly, I only been there once and I find the quality of the food to be acceptable. Yes just acceptable, I fully understand in Hong Kong, all so-called high-end Japanese restaurants would manage offering NO \"worth for value\" meals for public for an exclusive aim to keep their standing. Here the quality of a kappouten is not measured by the quality of the food, but in terms of the price of them. The prices so stated in the menu are ultra expensive an

尖沙咀食日本菜，我們通常只去Inagiku，今來試新店，來了西村。一行五人，自選了頗多壽司：- 海膽($100)，份量多，但微苦，水準以下- 甜蝦，算較有水準，但此終略欠鮮味- 三文魚($60)以及中施羅($100)，一般大路貨式- 西村壽司($150)，有甜蝦、海膽、施羅、香蔥，口感豐富，是全晚唯一驚喜位刺身只點了兩款：- 帶子，厚肉但亳無鮮味，十個失望- 左口魚，魚味濃，但切得不夠簿牛肉菜式：- 美國牛肉Shabushabu ($400，追加牛肉$300)，牛肉好淋，肉味欠奉，肥膏多；日本蔬菜份量足兼新鮮- 金菇牛肉卷($300/5件)，超肥膩，貴！！埋單$3,300，一致通過唔值，應該無下次。

I think the problem with this rest is the food quality is not really consistant; last time i was here i had a really good time; extremely good sushi even at lunch menu. but whereare this time, it was quite bad, or shall i say horrible, the tuna was almost gone off...I ordered exactly the same thing as last time but difference can be so huge, i might just give it one last chance

跟一位從事飲食傳媒的年輕食友午飯，大家談「食」及周圍去吃已經有一段時間，是時候吃日本料理，就由市場的中位數開始吃起，而「中位數」，就在這裡。一早短訊約好，打電話來約定壽司檯頂的兩個一號位，可以看到整個壽司檯的運作及方便傾計，差不多次次都坐這個位。環境方面，是這裡的強項，因為有這個維港景。當然在酒店裡面，佈置也不會太失禮的。又遲到，未坐下已經遙控的要了魚生飯定食，食友的則是握壽司定食。這裡的魚生飯大埋頭，飯夠多，刺身亦不少，三文/油甘/吞拿各三大片，還有甜蝦/喜靈魚籽/三文魚籽/飛魚籽/帶子粒等等，埋滿一碗，單以份量計，是可觀及足夠的。先吃刺身，還算新鮮，但切得不太整齊，不太認真，加上有個別在血水滲在飯中，有礙觀瞻，感覺麻麻。芥辣是牙膏貨色，食友的握壽司來的芥辣反而是生磨的靚貨，見他最後是原封不動的全部未碰過，早知要了它；飯味道調得合度，口感適中，都不錯。用幾件不吃的三文魚刺身，交換了一件吞拿魚壽司。握得不算太緊緻，是鬆了一點，要吃得有技巧才不會散開，見幾位本地師傅的功架，當然不似其他正宗日式有日本頭坐鎮般，可以更好。招呼方面，也如禮鮨般，如港式餐廳的。侍應大大聲的「魚生飯5號！再來甜蛋

同女性朋友去食lunch, 佢話想食sushi, 心想追緊人地, 豪小小冇所謂. 上openrice search engine 揾. 決定去西村. 一來set lunch menu 唔貴(佢地website有得睇), 二來係酒店裹面, 三有free parking.Jessie 叫左sushi set $150, 我叫左炸豪set $80. sushi 我覺得比見城好, 炸豪都好好, 一贊跟set稻庭烏東, 好好味, 個湯底好清甜.埋單二人共$253P.S. 要多謝下openrice, 如果唔係真係諗到頭暈. 約左Sat night 食dinner, 決定去欣葉(未去過), 都係係search engine揾.

服務唔係一流...不過還有優越之處。我好種意食海膽，所以成日周圍係咁食，去到邊叫到邊...確實佢海膽暫時都係味道一流，唯一最有新鮮甜味海膽，同係日本食，即場開開膽一樣味，值得加許。同屋企人耐唔耐會夜晚會去個道，每次都會叫CHIEF SPECIAL, 由大司傅去發板。成個set, 佢會比佢餐廳最新鮮野你，佢自己諗，你坐係道等食，有咩特別常食話可以單聲比佢知，佢做埋係個餐裡面。裡面d魚生確實真係好新鮮，餐裡面好味仲會有脆扑扑炸魚翅，好香甜海膽蒸蛋等。味道真係唔錯!! 叫埋個凍sake 就ichiban 喇!!! 不過都要預600-700 一位! 以食物新鮮道同美味道還有一流海膽，我會繼續去。記得食完叫佢送比一個apple sorbert! 正!!

9:54被sms弄醒，直至2pm，前後不過5小時的事。是一間吃環境的料理，情調一流的海景位，留待後生的去坐，喜歡料理的，自然坐到壽司吧位。甫坐下，師傅隨便的將碗放下斷斷續續「o彭！o彭！」的撞擊聲，加上師傅大呼小叫，真的吵耳。原以為坐壽司吧可以清楚見到師傅的動作，卻被蛋卷阻著視線，很難想像此情此景會在見城、加藤出現。收了order，照吩咐點了刺身飯，自己要了握壽司定食，握壽司定食用刻著西村的木板盛著，遠望有板有眼，近看的話，散修修的手卷，印象分已大減，壽司定食附送茶碗蒸，沒有「味琳」面層一層稔膜，不知是港式或是fusion做法。壽司款項甚多，質素方面無問題，壽司握得鬆軟，幾對版，附送的山葵亦屬即磨的，然而老頭子那碗刺身飯，賣相麻麻，配搭又散又亂，如橡膠般的wasabi，真的咁都得？邊吃邊談論著日本料理，今天方知，欣賞日本料理，非食物本身，而是背後的功夫，看來要了解更多，就得努力賺錢嘿嘿。壽司之後，是蕎麥麵及麵豉湯，交來貨配味精湯，沒什麼好說。吃到最後，侍應無加茶，要老頭子叫來才「見一杯加一杯」，夠呆夠笨又夠懶，是日本料理的最大敗筆，亦是繼IFC的1、2、3號餐後的另一傳奇。地理因素＊價

本人在西村都食左好多年, 仲有永久vip九折卡, 坦白講, 目的只係為左佢地最出名的lunch - 魚生飯.雖然魚生飯要$150, 但真係物超所值, 魚生好新鮮, 有海水味, 但份量時多時少.講到服務, 就只能評級至最低, 上至經理, 下至普通侍應, 都係咁差!!! 經理又懶又大細超, 見到熟客就扮好傾, 我地呢d平民, 即使叫佢都扮聽唔到, 不知所謂, 但咁多年都無比人炒.至於d侍應, 簡直"笨"同"鈍", 每次放低d食物或者收d碗碟, 都會"跌"野, 正式日本餐廳的專業侍應, 細心到放豉油碟及茶杯, 都要轉向正面對住個客, 但西村完全忽略左呢點, 毫不細心.所以每次幫襯, 都只為食, 不為好service啦!

之前聽過口碑好,試過後卻不外如是,環境又迫,服務一般,食物只是中上. Not value for money

今日一行九人(當中有3個日本人)黎呢度食晏.真係大失所望,服務超唔掂:-因為係我地其中一個日本人book 位既關係, 佢一去到就直行入去向reception 個女人講"hello", 個職員居然用廣東話問佢幾多位呀, 跟住個日本人用英文話ｂｏｏｋ左位，個職員竟然繼續用廣東話向我地問乜野名架？　嘩，大佬，唔係呀話，話晒係酒店既日本餐廳，佢完全唔respect 個客，咁我唯有答佢話"乜乜”book左位架，咁入去坐低點菜．個餐牌上有個餐係燒魚，咁我地另外一個日本人用英文問個女侍應個餐今日係咩野魚，個女侍應居然用廣東話向住我地班本地人問"佢識唔識日文架？" 我答"佢係日本人黎架wor"於是個女侍應向住個日本人好生硬咁講左果種魚既日本名稱（註:唔係用一句完整既日文回答，而係淨係發左個三個音，即係果隻魚既日本名稱）因為我地叫左九個餐既關係，到上菜既時候，ｄ侍應顯得好手忙腳亂，食完之後，個日本人問個侍應有無乜野甜品，佢地居然淨係得咖啡（熱或凍）整體而然，服務仲衰過荼餐廳，佰幾二佰蚊去ｄ咁既鬼地方食晏，寧願去和民好過

以前係同行黎講, 好多學徒都好恨入去呢間做!不過好多食肆都有一共同問題, 就係KEEP 唔到水準! 三文魚可以話係睇到晒一間日本料理掂唔掂!如果佢地再唔唸辦法解決, 比晒後浪追上了! (((講緊係佢價錢咁貴,, 又唔好食)))

所以我地食開日本料理既包括D日本FRIEND都0吾會去,何解?1)又貴2)又0吾好食3)服務差到飛起4)間店扮HIGH5)大細超

以前間唔中都會去，因為覺得個度d set lunch 都幾抵同多款，食物都幾有水準，點都會有酒店既水準，但係服務就真係好大細超!熟客當然好好服務啦，同埋如果你食得豪d服務都會好d!

前一排去過，覺得水準好似差咗D喎…記得第一次嚟食，真係幾驚喜！當時覺得D魚生超新鮮！超甜！但最近一次嚟，雖然環境好咗少少(裝修之後)，但食物就差咗，魚生沒有了以前一放入口嗰種鮮味，好普通，仲幾醒添，搞到個個食咗一半就再冇食喇！希望佢之後可以做翻以前嘅水準啦！