西貢松記車仔麵

營業中

休息中

今日是第二次叫外賣，叫八寶麵及其他小食，點知一打開，見到麵上兩塊紅腸，已經黑了而且死硬，根本無可能比食客!相信是隔夜再煮，所以吾可以食，碗麵作廢，下次亦吾會再叫。

今天突然想食車仔麵，就諗起西貢松記，本身住喺西貢，食左松記已經好幾年，以前都仲覺得好好味，隔一段時間就會嚟食，可惜近年每次食都覺得水準每況愈下，雖然如此，但仍然間唔中就去食，今年疫情肆虐既關係就有一段時間冇去食，點知今日食完之後大失所望，今日既松記已經冇晒以前既風味，滷水既野冇滷水味，應該話直頭成碗野都冇乜味，不單止湯底淡，送又唔入味，面又煮得唔冧，唯一有味既就係杯野飲，係勁甜！加上價錢越賣越貴，食物水準卻不斷退步，失望

今日入西貢打算去沙灘，去之前先醫肚，之前成日經過好多次松記車仔麵也未幫襯過，因為都多人排，今日不用排，於是入去試吓，職員起勢叫我哋打對面坐，但我話濕喎啲櫈，唔知係人倒瀉啲水定人哋啲汗嚟😅，個阿姐去拎紙巾俾我抹，落order時，本身想食伊面，佢話無，咁河粉，又無，可能疫情關係入少了貨，最後叫了烏冬，餸就叫了煎釀三寶、炸黃金墨魚卷、蘿蔔、魚蛋、煎蛋及另外叫碗紫菜湯，本身煎釀三寶佢全部俾了茄子🍆，但都係得兩舊，問佢原來俾少一舊，要了青椒，茄子幾好味，好淋，另外個墨魚卷也特別，蘿蔔就唔夠淋身，有啲＂渣＂，其他餸就普普通通，無咩特別.

For its location, this was really expensive. A very very very average bowl of cart noodles for a whopping $42 with only 2 toppings. There were only 2 slices of red sausage, which made this very 'not-worth-it'. The soup tasted quite MSG-esque, and the noodles were of a very average quality, one that tasted solely like carbs to make you full but with no texture or flavour of its own. Overall, really would not recommend this place if you are looking for a good lunch at Sai Kung. This is only if you

港九新界各區都有車仔麵 ，好似係好普通嘅食品 ，估唔到喺食海鮮好出名嘅地方西貢 ，竟然有咁好味道嘅車仔麵 。當然同所有車仔麵一樣，可以揀粉麵米線和米粉， 所有嘅餸都好入味 ， 尤其鹵水雞腳，雞翼好香味 。其他的蘿蔔 ，豬紅，豬皮好入味。 不能不提嘅係柱侯豬手，豬手又淋又入味。柱候牛腩 ，香得來很有牛味，令你齒頰留香。還有食滿30蚊，就可以半價優惠甜品一個。一個係涼粉，一個係芒果布丁，估唔到這兩款甜品都好好味，簡直玩完美嘅配搭。

今日去西貢橋咀島行山，在西貢食早餐後出發，跟住坐船過橋咀島，船費有30蚊及40蚊一位，在橋咀島登陸30蚊一位來回，我哋由橋咀島行山到半月灣，看見很有人在游泳有人在拾鮑魚有人在拾田螺，玩得好開心，在拾鮑魚的人大叫你哋落嚟一齊玩，這裏有好多鮑魚仔，我哋問是否真的，他們答真的，跟著就拿起鮑魚仔比我們看，快点落嚟玩，我們就即時除鞋襪落水一起玩，他們把工具借給我們一起玩， 看到真的有鮑魚好開心，玩了一會兒，我們就要 回家了， 只好說聲再見了，下次再嚟玩過，坐船返個西貢，就去松記食車仔麵，点了一碗猪紅，魚皮餃，紅腸，看見餐牌上寫每位惠顧30元，可以半價優惠食涼粉只需$8 夏日食碗涼粉透心涼，再点涼粉。

今日專程入黎西貢覓食，意外發現呢間車仔面，地方比較隱閉，不太好找。門面好光鮮，環境幾乾淨，坐得幾舒服。我地三個人叫左幾樣野，包括一份細既豬手，一碗牛肚河，一碗韭菜魚蛋幼面，一碗涼粉，一杯凍豆漿，同埋一杯熱奶茶。逐樣逐樣講拉！豬手真係超唔抵食，$70得3-4件，平均姐係要$15一舊，略嫌有點overpriced，個味係唔錯既，不過蚊得唔夠淋，硬得濟，無乜牙力既人應該難D食到。牛肚河幾正，大大碗，不過河粉好碎，但係牛肚蚊得夠淋，同埋好入味，而且湯底唔錯，有少少辣，味道濃郁。碗幼面就不過不失，湯底有D似豉油加水，份量有D細，好彩叫左加底，先岩岩好夠食。碗涼粉最正，大減價$8一碗，食得出堅係用涼茶整出黎既涼粉，廿廿地苦苦地，配合甜甜地既花奶一流。兩杯野飲都還好，奶茶有太興的味道。整體黎講，食物水準可以接受，但價錢就唔夠平民化，有少少高檔車仔面既感覺。

Weekend又入去西貢搵好嘢食，今次就去試西貢好出名嘅車仔麵!我男朋友就話呢間車仔麵都開咗好耐，以前裝修就冇靚咁乾淨，坐位就冇咁闊落，宜家就光猛得黎位置都坐得舒服D疫情關係個個入去之前都要量一量體溫，車仔麵廚房嘅位置都有大玻璃隔開咗大街同放嘢食嘅地方，感覺都衛生D款款車仔餸都好似好好食，揀餸都揀左好耐有選擇困難XDXD我最後就揀左油麵配豬腸冬菇同埋魷魚，豬腸洗得好乾淨，大舊得嚟又唔肥，唔似得出邊切到碎哂細細舊，魷魚就爽口，冬菇入味，整體嚟講都算係中上。我男朋友就要咗牛筋腩金錢肚麵，我就麻麻地鐘意食牛腩，但試咗一舊都好入味，同好淋，都唔錯架最重要最往要就係佢本身個辣汁好惹味，鐘意食辣嘅人直頭可以要多D辣汁，佢本身個湯底係跟咗辣汁嘅，唔食得辣嘅記得落單果時就好講走辣喇!

今日，天氣好好，因為肺炎嘅關係，好想去一去西貢行吓，可以避開啲人潮。因為行行吓嘅時候覺得好肚餓，所以就搵吓附近有乜好嘢食，因為突然之間好想食車仔麵，所以就想試吓呢一間松記車仔麵。叫咗兩碗面，第一碗麵係牛筋腩配牛肚，個辣汁同埋個腩汁都好好食，但係我略嫌個辣汁唔太辣，如果可以加多啲辣，咁就會更好味啦。至於個牛筋腩，脂肪比例都OK，但係我有一舊牛筋腩就太瘦，但整體來說都OK。而個牛肚，個鹵味都好味好入味。另外，仲叫咗個車仔麵，有豬大腸，冬菇，魷魚。個湯底都係有啲辣嘅辣汁，冬菇炆得好林，豬大腸清潔得好乾淨亦都好林，魷魚好爽口但係就冇乜好重嘅醬汁味，呢個就有啲略為遜色啦。最後因為個車仔麵都有啲辣，所以可以叫個豆漿飲下。

我忽然發現自己在西貢「高勝樓」食街裡面，已經很多年沒有光顧過西貢老牌車仔麵食店「西貢松記車仔麵」。在年紀還是很小，還在西貢讀小學的時候，就曾經光顧過一次「松記」，食過一次「松記」車仔麵。但是當時的我，始終還未能夠適應到「松記」車仔麵，車仔麵裡面很濃厚的辣汁湯底辣味，被「松記」車仔麵湯底裡面的濃厚辣味所辣麻，導致我曾經有一段時間不敢食辣味車仔麵。後來我對辣味的實際接受程度，已經隨著我個人飲食經驗不斷累積，因而開始接受到港式車仔麵湯底裡面的偏濃辣味。當然，如果有車仔麵食店提供偏甜的牛腩腩汁湯底的話，我可是會讓腩汁湯底取而代之。不過，不知道是否因為我已經很久未光顧過「松記」的關係，所以一時間忘記「松記」實際上的營業時間，結果到我想再次光顧「松記」，偏偏「松記」剛剛到了七點多而已，已經接近快要打烊休息的時間。幸好我還趕得及在「松記」車仔麵關門休息之前，享用到「松記」裡面的車仔麵，結果我還未完全了解「松記」現在的收費，就立刻選擇麵底跟餸菜食品了。於是我選擇了我平日會食的傳統版本「車仔麵」，粗麵麵底加「牛腩」、「牛筋」、「雞翼」還有「蘿蔔」，「松記」店員很快就已經收了我，足足港幣五十六元的總價錢。

食物普通， 湯底又無特別，沙爹汁都好普通， 又唔夠味， 但價錢又唔係平， 算偏高，同好幾年前比， 沒有進步， 反宜退步。其實己經有好多地方的車仔麵好食過佢...所以去到西貢都唔會再揀食呢間車仔麵

【西貢松記車仔麵】『新界篇-西貢區』難得假日天氣好，當然係約埋成班朋友出去遠足行下山。由於本尊及朋友是小學雞級行山人士，所以我地就揀左東壩難度分一粒星既遠足路線去挑戰。出發前當然大家要去西貢儲夠能量先去挑戰一星任務，而我地就揀左一間西貢早餐必食既 – 松記車仔麵。想當年本尊係西貢學潛水既時候都係食呢間車仔麵，朝早亦都有好多水上活動既發燒友約埋係呢間車仔麵食早餐。所以松記車仔麵可以話係大家入西貢既共同回憶。未入餐廳已經見到車仔麵既配料非常吸引，所以團友們心里面都已經有定案食車仔麵。而我地有一個團友因為琴晚唔夠訓，所以一定要食個早餐加多杯凍咖啡去精神一下。先講講個車仔麵先，我地就試左羅白、紫菜、雞翼尖、豬紅加再潮式滷肉，咁多個配料都係$55，你話係咪抵食先。重點黎啦，個湯底係正既由其係加左牛腩汁。羅白真係車仔麵必須要嗌既，因為佢會索哂D湯汁入去個羅白到，極度Juicy，其他配料都係中上既質素。成個麵既重心係個潮式滷肉到，D肉質已經淆到入哂味，咬落去仲要軟林林，味道滲哂入成個口到，真係一絕。本尊高度推薦呢舊滷肉。車仔麵就Share完啦，比較之下早餐真係好遜色。可能佢招牌主打就係車仔麵，懷疑佢

今天真的好開心，好難得大家都有空閒黎個行山大旅行，有大有細，有老有嫩，小朋友不用上補習班，不用去興趣班，齊齊放鬆一下，當然大家都會做足防禦措施，保持郊外環境衛生，行完4個鐘後雖然疲倦又肚餓，不過出完一身汗，感覺輕鬆又愉快，到達西貢市已差不多4時多，快快找個地方醫肚，見到松記車仔麵店舖尚算寛濶，容得下我們坐下，餸菜選擇都多，不過價錢不便宜，呢邊遊客多都預了，點了一個名為豬光寶氣嘅車仔麵，貪佢已包幾款餸，不用自己諗，珠光寶氣入面有豬腸，豬紅，豬腳，豬腩肉，所有鹵水都好出色，入味，夠林，雖然$62有點貴，吾包飲品，但好食最重要

行完萬宜水庫東壩，落返山就去左呢間包羅萬有車仔麵😍🕞輪後時間🕤留意返客人唔好心急搵位，要先去點餐，再搵位，服務員自自然然幫你送餐🥢推介食品🥢1️⃣ 第一碗揀咗雞翼尖蘿蔔豬紅生菜配油麵加腩汁另一碗就幼生麵紅腸冬菇！ 特別推介雞翼尖同豬紅，雞翼尖非常入味，豬紅勁爽口如果唔夠味，餐廳提供左桂林辣椒油好香，加返少少辣就係爽小食加咗炸魚皮，滷水雞翼，不過滷水汁偏鹹2️⃣ 因為跟餐飲品半價所以叫咗杯特飲，熱生薑檸檬蜂蜜飲落酸酸甜甜，去到喉嚨有少少薑味又唔會好刺激味道 😋😋😋😋賣相 👱🏻‍♀️👱🏻‍♀️👱🏻‍♀️價錢 🏦🏦🏦(5分最高）✨餐廳環境✨：餐廳座位寬敞，有個大魚缸整體好舒適🧑🏻‍🍳侍應服務🧑🏻‍🍳：服務員態度非常有善🔆總結一下🔆：食物品質高，2碗野加2個小食同埋特飲麵系$163 麵算抵食

入到去西貢，乜都想試下。見到呢間好大間嘅車仔麵又咁多人，一於去試下。湯汁相當惹味，車仔麵來說不過不失。豆卜炆煮得好稔，索湯一流！豬皮牛腩都算合格，仲有牛筋蘿蔔，整體來說都滿意。