西貢許姑娘家鄉茶粿 (已結業)

我有時落西貢，每次行經“許姑娘”，都會有唔少人幫襯，我經過都會買番1~2盒。咁多次我都必定會買“南瓜皮紅豆餡”，紅豆餡唔會太甜，個皮軟軟地又煙韌，佢地舖後面係廚房，所以做完就攞出來賣，立即食仲係暖笠笠，或者可以帶番屋企，食時再叮番熱，佢地話可以放4日。我試過放雪櫃一日，再隔水蒸番熱，個皮仲可以保持外形及一樣咁煙韌，呢個真係讚另外果個係“紫薯皮綠豆餡”，綠豆餡係有粒粒嘅，好軟好香，綠豆餡比紅豆餡甜，鐘意較甜嘅可以試下呢款，都不錯。

今日同老婆行完山，順路去西貢行下...食下...，一向鐘意食甜嘢嘅我，路經依間茶粿店，點都要試下先得嘅，本來打算食"花生芝麻餡糯米滋"，但係今日無喎，好嘢果然係手快有手慢無，無所謂啦，最後買咗第二最愛茶粿。買咗一盒"芝麻皮芝麻花生餡"，拎上手仲係熱熱地，應該新鮮整無耐，個皮煙煙靭靭口感真係一流，芝麻花生餡嘅花生粒粒好有口感之餘又有芝麻香，好好味，食完一個好想再食，可惜另一個落咗老婆手，唯有下次再買啦！

剛剛同朋友行完山，出咗西貢打算食個Lunch，路經Lee間小店，好多人係度揀，八卦一看，原來係茶粿，嘩！款式超多，又有咸嘅，又有甜嘅，雖然我唔係太愛好這類小食，怕個皮又"淋"又溶，最後，因為朋友想試，所以買咗一盒甜嘅，一人一個，佢揀咗"芝麻皮芝麻花生餡"嘅嚟試暖暖地，個皮略帶點芝麻香，我覺得再濃香一點會更好，沒想到個皮是如此"煙靭"令我很意外，而且個花生餡料一粒粒好有口感我下次一定會再幫襯，仲有個紫薯皮同南瓜皮，朋友食完話好好味，我下次要再試~

坐完船返上碼頭買小食一盒13元2大個，很抵。拿上手仍然微暖。紫薯皮令到看上去好美，但沒什麼紫薯味，皮很厚食完好飽的。個餡是綠豆粉，不但是有點鹹，我還預計是甜的，有落差。

又來許姑娘買茶粿,記得有一次來的時候,檔口在放大假,心裡真的有點失落。今天一直在下雨,人流也沒有平時的多,很容易就買到我喜愛的茶粿。 除了那款必點的菜脯餡以外,今次試了個蘿蔔絲的。以前來大都吃甜口味的,後來這幾次逐漸集中吃咸口味的,因為覺得鹹味的更有特色,其他地方也沒有它做得好。 艾草味的皮的清香,內裡是菜脯的咸鮮香;糯糯軟軟的皮,加上爽脆的菜脯口感,真的好夾,所以每次都回來吃。但驚喜的是新嘗試的蘿蔔絲味, 每條蘿蔔絲都沾滿熱熱的汁水,味道香而不膩;下次來的時候我就會面對選擇困難了。

其實仲有好多味道，眼界無限，可惜胃口有限，今次就先試3種味道 ，傳統，半傳統，零傳統的口味各一。因為姑娘每隔一段時間就會出爐，所以我買的時候仲係好辣手的。原味，五香葉，唯一的咸味茶棵，好食。半傳統的綠茶紅豆，唔太甜，有不太明顯的綠茶甘香。南瓜紅豆，一點都不傳統的傳統茶棵，口感幾特別。抵玩有趣指數：7/10性價比高，飽肚，又可以品嚐到客家傳統的味道，又可以試到受香港影響以改變的新味道。所以抵玩有趣指數有7分。

I love the Chinese name of this black thing, it is called chicken poop.Previously tried them at Tai O but the ones here are stuck together and not as cute .All I can say is that they were sweet and chewy with a grassy taste.

西貢墟自從近年大量遊客湧入，和被強國人「佔領西貢」後，即使未到星期六日公眾假期，亦不難見到大量遊客攻陷西貢，水洩不通，交通長時間嚴重擠塞的景象。大量為遊客而設的食店和手信店都應運而生，碼頭附近的海濱市集都吸引不同遊客來到西貢，沿着海旁一路走，經過海鮮街牌匾，進入市場街跟西貢海傍街，更會見到沿途有大量海鮮菜館、不同類型食肆和店舖。走到魚類批發市場對面，你會見到一檔專門售賣客家家鄉茶粿和花生糖的小店，叫許姑娘家鄉茶粿。此店永遠是吸引大量遊客注意的購物熱點，大部份遊客都會在此店購買茶粿跟花生糖回家做伴手禮。就連平日住在西貢，與「許姑娘」朝夕相見，卻甚少幫襯過的普通居民如我都會提起莫名的好奇，想試試許姑娘客家茶粿的滋味。許姑娘家鄉茶粿其實是在市場街某間房屋門前擺賣的一檔固定小販，後面的房間是否他們製造茶粿的廚房，只有他們才知道。平日許姑娘不開門做生意時，門面只剩下一片冷清，檯櫈擱在一旁無人理會。但一到許姑娘開門營業時，一眾員工各就各位，準備就緒。各款不同口味的茶粿、花生糖、魷魚絲跟龍蝦片整齊擺放好在門面櫃檯，恭候遊客光臨掃貨。到中午十二點一點左右時間，選購茶粿的遊客越來越多，人潮開始迫個水洩不

想食到新鮮地道嘅茶果喺香港 完全一啲都唔容易 朋友話我知喺西貢入面有一間賣茶果嘅地方 除左傳統茶果之外佢有另類茶果 今次我去到試咗一個綠茶皮紅豆餡茶果 一口咬落去茶果皮煙煙韌韌 十分好咬 而且有著淡淡嘅綠茶香味 清新得黎一D都唔漏 而且冇綠茶嗰種 苦澀味 紅豆餡好多皮薄餡靚紅豆餡少少甜 好味

今日難得落左三十幾日雨後的天陰陰，可以同老公到西貢一遊！每次經過此店也會賣一盒茶粿來吃，今趟買了芝麻皮花生餡品賞一下。買了以後，發覺盒內有倒汗水，應該是未完全放涼便入盒之故，影響品質！芝麻皮較硬不鬆軟，亦沒有芝麻味，餡料有芝麻、花生，較甜較滯…食一個已經很頂胃！整體來說，味道不大滿意。另外，每盒兩個都是相同味道，如我一個人食，便只可以焗食一款口味，如能自己選擇不同口味便更好！

今日放假入西貢，終於都去佐試呢一間好出名既茶粿店。每次見到都排超長龍，可能因為今日落雨，條龍短佐好多，排佐2分鐘就埋到去。茶粿既款式都幾多，有6-7款，我就揀佐斑蘭花生，同埋芝麻花生。斑蘭椰絲花生，個皮完全冇斑蘭味，但係皮都算幾"in un"，花生料好足芝麻花生 - 芝麻味都幾出，同裡面d花生好match總括而言，行過見到少人排可以試下，但係唔係好值得排咁耐。

聽話茶粿係西貢很出名，本身唔諗住特等去買既，但係行街時咁岩見到wor，唔想錯過，所以就同friend買左兩盒（四個）26蚊（兩盒一齊買冇優惠🙈），抹茶皮紅豆餡and紫薯皮綠豆餡。買既時候係「熱辣辣」既，當時食唔落，所以同friend一人一個口味諗住拎返去食。問左「許姑娘」，佢話可以擺雪櫃三日。當日夜晚我就忍唔住從雪櫃入邊攞出來念住食左佢地，微波爐中高火叮左十幾秒，就ok食得喇紅豆餡好唔錯，淡淡地綠茶味，紅豆餡很豐滿，唔係很甜，食左整個都唔會覺得很膩，唔錯綠豆餡就怪怪地既，雖然餡都很豐滿，但係好似酸酸地甜甜地既，所以我唔係好鍾意，但係都忍唔住食完啦如果要推介，我會推介綠茶皮紅豆餡，至於綠豆餡，我覺得唔係個個都鐘意既，所以買之前要考慮清楚wor哈哈食完晚餐再食完之後好後悔，因為超級飽，超級有罪惡感，何況尼d很好卡路里架！起碼300+一個，瞬間攝入左600卡路里⋯😭我要喊了

早前到西貢時，天色晴朗，微微海風在海面泛起閃閃燐光到西貢除了吃海鮮和cafe茶座，其實這裡也有很多具地道特色的小店可選擇，這個週末我們又再次來到西貢閒遊，感受遊人們的輕鬆心情、看到狗狗們跑跑跳跳的淘氣相，又或是漁夫們在小艇販賣魚穫海產的情景，都依舊吸引。逢星期六、日和公眾假期才營業的"許姑娘"，當日眼見顧客不絕行到某街口，見到五花八門賣小吃和雜貨的，有榴槤咖啡、炸蝦片、紅寶石榴等果汁、魷魚絲魚乾的海味、而這家主打賣茶粿的名為許姑娘家鄉茶粿的，橫額標名只此一家，只會在星期六日和公眾假期營業，了解到除茶粿外，她也供應魷魚絲和蝦片等小食呀。為免影響店舖做生意，筆者回家才替成品拍照長枱上放著一系列茶粿，林林總總, 兩件為一盒，每盒12元正，說平宜倒不算，但看茶粿賣相大型又晶瑩亮麗，真材實料兼希望支持一下小店，一場來到還是不會空手而回，買點"手信"吧! 見舖前眾人都好奇地湊湊熱鬧，輕摸膠盒，暖笠笠的溫感，是新鮮即蒸的喜悅!艾草皮菜脯，對我來說，味道是出奇地好 (因本身不太愛菜脯)外皮略厚，但質感煙煙韌韌且帶甜，餡料也相對地豐滿我們揀了傳統口味艾草皮菜脯、眉豆餡和番薯皮綠豆蓉，先說第一款，外皮混入

跟友人到西貢四處遊歷, 臨走時她突然想起西貢馳名的即做茶粿..茶粿? 未聽過哦~因為名字同確實地點都忘記了, 於是穿過大街小巷, 再問小店老闆娘, 幾乎想放棄之時有一群遊客站在一菜檔前"我要, 我要"的叫著. 老人家之多約有20個, 茶粿果然是60年代食物茶粿我較愛吃咸味, 可能眉豆味太普遍, 要等20分鐘先有. 左逛右逛30分鐘後折返, 原來老公預先付款買了三款口味後取, 拿到時3款都新鮮熱辣, 只是其中一款想換口味時老闆娘有點黑面. 其實何需黑面? 又不是CANCEL... 雞屎藤一盒三個. 第一次吃過雞屎藤在大澳, 而西貢的一個體積較大.連皮花生粒作點綴和記認, 咬了一口略帶苦味. 老公喜歡吃, 我只咬了僅僅的一口. 眉豆茶粿一盒兩個.體積比掌心細一點. 餡料很飽滿, 有眉豆原粒和眉豆蓉混合. 帶點咸.回到家時茶粿已涼, 兩個黏在一起拉開就爛. 皮算薄, 很好吃. 南瓜紅豆茶粿這是個CROSS OVER由南瓜皮與紅豆蓉組成, 顏色豔麗.橙色的南瓜皮沒有味道, 比眉豆的一個厚,沒有紅豆粒的餡料沒有了口感. 茶粿, 都係眉豆好!

今次已是第二次入西貢買許姑娘茶粿，上次因睇完一本飲食雜誌的介紹後，覺得好吸引，故在某星期六入西貢行一趟。許姑娘的茶粿款色多過5款，每盒都係$10/2個，當天去到茶粿店已4點，可能已晏了，所以只賣剩兩、三款茶粿，我買了南瓜紅豆及眉豆茶粿一試。橙黃色的南瓜皮包著紅豆餡，首先不要期望會食到南瓜味，但它的顏色已增加了食慾，粿皮煙靭，豆沙餡的份量亦相當足夠。之後第二次入去，又買了蘿蔔餡、綠茶紅豆及客家糯米糍。我較為鍾意蘿蔔餡，餡多，蘿蔔味濃。至於糯米糍係新鮮出爐$10/3個，內裏有磨碎了的芝麻、花生、黃糖，食落脆脆地，值得一試。有好多顧客會即買即食，食過後會再買多幾盒㖭。