許記麵家

營業中

休息中

Very  tasty , but too salty. Bad for body!

成日都好想去試，但係次次都無去到，今日終於去食啦！其實，樣樣都想食，但又唔食得幾多！所以只係叫咗最出名嘅醉雞其實，都叫咗好幾樣，但因為太餓⋯所以只影咗兩樣咋總共叫咗：牛筋河、牛筋粗、上湯菜芯、蝦子撈粗、醉雞、3枝汽水

路經大埔 又係試新野時間今次就黎試下醉雞12點幾 鋪頭已經滿晒人不過食客好多都食完就走所以都好快有位價錢算平 2x就有個粉面為食貪心既我就叫左豬什粗 加醉雞見到有豬肺 下次會再黎試野食好快就黎店員重好細 俾多隻碟盛骨豬什麵: 有齊心肚腸肝 4種內臟都無異味 同埋似用麻油醃過下 因為有d麻油味粉腸好林 心好爽最正係豬潤 起沙夠爽 醉雞: 雖然係雪雞脾 但係無雪味雞好入味 啖啖都有酒味美中不足既係唔夠凍可以試下將d酒倒埋落d面湯到甘樣成個湯都會有埋酒味

本來想去隔離食炸雞比，但路過這間店舖，比佢個醉雞比及豬什吸引左入去。舖面乾淨，坐得舒服。男老板很友善。醉雞比+麵$32，雞比不太入味，酒味不夠，生麵不錯。豬什米$29，好味，感覺很乾淨。云吞河$22，云吞較细粒，正常。腩计生菜$11，正常。有樽裝汔水，good下次想試蝦子捞面同豬頭肉

家住大埔，不過次次中午行過黎坐底都要20分鐘，但係依然甘願喺烈日當空之下行過黎食，可想而知有幾好味!每次黎到都會嗌醉雞肶米，食既時候將啲汁放入米粉啲湯到，一啲都唔浪費，令到米粉同樣有陣濃郁既酒香味!雞肶當然係主角啦，喺好多地方食醉雞啲肉超實既，不過許記啲醉雞好正，一咬就離骨，又唔會韌到痴牙!

許記麵家 $21原隻醉雞比，加個麺低$10！好多大埔友推介話呢隻比係該面家招牌，昨天專程一試一行三人，其中一人係常客（我估）屁股都未坐落低就大嗌豬雜河，醉雞比，好我跟，但可惜只能一嘗比麵，因為又犯下飲食業大錯，聽錯order 講番食物，醉雞比係冰鮮貨已預左，但醉比無酒香，無洒味，仲有小小雪味，其實醉雞是冷盤吧，暖已經係失敗了！再試鹵水豬耳，香草豬扒一般之作，但一樣還一様，湯頭充滿韮王香味！牛腩不是雪腩，鬆化，蝦子撈，朱雜新鮮出色，會再幇襯！

是日又離到大埔，朋友帶路去食呢間餐廳，佢話食過覺得醉雞好好味。我本身好鐘意醉雞，加上食粉麵嘅地方有醉雞食都幾好奇想試下。我哋三人行下午一點左右到達，雖然唔使等位，不過已經坐得8899因為座位唔多。豬潤米粉豬潤好大件，爽口又滑兼好粉，煮得啱啱好，好好味啊而個湯底望落幾清，但好夠味。鹵水豬頭肉麵朋友嗌嘅鹵水豬頭肉麵。因為未食過豬頭肉，所以試下，上枱先知原來係豬耳好大碟啊！我哋三個人都夠食！豬耳切得好薄，咬落好爽脆，味道調得幾好，唔會好鹹 齋食唔送麵都ok，落咗麻油好香。上湯生菜清清地嗌多個上湯生菜，生菜好入味兼仲係好爽脆花雕醉雞最期待嘅花雕醉雞 原來呢度嘅醉雞係醉雞脾離㗎！雞肉又厚又實，外皮仲好爽脆。酒味唔算太濃，平時唔鐘意花雕酒味嘅朋友都可以試一試窩。另外朋友仲嗌咗牛筋麵，我夾咗舊牛筋試下，係偏爽口嘅。見到餐牌有豬肺，好特別下次要再離試一試另外朋友仲話呢度嘅豬扒都好味，好期待下次再來！

許記新店，星期日下午，滿座，門外坐了七、八個客，店家笑容滿面地先替客人落單。一個人比較易有位，要了醉雞腿及豬肺米。其實對醉雞腿無甚期望，因為同區一家被傳媒大大肆報導的麵家的醉雞腿，我吃後只覺不過爾。這家的一上來就好對版，吃起來肉厚爽嫩，酒香也剛好。豬肺好乾淨，厚又爽，但湯略淡，加了醉香雞汁，非常正呢！不怕辣既朋友，不要錯過枱上既辣椒油，配豬肺好正。位置有點偏，但服務及味道都不俗呢！

滷水雞中翼，第 4 次黎終於食到雞翼喇 ﹗滷水雞中翼居然會係冷盤，估您唔到 ﹗口感同味道都勁似醉雞翼，肥嘟嘟、脹卜卜飽滿雞中翼賣相非常靚仔，顏色富光澤非常奪目。滷水味清淡而滲出少少酒味喎，咁得意既？伴碟用上醃青瓜十分有趣又特別，味濃帶麻油香，爽脆多汁。許記淪陷，已被大陸婆完全佔據 ﹗嘈喧巴閉、鬼殺咁嘈，您屋企咩 ﹗比我安安樂樂靜靜地嘆個麵唔得既 ﹗醉雞髀，馳名花雕醉雞髀，肉質結實有健身，雞皮滑一滑，雖然白雪雪雞肉有點乾鞋，但酒味芬芳不嗆不濁，清醇酒味中帶一絲香甜味道。雞髀浸得入味透切，連骨子裡都滲著酒香。一碗麵我真係怕唔夠飽呢，都係叫多隻雞髀買個保險穩陣喇。醉雞髀保持高質水準，花雕味香甜極濃，不嗆不澀，不是單純只用花雕浸，肯定有藥材及調過味的尼。雪白全熟肉質結實，沒有半點血絲，雞皮滑滑，整體滿意，潮州麵檔黎講真係做得出色，當然不能與上海舖相題並論啦。醉雞髀，人氣醉雞髀，一試難忘。雞皮滑而肉結實，浸得全水沒血絲沒血水，怕生既朋友就非常適合喇。酒香宜人溫和，不嗆不霸道，陣陣芳香帶甜味，甜到骨子裡。原隻雞髀應該更好味，有機會要試試免斬原隻上，豪氣地大啖大啖咬，一咬一扯開心到死。醉雞髀麵走蔥，

似乎大部分食客都為花彫醉鷄脾而來。我偏不要跟大隊，就要了一碗比較冷門的清潤豬肺粗麵。 我很喜歡吃豬肺，但一般食肆只供應白肺湯。白肺湯經過長時間煲煮，豬肺大都腍而無味，且多數都加有杏汁。清潤豬肺應無經過長時間煲煮，保留了豬肺的本味，甚有咬口，真真合我胃口。稍有遺憾的是，湯底是普通雲吞麵湯底，跟豬肺有點點不夾。但念及製作美味豬肺麻煩，且能提供單點豬肺的食肆真的很少很少，還是非常感激店家能以價亷物美滿足我的另類選擇。

同Yan係大埔行街順便食飯,上網見到許記的介紹,比花雕醉雞吸引左,於是就去試下了。小小的店子,不過坐得唔迫的。招牌花雕醉雞,$21,+$10配粉麵,跟餐+$6有飲品,都幾抵食呀。開餐。招牌花雕醉雞,$21,原隻雞脾,雞肉幼滑,有淡淡的酒香味,幾味呀。 鹵味豬頭肉,$20,原來就是豬耳,爽口入味,不俗呀。+$10的米粉,份量不少,湯底鮮甜,不俗呀。熱菜蜜,正常水準。花雕醉雞好味,同埋都幾抵食,店員態度親切,下次有機會再食呀。

午餐時間坐滿要等位，所以外賣自取，可能店舖小小，外賣都要等一段時間。醉雞廿蚊加$10可配粉麵，今次選了幼河粉，淡底味偏淡，最後忍不住將D醉雞汁倒埋落去，唔知係唔係花鵰夠足料，食完好似飲左酒咁頭赤。醉雞係用原隻雞腿，所以唔會鞋口。如果醉雞可以再入味D會更好。加多幾蚊可以跟餐飲，可惜老細話未有奶茶咖啡。

數月前曾於FB大埔群組得知許記麵家的醉雞很出名，很想一試，可惜原來店家只開業好幾個月，便已結業，實在可惜. 早前到附近的甜品店吃心太軟，經過翠樂街居然比我發現了許記麵家重開，實在喜出望外，心想下次回大埔一定要試試，看看食物是否如此出色!這天再一次到大埔慈山寺參觀，已經是半年內的第三次，這次是專程為了帶父親參觀才到寺廟，如果讓我再來，必定要是秋天時份，天氣涼爽才舒適呢! 不過可以再次見到白衣觀音，再參拜一下，還是令人心境平靜. 雖然我非信徒，但我對佛學實在存有很大的興趣.參觀慈山寺後，已經是下午3時多了，乘巴士到八號花園再步行到許記用餐，是我此行最期待的一環.店內空間很少，只有5張玻璃圓枱，最多只能容納廿多人，不過我們來到已經是下午4時多，店內只有2,3 位客人，寧靜舒適.我們一家可以獨佔一張圓枱，太幸運了.食物款式不多，都是一般粉麵店提供的食品. 唯一比較特別的就是推介的花雕醉雞($20) & 香草豬扒($20)，另加$10 可配粉麵. 冷熱飲品跟餐另加$6.花雕醉雞河($30)花雕醉雞是原隻雞脾送上的，河粉則分上的. 先嚐一件醉雞，雞皮爽滑，皮脂不多，連平時不吃雞皮的我，也照吃如儀.

黎左 3 次都試唔到滷水雞中翼，點會次次都賣晒架！第 1 次黃昏黎話仲未浸好，第二次同今次八點左右黎就賣晒囉。唔憤氣，我一定要食到您！花雕醉雞，雖然 menu 只係顯示醉雞，其實係提供醉雞髀來的，即時諗起碧碧好喜愛既白切醉雞湯米，不過我都未試過。上次黎幫襯無試招牌醉雞髀有點遺憾，今次專程黎再戰許記。淡淡酒香味，濃而不嗆，香而不澀，浸得夠滑，剛剛熟無過火仲帶點肉汁，好味噃，連骨都泛著酒香損到乾乾淨淨。肉質可以做得再滑一點。突然諗起鼎泰豐既醉雞、鹿鳴居既醉鴿比佢更勝一籌，許記都唔差既，食得過。滷水豬頭肉，豬頭肉？完全係豬耳樣黎喎，仲有軟骨添，大陸習慣將豬耳叫豬頭肉？還是軟骨只係豬頭近豬耳位置啫？豬頭肉切得薄薄撈上麻油，滷水芝麻香，味道滿意。完全感受到骨膠原係口中散開，軟骨脆卜卜咬得過癮。應該配上白醋味道都唔錯，整個涼拌麻辣都得喎！滷水大腸河走蔥，有別於食開既潮州粉麵，感覺好有台灣麵線風味。大腸處理得宜，乾淨無羶味。好有彈性好有咬口，而且比牛腸更爽，滷水味非常濃郁，內臟一向索汁索味都超強架啦。湯底特濃蝦籽跟大地魚味，真材實料餚裝，美味非常！河粉好棉滑啊！時間掌握得非常好，棉得黎唔會爛，夾得到

被迫返大陸廠兩日一夜，經過三個幾鐘車程終於返到大埔，咁鬼辛苦梗係即刻搵好野食啦！早排聽到朋友間推介許記，呼聲極高，我都要黎親身驗證一下。嘩，單餸湯麵仲維持係 $21 蚊，勁平呀！其他都好抵食，多謝。想試滷水雞中翼但埋晒，傳聞醉雞髀好正，下次。姐姐雖然忙住包雲吞，但都不忘跟食客們打招呼，介紹食物，侍應哥哥都熱情有禮好落力，讚！雖然舖仔細細只有三張小圓枱，不過環境光猛企理，感覺好乾淨，坐得舒服。香草豬扒，無得食雞翼，剛望到有豬扒，試左您先。炸得得好乾爽唔油膩，但略為乾左小小，未夠 juicy。口感屬鬆化微脆形，好有椒鹽豬扒或香茅豬扒影子。香草味濃，整體一般，配魚露應該較為好味，無咁乾，一試無妨。牛腩魚蛋麵走蔥，第一次唔知有咩必食招牌菜，由基本試起先啦。原來許記叫走蔥都會落韮黃架喎，韮黃我都免強頂到，但最好唔無啦。香噴噴清徹湯底，淺嚐試啖，特濃大地魚蝦籽湯底，而且純度極高，比附近既老店魚滑做得更出色！更好味！忍一忍口先，要試埋其他。清甜棉滑牛腩，軟塾又無半點渣，滷水同香料入晒味而不嗆不濁，依然能食到牛腩原始味道。白雪雪又圓又大既魚蛋，食得吓喎。爽彈型魚蛋，魚味突出，但不咸不膩，色香味比學利更