許記麵家

營業中

休息中

食完一隻名氣大實際普通嘅三多炸雞脾，向前邊行經過一間麵店，見到有花雕醉雞賣，睇一睇以為自己眼花22元？好就等我死肥仔入去試一試。小型麵店格局，望一望個餐牌，所有食物價錢都不唔算貴，基本上係平嗰隻，雖然多數食物同價錢係相比。但一於就試吓佢嘅牛腩同埋醉雞。醉雞原來係一隻醉雞脾。花雕酒嘅味道並未可以全部入晒雞入面，但係呢隻明顯雪藏雞價錢，就出奇冇雪藏味。雖然只有淡淡好輕微嘅酒香，但呢個價錢真係冇得講，牛腩麵嚟到個感覺其實真係好普通，唯一好奇係我叫嘅係清湯腩麵，但係呢個根本就係普通魚蛋檔食嘅牛腩麵一。一何來清湯？牛腩食落去並唔係煮到好霖。有口感，味道都幾好。32元有成7.8舊牛腩。真係正。老闆同服務員態度好好。好有舊時嘅人情味老店風味。其他客人都飲凍飲。係我好奇問有冇水賣。老闆好好人親自比杯水俾我，仲叫我慢慢飲唔夠可以講。一杯溫暖嘅水，加一個溫暖嘅老闆。簡單來講呢間許記，值得再去

花雕醉雞算係呢度嘅招牌菜，因為差唔多每台都有叫。而我都當然有叫花雕醉雞啦，都幾入味，而且D雞肉唔鞋。另外，雲吞麵都好好食，因為D蝦同肉分佈平衡。D麵嘅價錢又唔貴，非常抵食。

終於食到呢間既花雕醉雞🤤🤤 上次星期一特登黎大埔但佢冇開！今日睇實openrice 個營業時間再拜訪🙈🙈花雕醉雞($22)加多個面($10), 呢度既醉雞全部都係雞脾，中間一條骨，食得超級方便😛 仲要係好好味，酒味啱啱好，但啲雞係又滑又入味！😝 最緊要係佢真係性價比好高，高質既花雕醉雞😍然後服務又好~ 唔怪得咁多堂食同外賣！ 一定會再黎食🤩下次外賣又好，堂食又好，一定再食過個醉雞，太好食喇🤩🤩

許記面家是在美利大廈的傳統面家，雖然賣的都是一般粉面店有的貢丸，牛丸，雲吞，牛腩，魚蛋，魚皮等粉面配搭，以及油菜和港式餐飲，但生意感覺真的很不錯的，不是附近沒有粉面店，只是味道真的好所以才有固定熟客。

首先要講嘅就係佢嘅花雕醉雞比超級好食！ 價錢合理絕不取巧。已經是這家店這幾年的熟客，一開頭係貪方便因為這家鋪頭只係休息禮拜一，放假周末同埋公眾假期佢都開。基本嘅粉面質素都有保持。價錢合理服務好，環境清潔，作為飯堂已經非常不錯。這一間鋪頭讓我聯想起80年代同90年代嗰一種好有人情味嘅地方。試過有一次食完唔夠錢，老闆話下次先找數啦冇問題！當然我唔好意思即刻去攞錢找數啦。另外食佢嘅魚蛋牛筋米，牛筋炆得好琳，好友味道，誠意推介！

今日係大埔超級城番part time，女友黎接我收工，梗係要去食下特色野啦。女友提議去許記麵家試下醉雞，咁就一齊由大埔超級城慢慢行過去（10-15mins），地點唔算好就腳，唔近地鐵站。今次試左牛筋河同水餃河，同最出名既醉雞。1. 牛筋河牛筋尚算入味，湯底加多左腩汁都唔會太咸2. 水餃河水餃都算中規中矩3. 醉雞餐廳最出名就係醉雞，梗係要一試啦！今次試醉雞脾，醉雞唔算好重酒味，整得唔夠入味。整體黎講，各項都唔算出眾，中規中矩。

放工番到大埔其實成鬼日都唔知食乜好，咁啱朋友琴日係whatsapp group介紹呢間，就試下佢啦食物都係同普通粉麵店差唔多，但係佢有特別推介，4款都少見啲。咁就試下佢啦醉鷄係用鷄腿，啖啖肉，醃得非常入味，個醉鷄汁撈埋落米粉湯度一流特別推介既加$10就有粉麵，個湯好似冬瓜湯，飲落好清甜，唔似超重味精香草豬排炸得非常酥脆，而且啪得夠薄，好juicy，食落口感仲好似龍俐魚。香草唔知係醃埋落去定就咁灑上面，但都好夠味不過閂9點對我黎講就好似太早了。下次放假先再黎食過啦

有人說過，大埔除了最出名的群記牛腩麵之外，就數這家許記了。但是今天試了許記之後，本人表示失望。因為這個牛腩麵，麵條幼細，麵質很爽，還微微彈牙；但是這個湯味道一般，喝了有點磨牙感覺，不太濃郁或不甚有煲久的火喉。牛腩不算非常濃郁，沒有群記的優秀半肥瘦，也不太濃香。牛腩偏瘦，難免造成有點痴牙。招牌花雕雞腿，但雞腿早早製好，放在雪櫃冷凍/保溫，味道其實甚有酒香，但肉質欠滑，雞肉有點鞋身，幸好沉酒，至少不乾。店內桌腳像小時打康樂棋的檯腳，玻璃桌面，記得有家麥當勞被人責承需替落地玻璃貼上磨沙紙以防走光，確是本末倒置。難道許記使用玻璃桌，也需貼上磨沙紙到桌面嗎？

之前都有寫過食評大讚許記係我嘅毒食堂今次又係我毒自去食許記啦今日由於比平時較早到，無需係門口等位我一個人叫咗豬肺雲吞米加醉雞同埋檸七照舊先上醉雞十分驚訝點解許記每次嚟食，醉雞都可以保持咁高嘅質素每一口都有花雕酒嘅香味咬落雞肉爽口而不會嫌佢老驚為天人豬肺一向係我最愛之前講過在街吃豬肺最怕洗唔乾淨呢道嘅豬肺洗到好乾淨，白雪雪可以放心食用雲吞唔會太大粒，可以一口一粒檸七用支裝汽水，夠凍又夠汽但係美中不足係唔知點解店裡面好熱，就算開咗風扇都令人覺得熱到冇胃口希望店方可以處理下

一間唔顯眼嘅麵鋪，距離太和火車站話近唔近話遠又唔係好遠，路程10-15分鐘左右，冇華麗嘅裝修，但勝在有平民價錢，岩晒我。話明隱世醉雞，叫醉雞22蚊，加生面/米粉//河粉加10蚊，即係32蚊，凍飲加7蚊。米粉係生竹個隻，本人唔多like，所以叫河粉醉雞用雪藏雞脾，酒味唔會太勁，但都入味，大大隻好抵食再加個蠔油菜心，菜心煮得太耐，但依個價錢絕對係抵食！不能要求太多啦

之前試過星期一入大埔想去這間小店一試聞名已久既花雕醉雞，有報導推介此菜好味兼抵食，結果卻摸了門釘，原來此店逢星期一休息！於是只好擇日同老婆再來。今次來到點了花雕醉雞（單點$22），好入味之餘酒味濃郁，只係鹹左少少。牛筋米（$32）份量多又好味，米粉爽身湯底又濃而不膩，腩汁菜心好腍又甜，鹵水大腸河（$32）（抱歉忘了拍照）既鹵水汁較得好好，鹹度適中，口感亦佳，河粉亦掛到湯，呢間小店真係值得一試，我一定再翻枱的！

今日假期瞓晏咗， 點零鐘出去覓食， 想搵啲小店試下 。喺大埔中心向游泳池方向行入少少， 發現一間麵舖寫住招牌花雕醉雞， 就試下佢啦 。舖頭細細， 得五張圓枱，一張大概坐五個人。 不過食碗麵唔使好多時間 ，等咗大約五分鐘有位 。花雕醉雞係淨餸嚟嘅， 要另外加 粉麵 。原來係雞畀嚟㗎 斬開一件件方便食，好香花雕酒味， 肉質實實地但又夠滑， 唔見有血水流出。另外叫咗碗湯米 ，佢哋係用幼身米粉，好滑。 湯底夠清甜 ，有少少韭黃。 另外仲嗌咗碗清湯牛筋河， 牛筋超稔又入味， 個湯底可能滲咗牛筋味，我覺得齋湯米粉嘅湯清甜啲。仲有一碗牛肚粗麵 ，呢個較為普通，但牛肚件數比牛筋多。 呢度有樽裝汽水， 咖啡奶茶，悉隨專便

喺上水出完差都千里迢迢都要返入嚟大埔食大埔人都知道嘅花雕酒醉雞。好彩我咁岩來的時間並唔係午市，所以等位嘅人並唔多。 鋪頭菜式都好多，並唔係只有花雕雞，牛腩牛雜牛筋等等我見到好多人食，但我千里迢迢入嚟梗係食佢最出名嘅嘢啦。花雕雞可散叫，亦可加＄10配面，我揀了掛湯很好的米粉。上菜時發現原來是原隻雞脾，驚訝得我成了奧茲嘴。雞的酒味很濃，但又不會苦澀，肉質比較實，明顯是鹵了不短的時間，是真材實料。米粉的湯底也有講究，喝得出是熬了漫長時間的湯頭，配合店家自製的辣椒漿，這份簡直是我吃過最好味的花雕雞。

2017.03.19 😊‘喂？死火！你係邊呀？我係許記食完野發覺無帶銀包呀！你係邊呀，過黎幫我找數先啦’正當一個食客好焦急地打俾老婆的時候😖...而店內的食客都焦點係佢身上老闆娘卻一口話得啦 無問題啵 你晏啲先黎找數啦😉啲種老店的人情味及信任係啲個勢態炎涼的時代係難得一見 正正是小妹同大家喜歡老店的原因久聞大埔的馳名醉雞米 又平又正 街知巷聞🐔當日一看店面不是說好的老店麼？原來店舖的原址是在大埔舊墟而家所見啲間係搬遷後的新店裝修雖然變得摩登 但味道依舊不變🤗招牌花雕醉雞$22 加米粉 $10小店最為人熟悉的是醉雞脾🐓幾乎係每一位食客必叫之選 當然要試一試啦小時候家裡每逢買雞 雞腿一定係讓俾家中排名最細的食 而啲度就唔洗爭啦可以人人都食雞脾😂雞腿不算得上超級嫩滑 但口感肉質都不錯而小妹今次就加左10蚊配上米粉米粉的量俾我想像中來得多 超級飽肚推薦大家一個味之食法一湯匙的醉雞汁(花雕酒)加上一匙米粉伴埋食😈吸曬啲汁 勁正 會醉喔~鹵水豬頭肉 $22豬頭肉真係唔係個個都識欣賞小妹就大愛啲種鹵水食品朋友唔食唯有自己清曬佢😳豬頭肉俾想像中大碟口感十分爽口 可惜味道比較啖口來張大合照許記麵家 💌大

每次嚟指定動作一定係等位😂😂坐係門口等都係享受嚟嘅，可以聞下佢個湯warm up下Must 選item 醉雞豬肺米加可樂醉雞好快readyStandard一隻脾，醉雞汁唔太咸，較得啱啱好，但略嫌唔太入味同硬咗少少，但尚可接受留意圖後醉雞就快被KO豬肺米，掛住食唔記得影相已經落咗胡椒粉E🤔🤔豬肺呢？！份量其多，細個見lilo細豬肺都知係tough job許記咁好生意仍提供高質豬肺，實在難得呢道落單時聽到最多關鍵字唔係醉雞就係多湯個湯甜到不得了應該係用大地魚煲嘅，勁香，但唔會搶咗本身材料鮮味值得推薦👍🏻👍🏻👍🏻成餐飯都係49蚊，抵食都暈另加一樣值得推薦，就係唔會坐得唔舒服，就算搭枱都個留有空間令食客舒服大讚