詠藜園四川擔擔麵

營業中

休息中

放工後來到黃埔天地美食坊開餐，近來朋友經常提起上海菜，攪到我心思思，致令我特意來到這間「詠藜園四川擔擔麵」食晚飯，餐廳門口都以中國的傳統裝潢，好吸睛又來開始打下卡先。在門外看了一陣餐牌，價錢都是中規中矩。餐廳環境都好闊落，有一位較年青的男服務員真是值得提點讚揚，全晚都是他主力招呼我，包括端茶倒水、寫菜、收碟都是他，服務有效率又有耐性，真是不禁又再次讚賞他。剛剛那位熱誠的服務員推介了是日的優惠湯水，都有提點了兩次，是晚的優惠湯水是「西洋菜陳臀豬骨湯」，價錢都只是$8，雖然價錢平，但都非常足料濃郁。湯料有南北杏、西洋菜、陳臀》豬骨》甘筍、蜜棗等......抵飲又美味。我碗改良擔擔麵($45)約5分鐘已經端上來，我之前提點了選擇了小辣，介紹下普通擔擔麵是沒有豬肉碎，而我選擇的改良擔擔麵是有豬肉碎，吃起來會較惹味。肉碎中有花生粒、炸菜、蝦米等.......花生味道超濃郁，花生碎增加了脆香的口感，湯底微辣辛香，麵條煮得不會腍身，非常開胃惹味，果然是店中的招牌菜。小籠包都是即叫即蒸，等候的時間都會耐少少，楊家小湯包($38)一共有4粒，每粒都是大小均一，夾起時沒有穿皮漏湯汁，皮薄餡香，肉汁豐盈，師

由於上海鋪在路邊的已經所餘無幾, 要不大集團經營的, 要不就是只做幾款經典野(例如小籠飽之類的) , 要不學藝未精有名無實的, 這店算是老店總會有點期望, 結果是改良擔擔麵$45的沾醬香而不辣, 肉末也相當有份量, 而另一個較好印象的是春卷$35, 因為是即炸出來要等一點時間才能進食, 外皮是十足十的脆皮, 其餘的小籠包$38沒太特別, 原湯抄手(8粒) $48亦是正常, 茶位$8/位再有加一,

🍴 <詠藜園>🍽 改良擔擔面（不辣）💰48- 有普通版和改良版，改良版比普通版的多些肉碎和花生- 份量很足，感覺麵條食極都食唔完🤣- 麵條好幼同滑，但唔係話特別彈牙，不過尚可接受🧐- 湯嘅花生醬同堅果味都幾重👍🏾🍽糖醋排骨💰83- 分量幾大，適合3-4個人share- 當佢熱辣辣嘅時候，一入口就食到新鮮甜甜嘅味道，好開胃；但係凍左之後，個味道就冇咁特別，所以一定要趁熱食🔥- 肉質嫩滑，搞到我忍唔住食咗大半碟😂🍽雲腿津白💰88- 每次食詠藜園都一定會叫- 雲腿份量雖然唔係好多，但津白嘅份量就夠晒數👍🏾- 雲腿雖然幾鹹，但津白先甜而且好腍，兩樣嘢好夾🔥⚠️註：不過我覺得呢間餐廳質素參差，上次食嘅時候，唔係特別好食，但今次啲水準就唔錯😂.🌟食物質素：7.5/10🌟性價比：7/10🌟餐廳環境：7/10🌟服務態度：7/10———————————————詠藜園四川擔擔麵紅磡黃埔天地美食坊(第8期)1樓102-103及105號舖#foodiemoodie_chinese#foodiemoodie_whampoa

擔擔麪好食，湯底好濃，麪爽滑，唔會淋"啤啤"! 好似$40蚊左右，對得住價錢啦！🤩醉雞就清清地，唔算好濃，不過欣賞佢完全唔肥，肉嫩無肥膏！油麥菜好似$80左右，超大碟抵食！仲有個高高地嘅經理，三四十歲吧，服務超好！完全唔似食評講咁差服務喎！唯獨小籠包就真係唔啱口味…😕

之前食過呢間舖，係好多年前聽住蔡瀾呢個名去食之後有朋友介紹黃大仙店，第一次去食已經覺得黃大仙店好食啲今年生日飯又無端端返去比多次機會佢點知而家真係完全退步，失敗擔擔麵花生醬味太重，辣味太少，比例失衡鍋貼皮太厚太油，一啲都唔脆，肉餡太乾，全無肉汁，失敗上海炒年糕之前一直都鍾意佢蔬菜好多，但今次失敗喺醬汁實在太鹹，啲蔬菜吸哂啲咁鹹嘅醬汁，完全食唔落口仲要而家呢個價錢擺明賺遊客錢，跟本呢個水準係唔值得以後只會食黃大仙店，食返最原始嘅美味！

從前一提到大磡村就會聯想起大磡村詠黎園，該店以擔擔麵聞名， 當時年紀細未有品嚐過，今晚朋友約在紅磡會面，腦子裡就想到早年已遷到紅磡的詠黎園，於是就決定這晚去品嚐一下！楊家小湯包 $38湯包皮厚薄適中餡料鬆散可能這是楊家特色，與其他上海小湯包有不同口感，整體來說都不錯。素菜包 $32是日十五才有的素菜包，剛剛蒸起熱辣辣非常軟熟。遺憾相機沒有先食。清炒土豆絲 $63簡單一個薯仔切成絲清炒帶鹹香，爽口惹味。燻魚 $68這道菜是我每到一間上海店都必點的冷盤，這裡的燻魚醬油不太濃，沒有骨算刀功了得！👍花雕醉雞 $83醉雞未入味，欠花雕酒香，雞皮油脂厚兼不爽。馬蘭頭 $45馬蘭頭切得不夠幼細，口感粗糙沒有豆乾香。擔擔麵 $35有花生同蝦米香氣惹味，麵條就欠質感同麵香。高力豆沙 $58這個高力豆沙都算夠實在，欠鬆軟！厚到呢😅點餐紙連茶芥加一服務費 $490

晚餐冇人住，唯由近近地去附近美食坊睇下有冇咩新野食，見到擔擔面就心郁郁想食。排左幾個字隊已經有位，逼不及待即刻order擔擔面 小籠包 上海炒年糕嗰啲，但最大期望既就係擔擔麵！果然冇令我失望，正常人可能覺得偏咸，但絕對岩我口味，啲湯唔稀，仲杰杰地，加埋好旨既花生味同埋花生粒，正！未食曬啲麵就飲曬啲湯！其實野都唔錯，都夠味夠鑊氣！年糕唔太軟身，幾有口感，反而粗炒比較削同埋比較油膩，尤其底嗰啲肉碎菜碎，要過下水先食到！

星期二晚上去開紅磡，最少十年冇食詠藜園，好彩唔使排隊。兩個人叫兩麵三餸，$3佰幾埋單，份量比坊間大，但比起以前，味道差D，問阿姐D麵係咪手打，佢有D猶疑答「係呀」😂整體服務OK，價錢相宜，但味道真係⋯⋯差D。

久不久有光顧，食物質素ok，但服務向來不予置評，今次實在不吐不快。晚上入座，6:25pm下單，吃不夠1小時催付款，埋單後要求加茶，正在鄰桌執枱的侍應，直接把人家喝剩不足半壺的茶拿過來。就算廚房出色，樓面都把好印象掃去。

詠藜園好有名氣，o係黃埔做咗好多年，我星期六晚去，full house一坐低有兩碟小點放低擔擔麵（辣）：麵夠煙靭，但個湯底唔香，食到後來個麵吸多咗湯汁之後好食啲，不過質素差過新開業既時候，呢個招牌菜已經唔再好食蒜茸油麥菜：炒得唔夠耐，菜梗仲硬硬地... 仲有粒米黏住咗o係啲菜上面雞絲拉皮：即雞絲粉皮，個麻醬缺少咗芝麻香味又「粒」口，食果陣一pad pad醬糊咁東坡肉：全餐唯一我覺得好食既菜，個醬油冰糖味道洽到好處，舊肉夠肥，層皮咬落有油香，不過咁，佢炆得唔夠火候，啲豬肉唔夠冧，做唔到正宗東坡肉果種入口即溶感奇味雞煲：究竟奇味在邊呢？奇在太普通都可以上枱？又唔辣又唔香，豉油雞煲都應該好食過佢.... 啲雞又唔爆下先，爆到金黃色有少少焦先再落醬汁，個雞煲先會惹味好食囉.....總結：全部餸菜都唔好食又唔難食囉，全部煮得無heart，所以要比劣評，希望香港人對食物既味道更有要求，餐廳出呢個水準既食物，就唔好再幫襯啦.....

位於紅磡既詠黎園非常出名，出名在咩呢？就係佢個擔擔麵！難得今日Foodd 行過紅磡，當然就要去試下啦！佢既擔擔麵有兩個version，一個係Original 得花生無豬肉，另一個係貴10蚊既改良版有豬肉既。今次試左佢個original, 佢個湯底唔係好辣但唔會好似出面果d湯底咁稀。另外麵條好有咬口，加上好掛湯，再加上小小蝦米做釣味，成件事好正！另外都試左佢個小籠包，皮方面比坊間既薄左小小，好易穿。不過，湯底好濃，個肉都好正，完全搭夠左佢個缺點！

平時行過都見到呢間都好多人排隊，今日行過見冇乜人所以就入咗嚟呢度食咁我哋分別就叫咗鮮肉小籠包有個津白，同埋一個素菜炒麵，仲有碟涼瓜。小籠包幾好食入邊啲汁加埋d餡料。個素菜炒麵可能真係因為全素嘅關係味道就有啲淡。至於個青瓜呢度張相就認得唔係咁好同埋啲相就認得太少個青瓜呢都幾爽口，至於個津白我覺得就一般，呢間野勝在個價錢大眾化。

以前係老主顧，已經好多年冇嚟啦，現時，方便好多，大廈旁有地鐵站。今天偶然經過，是大概下午五時左右，沒有太多人客，於是，入去再嘗嘗舊味！當然點叫招牌菜式，擔擔面，加辣，滿有期待，送上來時，望落都對版，但成碗面都細size左，無妨吖！食落去，總是覺得味道有偏差，同以前有唔同，沒有以前的香味四溢，似缺少左d野，幸好，面依然有水準，彈牙，不過糊！再點叫，湯包，有四只，湯包餡全都是肉，一丁點菜或其他配料也沒有，而且，四大舊肉，難食呀！失望！

黎到黃埔，不得不再幫襯詠藜園，一唔辣一辣的擔擔麵，麵質軟硬程度適中，香口噗鼻，一吃下唔辣的也不膩，而且湯底內有花生粒，蔥、冬菜（不知道是不是）很爽口，記得以往擔擔麵較膩，吃完一碗已不想再試其他食物，如果你喜歡味道濃郁，辣味適合你，我不嚐辣，所以唔辣較合適，現在仿保存良好擔擔麵質素的店沒有多少間，詠藜園是其中的選擇，此外，還點了一客鍋貼，仍能保存水準，肉質味道不錯，煎至底部脆，外皮軟，不過略為細一點。

自從黃埔站開通後，方便左好多，間唔中都會來看下電影。戲院周邊到處都是食肆，任君選擇，咩種類都有。近近地，過左隔離的蔡瀾食坊睇下，見詠藜園這個時間不用排隊，就入黎食下出名既擔擔麵啦！其實之前都幫襯過，但已是幾年前的事了。見有“改良擔擔麵”，是不是改良後更加好味呢？其實食完都唔係太知同普通版分別在哪裡(笑)。好味便是啦！紅湯抄手，見出面食的多數都是紅油抄手。會唔會紅湯比紅油無咁多油呢?再叫埋一口鍋貼，已夠飽了。水準保持到，價錢都算便宜，是看電影前後醫肚既不錯選擇