詠藜園四川擔擔麵

營業中

休息中

同開飯友一齊去呢間n年冇食嘅餐廳。真係今時唔同往日。。。。點解d野差咗咁多。。我地一行4人叫咗好多野！雞絲粉皮 好正常，都幾好食。👍🏻👍🏻👍🏻賣相好似蒸魚片的豆豉白肉。ok,不錯，我食咗好多！生炒排骨。呢個係全晚最好食的！👍🏻👍🏻👍🏻👍🏻👍🏻 d汁唔會太酸，肉有汁唔乾。砂鍋雲呑雞。。。我唔知點先係好食。。。湯淡淡的，冇乜味。d雞好老，唔想食。小籠包，冇乜特別。。。唔夠多湯到戲玉了！擔擔麵！呢個唔係我認識嘅擔擔麵。。。。正常擔擔麵係有花生味，佢乜味都冇。。。好失望！印象中呢到嘅擔擔麵唔係咁架。。😔因為呢個擔擔麵，我應該以後都唔會再來了。

好友知我鐘意食小籠包&担担麵, 介紹呢間詠藜園, 佢話係老牌上海菜, 而且好多人食, 要排隊。去到真係好多人等位, 好友一早拎左飛, 等左25分鐘入去。叫左兩籠鮮肉小籠包, 兩碗担担麵(一辣一唔辣), 一個椒鹽豬手首先黎既係担担麵, 一聞之下, 同平時食開其他舖既無咁出名担担麵比較, 竟然係呢間老字號既無咁香食落果然失望, 湯底好似溝左一半以上既清湯, 無左担担麵應有既香濃, 麵條口感一般亦唔掛湯, 一個字: 差跟住黎既係椒鹽豬手, 食落都算香口, 不過食完好口渴, 好多味精最後出場係兩籠鮮肉小籠包, size比一般大隻, 但一咬, d皮厚到, 仲厚過喺超市買返黎既叮叮小籠包專程黎食既一餐, 兩人埋單食左310蚊, 唔算貴, 但老牌上海菜黎講真係唔好食, 唔明點解咁多人排隊。唔會再食喇

今天午餐，去了很久沒有去過的詠藜園，食了他們的二人午餐set , 二碗擔擔麵，沒有濃郁的花生醬味道，但是還可口，再叫了一個醬爆雞丁，太油了，另叫了一個楊家小湯包，d 皮太厚了。甜品叫了我至愛豆沙鍋餅。還可以，但是我朋友話太甜了，水準差了很多。☹️

也許，已接近十個年頭沒有到紅磡的「詠藜園」了。想當年仍在中環的置地廣場工作時，下班後，便偕太座乘坐天星小輪往紅磡碼頭去，登岸後，便徒步往當時仍稱為「蔡瀾美食坊」內的「詠藜園」吃擔擔麵，然後再吃「鼎泰豐」的小籠包。與好友晚膳，我便建議到「詠藜園」來。由於已很久沒來，我不曉得現在的「詠藜園」會否如昔日的人山人海，便早兩天訂好了位。我們亦比預訂入座的時間早了到來，走到富有濃烈中國色彩的「詠藜園」門口，竟然人影杳然，美食坊亦人流稀疏，心想，或許與迎日天雨不絕有關吧！走進「詠藜園」，在這個晚上七點的黃金晚飯時間，沒有滿座，與昔日我常來光顧的日子大相逕庭。昔日到「詠藜園」，不是吃「改良擔擔麵」，便是吃「擔擔麵」，原因就是美味，其他食品，也不是沒有品嘗，但印象確已模糊，所以，這次想吃什麼，便吃什麼好了。「擔擔麵」當然必吃了，我們選擇了吃「改良擔擔麵」，一碗辣一碗不辣，我先吃不辣的，一口吃到的，是失望，與昔日的美味迥異，先說味道，湯的味道淡然，豬肉的香味欠奉，肉碎儘管是不硬，但入口乏味，花生醬味猶如沒有，是忘了添加嗎？麵條一如往昔的幼麵條，但沒有昔日的彈性，更有點糊口，完全不是昔日味兒。我懷疑也許是不

2017.6.20 與舊同事的聚會。。來了似深圳羅湖商業城的黃埔商場用膳。。。食物不過不失。。不算有驚喜。。1) 特別是加強版擔擔麵，辣與不辣都有 order.兩者都很普通。。是我食過咁多間上海菜，最普通的。2) 砂鍋雲吞雞 (半份) ，算係最唔錯的一味。湯幾好飲。總括黎講，似係家庭餸，係屋企食咁。食物質素普普通通，不是難食。但唔會話好好食。所以都唔知講咩好。但反而成個商場都好似大陸 feel 咁。最搞笑係 e 樣。

人人都話呢間野的擔擔麵出名，今日到場一試，唔係好見有咩特別好味的點。不過呢間的小菜就令我有驚喜，值得一讚👍1. 醬爆肉: 很難得有傳統醬爆肉食，肉香且肥瘦相間，包芯菜和青椒都很甜，很美味的一道菜。2. 牛筋腩煲: 牛筋牛腩都非常軟熟，而且牛氣十足，非常開胃美味。不錯👍小菜相比名氣很大的招牌菜吸引😬

想食四川菜辣野就搵到呢間，米芝蓮推介，叫咗炒辣薯仔絲，五香牛肉炒飯，擔擔面，淆肉，辣薯仔絲辣得黎好過引，送飯送面都啱食，炒飯普通，好淡，擔擔面味道一般唔香濃，淆肉不予置評😂😂但最值得推介就係炒薯仔絲，約60蚊但味道同份量都多👍🏻👍🏻😍

星期一先食完，真係未試過食完咕嚕肉會心掛掛，今日又忍唔住去再食，真係唔明點解可以外脆內軟，食到尾有汁咁長時間都係外脆內軟。小籠包同鍋貼都好好味，汁多皮薄，但又唔會一夾就穿底爆汁。奶油津白都可以不過就奶味太重，唔接受到奶味嘅人，就唔好叫這奶津白，砂鍋津白，好正，這啲湯渣都食埋。一滴不留服務好，不過都好睇個睇場經理嘅帶領，星期一果位肥經理係門口未入座已經覺得佢服務一流，今日唔見佢，個個都好似唔係好想做咁。唯一一個食到打冷陣嘅係碟魚（椒鹽小黃魚），都係自己唔識叫，叫咗個有檸檬潔x亮味嘅煎魚較為失望。

曾經係新浦崗返工數年，都無去過詠藜園，問過好多人，都話依家嘅擔擔麵無當年咁好，所以預左今次無咩驚喜無期望，今次上去食只因落雨入廣場避雨！擔擔麵分兩種，擔擔麵係正版，另一款叫改良擔擔麵，改良版配料係用豬肉，正版係花生同菜脯，兩款都叫左唔辣，叫齊兩款比較下有咩分別。兩款湯底同麵條都一樣，湯底清甜唔會太咸，麵條嘛.... 味道一般囉，果然無驚喜！反而前菜嘅花生同咸酸菜有驚喜！花生味道好似黃金花生，咸味適中又脆口，咸酸菜唔似一般咸酸菜噤酸，淡左好多，因我唔多中意食咸酸菜，都可以食哂，岩我口味！落左炒土豆絲但漏單！另外加六蚊有特色飲品，卻超細杯！可以一野飲哂！總結係唔會再黎，原因係比詠藜園更平更好味嘅選擇不少，試過一次就夠了。

一家人食飯, 長輩想食詠藜園, 一早打去book 位, 我哋成10個人, walk in 應該要等好耐. 6點去到已經好full, 好多人喺出面等位. 佢嘅門面同裝橫好chinese, 不過D枱擺得幾迫. 我哋叫咗好多野, 主打一定有擔擔麵, 椒鹽豬手同咕嚕肉, 必叫. 我哋鐘意普通擔擔麵, 個湯調得剛好, 唔會太重D花生醬味, 又唔會太浠, 雖然冇肉, 但依舊好味. 可以揀辣度. 椒鹽豬手好脆, D肉好juicy. 咕嚕肉好薄粉, 脆口味道一流, 大碟又多肉. 其他所有菜都好好, 豆苗平時街市都唔平, 佢只係$78 一大盤. 甜品本來想叫高力豆沙, 可惜weekend 係冇嘅... 叫咗豆沙鍋餅, 係即叫即整, 都好味. 好滿足, 缺點係員工的服務真是麻麻，我們想要張order 紙睇食咩甜品, 阿姐不知為何要做出一個不屑的表情.

之前看了很多報導關於這間食肆，而且咁出名點都要來吃招牌擔擔麵。由於位於黃埔花園，食肆內有大陸客又有日本人，所以晚飯時間要等十幾分鐘，老婆就吃擔擔麵，我就試麻辣擔擔麵。老婆果碗花生味比較重，而我的麻辣味都幾香，我個人就幾鍾意。所以之後來了幾次都叫麻辣擔擔麵，而其他菜色，我覺得普通啦，外面其他食肆都吃到。

今日去黃埔行街，行到3點幾有d肚餓，人人都話詠黎園好食，於是就去試試。點左原湯水餃，感覺好似灣仔碼頭水餃。水餃煮得唔夠熱，唔太滿意。改良擔擔麵，幾特別，純粹個人唔係特別中意。土豆絲，非常好味👍 好爽的口感， 超乎想像，以後每次黎都要食一次！

自從黃埔站開通之後第二次黎食，上一次傻仔左無打電話book 枱結果等左成九個字，實在係勁多人，今次訂左枱，等左大約5分鐘就有位喇其實本身我都好鍾意食擔擔面，無奈唔食得辣，所以好多時都郤步左，不過呢間野有唔辣既擔擔面，so happy!我次次都叫改良版，其實我唔知有咩分別同normal 版，不過個湯底真係超正，濃濃既花生香配上大量花生同肉碎真係好香，個面質剛剛好，一碗兩個人分絕對唔夠喉今次叫左個咕嚕肉估唔到有驚喜，個炸粉唔係一般酒樓果種咕嚕肉，佢炸粉薄得黎勁鬆化，真係好好食另外呢個奇味雞煲都唔錯，雞好嫩同入味，連啲配菜洋蔥青椒都索晒味，加埋啲香料，個汁撈飯一流白玉葡萄（$88)有d貴，但賣相精緻，有心思，一粒粒係東瓜粒黎嫁，好入味充滿湯汁，為了影相可以試一次其餘小籠包同雞絲粉皮比較一般，唔食無損失，不過整體唔錯，為了一口擔擔面還是值得再encore

始终这里是元祖店，肯定要一试。担担面没有花生酱的浓香，就没有创办人的心意及人情味。当年因为要飽肚，所以担担面要放入大量的花生酱。一试之下有点失望。麵底是ok的。一口生煎鍋贴亦欠缺以前平底铁锅的味道。京葱牛肉就认真麻麻。牛肉靠鬆肉粉，京葱又不入味。

黃埔站地鐵開通後，朋友就提議去詠藜園吃晚飯，因太耐沒去，大家決定去試試這食府，但食物水準已不及從前的味道，青瓜絲及豆苗有苦澀的味道，招牌菜式及其他款類沒甚特別味道，只是一般，沒法令人有一種一試難忘的味道，還好尚有葱油酥餅及咕嚕肉比一般味道好些，有部份員工的服務態度沒合格，客人的要求就不作常試處理，欠缺笑容，說話語氣冷淡，枱面上的清理工作及要取食具，都是要客人提醒，才處理，因自備了蛋糕原故，員工只備碟子，沒叉子，真的要人客提示，真是令人有種愛理不理的感覺，就算有漂亮的裝潢都沒用，只要食品及員工服務質素，沒法保持最佳水準，就是食府的敗筆