詠藜園四川菜館 (已搬遷) 新店位置

好耐都冇食過上海嘢，見到呢間嘢好多人排隊，一問之下，先發覺原來好出名，每個星期六日都會好多人特登揸車過嚟🤣🤣不過好好彩，我哋唔係排咗好耐，在已經有位🥳🥳我哋叫咗個擔擔麵，佢同平時嗰啲有啲唔同，叫做改良擔擔麵，不過後尾發覺，其實主要係多咗啲肉碎，碗麵嘅辣味主要來自啲肉碎😂😂配菜簡左排骨，豬扒好厚身，點埋啲湯食嘅一流👍🏼👍🏼另外叫咗個上海小籠包，八隻都大大隻，湯汁滿瀉，配埋店舖入邊嘅荔枝醋，食幾多都唔會厭。😌😌甜品我哋仲叫左個豆沙鍋餅，即叫即整，熱辣辣，豆沙容唔會太甜，所以唔會太膩。😎😎叫咗咁多嘢食，埋單都係兩百幾蚊，其實算係幾抵😋😋總括嚟講，可以再嚟呢間舖頭🙏🏼🙏🏼

之前去過裕民千歲，嗰邊走中上檔路線，而呢間位置相對吊腳，就走傳統川菜館風味，裝修古色古香。睇餐牌，印象中兩者價錢相若。先嚟碟「話梅涼瓜」。涼瓜浸咗咁耐話梅汁，確實冇餐牌張相仲可以咁翠綠，苦瓜啲白衣清得夠乾淨，所以冇苦只剩甘味，加上滲透哂話梅汁，好食程度係想返家依樣畫葫蘆煮番味。「改良擔擔麵」同冇改良個分別比較明顯係多咗肉鬆（本質係肉碎，不過佢口感模樣都夠鬆化），麵底俾湯底浸潤住依然爽滑。「紅油抄手」始終掂唔到我心目中抄手嘅汁底，唔夠蒜，欠點甜。「雲白肉」片身比較厚，同樣唔夠蒜，反而豬肉肉味夠濃又彌補番。餐牌無可否認選擇真係夠哂豐富，會有興趣日後試埋晚市。

Ouiii。WeeeEat - 選擇超多嘅上海，四川菜 - 詠藜園四川菜館🌝Lunch雖然佢地個店名係四川菜館，但佢地嘅菜式亦都包羅萬有😍！ 想講睇佢地嘅餐牌都睇咗勁耐，樣樣野都勁想試😝！ 👱🏼‍♀️招牌擔擔麵$32佢地既擔擔面性價比幾高，雖然配料要分開叫，但面既份量亦幾多😍！ 佢地既湯底非常之入味，芝麻醬嘅味道好濃郁，又種愈食愈想食既感覺～👱🏼‍♀️醉豬手$45其中一樣餐廳推介既食品，食豬手最驚佢仲有毛毛係到🥺， 不過佢地就冇呢個問題，都清得好乾淨！ 不過個汁就偏鹹，同埋酒味唔算好重🥲👱🏼‍♀️酸辣湯鍋巴$84我自己本身好鍾意食酸辣湯😊，但第一次嘗試加埋鍋巴（即係飯焦）既配搭！開頭都驚好伏😂 但鍋巴浸咗落去個酸辣湯又出奇地好食，幾特別😳！ 不過個酸辣湯就有啲失望，酸味太重，同埋比較稀，配料亦都比較少🥲！👱🏼‍♀️炸銀絲卷$20食落有d似平時食開嘅炸饅頭，但個表面可以炸得比較鬆脆一d 😟~不過佢地真係勝在選擇好多，啱晒成大班人一齊黎食可以試多d唔同既野～

嗰日咁啱去黃大仙廟，所以就想喺附近搵吓啲有冇好食嘅餐廳。同行嘅有人就搵到一間曾經獲得米芝蓮推介嘅餐廳，所以就入咗嚟。價錢比我想像中平，我哋叫咗小籠包，擔擔面，同埋一個雜菜煲。小籠包係推介嘅美食，皮薄餡靚，暫時係我食過最好食嘅小籠包。雜菜粉絲煲就有啲平平無奇，可能因為佢冇加蒜蓉所以整體感覺唔係太夠味。餐廳有70年歷史，應該算係老字號。食物整體來講算係中上，所以大家可以一試！我見佢每日都有減價嘅菜式，大家嚟到可以望一望！

詠藜園四川菜館 🍜📍 黄大仙鳳德道15-17號地下♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎今次要介紹既， 就係 1947年已經創立既詠藜園四川菜館，因為性價比較高，而且有一番懷舊風味，所以一直都吸引好多人去幫襯💁🏻‍♀️。🌟 鎮江肴肉 $40一上枱，本身覺得個樣好奇怪😂，事關未食過。食落口又覺得幾好味喎😋， 大家不妨一試，價錢又唔貴。🌟 燻魚 $50呢個魚都幾好食😆，不過中間位會多骨左少少🤏，食既時候一定要小心， 整體都ok!🌟 涼拌海蜇 $68海蜇又係我最鐘意食既野之一😂， 呢個涼拌海蜇都算係大碟， 不過個汁唔夠濃味， 我就鐘意食重口味嘅嘢。🌟 招牌擔擔麵 $32呢碗麵唔好睇小佢🤣，招牌菜式之一。 不過味道就同我平時食開既擔擔麵差唔多，勝在價錢平。🌟 豆沙鍋餅 $46去到邊， 我都鐘意叫甜品🍮。 呢個豆沙鍋餅都算唔錯😆， 好食呀。整體推介指數：❤️❤️❤️❤️🤍♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎

對比以前, 真心差左好多...無下次喇...服務態度又唔好...出左名就變質...唉...order 既係生煎包,點知黎既係熟煎包,姐係蒸熟晒既包, 再走去少少翻煎下個包底就算,仲要無任何肉汁,超無誠意, d連鎖生煎包舖仲好食過佢好多.小籠包:皮唔薄, 肉無肉汁...無肉味添...到底d肉放左係雪櫃幾耐.不過佢算係大大粒既...但$65 8粒, 大粒係必須架啦鱔糊炒麵鱔糊無味既喂...又係長期雪藏貨...唯一可取之處係好大碟囉...

好耐冇同屋企人出去食飯喇，今日趁住假期同老公阿仔去到黃大仙嘅詠藜園食番餐，順便出街唞唞氣。本以為疫情下去餐廳食嘢嘅人唔多，誰不知今日嘅餐廳係爆嘅，我哋攞到嘅係最後一張枱。老公同我都要咗碗擔擔麵，阿仔就要咗碗川辣麵，其餘仲嗌咗一籠八個嘅小籠包，一碟鎮江肴肉同埋紅油抄手。詠藜園唔係第一次幫襯，佢哋嘅食物一向保持水準，小籠包上枱時熱辣辣，每次都要小心食佢，避免被燙到。鎮江肴肉係老公嘅至愛，逢親食上海菜必定點佢。至於我鍾意嘅紅油抄手，味道調校得啱啱好，大大粒嘅抄手食到我哋好飽。三個人食咁多嘢埋單都唔使三百蚊，真係物有所值！👍

好耐冇幫襯，今日中午前往一會，2母女點了担担麵，醉雞，上海炒粗3样食品，絕對係大路食品，担担麵-麵吾熱只是緊緊微温，冇花生碎，麵身超淋，醉雞-好肯定係㷛完湯用來做醉雞，D肉柴都咩咁，冇酒味，成碟雞瘀瘀黑黑，都吾知咩雞來的，上海炒粗-冇牙呀婆牙公都可以食，D麵一D質感都冇，淋啤啤，全碟麵均好似齋麵，一點肉及菜都冇，成餐晏一D都吾平，3样食品埋單就要近190元，絕對吾值，從此可以由餐牌中消失，絕冇下次 👎👎👎

衛生方面：一去到張枱度，枱面已經有幾粒上一手嘅肉碎係度，抹得唔乾淨，咁都算啦。一摸啲碗筷，油到已經唔想出聲，不過佢有盆比你洗，但洗完都無咩分別，都係油。食物方面：叫咗碗雞絲涼面，啲面硬到……，果面汁一啲都唔好食。之後仲叫咗一碗水餃面，碗面湯底望落好深色，諗住應該都會好濃郁，但一飲落口，好淡，好似水加咗少少豉油咁。叫咗生煎包，食落ok，正常嘅，同出面食果啲無咩分別，無話特別有特色。整體而言，諗住佢咁出名，應該好好食，但真係大跌眼鏡，應該無下次再去食嘅可能性。

秋高氣爽 ，老公約了一班中學同學行紅梅谷、沙田坳、慈雲山。由十點開始行至到兩點鐘完成。同學們已Book了 ”詠藜園四川菜館（黃大仙）”。入到去係一間老舖，地方非常狹窄，我們一行11人要分倆台。我們點了酸辣湯、小籠包、生煎包、招牌擔擔麵、炒鱔糊、美味燻魚、醉雞、豆漿和豆沙鍋餅。其實樣樣菜式都好好味，小籠包、生煎包等。酸辣湯酸辣味適終唔係太辣。我最欣賞炒鱔糊，啲鱔糊有手指甘粗。招牌擔擔麵果然名不虛傳，湯底芝麻味好濃烈，麵條好多又滑。燻魚又甜又軟。豆沙鍋餅味道同出面差唔多，但係有好多豆沙容。總結：味道好味，可以介紹朋友嚟食。

平日6點幾黎到食 已經有幾枱食客但唔駛等位😳直接入座入面既坐位比較舊式 但係都坐得舒服既😳環境就一般啦野食方面 整體係大碟 同唔差既 去相!!!😳砂鍋雲吞雞 （半隻）$150湯味比較清 奶白味比較淡但雲吞幾好好食😳皮薄雞滑度就中間 但係又唔算柴 可以試下蜜汁火方（半份） 4件 $82E個好好食 好有驚喜我好鐘意食夾皮既野食😳e個食落個皮雖然好厚 但個蜜汁火方同個脆脆 完全令到成個粉皮變得好食😚個脆脆更加令口感提升 好推薦!家鄉陳醋骨 （特價） $64餐廳每日都有特價既菜色 所以就點左黎食個陳醋好入味 肉完全唔乾仲好林 份量又好多😳送飯不錯餐廳整體既野食都不錯但係環境既衛生要扣分🙈因為去食果一日 係牆見到有🪳 可能係因為比較舊式既裝修差少少嚇親🥺

詠黎園間唔中都會黎食，貪佢多款式同埋價錢適中酥炸鳳尾魚同小籠包係必點既菜式鳳尾魚炸得好脆，而且甜甜的好岩做前菜食仲有炸銀絲卷都好正反而佢本身最拿手既擔擔面就唔推介啦，食過幾次都覺得味道一般，只係花生味重d，無咩特別

老鬼話當年又嚟啦！80~90年代自己第一同第二份工作，都係新浦崗工廠區返工，當時大磡村仍然存在.後來同D新浦崗朋友話當年，都問我同一個問題.....有無去過大磡村食擔擔麵？可惜.... 真係好可惜..... 我係無去過！可以講....係人生飲食手冊上一大遺憾！所講嘅擔擔麵，都唔洗我多講係邊間吧.....詠黎園黃埔店去過幾次，黃大仙係第一次！話當年嘅朋友都話當年嘅麵比依家更好，好可惜，我無得比較！只可以單憑眼前嘅麵去評價...極可惜.....黃埔店第一個印象係熱！冷氣嚴重不足！希望黃大仙店冷氣夠！嚴重路盲嘅師姐約我食飯，由於佢路盲情況唔輕，佢又搬咗去黃大仙，所以去D近佢屋企嘅餐廳食飯吧！其實..... 係師姐俾個機會我去詠黎園食飯.未到餐廳，遠遠已經見到門口有不少人排隊等位，好彩我已訂枱！環境冷氣不足，原因餐廳內落咗唔少膠片分格開，好彩早有準備帶定USB風扇.點咗酥炸鳳尾魚，鮮肉小籠包，脆皮春卷，生煎包，擔擔麵走辣，清炒蝦仁，砂鍋雲吞雞半隻，甜品係豆沙鍋餅。優點：1, 酥炸鳳尾魚酥脆香口，魚肉魚骨都炸到脆哂！味道帶甜，做前菜一流！2, 蟹肉小籠包停售，失望！轉叫鮮肉小籠包，無加醋一口食哂

我同朋友都好鍾意食辣 亦好鍾情傳統中國菜今日就嚟到黃大仙的詠藜星期五大約七點到嚟到門口已經有成十枱客等緊。。 等咗大概要半個鐘先有得入去店內設計係好傳統嘅中式菜館 坐得都有啲迫要同人地搭枱 我哋點左三個菜 招牌小籠包 紅油抄手同埋四川擔擔麵小籠包入邊好多汁 肉質好實淨感覺唔會太肥膩 包薄餡靚 推介推介 四川擔擔麵亦都做得好正宗 麻醬肉碎花生粒樣樣都好足料紅油抄手就相對一般少少 個皮有啲厚總括嚟講埋單$200有找 如果早啲去攞位唔使等嘅話可以成日encore👍🏾

Was supposed to eat lunch in 石門 but was captivated by the store front’s dishes and had to try their authentic Sichuan dishes. The staff was very friendly and this waiter even helped introduce what was good and popular for us as we wanted to try the best. We waited quite some time for the food, the cold dishes was out first but we wanted to eat all of them together so waited for the hot foods as well. Around 10-15 minute wait for the food, having said that, there were a lot of people. 招牌擔擔麵 (sign