誠記

營業中

休息中

早上來這裡點了這一個蕃茄牛肉通心粉配熱咖啡，熱咖啡啡味一般， 蕃茄牛肉通心粉有五塊牛肉而且亦經過醃調夠味，蕃茄量亦不算少，看湯可以肯定沒有加其他茄醬或茄膏來調色。唯同區茶餐廳早餐配埋麵包烘底加炒蛋都只是$32來說，這裡有點不化算。

成日出街都諗唔到食咩，食來食去都係d連鎖餐廳，貴得來又唔係特別好食！有時都想食返d街坊口味既野，不過縱使係咁，宜家求其叫碗粉麵都閒閒地三、四十蚊。如果想唔睇價錢就係咁點野食，可以去士美菲路熟食中心既誠記試下！耐唔時都會黎一次，但講緊可能係一年一次，其實細細個住西環已經成日幫襯，大個再來味道無變之餘，好似連價錢都停留咗係199x年咁。每次來我都會點多士，因為佢有既方包款式比其他茶檔/茶記唔同，所以例牌一來就點咗份油占提子麥多。除咗提子麥，呢度仲有粗麥。跟住就叫咗碗豬扒午餐肉加菜公仔麵，其實本身無諗住加菜，但因為覺得叫得太多肉，所以想加返d菜balance返，但又因為唔知要加幾多錢，所以都諗咗一陣，之後伙計來落單就嗱嗱淋話加埋菜，然後再叫埋熱菊蜜。原來$12既價錢，杯熱菊蜜係大杯到你真係會飲唔哂，我諗應該有星巴克grande size咁大杯！不過杯熱菊蜜就稍為甜咗少少，下次應該嗌少甜好d!跟住可怕既事情就到了，見到碗公仔麵擺到係我面前，我係唔敢相信會有兩大塊厚切午餐肉，仲要係圓形，即全塊唔係得半塊，你話宜家仲可以係邊度食到？d菜又多到好似成嚿麵咁多，真係食到我超超超級飽！到最後埋單計埋老豆

誠記係西環都一段長時間了，算為人熟悉，所以早餐時間十分繁忙~坐就唔使等，不過等人落單等左成10分鐘(起碼)...因為D人根本當睇你唔到...落左單食物好快到~火腿同通粉的份量都比快餐店的多~而且有好香的麻油味~不過對於要減肥的女士...都係算...呢度係無套餐的，全都要散叫~我等都等到一肚氣，所以費是了~快D食完走算~

誠記大大話都幫襯左幾年了，以前一向都你去開源成興的！但某日同事帶我黎試過之後就無再去了！呢間係食物同飲品分開的，這里沒有套餐，相對不飲野的朋友算是十分低食！我每次只會叫湯米的＋沙爹沙底，真係好正！（但水準不穩定的，有時D沙爹湯不太濃）

本人到誠記食午餐，由於有點餓想食飯類，而那處的大型菜牌只有麵類，所以便打開菜牌尋找飯類。在飯類見到菜牌顯示如下(部份內容)。所有飯類跟熱飲(細) $33 (大) $3X凍飲(細) $3Y (大) $3Z那便叫了豬扒餐肉炒蛋飯同埋茶走。食完後帶$40完去比錢。伙記收本人$37，當時以為自己看錯菜牌，翻查再看，並沒有看錯。所有飯類跟熱飲(細) $33 (大) $3X本人拿菜牌跟伙記研究咩原因收多左錢。伙記話:「我地冇跟餐，當叫飯後再叫野飲只係另加4元。」本人同伙記講菜牌寫所有飯類跟熱飲(細) $33。伙記話:「我地菜牌冇寫跟餐。」本人拿住菜牌同伙記講真係有，我問伙記係唔係唔識字。佢冇答我。並叫我打開果頁比佢睇。打開後，本人指住那頁那行讀比佢聽，所有飯類跟熱飲(細) $33 (大) $3X。伙記知道菜牌有寫，可能識字，之後就行開而另一個伙記B(可能係老闆娘)又問我食咩野。叫了豬扒餐肉炒蛋飯同埋茶走，並指出菜牌有寫。伙記B同本人講，本人所講嘅係正確。而本人只想指出誠記菜牌有錯，要求他們更正，唔好誤導他人。伙記B再同本人講，本人所講嘅係正確。但未有就事件道歉或退錢。當然4元唔係咩錢，只想希望誠記

聽說街巿內的食肆好平，而且種類繁多，今次食左呢間先~~~墨魚頭好大粒，但有點靭，湯底頗咸，不宜飲用蛋味香濃，分量不少西多上面個D係奶醬，食落有點甜，中間個層係淡係黃色的，我食唔出係咩黎，大家有機會試下再分享下啦～～～

一肚氣呀!!!!本身係諗住黎係食格離個間,點知冇開門,咁唯有試下呢間啦!!!點知就中招!!!!叫左個咖哩牛腩飯,好大碟,一食落口,難食到嘔d咖哩汁冇咖哩味,希到好似水咁,d牛腩帶酸味!叫呀姐換過第二d啦!!開頭呀姐都肯換的,跟住有個呀嬸行埋黎話碟飯你食過冇得換!!話係你個人口味唔岩食,唔關佢d食物問題!!!之後個呀叔走埋黎話:冇問題嫁,你唔岩食呀冇得換喎!!D服務真係不知所謂呀!你唔肯換都冇計嫁,個幾十蚊蝕比你地,我最多唔食去第二間食過姐,d野冇食過,叫佢埋單啦!成班人圍過黎望住,個呀叔食左火藥咁走過黎大聲鬧人,佢好似身人屎咁話:你地唔好放上網呀,係你地唔岩食,好一餐唔好一餐,你地冇衣食...!!!!咁既服務態度,唔接受客人意見,永遠都冇進步囉!!!仲就人地折福壽!係香港從來未試過咁既服務態度!!!一世都唔會再來!!!

7月5日, 94週月快樂~喺夜晚食週月晚餐之前, 中午食少少野先~ 因為食得多源成興, 佢地d野又超大份, 所以今日我地揀去食誠記~ 佢都係我成日食嘅地方, 因為佢地沙爹味道香濃好味~ 不過佢地誠記係無茶餐特餐叫嘅, 全部都要散嗌~::: 沙爹牛肉麵 ::: $12沙爹我覺得係超好食, 無論食咩麵咩米加沙爹都好正, 佢地真係沙爹湯底, 好濃味少少辣, 懷疑係用打邊爐嗰d湯包~ 牛肉好淋有肉味, 不過配乜都好只要有沙爹就已經好足夠~::: 冬菇雞絲米 ::: $15成碗野超大兜! 原隻冬菇炆得夠淋, 去晒澀味, 好甜~ 雞絲用上雞柳肉, 夠嫩, 食到鮮味架真係! 個湯底吸收晒冬菇同雞絲嘅精華, 好甜呀~ 配米粉又健康又美味~::: 凍檸茶 ::: $9飲品有大細之分, 我地叫咗杯細嘅. 茶味同檸檬味都ok, 不過不失~始終佢地冇餐叫就冇咁好, 散叫價錢一定唔會平得過源成興d餐, 所以佢地人流唔算多. 另外, 佢地落單仲維持住舊式大排檔咁, 唔用紙寫低, 淨係用腦記住你叫咗乜, 收錢嗰時先數枱面嘅碟去計數, 所以漏單情況都幾多, 希望佢地及早發現問題同加以改善…

我住在附近, 平常經常去這問茶餐廳。可以說是, 由小吃到大！誠記的蛋牛治焊底一定要試！是碎牛煎蛋！不是一片片牛肉的！真的好味!西多士食也是必吃食品之一！不過怕肥就別試了！因為他落了很多牛油！=P炸雞翼也不錯！

正月廿四‧雨水 有時吃東西不能令人留下印象，感覺是求求其其吃了東西就算了的，是日就是這樣子。原先想去的店子人多到插針不下，轉了來這個熟食中心卻冷清得水盡鵝飛，就來這邊坐下，純因為只有這裡是未試過的。 看餐牌，選擇不多，一時也真的下不了手，就隨便選了個煎雙蛋豬扒通粉。豬扒醃得不夠味，又薄又硬又韌，唯一的好處是老實的沒有下化學劑去招呼過。通粉是即食通，吃起來過份彈牙；湯底卻是即食麵的味精湯底，總好過求其一個滾水湯底。 埋單24蚊，吃完也沒有特別印象的一餐，應該儘量避免，個人要對自己好一點，要認真一點的選地方吃東西。