譚仔三哥米線 (富盛大廈)

營業中

休息中

對上一次食譚仔都已經係年幾2年前...當年無論服務..食物定份量都係要比劣評可想而知我咁耐無食既原因但今次去食..見佢人流唔多..而且又咁岩同男友經過..之後就叫男友去食..入到去..唔多人..果陣6點幾..未夠6點半...人唔多..仲有好多吉枱..我同男友2個人坐一張4人卡枱..坐得相當"闊落"未簡好..男友就叫左位姐姐過泥我睇都未睇..諗住叫個姐姐去招呼其他人先..(因為之前去其他分店..試過比人話未諗好唔好叫啦~)但位姐姐竟然話:唔緊要..慢慢睇... (態度勁好!!) 好啦..入返正題先...之後我叫左個炸醬米線..男友叫左腩坐米線..仲叫左個四川麻辣雞亦...唔洗5分鐘..米線到左..同我上次比較..今次米線都幾多但配菜真係過少 我果碗有6條9菜..男友果碗有4條..芽菜份量比其他分店少.但可以接受..湯底 (麻辣-中辣) 米道唔錯..米線都幾好味..最低讚係..我果份炸醬真係好多..有2/3碗有多個碗size同出面分店一樣..但份量真係好多..同男友2份食先食哂過多5~8分鐘左右..雞亦出泥..满心歡喜兼心存麻辣雞亦既念頭去食..開頭我真係以為佢比錯雞亦我 因為一d都唔辣

紅日下午茶時段唔洗等位,好快坐底落單AR姐難得快手落單, 叫左一碗腩肉雞肉5小辣,一碗竹生豆卜10小, 大土匪, 皮蛋而家元朗哩間譚仔D餸比剛剛開GE時候少左好多,所以都預左唔多餸GA LA點知黎果時D雞肉又少左好多竹生都好少米線依然好多, 大土匪&皮蛋保持質素另外, 落左單之後等左成半個中先到, 途中催左2-3次,有待改善

又回到元朗搵食的生涯，在沒有煮飯的晚上，夠近就是食肆最大的優勢。這間位於千色廣場附近的譚仔，開張已有差不多兩年時間，但這夜才是首次來幫襯。選擇來這裡，除了在千色買書後過來夠近，也是因為看到報紙上米珠蓮的介紹。其實我真的不太搞得懂三哥與非三哥的分別呢，總之據珠姐講三哥的食品較出色，而元朗店很幸運是屬三哥的。店內環境寬敞，然而食客也不少，是晚也要搭檯食飯（麵）。當晚老公太遲放，來譚仔前我先於發記吃了一整窩粥打底，是以該餐只點了一份米線，另加雞翼與飲品分享。飲品最快上檯，點的是凍檸茶，原價十多元，凡惠顧米線+$6就可享用一杯，味道正常，主要由老公享用。再等十分鐘左右，由老公拍板的豬膶腐皮酸辣米線($27)也來了。淺白色的湯底，看來並不似是酸辣貨色，但原來飲來還真有股開胃酸味，至於辣味就主要來自匙中的辣咸菜。可以想像，湯底的味道不算太濃厚，兩款食材也沒有太特別，要講腐皮比豬膶稍好，但很令人回味卻是質感煙韌很有咬口的米線，配上熱暖的湯令人一口接一口的吃；而且要提米線的份量特多，在我預先吃了粥打底的情況下，二人分吃一碗米線，都完成不了呢!當然，令人萬分期待的土匪雞翼也是未能完成的原因。多年前在深水

譚仔一向人多.. 啲侍應做唔切咁.. 就知道生意好好..本人唔食得辣.. 清湯湯底.. 美味鮮甜.. 好多餸選擇.. 喏哂鐘意食嘢嘅我.. 份量大大碗.. 好飽肚.. 土匪雞翼好好味.. 同一般嘅雞翼整法唔同..不過食飯時間唔坐得耐.. 因為太多人等..飲品就要自己叫.. 無茶嘅..服務好快.. 抵讚..

呢個TOPIC 當然是有原因,,,話說今天跟同房到元朗譚仔食,,都知道服務一向麻麻，人手不足，又錯單、漏單，最嚴重是10分鐘才來飲品，20分鐘才來食物,,自己搵位,,諗住叫野食,,,點知個呀姐話無雞肉無牛肉無豬閏無火腿無魚蛋無芽菜無韮菜無冬菇，連招牌雞翼也轉頭說賣哂,,,上菜之後碗碗都係清湯，因為沒有芽菜無韮菜，所以湯底自然也沒有，米線分量也較少,,,味道幸好沒變我跟同房笑說，應該連米線也快沒有,,,所以減少分量人手極度不足，一係漏單一係來兩碗，端出米線，卻周圍問顧客有沒有叫這碗米線,,,那麼落單入單電腦單有什麼用？沒有雞翼，卻突然取出一碟雞翼，問哪枱叫了，出現了大家爭相想要的情景XD兩個人慢慢食，看看光顧客人的表情行為,,,有的勉為其難選擇到食物，有的破口大罵便起身走了，更有的趁亂不付錢便走了‥‥‥我看，應該要好好改善一下。

想讚吓一位員工, (粉紅色膠眼鏡, 好好笑容既, 起12月18日7點當更) 星期六既譚仔, 人多唔洗講, 而我想讚既員工忙而不亂, 一入鋪已經見佢企起邊位四周望, 主動留意有無客想落ORDER, 一D都無偷懶. 而佢一見到我舉手好快已經NOTICE 到, 落單時仲滿面笑容, 語氣親和. 客人走既時候亦有叫再見. 好難得一間唔休無客既餐廳會有一位員工又盡責又好禮貌, 一定要讚.

今日食咗雲耳酸辣米線，雲耳好爽好味，真係好似海蜇。今日既米線好似唔同咗咁，不知怎說只知真係唔同了～比較彈牙了hahahahha 食晒配菜同雲耳食埋d面之後,仲剩下大半碗湯，仲想叫多碗haha

我都覺得質素差左好多。。。。幫襯左好內啦。。。連我最中意ge酸辣湯底都變得唔酸啦。變曬味啦。。。失望中。。。唔知道系米換左師傅呢。。。哩間也都幾抵食。希望不要關門大吉咯。。。

經常黎譚仔吃米線, 但唔知係咪分店開多左,只求賺錢, 質素一直下降.次次黎吃, D 芽菜都唔靚, 唔吃得, 過份, 上次吃都同個侍應投訴過架啦, 一直都冇改善,終於忍唔到手, 拍低佢地O既罪證, 希望佢地改善下啦.

聽講好正所以試下﹐個湯底唔錯(本人試既係糊辣湯底+紅薯紛)﹐比起好多地方個湯底真係無甘hea。紅薯粉好似比起其他地方無甘彈牙﹐好易就咬得斷。但配料唔算多選擇係有D不足。個土匪雞翼認真正﹐推介﹗﹗

星期六晚落開去元朗~就梗係唔少得去食譚仔啦!!之前都黎食過~我地九點半左右到~今次我被迫之下, 食了雞肉清湯~老公就食了過橋米線套餐(酸辣)~但過了十分鐘, 碗粉仲未到~可能肚餓既關係~更加炆~我見當日人數並不多~不明這麼大間的舖頭~出餐會咁慢碗粉終於到了!!大大碗~味道跟其他分店一樣~過橋米線多了雪菜~辣辣地~唔錯wo~夾了老公d酸菜~好鍾意酸菜, 夠晒酸!!好醒胃~得閒會再黎食喔!!

今日朋友請食飯,為左唔想朋友駛咁多錢,一於揀譚仔啦!譚仔的確係一個好抵食既地方,而且食物質素都算有保證今次嗌左個牛丸米線,係第一次咁嗌,估唔到份量都係咁大,自問女仔中都算大胃既我,竟然食到剩返2/7碗麵已經開始有點食唔落,最後食完成碗真係捧住個肚喇個土匪雞翼真係信心保證,枱枱都嗌其實平時食既係四十幾蚊咩餸都有果個米線既,果個真係好抵食,有次我啦,mammy啦,姑姐3個女仔食,都係食唔晒唯獨toilet唔太乾淨,而且冇紙巾

譚仔全香港都叫十分出名啦不過先生咁大個仔都未試過=.=”今日一於試一試先啦。由於仲有下場 兩個人只係叫左一碗”牛肉豆卜米線” 10小辣。等左一陣就有得食囉哈哈先生見到講左句, 咁大碗o既先生食完第一啖o既反應居然係 : “噢, 好食過橫綱。”.< 笑左> 其實真係幾好食 26蚊有2個餸又大大碗咁都幾好啦”同出面一d 米線鋪比起上黎都幾好呢, 起碼個湯底好飲先啦!見好多食評都話服務態度不太好不過,都唔算差啦..兩個人食一碗都冇俾人白眼 哈哈=P

今日同家姐去左元朗間譚仔食野..之前都食過幾次架啦...雖然佢地D WAITER態度認真麻麻..不過來到都係為左佢D米線...^^食左雞肉酸辣米線..成日都想叫多一樣餸..但係佢地既米線真係太大碗啦..同埋除左雞肉好似冇咩好食...今次仲叫埋土匪雞翼..正果然佢地都冇令我失望...好味好味..呢間既水準同旺角個間差唔多...值得去後話..元朗同旺角既分店態度愈來愈差...真係好勞氣..但為左米線冇辦法

第一次食已經唔記得幾時,第一次可能耐無食辣,所以個次叫特辣真係差d頂唔順！其後愛上左就成日約fd出去食,每次必定叫腩肉特辣,可能食得耐,e家覺得唔算太辣！好鐘意呢道d腩肉,薄薄地,肥瘦差唔多,好正！配菜ge腐竹都好鐘意,可能因為吸收左d湯ge精華,而且又好薄,入口個下真係無得頂！不過我覺得d米線真係太多啦,我最多都係食到一半,搞到我成日覺得好晒野-0-野就好食啦-0-不過d服務真係頂唔到！如果係平日無咩人個時就唔叫都到,係多人個時就叫極都唔應！記得有一次,同d同學補完課去食,個時坐滿人,張檯無人汁,叫左幾次汁檯同抹檯,佢地應完話等一等,轉個頭又無左件事,個下真係好火囉！又有一次同我呀媽去食,個時都唔算多人,我地坐低左,見到張檯都無味乾淨,咁岩有個呀姐抹緊一張無人坐ge檯,我呀媽就叫人黎抹啦,佢竟然當聽唔到囉！之後我呀媽就發火,話佢地有人個d又唔抹,無人個d就咁得閒係道抹！結論:雖然服務有時真係勁差,但係我都幾鐘意食呢間野,不過我一定唔會係多人ge時間去架啦一定！