譚仔三哥米線 (西洋菜南街)

營業中

休息中

譚仔三哥平時食開5-10小辣，但家下天氣咁熱又冇乜胃口，呢個時勢食辣又驚喉嚨痛 好易病，坐低苦惱一陣 要咩湯底好，呀姐好熱情咁推介食蕃茄湯底，話巧足料，巧巧食，試下～咁我就信佢啦，飲第一啖湯，嘩！正呀！冇乜湯精味，唔係加茄膏，係足蕃茄，湯底真係有蕃茄！唔咸，唔過份甜，蕃茄湯配竹笙、豆卜，啲汁浸哂入去，正到爆，去譚仔點可以唔叫土匪雞翼 呢個組合絕配！譚仔呀姐矛介紹錯！ 蕃茄湯底，巧巧食!我愛譚仔呀姐！我愛蕃茄湯底！

譚仔三哥一向都係港人最愛米線店，知道譚仔三哥出左新菜式又點可以錯過近日天氣開始轉熱，三哥推出夏日限定產品酸辣撈薯粉($39)我首日(26號)就馬上去三哥試試，基本上今日來既客人大部分都叫左「酸辣撈薯粉」酸辣撈薯粉 ($39)四重爽脆配料抱括有: 雲耳、豬耳、青瓜絲同薄脆酸辣汁係三哥特調，三哥酸醬汁已經預設辣度為5小辣 ，當然食得辣既朋友仔都可以增加辣度將四款配料撈埋一起食，額外清新爽脆獨家酸辣汁味道令人開胃，酸辣適中 夠晒又香又麻 愈食愈惹味 薯粉口感煙靭爽口，而且都幾掛汁 撈埋獨家酸辣汁 可以享受到「香、麻、辛、辣」鹹檸梳打($10)譚仔三哥仲可以加$10有「鹹檸梳打」或「蜜桃乳酸」這兩款冰涼特飲選擇我選擇了鹹檸梳打因為食完重口味既野食，叫杯鹹檸梳打就岩晒啦 可以解辣味，而且清新鹹檸，再加原粒脆梅可以消暑解渴總結:譚仔三哥有個貼心位 叫「酸辣撈薯粉」會備有一次性圍身給客人，客人就唔怕醬汁四濺食物:「酸辣撈薯粉」有驚喜夠晒惹味，天氣開始轉熱，唔想食熱辣辣湯米線，這個「酸辣撈薯粉」就岩晒你

譚仔必試蕃茄味湯底，最鍾意就係食關於蕃茄嘅食物。一嚟到已經見到紅紅嘅番茄湯，果然食落蕃茄味都好濃，仲可以食到一嚿嚿嘅蕃茄肉，值得一試。另外仲叫咗蒜味好濃嘅蒜泥白肉，一啖蒜泥白肉一啖米粉，中和返個蒜泥白肉個鹹味。另外麻辣豬扒都非常好食，豬扒唔韌，果皮仲好酥脆，值得一試。

有時拍拖想食平啲，三哥一定係不二之選。兩個人，一人一碗米線加兩款小食同飲品都只係百零蚊，簡直就係「便宜的快樂」🥰 雖然味精重、唔健康，但間唔中食下真係好滿足。😋個人認為三哥啲米線質感就算唔同分店都唔會好似譚仔咁參差，而湯底小編一向都鐘情於麻辣，不過今次主角唔係米線，所以唔多介紹了。.《🥩 爆辣小豬件 －$23 》經細火慢烤，外表帶焦脆，內裡肉質軟腍，不過食得三哥就唔好考究係咪落咗好多鬆肉粉了。🤣🤣 豬扒上面鋪滿乾辣椒碎同孜然粉，好似食緊串燒咁。固定3小辣的辣度🔥，又唔會去到爆辣程度🥵，惹味香口，啱曬無辣不歡嘅朋友仔。😏🌟 推薦度：🌕🌕🌕🌕🌑.《🍹 三哥賓治 －$10》一直好好奇，雜果賓治中加入辣味會係點。以為會好奇怪，點知飲落又唔差喎，就係雜果賓治嘅味道🍹，然後辣味會飲完後慢慢湧現🌶️。雖然固定5小辣，但其實只係微微辣味，唔會搶喉。呢杯飲品加配價只係$10，同普通飲品都係差$1，值得一試。🥳🌟 推薦度：🌕🌕🌕🌕🌘

夜晚去試新野「花膠雞美線」，香濃雞湯底，配以精選滑嫩雞件👍🏻花膠就好少😂不過湯底好香，但有啲咸，不過整體都可以接受。今次試新野都無中伏既，都值得一試👍🏻

譚仔三哥米線（旺角店）📍.好多香港人都鐘意食譚仔 而E.L都係佢地既擁躉🙆🏻‍♀️個人就比較鐘意食三哥多過譚仔特別係佢地既番茄湯底茄味極濃 好好食😋.🍜過橋米線（$56+$3轉番茄湯底）蕃茄味濃而且香甜🍅湯底係食到一舊舊既番茄肉架一大碗可以分配到四至五小碗出黎都幾足料架🥩🥬正常食量既朋友食完都ok夠既👌🏻.加$19仲有口水汁豬脷👅唔會太辣 岩啲食唔到好辣既朋友💁🏻‍♀️.人均消費：$37美味指數：😋😋😋😋😋😋😋（7.5/10）抵食指數：💰💰💰💰💰💰💰 💰（8.5/10）打卡指數：📷📷📷📷📷📷📷（6.5/10）.店名：譚仔三哥米線 (旺角)地址：旺角西洋菜南街101號1至2樓

好耐冇食過依間嘅米線，我最鍾意就係佢嘅酸辣湯底，因為夠開胃，最近食返依間嘅米線，配料就要左雞肉，配料嘅份量我都覺得足夠嘅，不過米線嘅份量可以多番啲啲，不過依度嘅服務態度不嬲都係咁樣所以冇咩可以講，上餐既速度都快嘅，唔駛等好耐就已經有得食！

In order to write a comprehensive review, my review is divided into two major parts: food and services  FoodTaste: The taste is surprisingly good. I ordered the spicy-rice noodle with pork at a minimal "spicy-level". I like that although it is not too spicy but it still retained its favor.  Quantity: The standard meal is not enough for me to feel fed.Attractiveness: Alright Price: Reasonable  ServicesTable service: some table service. The waitress leads the customer to the seats, took the order

宜家呢個時候既lunchtime，就算係旺角既譚仔都係每枱得一兩個人。平時連一位都要等位，大把人等外賣。不過街上面比起兩個星期前反而多番d人，可能大家驚驚下又開始鬆懈。冇得work from home都冇計，搵枱最少人既枱，拿拿林坐低食完就撇。雖然黎食米線，我通常都係想食清淡少少，不過今日想食濃味少少既湯味，所以叫左個胡辣湯。呢個湯比起雞肉，好似配豬肉片會岩味d。加多個東菇吸吸湯，同埋炸醬當小食，就岩岩好好。米線跟炸醬，炸醬份量會隨叫送既種類加多而變少。今次叫左三送，個炸醬睇落好似比平時多，唔知係我錯覺定咩。不過炸醬有冇多到都好，44蚊三送胡辣湯米線，點都係抵食。

平時食開麻辣 今次第一次食蕃茄湯底～ 🍅 蕃茄味好濃 酸酸甜甜咁 中間仲有一大舊蕃茄呢～ 我加咗小辣 個辣味都唔會蓋過蕃茄味 酸酸甜甜加上辣真係幾好食～ 米線亦都好彈牙👍🏻

次次肚餓又諗唔到食咩，去譚仔三哥食實冇死🙈🙈雖然成日都食三哥，但都冇的起心肝寫食評，呢次就等我介紹下三哥新出嘅小食同飲品😆-番茄湯米線加兩款餸🍅本身都好鍾意食蕃茄，三哥嘅番茄湯用鮮茄煮，個湯好濃番茄味，可以揀辣度而且酸酸甜甜超開胃🙈我就揀開生菜同雞肉兩款餸，好味又健康🙌🏻另外食開素嘅仲有得揀番茄素湯，冇任何肉類成份，啱曬食素嘅人🌟-口水三素見佢只係$12，咁抵點可以唔試下👍🏻佢係用三哥嘅特色口水汁撈埋豆卜，雲耳同鮮冬菇絲，口水汁好惹味，辣嘅程度係五小辣，同蕃茄湯米線好夾，因為番茄湯清清地都想加返d辣辣地香口d嘅配菜去送米線🍜❤️仲不含肉類，食素嘅朋友一定要試吓！-白薄荷雙檸梳打食到辣辣地就嗌杯野飲解下辣🤣試下呢個新飲品先～檸檬同青檸加入冰凍有氣梳打，仲有清新薄荷，薄荷味道比較重同埋好清新，飲完好解辣好爽，原價15蚊，加配只係10蚊🌟

今日去朋友舖頭，我就提早叫他去譚仔三哥買外賣，今次二人叫了五小辣米線加雞翼五隻飲凍檸檬茶小甜和一人份麻辣青瓜，價錢一百一十元，但我來到之後再等，最後由下單到到手就差不多要二十五分鐘勁耐有失望，回到舖頭打開，每款都有盒裝好晒，怪不得要幾元外賣費用，米線倒入湯等一陣就可食，湯底五小辣都夠辣而餸都幾多，不過肉醬就比較少，餸的質素都保持到，青瓜切得太細而且份量好少，十多元有點貴，雞翼都幾香，夠大隻。飲品凍檸檬茶的檸檬仲是青色，沒有檸檬味而茶味比較少。

💁🏻‍♀️ 譚仔三哥米線 (深水埗) 🍴-三哥忠粉又來試新野啦～～有驚喜唔錯唔錯口水三素 （$12）三素包雲耳、冬菇、豆卜，麻辣味滿分💯辣度似五小講辣，每一塊素菜都沾滿麻辣汁，但因為係素菜，所以食多幾舊都唔怕有罪惡感，過吓口癮一流蕃茄米線🍜魚腐+竹笙怕辣/怕重口味人士必叫蕃茄湯底，由新鮮蕃茄熬成，啖啖足料，再加埋三哥煮得軟硬適中嘅米線，同埋吸滿湯汁嘅竹笙同魚腐，真係每一次食都冇令我失望。葡萄🍇烏龍茶 （$10）另一新推出嘅小清新飲品～葡萄味出但唔係藥水/死甜，飲完口入面有啖啖烏龍茶味，高質！/📍 譚仔三哥米線 (深水埗)#深水埗 福榮街107號地下#小丸子搵食記 #小丸子深水埗-

喺香港分開咗兩間譚仔一間係三哥一間唔係三哥基本上兩間我都經常食不過我就覺得三哥嘅麻辣比較好食因為佢嗰隻麻辣唔係死辣我覺得比較有層次的而且佢嘅土匪雞翼亦都好好食啊

其實食過好多次三哥, 不過第一次寫佢既食評。旺角呢間三哥, 因為裝修緊, 所以要行兩層樓梯先上到去, 係有少少唔方便, 希望快D整好啦。之前食三哥如果想要蕃茄湯底就要等到特定時間先有, 宜家唔洗啦! 好開心! 我點左蕃茄湯底加酸菜同埋魚蛋, 10小辣。上菜速度幾快, 等左10分鐘內就有得食。酸菜魚蛋米線配蕃茄湯底 ($40)蕃茄湯底好濃, 中間仲有一pat蕃茄, 真材實料! 米線爽口, 配菜份量適中, 魚蛋有3粒 (如果可以多D魚蛋就好了, 因為好彈牙)。另外因為我唔係好食得辣, 所以點左10小辣, 加埋酸菜一齊食, 酸酸甜甜又有少少辣, 對我黎講岩岩好!跟餐加 $9叫左一杯凍檸茶少冰, 其實就仲係好多冰… 我就中意飲甜D既凍檸茶, 所以無走甜, 篤完檸檬就岩岩好! 無食三哥一排, 原來已經走左塑, 飲管轉左做紙飲管, 好支持呢個做法!