譚仔三哥米線 (西洋菜南街)

營業中

休息中

今日經開旺角，又去食我最愛的譚仔我次次都食大辣，出身汗真係好爽皮今次我係炸醬腩肉大辣，真係好正好好食!!!! 我鍾意佢好多腐皮芽菜同場加映土匪雞翼，呢餐晏真係好滿足

這間分店有兩層，不需要煩惱沒座位的問題!! 價錢比以前的加價了$2-3 唯一不變的地方還是米線很足料，亦附送有芽菜、韭菜、腐皮等配料！ 雖然湯底比以前「味精」左一點，喝完好快會口乾 每次去到譚仔我必會點他的"酸辣雞肉米線" 酸得黎好開胃 帶少少辣，令其他配料更容易吸收湯底，超讚 雞肉厚薄適中，而且無咩肥肉，份量也很多!! 真的只需選一種配料配米線就很夠 不是你這碗米線定會食唔完 (自己也是胃口比較大的人) 價錢加了價也是$21左右 完全真的是物有所值!! 就算是繁忙時候，可能座位要等一等才有， 只是如果屯門有開分店就好了，方便這區的市民亦能夠享受到此米線的魔力 (我都係屯門人 ww 譚仔的米線真的會食到上隱，不信定必要試試

琴晚出左旺角報團, 攪掂之後當然係去醫肚啦~咁o岩有 2 個朋友仔又出左旺角行街...join!!佢地提意去食 "譚仔"天時暑熱, 咦....點解好似無咩冷氣咁既 = =!算......唔理, 食左先~坐低就諗都唔使諗, 一於 order 我最 like 既 <<酸辣粉>>!!!然後仲 order 左個 <<尖椒皮蛋>>!!!等左 5 分鐘左右, 有得食嚕 lol之前第 1 次食 3 哥既<<酸辣粉>>同<<尖椒皮蛋>>係響尖東果間分店, 真係一試難忘架~所以今次再食, 就好期待!! 點知..............................薯粉完全無味, 真係...湯底還湯底, 薯粉還薯粉, 完全合唔埋 尖椒皮蛋一 D 都唔辣, 皮蛋唔係透明果種, 只係用左好普通既黑色皮蛋 今次響旺角呢間食, 真係超超超失望...點解同尖東分店個食味同用料都差咁遠!?至於朋友仔既米線, 亦都同<<酸辣粉>>同一命運...就係...湯底

一向食開5小辣的我, 今日忽然想挑戰一下4小辣。來到譚仔, 直上二樓, 人流還不算太多, 幾張台尚有多個空位。墨丸4小辣全走, 一向都食開全走, 因為我太挑食了, 平常吃米線都不喜歡配菜的.第一次食4小辣, 真的比5小辣辣得多, 但令人感動的是它麻中帶辣, 一邊吃一邊感到嘴唇發麻, 但並沒有去到沒有感覺得程度墨丸今次有點"筋"還是什麼的, 每粒都總有些東西咬不下, 而且吃完會痴牙.土匪雞翼(小), 充滿黑芝麻的皮真的很好吃!!! 肉很嫩滑! 只是有點太貴了, 16完才3隻, 所以不是每之都會點.另外, 男友點了墨丸炸醬清湯, 他一貫點的, 當然他也是很滿意吧!環境方面, 一如其他譚仔, 多是大圓桌, 要跟很多不同的人搭台. 而且亦會有新人加入, 所以不停要坐逼一點, 才可加新的座位.服務方面, 職員不算很有禮貌, 沒有微笑, 沒有歡迎光臨, 沒有拜拜, 但落單等都正常... 這頓午餐真的很滿足, 既好吃又飽肚呢!!!下次我會再吃4小辣的

喺愚人節既中午，心裡忽然間想食譚仔。雖則譚仔有好多好多既分店，但有啲係三哥，而有啲就唔係。食過n次，都知三哥既會較非三哥既譚仔好食。咁啱要出MK，所以就黎呢度解決個午餐啦。喺呢度食米線，始終係麻辣湯底最吸引到我。因為我鍾意個湯辣得黎又有種令舌頭麻痹既過隱，因為呢種感覺似乎係三哥既譚仔先搵到。試過喺非三哥既譚仔食一樣既湯底，係得種死辣既感覺，絕對係痛不欲生。因為得個辣字，就唔係麻辣啦。配料方面，都係食開雞肉同腩肉，呢兩種係最大路既選擇。三哥既腩肉係肥瘦均勻既，而且無種韌既hard feeling。反而食過得瘦肉既腩肉，唔通呢啲係腩肉走腩，得番舊肉。><而雞肉就比較嫩滑，容易入口既。雖然非三哥既雞肉同呢度無乜分別，不過啲餸既份量就比較少，無咁抵食。三哥既米線會比較好食，硬度適中。我試過食啲好稔既米線，個感覺真係好難受。 ><整體上，我覺得米線、湯底同配料，都係三哥好食啲。食完個噴火既米線，唔小得杯凍奶茶解辣既。唔係賣花讚花香，呢度既凍奶茶算係數一數二中好飲。之前聽人講，話呢度既凍奶茶係用豆奶沖既。所以有呢種特別既味道，可能係呢種第二道飲唔到既味道，令我愛上左

屋企人返晒大陸自己一條友所以去佐食三哥其實食個好多次你話d料係唔係真係好食呢個係其次小妹食野最緊要夠辣無論食拉面、粉我一定要落7味粉同辣椒醬坦白說，如要說彈牙我個人覺得好面綫彈d但三哥個湯底真係好正

本來諗住食一壽司, 但太夜去排隊喇!!預計都排唔到我地,於是轉移陣地,行到黎譚仔三哥lee度嘆辣辣米線~~我地差唔多10點半先去到,但D阿姐都好好招呼我地,仲俾我地坐樓上,好正!!基於太肚餓的關係, 每人叫一碗米線之餘, 再encore個土匪雞翼~ 我地叫左雞肉米線(3小辣)同墨丸米線(小辣)一試個湯底,確實比譚仔香濃好多,但lee隻濃度已經好夠, 上次去灣仔分店試糊辣湯底, 我反而覺得濃得滯...可能我食唔慣~米線好彈牙, 浸極都唔會變得太淋~墨丸都好彈牙, 仲要有6粒食, 好滿足!!!最後來個土匪雞翼, 實在太香太正喇!!!香料好有風味, 同埋D肉好嫩, 等15mins都抵等~真係第2度都食唔到lee種風味的雞翼..人家臨近打烊我地先黎到(11pm收鋪), 但D阿姐都冇趕我地走, 仲俾我地慢慢食, 抵讚!!不過就要早D收錢, 人家要埋數, 明白!!

又來譚仔幫襯啦！由於是晚飯時間，人很多，合理地等了大約十五分鐘～今天叫得比較多～除了每次必點的套餐，還要了尖椒皮蛋和土匪雞翼～尖椒皮蛋！不吃皮蛋的我也覺得好吃！沒有平時皮蛋的化學怪味，醬汁看起來很紅很辣但入口只覺香而不辣～一流！推介！米線套餐一貫地大份，糊辣湯底很香很濃～每次一上桌都忍不住要先喝幾口才開動～好味啊！飲品要了話梅柚子東東，話梅味的濃淡次次幫襯也不同，有點不太統一，酸酸甜甜蠻討好的～第一次叫土匪雞翼，說真的，有點失望，可能是期望太高了吧？有點淡，不夠入味，香料是很香但雞翼中間不夠味也是不行的啊～整體來說物有所值～最後，想給些意見：１）洗手間在二樓，對老人家不便。２）環境迫大家都習慣了，但可否不再要求已經在吃東西的客人搬去別的位置以容納其他人？這樣真的好煩！而且很不尊重人！營商是求利潤我們也明白，但這樣的待客之道很趕客！

座無虛席! 等左一陣先有位.叫左有:套餐 - 勁大碗 加了酸辣, 足料泡製, 比較特出的有牛丸, 墨魚丸, 腩肉, 其他味道一般, 豬潤質感硬, 扣分!!!! 幸好! 米線夠彈牙! 加分!!!蒜泥白肉 - 香蒜撲鼻, 唔太辣, 很香, 但食完可以keep住18個鐘都有蒜味響口內....不過係好食....算~米線 - size 細小小. 不過都好大碗. 腩肉份量都好多下. 有誠意!!!<<< 仲有好多抵食既小食>>>賣單都係8十幾蚊. 仲要食到好飽<<<兩個人其實可以叫一碗米線, 跟住叫2,3個小食都唔錯架~~>>>

刚来香港不久，听朋友讲谭仔的米线味道超级好。很有好奇心，去尝试了一次。。吃完果然米线溜滑，汤底清甜。。很不错的味道。。只是不知道为什么这个汤底好纯一点油花都没有。他介绍经过很多道的过滤程序。但是真的能过滤这样干净。一点油花都没有。最近大陆一直在报道不用猪骨熬出来的猪骨汤，香味浓郁，一点油都没有。所以在这打个大问号，谭仔的汤是怎么做的？用什么做的？希望有内行人解答

晚上10點幾去...估唔到都好多人..地下堂食FULL哂..叫外賣豬肉牛丸米線.小辣..外賣..米線分開+2蚊返到屋企..過左成45分鐘..都係中熱..冒煙米線勁多....不能一時放哂去D湯到會滿瀉分D分D咁放米線..不過壓得太實D米線..-.-好難分開..結果整斷哂豬肉-冇味..幾鞋口牛丸之前係間唔係三哥到食..好彈牙..好入味結果E間..牛丸好普通又唔彈牙..有D失望湯底好濃..比起唔係三哥既較濃..而且冇咁咸之前見D人話好辣..所以只叫小辣點知...........根本就同出間既小辣一樣..冇所傳的特別辣所以下次都係叫中辣較好麻唔多..辣唔夠..

1個人去旺角shopping, 肚餓走左去譚仔食米線, 以前去開尖沙咀食既, 今次可以試下旺角依間, 首先叫左碗墨丸酸辣米線, 湯既味道保持水準, 我次次都食酸辣既, 覺得佢地既酸辣最好食, 而墨丸亦好食同埋好彈牙, 米線份量都夠多, 最後一定要叫埋土匪雞翼, 因為佢地既土匪雞翼真係超正及超好食, 冇一間可以做到佢地咁好食, 個d味道真係好香口及入味, 再加埋黑芝麻, 真你好好食, 下次一定會再幫襯!

近排黎呢間食已經發覺~個酸辣湯唔同左, 好似冇咁好味! 唔知係咪有d人過左去旺角果間呢???今日d 米線仲要好"林"... 下面d呀姐叫我地(3個人)上樓上, 上到去, d呀姐又話我地冇拎飛, 後面有2個人叫4個位(都係冇拎飛)~個店長103, 係咁叫我地去拎飛...又唔畀位我地~! 到有位(圓檯), 佢畀左後面果4個人~ 我地3個等左勁耐~仲要話我地企係到阻住... 到坐低左, 仲畀我聽到個staff 111 同另外一個呀姐講我地幾個好麻煩! 話我地好話個店長唔畀位我地...真係好嬲!! 食譚仔, 等位一向唔係一個好大問題~一向都知多人! 如果係4人卡位, 我仲可以接受!! 而且, 我唔明點解可以係我地面前講我地是非lo... 真係好嬲! 可能果到d人覺得已經唔怕冇客, 所以佢地咁做!! 不過由今日開始我地已經唔會再去呢間...

第一次食雲南米線：爽呀！如果唔係朋友想食，我都無咁快認識到譚仔。多謝你呀，Jasmine！ 餐廳好熱鬧，尤其是中午...要等一段時間先有位坐。如果想Share嘢，譚仔套餐就最啱啦，夠大份呀嗎。 好似我噉，有選擇恐懼症嘅朋友們，叫嗰乜都有嘅餐就唔使諗咁多啦。幾好嫁，有齊18種材料！總有樣嘢係啱食啩。套餐：清湯底，好鮮甜，好清。米線又爽又滑。真好食！如果啲肉片可以無咁熟噉就更加好。皮蛋：辣辣地，唔錯。不過都係鍾意皮蛋煲瘦肉粥多啲。 食米線變fans？原來係一咬鍾情。諗起都會笑。

昨晚九點半一個人悶悶哋周街揾嘢食,行過譚仔雲南米線見到咁多人咪走入去試吓坐低睇餐牌都係嗰啲嘢,咪叫咗個過橋米線酸辣湯底(40元)加土匪雞翼碗嘢一嚟到料好多好大碗,試啖湯,酸到呀媽都唔認得,其它都OK嘅,雞翼都係–般