譚仔三哥米線

營業中

休息中

次次去都好多人，今個禮拜第二次啦，真係唔使諗ge一個好好choice!米線大大碗，價錢算係咁。 Extrememly filling.炸醬味道幾好，唔錯。今次介紹係尖椒皮蛋，正到無聲出！13蚊算係咁啦！

向來去開銅鑼灣譚仔 , 今次改試灣仔三哥進入店內 , 即時有位姐姐安排座位 , 睇完餐牌叫番一向食開的清湯墨丸及清湯豬膶米線 , 等左五分鐘就有得食一試之下覺得湯較濃味較咸 , 米線就可能因煮的時間而有所分别 , 墨丸及豬膶就無咩唔同另外亦叫咗土匪雞翼 , 一樣熱辣辣及香口好味 食材方面應該無咩分别 , 但個人反而較為喜歡湯味較清啖的譚仔

之前舊公司附近有譚仔，一直都好鍾意lunch去食，佢味道好之餘，最緊要係大件夾抵食! o岩o西我呢o的大胃王 不過，自從轉左工，新公司附近無譚仔就無咩機會再去食，之不過，近日睇新聞發現原來佢攞左米芝蓮，所以上個禮拜六特登去灣仔再食番。舊時最常叫嘅係酸辣湯米線，亦都係我嘅至愛，不過，今次見到有新野- 煳辣湯底，做緊Promo，唔駛加錢，所以就叫黎試下，o個湯o的味濃得黎又唔會太咸，襯埋我最鍾意食嘅腩肉，一個字 "正"! 個米線就保持一貫水準，煙煙韌韌，夠咬口。最後當然唔少得土匪雞翼啦，食完真係夠o西飽 ^^估唔到用三四十蚊就食到米芝蓮餐廳，抵呀!不過，最慘係我新公司(上環)附近無分店!!!! 要食的話，最近都要去灣仔，強烈要求譚仔快o的開番間係上環!!!

去完長洲, 心郁郁想食譚仔, 就由中環搭叮叮過左泥食當時係下午4點幾, 難得少人, 平均每張檯只係坐左一個人, 快快趣趣走入去食~叫左一個煳辣雞肉, 煳辣都算係新出既, 不過都新左半年有多啦....家下仲係係promotion period, 唔駛比錢就可以轉煳辣~不過唔知佢個優惠期幾時過, 過左要加3蚊轉湯底因為少人, 米線好快就到, 已經唔係第一次食煳辣, 不過香味依然令人食指大動! 湯底依然夠熱, 米線依然夠多, 腐皮依然索湯~! 一個字: 正唔覺唔覺食左成8個字, 基本上頭果半個鐘D湯都好夠熱, 但係之後就唔太夠了, 算係唯一挑剔既地方啦.....阿姐服務態度幾好, 滿意

今日同朋友去走去三哥到食lunch，點了個酸辣腩肉米線。上菜後先飲一口湯，就覺得一味死酸。之後再把湯匙的辣酸菜拌勻再食，只有好輕微的辣，酸辣一d都唔balance，酸味搶到盡。腩肉就中中等等，但比酸搶左都唔覺好食。之前是YL食過的酸辣腩肉米線同今次唔同，個次的米線口味就好balance。希望下次去食可以keep一貫的水準啦

某位朋友係譚仔的大粉絲, 所以次次見到佢, 佢都會叫我試下, 唔會成日剩係食南記好啦, 今日終於試一試, 因為住得近, 所以我就買外賣番屋企食因為聽朋友講, 一碗的份量已經好多, 所以就同阿媽SHARE, 亦都係呢個原因, 所以就唔叫咁辣, 叫左個麻辣小2配料就叫了4款: 韭菜, 豆卜, 腩肉, 豬潤, 成為HKD38 (因為要加埋外賣1元, 分短1元)<<評語>>先飲啖湯底, 好夠味, 不過小2 既辣對我來講唔夠過癮, 但係味道真係唔錯, 唔好俾佢白白地既外表欺騙幾款既配料都幾好味, 特別係豆卜, 因為好吸湯味下次要試下小4既辣 =)

譚仔的雲南米線一向馳名,食開深水埗一向不錯,是日因工作到了灣仔,見到譚仔招牌,當然不作他選,叫左一個豬膶酸辣米線,一心開懷大嚼,點知一飲個湯就出事,同平時食開唔同,淡又唔算淡,酸辣又未至於酸辣,成碗米線既味較錯晒,食左2啖已經唔想再食,點解深水埗同灣仔會有咁大分別? 希望佢地可以改善下la

星期六晚同好BUDDY係老銅行完街之後就找食，原來佢次次都會食個間。其實我第一次去過佐敦個面食，覺得好普通，但又唔係平過人，不過俾第二次機會佢!!我地兩個都選左兩餸米，BUDDY就要左魚蛋﹑雞肉同3級酸辣湯，而我就要左雞肉同腐皮，我地再加多左個土匪雞~嘩!真係好大碗，勁多米線，不過覺得雞肉太細粒，腐皮就OK 咁啦!土匪雞就唔錯，第一次食，幾入味~~我地兩個食到超飽，每個人40幾，好經濟~~

今晚同honey食飯~佢好耐無去過譚仔嘞~一於去譚仔食酸辣米線la我最愛係木耳豬潤酸辣米線, 我honey最愛係炸醬墨魚丸麻辣米線..但因為墨魚賣晒..結果食咗貢丸米線木耳豬潤酸辣米線 酸辣湯好飲,酸酸地又辣辣地喎~ 但豬潤過硬,可能煮得太熟啦, 木耳就超少丫..以往有好多木耳架,但今次得好少囉...縮水丫...炸醬貢丸麻辣米線麻辣一向不是我favour, 我男友就超like...貢丸一般咋, 但肉醬依然好味

不枉我係修頓行過去個位置都唔係幾方便~不過店面就唔錯又唔太逼如常叫左腩肉同木耳 小辣好食啦~不過呢度個杯凍OT比出面貴2杯~要6蚊杯~不過水準OK~ 係香港地段要啦~

尖沙咀的它早幾年試過，吃完大棘後面目全非，老婆見到都唔認得！這曰乘小巴經過，就當它早餐吧！先來一碗中棘加豆卜牛肉；豆卜外刑長身，顏色較淺，感覺不太油膩。牛肉有根又少少攝牙。喜歡它的湯頭夠熱，芽菜多而少油，整碗米線份量相信兩個OL share都夠飽。見餐牌有款尖椒皮旦只限堂食，吃罷只覺一般，而當我想將剩低的三份二拿走，亞姐話SORRY。真的只限堂食不能帶走！咁硬！？

愛吃譚仔...因為被人帶壞了~記得以前返學讀書有位同學仔好鍾意食譚仔每當有長長lunch hour的日子, 他就會拉大隊去食而我就是其中一位跟隊的開初吃時覺得佢冇咩話特別好食但食多幾次之後覺得佢d辣真係食得你幾過癮自此就和譚仔結下不解緣自從譚仔分左2家之後, 真係高下立見我多數都係食譚仔(三哥)三哥d湯底真係清甜d, 而且配料亦較為合我心水要了一個金菇木耳小辣+ 生菜(全走)愛吃因為我愛吃辣木耳爽口, 米線底唔淋生菜唔好見佢得半球, 其實食極都食唔完~譚仔越來越貴…而配料份量又少左……即是變相加double…吃少了…

想試呢間雲南米線好耐喇~~ 終於有機會!入去個陣好多人, D 侍應都唔係幾理會你, 要自己找位~~ 個餐牌有D凌亂, 第一次黎食都要睇左一陣先明白點叫係幾多錢~~ 叫左個豬肉牛肉酸辣米線~ 碗米線好快就黎喇~ 見D湯係奶白色, 好似清雞湯咁既色, 忍唔住問下佢呢碗就係酸辣? 佢話係啊~ 食左一啖, 真係酸辣喎! 估佢唔到~~ 因為平時食開都會有D紅色辣油係面架嘛~~米線上面蓋住左好多芽菜, 仲有豆卜~~ 肉就唔係好多~ 牛肉明顯D, 因為大塊D~ D豬肉好碎, 沉哂底~~ 食落去唔係太辣, 酸亦都O岩O岩好~~ 不過真係幾大碗~~ 好惹味~~ 下次再去試埋D雞翼先~~

等左咁耐，終於香港都有喇~母親大人唔鍾意過海今次可以同佢試下個蒜泥白肉同埋土匪雞翼喇~好鍾意佢既蒜泥白肉，因為蒜泥較得岩岩好比較又香又有生蒜刺激舌頭既感覺~土匪雞翼都係首選，又香小茴香味仲新鮮熱既~來多個過橋米線，超大份，個肉醬好好味，甜甜地又唔辣~母親大人係咁話個白肉好易整，我都知，不過佢好味在個蒜泥比例者~聞到隔離既麻辣好香，下次試下~

今晚做完FACIAL 同朋友揾嘢食因為我好想食譚仔, 所以提議朋友陪我食呀我吔叫咗一個過橋米線套餐但阿姐己經話無咗生菜同豆卜 我同佢有無得加番其他材料, .... 佢話無喎唉~ 點做生意架, 無咗又唔加番比人仲要咁串雖然好食啫, 但態度勁差囉, 三哥你吔做生意既手法係咁架?咁樣點可以得到客人既歡心呢?希望你能改善一下啦~